Author: Anu Nair

തിരുവനന്തപുരം : സംസ്ഥാന സർക്കാരിന് വേണ്ടി ഡോക്യൂമെന്ററി, ഹൃസ്വ ചിത്ര നിർമാണം നടത്തുന്ന ഇൻഫർമേഷൻ &പബ്ലിക് റിലേഷൻ ഡിപ്പാർട്മെന്റ്, കേരള സംസ്ഥാന ചലച്ചിത്ര വികസന കോര്പറേഷൻ, സി ഡിറ്റ് എന്നിവിടങ്ങളിൽ ഡോക്യൂമെന്ററി, ഹൃസ്വ ചിത്ര നിർമാണ നിർവഹണത്തിൽ സമഗ്ര അഴിച്ചു പണി ആവശ്യമാണെന്ന് ഡോക്യുഷൂട്ട് ആവശ്യപ്പെട്ടു. ദേശീയ, സംസ്ഥാന അവാർഡ് ജേതാക്കളായ ചലച്ചിത്ര പ്രവർത്തകരെ ഉൾപ്പെടുത്തി ഈ 3 സ്ഥാപനങ്ങളിലും സംവിധായക പാനൽ ഉണ്ടെങ്കിലും കഴിഞ്ഞ കുറച്ചു വർഷങ്ങളിലായി പാനൽ ഡയറക്ടർമാരെ അകറ്റി നിർത്തിക്കൊണ്ട്, പുറത്ത് നിന്നുള്ള സ്വകാര്യ ഏജൻസികൾക്കും ഉദ്യോഗസ്ഥർ പങ്കാളികളായിട്ടുള്ള കമ്പനികൾക്കും മാത്രം ഡോക്യൂമെന്ററി, ഹൃസ്വ ചിത്ര നിർമാണം വൻ തുകക്ക് നൽകുകയാണ്.ഇതിൽ നടക്കുന്ന അഴിമതി അന്വേഷിക്കുകയും ഡോക്യൂമെന്ററി നിർമാണം പഴയത് പോലെ പാനൽ ഡയറക്ടർമാരെ ഉൾപ്പെടുത്തി നിർവഹിക്കുകയും വേണം. ചലച്ചിത്ര അക്കാദമി,ചലച്ചിത്ര വികസന കോര്പറേഷൻ, സാംസ്‌കാരിക ക്ഷേമ നിധി ബോർഡ്‌ എന്നിവയുടെ നിർവാഹകസമിതിയിലേക്ക് ഡോക്യൂമെന്ററിരംഗത്ത് കഴിവ് തെളിയിച്ച, പ്രവർത്തന പരിചയമുള്ള ചലച്ചിത്ര പ്രവർത്തകരെയും ഉൾപ്പെടുത്തുക,സ്ത്രീ – പിന്നോക്ക…

ഹരിപ്പാട് ; ആലപ്പുഴ ഹരിപ്പാട് താലൂക്ക് ആശുപത്രിയിൽ വയറുവേദനയെ തുടർന്നെത്തിയ യുവതി ശുചിമുറിയിൽ പ്രസവിച്ചു. പ്രസവത്തിന് പിന്നാലെ യുവതി കുഞ്ഞിനെ വെന്റിലേഷൻ വഴി പുറത്തേയ്ക്കെറിഞ്ഞു . കുഞ്ഞിന്റെ കരച്ചിൽ കേട്ട് ആശുപത്രി ജീവനക്കാരെത്തി പരിശോധിച്ചപ്പോഴാണ് സംഭവം പുറത്തറിഞ്ഞത്. അവിവാഹിതയായ യുവതി വീട്ടുകാർക്കൊപ്പമാണ് ആശുപത്രിയിൽ എത്തിയത് . യുവതിയെയും, കുഞ്ഞിനെയും ആലപ്പുഴ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. കുഞ്ഞിനെ വേണ്ടെന്നാണ് യുവതി പറയുന്നത്. കുഞ്ഞിനെ ശിശുക്ഷേമസമിതി ഏറ്റെടുക്കും . ഇതിനായുള്ള നടപടി ആരംഭിച്ചിട്ടുണ്ട്.

