Author: Anu Nair

ന്യൂഡൽഹി : കനത്ത മഴയിൽ ഡൽഹിയിൽ മതിൽ ഇടിഞ്ഞ് വീണ് എട്ട് മരണം . തെക്കുകിഴക്കൻ ഡൽഹിയിലെ ജയ്ത്പൂർ പോലീസ് സ്റ്റേഷൻ പ്രദേശത്താണ് സംഭവം . 100 അടി നീളമുള്ള മതിലാണ് ഇടിഞ്ഞുവീണത് . അവശിഷ്ടങ്ങൾക്കടിയിൽ നിന്ന് 8 പേരെ രക്ഷപ്പെടുത്തി എയിംസ് ട്രോമ സെന്ററിലും സഫ്ദർജംഗ് ആശുപത്രിയിലും പ്രവേശിപ്പിച്ചെങ്കിലും ചികിത്സയ്ക്കിടെ 7 പേർ മരണപ്പെടുകയായിരുന്നു. ഡൽഹി പോലീസ്, ഫയർ ബ്രിഗേഡ്, എൻഡിആർഎഫ് ടീമുകൾ എന്നിവർ സ്ഥലത്ത് എത്തിയിട്ടുണ്ട്. അവശിഷ്ടങ്ങൾക്കിടയിൽ കുടുങ്ങിക്കിടക്കുന്നവർക്കായി തിരച്ചിൽ നടത്തുന്നുണ്ട്. മരിച്ചവരിൽ മൂന്ന് പുരുഷന്മാരും രണ്ട് സ്ത്രീകളും രണ്ട് പെൺകുട്ടികളും ഉൾപ്പെടുന്നു. പരിക്കേറ്റവർ ഹിസ്ബുൾ ആശുപത്രിയിൽ ചികിത്സയിലാണ്.

ആലപ്പുഴ : കേരളത്തിലെ കോൺഗ്രസിന് മുസ്ലീം ലീഗ് എന്ന ഊന്നുവടിയില്ലാതെ മുന്നോട്ട് പോകാനാകില്ലെന്ന് എസ് എൻ ഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ . എടത്വ സെയ്ന്റ് അലോഷ്യസ് കോളേജ് ഓഡിറ്റോയത്തിൽ നടന്ന എസ്എന്‍ഡിപി യോഗം ശാഖ നേതൃത്വസംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മുസ്ലീം ലീഗ് ഈ നാട്ടിൽ മുസ്ലീം രാജ്യം സൃഷ്ടിക്കാനും , ശരിയത്ത് നടപ്പിലാക്കാനും ശ്രമിക്കുകയാണ്. നോമ്പ് സമയത്ത് മലപ്പുറത്ത് ചായക്കട പോലും പ്രവർത്തിക്കാൻ അനുവദിക്കുന്നില്ല. വോട്ട് ബാങ്ക് കാട്ടി ഭരിക്കുന്ന സർക്കാരിനെ ഭീഷണിപ്പെടുത്തുന്ന നടപടിയാണ് മുസ്ലീം വിഭാഗം സ്വീകരിക്കുന്നത് . കാലങ്ങളായി കുട്ടനാട്ടുകാരുടെ വോട്ട് വാങ്ങുന്നവർക്ക് കുട്ടനാട്ടുകാരെ ആവശ്യമില്ല . സംഘടിതമായി ഒത്തു ചേർന്നാൽ മാത്രമേ സമുദായത്തിന് അർഹമായത് നേടിയെടുക്കാനാകൂവെന്നും അദ്ദേഹം പറഞ്ഞു. കേരളം വൈകാതെ മുസ്ലിം ഭൂരിപക്ഷ നാടാകുമെന്ന് അടുത്തിടെ വെള്ളാപ്പള്ളി നടേശൻ പറഞ്ഞത് ഏറെ വിവാദമായിരുന്നു. അതിനെതിരെ കാന്തപുരം അടക്കമുള്ള മുസ്ലീം നേതാക്കളും രംഗത്തെത്തിയിരുന്നു. എന്നാൽ തന്നെ വേട്ടയാടുന്ന സ്ഥിതിവിശേഷമാണുള്ളതെന്നും, .…

