Author: sreejithakvijayan

ഡബ്ലിൻ: നൈട്രസ് ഓക്‌സൈഡും പിടിച്ചെടുത്ത സിഗരറ്റും മദ്യവും ശേഖരിക്കാനും നശിപ്പിക്കാനും ഐറിഷ് സർക്കാർ ചിലവിട്ടത് വൻതുക. കഴിഞ്ഞ വർഷം ഏകദേശം 2.7 മില്യൺ യൂറോയാണ് ഇതിനായി ചിലവിട്ടത്. ലാഫിംഗ് ഗ്യാസുകൾ കൈകാര്യം ചെയ്യുന്നതിനാണ് മൊത്തം തുകയുടെ 90 ശതമാനവും ചിലവിട്ടിരിക്കുന്നത്. പിടിച്ചെടുത്ത നൈട്രസ് ഓക്‌സൈഡ് സംഭരിക്കാൻ 4,27,000 യൂറോയാണ് സർക്കാർ ചിലവിട്ടത്. ഇത് നശിപ്പിക്കാൻ 2.05 മില്യൺ യൂറോ കൂടി ചിലവഴിച്ചു. പുകയില, സിഗരറ്റ്, മറ്റ് വസ്തുക്കൾ എന്നിവ നശിപ്പിക്കാൻ ഏകദേശം 95,000 യൂറോ ചിലവായി. മദ്യം നശിപ്പിക്കാൻ 1,13,000 യൂറോയാണ് ചിലവഴിച്ചത്.

ഡബ്ലിൻ: അയർലൻഡിൽ എൻഡോമെട്രിയോസിസ് പരിചരണത്തിനായി കാത്തിരിക്കുന്നത് ആയിരത്തിലധികം സ്ത്രീകൾ. എച്ച്എസ്ഇയുടെ കണക്കുകൾ പ്രകാരം 1045 സ്ത്രീകളാണ് പരിചരണങ്ങൾക്കായി കാത്തിരിക്കുന്നത്. അഞ്ച് ആശുപത്രികളിൽ പരിചരണം തേടേണ്ടവരുടെ കണക്കുകളാണ് ഇത്. കഴിഞ്ഞ വർഷം സെപ്തംബർവരെ 896 സ്ത്രീകൾ ആയിരുന്നു വെയിറ്റിംഗ് ലിസ്റ്റിൽ ഉണ്ടായിരുന്നത്. എന്നാൽ മൂന്ന് മാസം കൊണ്ട് ഇതിൽ 200 ലധികം പേരുടെ വർധനവ് ഉണ്ടായി. റൗട്ടണ്ട ആശുപത്രിയിലാണ് ഏറ്റവും കൂടുതൽ പേർ എൻഡോമെട്രിയോസിസ് ചികിത്സയ്ക്കായി കാത്തിരിക്കുന്നത്. 352 പേർ. ഇതിൽ 107 സ്ത്രീകൾ ഒരുവർഷത്തിലധികമായി കാത്തിരിക്കുന്നു. താല യൂണിവേഴ്‌സിറ്റി ആശുപത്രിയിൽ 342 പേരും കോർക്ക് യൂണിവേഴ്‌സിറ്റി ആശുപത്രിയിൽ 213 പേരുമാണ് വെയിറ്റിംഗ് ലിസ്റ്റിൽ ഉള്ളത്.