കൊല്ലം : സിപിഐ സംസ്ഥാന സെക്രട്ടറി ബിനോയ് വിശ്വത്തിന്റെ പത്രസമ്മേളനങ്ങളും, പ്രസംഗങ്ങളും സാധാരണ ജനങ്ങൾക്ക് മനസിലാകണമെങ്കിൽ പരിഭാഷപ്പെടുത്തേണ്ട ഗതികേടിലാണെന്ന് വിമർശനം. ഇടതുപക്ഷത്തെ തിരുത്തൽ ശക്തിയാകേണ്ട പാർട്ടി അധികാരത്തിന്റെ മത്ത് പിടിച്ച അവസ്ഥയിലാണെന്നും സിപിഐ കുന്നത്തൂർ മണ്ഡലം കമ്മിറ്റിയിൽ വിമർശനം ഉയർന്നു. ‘ കുന്നത്തൂർ നിയോജക മണ്ഡലം തെരഞ്ഞെടുപ്പ് കമ്മിറ്റി സെക്രട്ടറിയയ സിപിഎം നേതാവ് ലൂയി പതിനാലാമനെ പോലെയാണ് ഇടപെട്ടത് . താഴേത്തട്ടിലുള്ള പ്രവർത്തകരോട് ജൂനിയർ പിണറായിയെ പോലെ പെരുമാറിയത് ദോഷകരമായി ബാധിച്ചു. സിപിഎം, സിപിഐ പ്രവർത്തകർ ആവർത്തിച്ച് പറഞ്ഞിട്ടും കോവൂർ കുഞ്ഞുമോനെ മത്സരിപ്പിച്ചത് ജനങ്ങളെ വെല്ലുവിളിക്കുന്നതു പോലെയായി. ചാത്തന്നൂരും, ചിറയിൻ കീഴും, നാദാപുരവും നഷ്ടാമായത് സ്ഥാനാർത്ഥി നിർണയത്തിലെ പിഴവ് കൊണ്ടാണ്. സ്വന്തം കുടുംബാംഗങ്ങൾക്ക് സീറ്റ് വാങ്ങി നൽകാനായിരുന്നു പലർക്കും ശ്രദ്ധ . പാർട്ടി സെക്രട്ടറിയേറ്റ് അടക്കമുള്ള സംവിധാനങ്ങൾ പരാജയമായി മാറി. അടിസ്ഥാന ജനത പാർട്ടൊയിൽ നിന്ന് അകന്നതും, വോട്ടുകൾ ബിജെപിയിലേയ്ക്ക് ഒഴുകിയതും തിരിച്ചറിയാൻ കഴിയാത്തത് സംഘടനസംവിധാനത്തിലെ പോരായ്മയാണ്.“ എന്നും അംഗങ്ങൾ പറഞ്ഞു…

ഡബ്ലിൻ ; ഡബ്ലിനിലെ ഫിംഗ്ലാസിൽ നടന്ന ആക്രമണത്തിൽ കൗമാരക്കാരന് ഗുരുതര പരിക്ക്. കഴിഞ്ഞ ദിവസം ഉച്ചയ്ക്ക് ടോൾക്ക വാലി റോഡിലാണ് സംഭവം. കുട്ടിയെ ഗുരുതരമായ പരിക്കുകളോടെ ബ്യൂമോണ്ട് ആശുപത്രിയിലേയ്ക്ക് മാറ്റി.സംഭവവുമായി ബന്ധപ്പെട്ടുള്ള സാക്ഷികളോ , ദൃശ്യങ്ങൾ കൈവശമുള്ളവരോ 01 666 7500 എന്ന നമ്പറിൽ ഫിംഗ്‌ലാസ് ഗാർഡ സ്റ്റേഷനുമായോ 1800 666 111 എന്ന നമ്പറിൽ ബന്ധപ്പെടണമെന്ന് ഗാർഡ അഭ്യർത്ഥിച്ചു.

ഡബ്ലിൻ : ഡെറിയിൽ ബസ് സ്റ്റോപ്പ് തകർക്കുകയും കാറുകൾക്ക് നേരെ കല്ലെറിയുകയും ചെയ്ത സംഭവത്തിൽ മൂന്ന് കുട്ടികളെ കസ്റ്റഡിയിലെടുത്ത് പി എസ് എൻ ഐ . ഞായറാഴ്ച്ച വൈകുന്നേരമാണ് സംഭവം. മുഖം മൂടി ധരിച്ച യുവാക്കൾ പെട്രോൾ ബോംബുകൾ ഉപയോഗിച്ച് ബസ് സ്റ്റോപ്പ് തകർക്കുകയും, കാറുകൾക്ക് നേരെ കല്ലെറിയുകയും, റോഡ് തടസപ്പെടുത്തുകയുമായിരുന്നു. ഗാലിയാഗ് പ്രദേശത്ത് വൈകുന്നേരം 6 മണിയോടെ പ്രശ്നമുണ്ടായതായി റിപ്പോർട്ട് ലഭിച്ചെന്നാണ് പി എസ് എൻ ഐ അറിയിച്ചത്. 9, 12, 13 വയസുള്ള കുട്ടികളെയാണ് കസ്റ്റഡിയിലെടുത്തത് . അവരെ യൂത്ത് ഡൈവേഴ്സേഷൻ ഓഫീസർക്ക് കൈമാറും.