ന്യൂഡൽഹി: ആറ് വർഷത്തിലേറെയായി തിരഞ്ഞെടുപ്പുകളിൽ മത്സരിക്കാത്തതിനും 1951 ലെ ജനപ്രാതിനിധ്യ നിയമത്തിലെ സെക്ഷൻ 29 എ പ്രകാരമുള്ള നിർബന്ധിത നിയമങ്ങൾ പാലിക്കാത്തതിനും 334 രാഷ്ട്രീയ പാർട്ടികളെ പട്ടികയിൽ നിന്ന് ഒഴിവാക്കി തിരഞ്ഞെടുപ്പ് കമ്മീഷൻ . അംഗീകൃതമല്ലാത്ത ഈ 334 രാഷ്ട്രീയ പാർട്ടികൾ രാജ്യത്തുടനീളമുള്ള വിവിധ സംസ്ഥാനങ്ങളിൽ നിന്നും കേന്ദ്രഭരണ പ്രദേശങ്ങളിൽ നിന്നുമുള്ളവയാണ് . ഇനി ഈ പാർട്ടികൾക്ക് ഓഫീസുകൾ ആരംഭിക്കാനും അനുവാദമില്ല. അംഗീകാരം റദ്ദാക്കിയവരിൽ ആർ‌എസ്‌പി (ബി), എൻ‌ഡി‌പി സെക്കുലർ എന്നിവയടക്കം കേരളത്തിൽ നിന്നുള്ള ചില രാഷ്ട്രീയ പാർട്ടികളും ഉൾപ്പെടുന്നു. അംഗീകൃത ദേശീയ പാർട്ടികളിൽ ആം ആദ്മി പാർട്ടി, ബഹുജൻ സമാജ് പാർട്ടി (ബി‌എസ്‌പി), ഭാരതീയ ജനതാ പാർട്ടി (ബി‌ജെ‌പി), സിപിഐ (എം), ഇന്ത്യൻ നാഷണൽ കോൺഗ്രസ്, നാഷണൽ പീപ്പിൾസ് പാർട്ടി എന്നിവയാണ് ഉൾപ്പെടുന്നത്. നിലവിൽ, രാജ്യത്ത് ആറ് ദേശീയ പാർട്ടികളും 67 സംസ്ഥാന പാർട്ടികളുമാണ് ഉള്ളത്. നിയമങ്ങൾ അനുസരിച്ച്, രാഷ്ട്രീയ പാർട്ടികൾ ആറ് വർഷത്തിലൊരിക്കലെങ്കിലും തിരഞ്ഞെടുപ്പുകളിൽ പങ്കെടുക്കുകയും അവരുടെ പേരിലോ…

ന്യൂഡൽഹി : ഗാസ പൂർണ്ണമായും കൈവശപ്പെടുത്താൻ ഉദ്ദേശ്യമില്ലെന്നും, ഹമാസിൽ നിന്ന് ഗാസയെ മോചിപ്പിച്ച് സമാധാനപരമായ ഭരണം സ്ഥാപിക്കുക എന്നതാണ് ലക്ഷ്യമെന്നും ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു . ഗാസ നഗരം നിയന്ത്രിക്കാനുള്ള ഓപ്പറേഷന് അംഗീകാരം നൽകിയതിനു പിന്നാലെയാണ് ഈ പ്രസ്താവന. “യുദ്ധമേഖലകൾക്ക് പുറത്തുള്ള സാധാരണ ജനങ്ങൾക്ക് മാനുഷിക സഹായം വിതരണം ചെയ്യുന്നതിനൊപ്പം ഗാസ നഗരത്തിന്റെ നിയന്ത്രണം ഏറ്റെടുക്കാൻ ഐഡിഎഫ് [ഇസ്രായേൽ പ്രതിരോധ സേന] തയ്യാറാകും,” പ്രധാനമന്ത്രിയുടെ ഓഫീസ് പുറപ്പെടുവിച്ച പ്രസ്താവനയിൽ പറഞ്ഞു. “ഗാസ നിരായുധീകരിക്കപ്പെടുകയും അവിടെ ഒരു സിവിൽ ഭരണകൂടം സ്ഥാപിക്കപ്പെടുകയും ചെയ്യും, അത് പലസ്തീൻ അതോറിറ്റിയോ ഹമാസോ മറ്റ് തീവ്രവാദ സംഘടനയോ ആയിരിക്കില്ല. ഇത് നമ്മുടെ ബന്ദികളെ മോചിപ്പിക്കാനും ഗാസ ഭാവിയിൽ ഇസ്രായേലിന് ഭീഷണിയാകുന്നത് തടയാനും സഹായിക്കും.”എന്ന് സോഷ്യൽ മീഡിയയിൽ പോസ്റ്റ് ചെയ്ത സന്ദേശത്തിൽ നെതന്യാഹു പറഞ്ഞു. ഹമാസിന്റെ നിരായുധീകരണം , ഗാസ മുനമ്പിന്റെ സൈനികവൽക്കരണം , ഹമാസോ പലസ്തീൻ അതോറിറ്റിയോ അല്ലാത്ത ഒരു ബദൽ സിവിൽ ഭരണകൂടം സ്ഥാപിക്കൽ…

ന്യൂഡൽഹി : ഓപ്പറേഷൻ സിന്ദൂറിൽ അഞ്ച് യുദ്ധവിമാനങ്ങളും മറ്റൊരു വലിയ വിമാനവും ഉൾപ്പെടെ ആറ് പാകിസ്ഥാൻ വിമാനങ്ങൾ വെടിവച്ചിട്ടതായി ഇന്ത്യൻ വ്യോമസേന . സൈനിക ആക്രമണത്തിൽ പാകിസ്ഥാൻ ഭാഗത്തിനുണ്ടായ നാശനഷ്ടങ്ങളുടെ വ്യാപ്തി വെളിപ്പെടുത്തൽ ഇതാദ്യമാണ് . ആറ് വിമാനങ്ങൾക്ക് പുറമേ, പാകിസ്ഥാൻ വ്യോമതാവളങ്ങളിൽ നടത്തിയ വ്യോമാക്രമണത്തിൽ പാകിസ്ഥാൻ വ്യോമസേനയ്ക്ക് കനത്ത നഷ്ടങ്ങൾ ഉണ്ടായതായും എയർ ചീഫ് മാർഷൽ എ പി സിംഗ് സ്ഥിരീകരിച്ചു. പഹൽഗാം ആക്രമണത്തെത്തുടർന്ന് മെയ് 7 ന് നടന്ന ഓപ്പറേഷൻ പാകിസ്ഥാന്റെ വ്യോമശക്തിക്ക് കനത്ത പ്രഹരമേൽപ്പിച്ചിരുന്നു. 300 കിലോമീറ്റർ അകലെ നിന്ന് പറന്നുയർന്ന പാകിസ്ഥാന്റെ വലിയ വിമാനത്തെയാണ് വ്യോമസേന തകർത്തത് . – എ പി സിംഗ് പറഞ്ഞു. റഷ്യൻ നിർമ്മിത എസ്-400 നെ “ഗെയിം-ചേഞ്ചർ” എന്ന് വിശേഷിപ്പിച്ച അദ്ദേഹം, ഇന്ത്യയുടെ ആകാശക്കോട്ടയിലേയ്ക്ക് തുളച്ചുകയറാൻ പാകിസ്ഥാന് കഴിഞ്ഞില്ലെന്നും പറഞ്ഞു. “നമ്മുടെ വ്യോമ പ്രതിരോധ സംവിധാനങ്ങൾ അത്ഭുതകരമായി പ്രവർത്തിച്ചു. ഞങ്ങൾ അടുത്തിടെ വാങ്ങിയ എസ്-400 സിസ്റ്റം ഒരു ഗെയിം-ചേഞ്ചർ ആയിരുന്നു.…

