ലേഖകന്‍: Anu Nair

തിരുവനന്തപുരം ; നിയമസഭാ തെരഞ്ഞെടുപ്പിൽ സമർപ്പിച്ച നാമനിർദേശ പത്രികയിൽ ഭാര്യയുടെ സ്വത്ത് വിവരങ്ങൾ മറച്ചുവെച്ചുവെന്ന പരാതിയിൽ എം എൽ എ പി എ മുഹമ്മദ് റിയാസും , ഭാര്യ ടി വീണയും നേരിട്ട് ഹാജരായി വിശദീകരണം നൽകണമെന്ന് കോടതി. തിരുവനന്തപുരം ജില്ലാ പ്രിൻസിപ്പൽ സെഷൻസ് കോടതിയുടേതാണ് ഉത്തരവ്. നെയ്യാറ്റിൻകര സ്വദേശി നാഗരാജ് നൽകിയ ഹർജിയിലാണ് കോടതി റിയാസ്–വീണ ദമ്പതികളോട് നേരിട്ട് ഹാജരാകാൻ ആവശ്യപ്പെട്ടിരിക്കുന്നത്. ഇതേ ആവശ്യം ഉന്നയിച്ച് അഭിഭാഷകനായ നാഗരാജ് മജിസ്ട്രേട്ട് കോടതിയെ സമീപിച്ചെങ്കിലും അനുകൂല ഉത്തരവുണ്ടായില്ല . തുടർന്നാണ് ജില്ലാ സെഷൻസ് കോടതിയെ സമീപിച്ചത്.തെരഞ്ഞെടുപ്പ് സമയത്ത് റിയാസ് സമർപ്പിച്ച പത്രികയിൽ വീണയുടെ സ്വത് വിവരങ്ങൾ മറച്ചു വച്ചുവെന്നാണ് ആരോപണം . ഭാര്യയ്ക്ക് ഏതെങ്കിലും കമ്പനിയുമായി ബന്ധമുണ്ടെന്ന് വ്യക്തമാക്കിയിരുന്നില്ല. എന്നാൽ കേന്ദ്ര ഏജൻസികളുടെ അന്വേഷണത്തിൽ വീണയുടെ കമ്പനിയ്ക്ക് ശശിധരൻ കർത്തായുടെ സിഎംആർഎല്ലിൽ നിന്നും പണം ലഭിച്ചതായി കണ്ടെത്തിയിരുന്നു.

ചെന്നൈ ; തമിഴ്നാട്ടിൽ അണ്ണാ ഡി എം കെ എം എൽ എ മാർ രാജി വച്ച മണ്ഡലങ്ങളിൽ ഉപതെരഞ്ഞെടുപ്പ് പ്രഖ്യാപിച്ച് തെരഞ്ഞെടുപ്പ് കമ്മീഷൻ . ധാരാപുരം, മധുര മണ്ഡലങ്ങളിൽ ഒക്ടോബർ 6 ന് വോട്ടെടുപ്പും ഒക്ടോബർ 9 ന് വോട്ടെണ്ണലും നടക്കും. കഴിഞ്ഞ തിരഞ്ഞെടുപ്പിൽ മധുരയിൽ ടിവികെ രണ്ടാം സ്ഥാനത്തും ധാരാപുരത്ത് ഡിഎംകെ രണ്ടാം സ്ഥാനത്തുമെത്തിയിരുന്നു . അതേസമയം, വിജയ് ഒഴിഞ്ഞ തിരുച്ചിറപ്പള്ളി ഈസ്റ്റ് ഉൾപ്പെടെ അഞ്ച് മണ്ഡലങ്ങളിൽ ഉപതിരഞ്ഞെടുപ്പ് പ്രഖ്യാപിച്ചിട്ടില്ല. തമിഴ്‌നാട്, പുതുച്ചേരി, പശ്ചിമ ബംഗാൾ എന്നിവിടങ്ങളിലെ അഞ്ച് മണ്ഡലങ്ങളിലാണ് ഉപതിരഞ്ഞെടുപ്പ് നടക്കുന്നത്. അസമിലെ ലോക്‌സഭാ മണ്ഡലത്തിലേക്കുള്ള വോട്ടെടുപ്പും ഇതോടൊപ്പം നടക്കും. പുതുച്ചേരിയിലെ തട്ടഞ്ചാവടി, പശ്ചിമ ബംഗാളിലെ റെജിനഗർ, നന്ദിഗ്രാം എന്നിവിടങ്ങളിലാണ് ഉപതിരഞ്ഞെടുപ്പ്. ഇതോടൊപ്പം, അസമിലെ നാഗോൺ പാർലമെന്റ് മണ്ഡലത്തിലെ ഉപതിരഞ്ഞെടുപ്പും പ്രഖ്യാപിച്ചു. ഈ മാസം 16 മുതൽ നാമനിർദ്ദേശ പത്രിക സമർപ്പിക്കാം. ഈ മാസം 17 ന് പത്രികകളുടെ സൂക്ഷ്മ പരിശോധന നടക്കും. നാമനിർദ്ദേശ പത്രിക പിൻവലിക്കാനുള്ള…