ഡബ്ലിൻ : വെസ്റ്റ് ഡബ്ലിനിൽ നടത്തിയ പരിശോധനയിൽ ഗാർഡ 88, 130 യൂറോയും , മൊബൈൽ ഫോണുകളും പിടിച്ചെടുത്തു. വെസ്റ്റ് ഡബ്ലിനിലെ രണ്ട് സ്ഥലങ്ങളിലാണ് ഗാർഡ തിരച്ചിൽ നടത്തിയത്. പണത്തിനും, മൊബൈൽ ഫോണുകൾക്കുമൊപ്പം ഏകദേശം 26000 യൂറോയുടെ വ്യാജവസ്ത്രങ്ങളും പിടിച്ചെടുത്തു . സംശയിക്കപ്പെടുന്ന വസ്തുക്കൾ പരിശോധനയ്ക്കായി മാറ്റി. അന്വേഷണം തുടരുകയാണെന്ന് പൊലീസ് പറഞ്ഞു. സംഭവത്തിൽ ഇതുവരെ ആരെയും അറസ്റ്റ് ചെയ്തിട്ടില്ല .

അയർലൻഡിലെ ജീവിത ചിലവ് ബുദ്ധിമുട്ടിക്കുന്നതായും താൻ ഓസ്ട്രേലിയയിലേയ്ക്ക് മാറുകയാണെന്നും സൗത്ത് ഡബ്ലിൻ കൗണ്ടി കൗൺസിലർ നിയാം ഫെന്നൽ . ഇതിനായി തദ്ദേശ സ്വയം ഭരണ സ്ഥാപനത്തിൽ നിന്ന് അദ്ദേഹം രാജി വച്ചു. അയർലൻഡിലെ ജീവിത ചിലവ് തന്നെ ബുദ്ധിമുട്ടിക്കുന്നതായും മറ്റെവിടെയെങ്കിലും ജീവിക്കാൻ ആഗ്രഹിക്കുന്നതായും നിയാം ഫെന്നൽ പറഞ്ഞു. 2004 ൽ ഡബ്ലിൻ മിഡ് വെസ്റ്റ് ഏരിയയിലാണ് സിൻ ഫീൻ കൗൺസിലർ നിയാം ഫെന്നൽ തെരഞ്ഞെടുക്കപ്പെട്ടത്. കൗൺസിലിൽ ഹൗസിനൊപ്പം നഗരത്തിൽ മറ്റൊരു ജോലിയും അദ്ദേഹം ചെയ്യുന്നുണ്ട്. ഒരു വീട് സ്വന്തമായി വാങ്ങാനോ, വാടകയ്ക്കെടുക്കാനോ കഴിയാത്ത അവസ്ഥയിലാണ് താൻ . ഇപ്പോഴും മുത്തശിമാർക്കൊപ്പമാണ് താൻ കഴിയുന്നതെന്നും അദ്ദേഹം പറഞ്ഞു.

ഡബ്ലിൻ : അനധികൃതമായി രാജ്യത്തെത്തി വിവിധ ക്രിമിനൽ കേസുകളിൽ പ്രതികളായ 34 പേരെ നാടുകടത്തി അയർലൻഡ് . പോളണ്ടിൽ നിന്നുള്ള 22 പേരെയും, ലിത്വാനയിൽ നിന്നുള്ള 12 പേരെയുമാണ് നാടുകടത്തിയത്.20 നും 60 നുമിടയിൽ പ്രായമുള്ളവരാണിവർ. ഫ്രീ മൂവ്മെന്റ് ഡയറക്ടീവ് അനുസരിച്ചാണ് ഇവരെ നാടുകടത്തിയതെന്ന് ജസ്റ്റിസ് മന്ത്രി ജിം ഒ കല്ലഗൻ അറിയിച്ചു. ഇവർ മടങ്ങിയെത്തുന്നത് തടയാൻ പത്ത് വർഷത്തേയ്ക്ക് റീ എൻട്രി നിരോധനവും ഏർപ്പെടുത്തി. കുറ്റവാളികളെ രാജ്യത്ത് താമസിപ്പിക്കേണ്ട കാര്യമില്ലെന്ന് മന്ത്രി പറഞ്ഞു. ഇവരിൽ 25 പേർ നിലവിൽ ജയിൽ ശിക്ഷ അനുഭവിക്കുന്നവരായിരുന്നു . അവരെയാണ് ഐറിഷ് ജയിൽ സർവീസ് നീക്കം ചെയ്തത് . ഒൻപത് പേർ മറ്റ് കുറ്റങ്ങളിൽ അറസ്റ്റിലായി ജയിലിൽ കഴിഞ്ഞവരുമാണ്.