തിരുവനന്തപുരം: സിപിഎം നേതാക്കൾ ജ്യോത്സ്യനെ കാണാൻ പോകുന്നതുമായി ബന്ധപ്പെട്ട വിവാദത്തിൽ പ്രതികരണവുമായി സിപിഎം നേതാവ് എ കെ ബാലൻ . ജ്യോത്സ്യന്മാരുടെ വീടുകളിൽ പോകുന്നതും, അവരുമായി ബന്ധമുണ്ടാകുന്നതും പതിവാണ് . സമയം നോക്കാനല്ല എം വി ഗോവിന്ദൻ പോയത് . ആ രീതിയിൽ പാർട്ടിയിലെ ആരും പോയിട്ടില്ലെന്നും എ കെ ബാലൻ പറഞ്ഞു. ‘ എന്റെ മണ്ഡലത്തിൽ എത്ര ജ്യോത്സ്യൻമാരുണ്ട്. ഞാൻ എത്ര വീടുകളിൽ പോയി വോട്ട് ചോദിച്ചിട്ടുണ്ട് .ഇതൊക്കെ സാധാരണ നിലയിൽ ഉള്ളതല്ലേ . ജ്യോതിഷന്മാരുടെ വീടുകളിൽ കയറാൻ പാടില്ലെന്നോ ? സമയം നോക്കാൻ ഞങ്ങളുടെ പാർട്ടിയിലെ ആരും പോയിട്ടില്ല . അതിന്റെ അർഥം വീട്ടിൽ കയറിക്കൂടാ എന്നുള്ളതല്ല – ബാലൻ പറഞ്ഞു. എല്ലാ ആൾക്കാരുമായും ഞങ്ങൾ സംസാരിക്കും , ബന്ധമുണ്ടാക്കും. അവരുമായി സൗഹൃദമുണ്ടാക്കും. അതിന്റെ അർത്ഥം അവരുടെ ആശയങ്ങളുമായി യോജിക്കുന്നുവെന്നല്ല. കൂടോത്രമൊക്കെ കോൺഗ്രസിന്റെ ചരിത്രമാണെന്നും എ കെ ബാലൻ പറഞ്ഞു. അതേസമയം സിപിഎം സംസ്ഥാന സമിതിയിൽ ജ്യോതിഷവുമായി ബന്ധപ്പെട്ട്…

കണ്ണൂർ: കോടതിയ്ക്ക് സമീപം വച്ച് മദ്യപിച്ച ടി.പി. ചന്ദ്രശേഖരൻ വധക്കേസിലെ പ്രതി കൊടി സുനി , മുഹമ്മദ് ഷാഫി, ഷിനോജ് എന്നിവർക്കെതിരെ തലശ്ശേരി പോലീസ് കേസെടുത്തു. അബ്കാരി ആക്ട് പ്രകാരമാണ് കേസെടുത്തിരിക്കുന്നത്. മാഹി ഇരട്ടക്കൊലപാതകക്കേസുമായി ബന്ധപ്പെട്ട് കൊടി സുനിയെ തലശ്ശേരി കോടതിയിലേക്ക് കൊണ്ടുവരുമ്പോഴായിരുന്നു സംഭവം. കോടതിക്ക് മുന്നിലുള്ള ഒരു ഹോട്ടലിന്റെ പാർക്കിംഗ് ഏരിയയിൽ, എസ്കോർട്ട് ഡ്യൂട്ടിയിലുള്ള പോലീസ് ഉദ്യോഗസ്ഥരുടെ സാന്നിധ്യത്തിൽ കൊടി സുനിയടക്കം മദ്യപിക്കുന്നതിന്റെ ദൃശ്യങ്ങൾ പുറത്ത് വന്നിരുന്നു. മുമ്പും പലതവണ കോടതി പരിസരത്ത് സുനിയും സംഘവും മദ്യപിച്ചിട്ടുണ്ടെന്ന് പോലീസ് കണ്ടെത്തി. കേസ് രജിസ്റ്റർ ചെയ്യുന്നതിന് മുമ്പ് പോലീസ് നിയമോപദേശം തേടിയിരുന്നു. പ്രതികൾക്ക് എസ്കോർട്ട് ഡ്യൂട്ടിക്ക് മുതിർന്ന ഉദ്യോഗസ്ഥരെ നിയോഗിക്കാനും തീരുമാനിച്ചു. വിവാദത്തെത്തുടർന്ന്, സുനിയുടെയും സംഘത്തിന്റെയും കോടതി നടപടികൾ കഴിഞ്ഞ ദിവസം വീഡിയോ കോൺഫറൻസ് വഴിയാണ് നടന്നത്. വിചാരണ വേളയിൽ സുനി ജയിൽ വസ്ത്രത്തിന് പകരം കാവി മുണ്ടാണ് ധരിച്ചിരുന്നതെന്ന് ആരോപണമുണ്ടായിരുന്നു. എന്നാൽ, വിചാരണ തടവുകാരനായതിനാൽ ഇതിൽ അസാധാരണമായി ഒന്നുമില്ലെന്ന് നിയമവിദഗ്ധർ…