ഫെർമനാഗ്: കൗണ്ടി ഫെർമനാഗിൽ യുവതിയുടെ മൃതദേഹം കണ്ടെടുത്തു. സംഭവത്തിൽ പോലീസ് കൊലപാതകത്തിന് കേസ് എടുത്ത് അന്വേഷണം ആരംഭിച്ചു. എന്നിസ്‌കില്ലെനിലെ കോർബ അവന്യൂവിൽ ആയിരുന്നു സംഭവം. 20 വയസ്സുള്ള യുവതിയെ ആണ് മരിച്ച നിലയിൽ കണ്ടെത്തിയത്. സംഭവത്തിൽ 45 വയസ്സുകാരനെ പോലീസ് ഇന്നലെ അറസ്റ്റ് ചെയ്തിരുന്നു. ഇയാളെ വിശദമായി ചോദ്യം ചെയ്തുവരികയാണ്. ഇയാൾക്കെതിരെ കൊലക്കുറ്റം ഉൾപ്പെടെയുള്ള വകുപ്പുകൾ ചുമത്തിയിട്ടുണ്ട്. സംഭവത്തെക്കുറിച്ച് എന്തെങ്കിലും വിവരം അറിയുന്നവർ എത്രയും വേഗം പോലീസുമായി ബന്ധപ്പെടണമെന്നാണ് നിർദ്ദേശം.

അഹമ്മദാബാദ്: ടി20 ലോകകപ്പിൽ മൂന്നാം തവണയും കിരീടത്തിൽ മുത്തമിട്ട് ഇന്ത്യ. അഹമ്മദാബാദിലെ നരേന്ദ്ര മോദി സ്‌റ്റേഡിയത്തിൽ നടന്ന ഫൈനലിൽ ന്യൂസിലൻഡിനെ തറപറ്റിച്ചു. മലയാളി താരം സഞ്ജു സാംസണിന്റെ മികച്ച പ്രകടനാണ് ഇന്ത്യയെ മൂന്നാമതും ലോകപ്പ് കിരീടം എത്തിപ്പിടിക്കാൻ തുണച്ചത്. 96 റൺസിന് ആയിരുന്നു ന്യൂസിലൻഡിന്റെ പരാജയം. ടോസ് നഷ്ടപ്പെട്ട് ബാറ്റിംഗിനിറങ്ങിയ ഇന്ത്യ 20 ഓവറിൽ 255 റൺസ് സ്വന്തമാക്കി. 20 ഓവർ പൂർത്തിയാകുമ്പോൾ 5 വിക്കറ്റുകൾ മാത്രമായിരുന്നു ഇന്ത്യയുടെ നഷ്ടം. മറുപടി ബാറ്റിംഗിന് ഇറങ്ങിയ ന്യൂസിലൻഡിന് ഇന്ത്യയുടെ ബൗളിംഗ് നിരയെ മറികടക്കാൻ കഴിഞ്ഞില്ല.19 ഓവറിൽ 159 എന്ന സ്കോറിൽ ന്യൂസിലൻഡിനെ ഇന്ത്യ ഒതുക്കി നാലോവറിൽ വെറും 15 റൺസ് മാത്രം വഴങ്ങി 4 വിക്കറ്റ് വീഴ്ത്തിയ ജസ്പ്രീത് ബൂമ്രയാണ് ന്യൂസിലൻഡിനെ തകർത്തത്. അക്ഷർ പട്ടേലിനും 3 വിക്കറ്റ് ലഭിച്ചു. 46 പന്തിൽ 89 റൺസ് നേടിയ സഞ്ജു സാംസൺ ആയിരുന്നു ടീമിനെ കൂറ്റൻ സ്‌കോറിലേക്ക് നയിച്ചത്. സഞ്ജുവിന് കൂട്ടായി അർധ സെഞ്ച്വുറി തികച്ച്…

ലിമെറിക്ക്: ലിമെറിക്കിൽ വാഹനം ഇടിച്ച് കാൽനട യാത്രികന് പരിക്ക്. സാരമായി പരിക്കേറ്റ 40 കാരനെ ആശുപത്രിയിൽ പ്രവേശിപ്പിച്ചു. ഇന്നലെ രാത്രി ഏഴ് മണിയോടെയായിരുന്നു സംഭവം. അപകടം സംബന്ധിച്ച് പോലീസ് അന്വേഷണം ആരംഭിച്ചു. ലിറ്റിൽ ജെറാൾഡ് ഗ്രിഫിൻ സ്ട്രീറ്റിൽ ആയിരുന്നു സംഭവം. നടന്ന് പോകുകയായിരുന്ന 40 കാരനെ വാഹനം ഇടിച്ച് തെറിപ്പിക്കുകയായിരുന്നു. സാരമായി പരിക്കേറ്റയാളെ പോലീസാണ് ആശുപത്രിയിൽ എത്തിച്ചത്. സംഭവത്തിന് പിന്നാലെ പ്രദേശം പോലീസ് അടച്ചു. സംഭവത്തെക്കുറിച്ച് എന്തെങ്കിലും വിവരം അറിയുന്നവർ എത്രയും വേഗം ബന്ധപ്പെടണമെന്നാണ് പോലീസ് നിർദ്ദേശം.