ഡബ്ലിൻ ; ആറ് വയസുകാരന്റെ തിരോധാനവുമായി ബന്ധപ്പെട്ട് സ്ത്രീ അറസ്റ്റിൽ. 2022 ൽ കാണാതായ കൈറാൻ ഡർണിന്റെ തിരോധാനവുമായി ബന്ധപ്പെട്ടാണ് 50 കാരി പിടിയിലായത്. കൈറാൻ ഡർണൻ കൊല്ലപ്പെട്ടിട്ടുണ്ടാകുമെന്നാണ് നിഗമനം. കിഴക്കൻ മേഖലയിലെ ഗാർഡ സ്റ്റേഷനിലാണ് കേസ് രജിസ്റ്റർ ചെയ്തിരിക്കുന്നത്. 1984 ലെ ക്രിമിനൽ ജസ്റ്റിസ് ആക്ടിന്റെ സെക്ഷൻ 4 പ്രകാരമാണ് 50 കാരിയെ അറസ്റ്റ് ചെയ്തത്.ലൗത്തിലെ ഡ്രോഗെഡയിലെ വീട്ടിലും പരിശോധന നടക്കുന്നുണ്ടെന്ന് ആൻ ഗാർഡ സിയോച്ചാന പ്രസ്താവനയിൽ പറഞ്ഞു.

മുട്ടുവേദന , എല്ലുകളുടെ തേയ്മാനം , നടക്കാനുള്ള ബുദ്ധിമുട്ട് എന്നിവ മുൻപ് വാർദ്ധക്യത്തിന്റെ ലക്ഷണങ്ങളായിരുന്നു. എന്നാൽ ഇന്ന് അത് പ്രായഭേദമന്യേ ചെറുപ്പക്കാർക്കിടയിലും സാധാരണമാണ്. 25 നും 30 നും ഇടയിൽ പ്രായമുള്ളവരിൽ പോലും ഇന്ന് എല്ലുകളുടെ ബലക്കുറവ് സാധാരണമാണ് . ജീവിതശൈലി, വ്യായാമ കുറവ് , ശരീരഭാരം എന്നിവയാണ് ഇതിന് കാരണമായി ഡോക്ടർമാർ ചൂണ്ടിക്കാട്ടുന്നത് . ശരീരത്തിന് ശരിയായ രീതിയിൽ വ്യായാമം ലഭിക്കുന്നില്ലെങ്കിൽ ചുറ്റുമുള്ള പേശികൾ ദുർബലമാകും . കാൽമുട്ടിൽ കൂടുതൽ സമ്മർദ്ദത്തിനും ഇത് കാരണമാകും . ഇത് വഴി തരുണാസ്ഥി തകരാറിലാവുകയും വേദന അനുഭവപ്പെടുകയും ചെയ്യും. അമിതവണ്ണമുള്ളവരിലാണ് പൊതുവേ മുട്ടുവേദന ശക്തമാകാറുള്ളത് . ചിരട്ടയിലെ അടിയിലെ തരുണാസ്ഥികളിലെ തേയ്മാനമാണ് ഇതിന് കാരണം . ആർത്തവവിരാമം, അസ്ഥിക്ഷയം , പേശികൾ എന്നിവയിലെ തകരാറുകൾ എല്ലാം സ്ത്രീകളിൽ മുട്ടുവേദനയ്ക്ക് കാരണമാകാറുണ്ട്. മുട്ടുവേദന കുറയ്ക്കാൻ ഒരു പരിധി വരെ ബ്രേസുകൾ സഹായിക്കും. കാൽമുട്ടിന് സംരക്ഷണം നൽകാൻ ഇടുന്ന പ്രത്യേക ഉറകളാണ് ബ്രേസുകൾ . ഇവ…