അടുത്ത കാലത്തായി ധാരാളമായി ഉപയോഗിച്ചുവരുന്ന ഒന്നാണ് ഫ്ലാക്സ് സീഡ് . പോഷകങ്ങൾ ധാരാളമടങ്ങിയിരിക്കുന്ന ഫ്ലാക്സ് സീഡ് ഒമേഗ-3 ഫാറ്റി ആസിഡുകൾ, നാരുകൾ, ലിഗ്നാനുകൾ എന്നിവയുടെ ഉറവിടമാണ് . നിരവധി ഔഷധ ഗുണങ്ങൾ ഉള്ളതിനാൽ ഇവ ആരോഗ്യം നിലനിർത്താൻ ഉപയോഗിക്കുന്നുണ്ട്. ദഹന പ്രശ്നങ്ങൾ തടയുന്നതിനൊപ്പം, അവ രക്തസമ്മർദ്ദം കുറയ്ക്കുകയും ആരോഗ്യകരമായ ചർമ്മവും മുടിയും നിലനിർത്താൻ സഹായിക്കുകയും ചെയ്യുന്നു. ഫ്ലാക്സ് സീഡ് ഓയിലിൽ ആൽഫ-ലിനോലെനിക് ആസിഡ് അടങ്ങിയിട്ടുണ്ട്, ഇത് ശരീരഭാരം നിയന്ത്രിക്കാൻ സഹായിക്കുന്നു. മാത്രമല്ല, അവയിൽ കലോറിയും കുറവാണ്. അതിനാൽ, ഈ എണ്ണ പാചകത്തിലും സലാഡുകൾ ഉണ്ടാക്കുന്നതിലും ഉപയോഗിക്കാം.ഫ്ളാക്സ് സീഡുകളിലെ ലിഗ്നാനുകൾ സ്തനാർബുദം, പ്രോസ്റ്റേറ്റ് കാൻസർ എന്നിവയുൾപ്പെടെ ചിലതരം അർബുദങ്ങളെ തടയാൻ സഹായിക്കുന്നു. പ്രമേഹ രോഗികളിൽ രക്തത്തിലെ പഞ്ചസാരയുടെ അളവ് നിയന്ത്രിക്കാനും ഫ്ളാക്സ് സീഡുകൾ സഹായിക്കുന്നു. മാത്രമല്ല, അവയിലെ ഒമേഗ -3 ഫാറ്റി ആസിഡുകൾ ഹൃദയാരോഗ്യം മെച്ചപ്പെടുത്താനും രക്തസമ്മർദ്ദം കുറയ്ക്കാനും സഹായിക്കുന്നു. ഫ്ളാക്സ് സീഡ് ടീ കുടിക്കുന്നത് വയറിലെ കൊഴുപ്പ് വേഗത്തിൽ കുറയ്ക്കാൻ സഹായിക്കും.…

കൊച്ചി : പീഡനക്കേസിൽ പൊലീസ് തേടുന്ന റാപ്പർ വേടനെ പിന്തുണച്ച് മന്ത്രി ഒ ആർ കേളു. പുലി നഖം കെട്ടി നടന്നവരും, ആനക്കൊമ്പ് കൊണ്ടുപോയവരും നമുക്ക് മുന്നിൽ ഉണ്ടെന്നും അവർക്കൊന്നുമില്ലാത്ത നിയമമാണ് വേടന് മാത്രമുള്ളതെന്നുമാണ് കേളുവിന്റെ പ്രസ്താവന . വേടനെ ഒതുക്കാൻ എന്തെല്ലാം കാര്യങ്ങളാണ് നടക്കുന്നത് . ജാതിയുടെ അതിർവരമ്പുകൾ സൃഷ്ടിക്കാനും നീക്കം നടക്കുന്നു .