വെസ്റ്റ്മീത്ത്: കൗണ്ടി വെസ്റ്റ്മീത്തിലെ പള്ളികളിൽ ഉണ്ടായ തീപിടിത്തത്തിൽ അന്വേഷണം തുടർന്ന് പോലീസ്. കിൽബ്ബെഗ്ഗാൻ, കാസിൽടൗൺ ജിയോഗെഗൻ എന്നീ പള്ളികളിൽ ആയിരുന്നു സംഭവം. വെള്ളിയാഴ്ച ആയിരുന്നു ഇരു പള്ളികളിലും തീപടർന്നത്. പുലർച്ചെ നാല് മണിയോടെയായിരുന്നു സംഭവം. തീപിടിത്തത്തിൽ ഇരു പള്ളികളുടെയും വാതിലുകൾക്ക് സാരമായ കേടുപാടുകൾ ഉണ്ടായി.

ഡബ്ലിൻ: ആരാധകർക്കായി മനസ് തുറന്ന് ഐറിഷ് നടി ജെസി ബക്ലി. ആർടിഇയുടെ റേഡിയോ പരിപാടിയിൽ സംസാരിക്കുകയായിരുന്നു ബക്ലി. തനിക്ക് ഡിപ്രഷനും, ഈറ്റിംഗ് ഡിയോഡറും ഉണ്ടായിരുന്നതായി നടി വെളിപ്പെടുത്തി. 36 കാരിയായ ബക്ലിയെ തേടി അടുത്തിടെ നിരവധി പുരസ്‌കാരങ്ങൾ എത്തിയിരുന്നു. തനിക്ക് ഈറ്റിംഗ് ഡിസോഡർ ഉണ്ടായിരുന്നു. ഒരുപാട് സമയം എടുത്തു ഇത് മാറാൻ. ഒരുപാട് സഹായങ്ങൾ തനിക്ക് ആവശ്യമായി വന്നു. ഡിപ്രഷൻ എന്ന ഭയാനകമായ അവസ്ഥയിലൂടെയും താൻ കടന്ന് പോയിട്ടുണ്ട്. എനിക്ക് എങ്ങനെ ജീവിക്കണമെന്ന് അറിയില്ലായിരുന്നു. ഇഷ്ടപ്പെട്ട രീതിയിൽ ജീവിക്കുക ബുദ്ധിമുട്ട് ആയിരുന്നു. പക്ഷെ അതിൽ ഖേദമില്ല. ഇപ്പോൾ നമ്മുടെ ദുർബലതകളെ തിരിച്ചറിയാനും അതിനെ രൂപാന്തരപ്പെടുത്താനും തനിക്ക് കഴിഞ്ഞുവെന്നാണ് കരുതുന്നത് എന്നും ബക്ലി കൂട്ടിച്ചേർത്തു.

ഫെർമനാഗ്: കൗണ്ടി ഫെർമനാഗിൽ ഉണ്ടായ മരണവുമായി ബന്ധപ്പെട്ട്  ഒരാൾ അറസ്റ്റിൽ. ഇയാളെക്കുറിച്ചുള്ള വിവരങ്ങൾ പോലീസ് പുറത്തുവിട്ടിട്ടില്ല. സംഭവത്തിൽ ഊർജ്ജിത അന്വേഷണം ആരംഭിച്ചുവെന്നാണ് പോലീസ് വ്യക്തമാക്കുന്നത്. എന്നിസ്‌കില്ലെനിലെ കോർബൻ അവന്യൂവിൽ നടന്ന സംഭവത്തിലാണ് അറസ്‌റ്റെന്ന് പിഎസ്എൻഐ അറിയിച്ചു. പോലീസ് കസ്റ്റഡിയിലുള്ളയാളെ വിശദമായി ചോദ്യം ചെയ്തുവരികയാണ്.