വേടന്റെ പരിപാടികൾക്ക് ആളു കൂടിയപ്പോൾ ചിലർക്ക് വിറളിപ്പിടിച്ചുവെന്നും കേളു പറഞ്ഞു. ഒരു റോഡ് മോശമായാൽ കേരളത്തിലെ എല്ലാ റോഡുകളും മോശമാണെന്നും, ഒരു സ്കൂൾ കെട്ടിടത്തിലോ.,പാലത്തിലോ തകർച്ചയുണ്ടായാൽ എല്ലാം തകർന്നുവെന്നും വരുത്താനാണ് ശ്രമം . സമൂഹത്തെ മുഴുവൻ തെറ്റിദ്ധരിപ്പിക്കുന്ന രീതിയിലാണ് സന്ദേശങ്ങൾ പ്രചരിപ്പിക്കുന്നതെന്നും കേളു പറഞ്ഞു. പൊയ്യ പഞ്ചായത്തിലെ പൂപ്പത്തി ഉന്നതി അംബേദ്കർ ഗ്രാമം പദ്ധതിയിൽ ഉൾപ്പെടുത്തി പൂർത്തീകരിച്ചതിന്റെ ഉദ്ഘാടനം നിർവ്വഹിക്കാൻ എത്തിയതാണ് കേളു. അതേസമയം ബലാത്സംഗക്കേസിൽ വേടന് വേണ്ടി പരിശോധന ശക്തം . സംസ്ഥാനത്തിന് പുറത്തും പൊലീസ് അന്വേഷണം നടത്തുന്നുണ്ട്. വേടന്റെ മുൻ കൂർ ജാമ്യാപേക്ഷ…

തിരുവനന്തപുരം: അർജന്റീന ഫുട്ബോൾ ടീമിന്റെ കേരളസന്ദർശനവുമായി ബന്ധപ്പെട്ട് സംസ്ഥാന സർക്കാർ കരാർ ലംഘിച്ചെന്ന എ.എഫ്.എ ചീഫ് കൊമേഴ്‌സ്യൽ ആൻഡ് മാർക്കറ്റിംഗ് ഓഫീസറായ ലിയാൻഡ്രോ പീറ്റേഴ്‌സണിന്റെ ആരോപണം നിഷേധിച്ച് മന്ത്രി വി വി അബ്ദുറഹ്മാൻ . സർക്കാർ ഒരു കരാറും ലംഘിച്ചിട്ടില്ലെന്നും കരാറിന്റെ വിശദാംശങ്ങൾ വെളിപ്പെടുത്താൻ പീറ്റേഴ്‌സണിന് അവകാശമില്ലെന്നും മന്ത്രി പറഞ്ഞു. “പീറ്റേഴ്‌സൺ എ.എഫ്.എയുടെ ഒരു പ്രധാന ഉദ്യോഗസ്ഥനാണ്, പക്ഷേ മാർക്കറ്റിംഗിൽ മാത്രമാണ് അദ്ദേഹത്തിന്റെ ഇടപെടൽ. എ.എഫ്.എ പ്രസിഡന്റാണ് കരാറിൽ ഒപ്പുവച്ചത്. ഒക്ടോബർ-നവംബർ വിൻഡോയിൽ അവർക്ക് വരാൻ കഴിയില്ലെന്ന് സ്പോൺസർ പിന്നീട് ഞങ്ങളോട് പറഞ്ഞു. അടുത്ത ലോകകപ്പിന് മുമ്പ്, 2026 ന് മുമ്പ് അവർ വരുമെന്ന് അവർ പറഞ്ഞു. എന്നാൽ ഈ സർക്കാരോ കായിക മന്ത്രിയോ അപ്പോഴും അധികാരത്തിലിരിക്കുമെന്ന് ഉറപ്പില്ല, എന്നതുകൊണ്ട് സ്പോൺസർക്ക് ആ സാഹചര്യത്തിൽ താൽപ്പര്യമില്ലാതെ പോയി ,” അബ്ദുറഹ്മാൻ പറഞ്ഞു. മന്ത്രി നടത്തിയ വിദേശ യാത്രകളെക്കുറിച്ചുള്ള വിമർശനങ്ങൾക്ക് മറുപടിയായി, കായിക സമ്പദ്‌വ്യവസ്ഥ കെട്ടിപ്പടുക്കുന്നതിന്റെ ഭാഗമായി സ്‌പെയിൻ, ഓസ്‌ട്രേലിയ, ക്യൂബ എന്നിവയുൾപ്പെടെ…