പോർട്ട് ലീഷ്: വിവിധ വിഷയങ്ങളിൽ സർക്കാരിനെ രൂക്ഷമായി വിമർശിച്ച് അന്റു നേതാവ് പീദർ തോബിൻ. പോർട്ട് ലീഷിൽആർഡ് ഫീസിൽ സംസാരിക്കുന്നതിനിടെ ആയിരുന്നു അദ്ദേഹത്തിന്റെ പ്രതികരണം. വരാനിരിക്കുന്ന ഉപതിരഞ്ഞെടുപ്പിൽ മത്സരിക്കുന്ന സ്ഥാനാർത്ഥികളെയും അദ്ദേഹം പ്രഖ്യാപിച്ചു. ഗാൽവേ വെസ്റ്റ്, ഡബ്ലിൻ സെൻട്രൽ എന്നീ മണ്ഡലങ്ങളിലാണ് ഉപതിരഞ്ഞെടുപ്പ്. ഇതിൽ ഗാൽവേ വെസ്റ്റിൽ സ്ഥാനാർത്ഥിയായി ഓർല ന്യൂജെന്റും ഡബ്ലിനിൽ സെൻട്രലിൽ ഇയാൻ നോയൽ സ്മിത്തുമാകും മത്സരിക്കുക.

ഡബ്ലിൻ: വേൾഡ് മലയാളി കൗൺസിൽ അയർലൻഡ് പ്രൊവിൻസിന് പുതിയ നേതൃത്വം. ഷൈബു ജോസഫിനെ പ്രസിഡന്റായി തിരഞ്ഞെടുത്തു. റോയി പേരയിലാണ് ചെയർമാർ. വാർഷിക പൊതുയോഗത്തിൽ ആയിരുന്നു ഭാരവാഹികളെ തിരഞ്ഞെടുത്തത്. പ്രസിഡന്റ് ദീപു ശ്രീധറിന്റെ അധ്യക്ഷതയിൽ ആയിരുന്നു യോഗം. 2026- 27 വർഷത്തെ മെമ്പർഷിപ് വിതരണം 2026 മാർച്ച് 15 ന് ആരംഭിക്കുമെന്ന് ഭാരവാഹികൾ അറിയിച്ചു. 2026-27 വർഷത്തേയ്ക്കുള്ള ഭാരവാഹികൾ പ്രസിഡന്റ് : ഷൈബു ജോസഫ് ചെയർമാൻ : റോയി പേരയിൽ ജനറൽ സെക്രട്ടറി : ജോർജ് പുറപ്പന്താനം. ട്രഷറർ: സിറിൽ തെങ്ങുംപള്ളിൽ. പി ആർ ഒ : ബിജു വൈക്കം. വൈസ് ചെയർപേഴ്‌സൻ: ജീജ ജോയി ഡെൽന എബി ലീന ജയൻ രഞ്ജന മാത്യു വൈസ് പ്രസിഡണ്ട് : മാത്യൂസ് കുര്യാക്കോസ് ജൂഡി ബിനു. രാജി ഡൊമിനിക്. അസോസിയേറ്റ് സെക്രട്ടറി :സുനിൽ വർക്കി, നാവൻ. ആർട്‌സ് സെക്രട്ടറി:സജീവ് തോമസ് യൂത്ത് സെക്രട്ടറി: പ്രിൻസ് വിലങ്ങുപാറ, മുള്ളിങ്കാർ. സ്‌പോർട്‌സ് സെക്രട്ടറി: ജോർജ്കുട്ടി പുന്നമട, വാട്ടർഫോർഡ്.…