കൊൽക്കത്ത : ഈ വർഷത്തെ ദുർഗാ പൂജയോടനുബന്ധിച്ച് സംസ്ഥാനത്ത് മദ്യം നിരോധിക്കുമെന്ന് ബംഗാൾ മുഖ്യമന്ത്രി സുവേന്ദു അധികാരി . മഹാ അഷ്ടമി ദിനത്തിലാണ് മദ്യ വിൽപ്പന നിരോധിക്കുന്നത് . നിമജ്ജന ഘോഷയാത്രകളിൽ ഡിജെ സംഗീതവും ഉപയോഗിക്കുന്നത് പൂർണ്ണമായും നിരോധിക്കും. “മഹാ അഷ്ടമി ദിനത്തിൽ, ഈ സംസ്ഥാനത്ത് ദേവിക്ക് പുഷ്പാർച്ചന നടത്തുമ്പോൾ, ബാറുകൾ ഉൾപ്പെടെ എല്ലാ മദ്യശാലകളും അടച്ചിടും. അഷ്ടമി ദിനത്തിൽ മദ്യം വിൽക്കാൻ കഴിയില്ല,” സുവേന്ദു അധികാരി പറഞ്ഞു. ബിജെപിയുടെ നേതൃത്വത്തിലുള്ള ബംഗാൾ സർക്കാർ പൂജാ കമ്മിറ്റികൾക്ക് ഒരു ലക്ഷം രൂപ ഗ്രാന്റും സൗജന്യ വൈദ്യുതിയും നിർബന്ധിത അഗ്നി സുരക്ഷാ ലൈസൻസുകൾക്കുള്ള ഫീസിൽ ഇളവും പ്രഖ്യാപിച്ചിട്ടുണ്ട്. എല്ലാ പൂജാ കമ്മിറ്റികളും അവരുടെ വിഗ്രഹങ്ങളും പന്തലുകളും തീമുകളും ജനങ്ങളുടെ മതപരവും സാംസ്കാരികവുമായ വികാരങ്ങളെ മാനിക്കുന്നുവെന്ന് ഉറപ്പാക്കണമെന്നും മുഖ്യമന്ത്രി അഭ്യർത്ഥിച്ചു. വിഎച്ച്പി നേരത്തെ നൽകിയ അഭ്യർത്ഥനയ്ക്ക് സമാനമാണ് പ്രഖ്യാപനം.ലക്ഷ്മി പൂജയ്ക്ക് മുമ്പ് വിഗ്രഹങ്ങളുടെ നിമജ്ജനം പൂർത്തിയാക്കാനും പൂജ കമ്മിറ്റികളോട് അദ്ദേഹം ആവശ്യപ്പെട്ടു. ദുർഗ്ഗ പൂജ…

ന്യൂഡൽഹി : പാർലമെന്റിന്റെ ശൈത്യകാല സമ്മേളനത്തിൽ കേന്ദ്രസർക്കാർ ലഡാക്ക് ബിൽ അവതരിപ്പിക്കുകയും പാസാക്കുകയും ചെയ്യണമെന്ന ആവശ്യവുമായി ആക്ടിവിസ്റ്റ് സോനം വാങ്ചുക്ക്. അടുത്ത വർഷത്തിനുള്ളിൽ ലഡാക്കിന് സ്വന്തമായി നിയമസഭയും സർക്കാരും ഉണ്ടായിരിക്കണമെന്നും സോനം സ്വകാര്യ മാധ്യമത്തിന് നൽകിയ അഭിമുഖത്തിൽ പറഞ്ഞു. നിയമസഭ നിലവിൽ വരുന്നതിന് മുമ്പ് തന്നെ പ്രധാനപ്പെട്ട ഭരണപരമായ തീരുമാനങ്ങൾ എടുക്കുന്നുണ്ടെന്നതാണ് ലഡാക്കിലെ ഒരു പ്രധാന പ്രശ്നം. ആദ്യം ജനകീയ നിയമസഭ സ്ഥാപിക്കണമെന്നും തുടർന്ന് പ്രധാന തീരുമാനങ്ങൾ എടുക്കണമെന്നും അദ്ദേഹം പറഞ്ഞു . നിയമസഭ പരമോന്നതമായിരിക്കണം, മുഴുവൻ ബ്യൂറോക്രസിയും അതിന് ചുമതല വഹിക്കണം . ക്രമസമാധാനവും സാമ്പത്തിക അധികാരങ്ങളും മുതൽ ലഡാക്ക് ഭരണം വരെയുള്ള കാര്യങ്ങളിൽ ആശങ്ക ഉണ്ടാകരുതെന്നും സോനം വാങ്ചുക്ക് പറഞ്ഞു. ലഡാക്കിന് പൂർണ്ണ സംസ്ഥാന പദവി എന്ന ആവശ്യത്തെക്കുറിച്ചുള്ള തന്റെ നിലപാട് സോനം വാങ്‌ചുക്ക് അല്പം മയപ്പെടുത്തി. ആദ്യ ശ്രമത്തിൽ തന്നെ എല്ലാം നേടാൻ കഴിയില്ലെന്നും അദ്ദേഹം പറഞ്ഞു. നിലവിൽ ലഡാക്ക് സാമ്പത്തികമായി സ്വയംപര്യാപ്തമായി കണക്കാക്കപ്പെടുന്നില്ലെങ്കിൽ, ഈ മേഖലയ്ക്കായി…

കൊച്ചി : പാചക വാതകത്തിന്റെ റീഫിൽ ബുക്കിംഗിനുള്ള ഇടവേളയിൽ കേന്ദ്രസർക്കാർ മാറ്റം വരുത്തിയതായി കേന്ദ്ര പെട്രോളിയം സഹമന്ത്രി സുരേഷ് ഗോപി. നഗര-ഗ്രാമ വ്യത്യാസമില്ലാതെ എല്ലാ ഗാർഹിക എൽപിജി ഉപഭോക്താക്കൾക്കും 25 ദിവസത്തെ ഇടവേളയിൽ റീഫിൽ ബുക്ക് ചെയ്യാനാകും. ‘ മിഡിൽ ഈസ്റ്റ് സംഘർഷത്തിന്റെ പശ്ചാത്തലത്തിൽ എൽപിജി വിതരണത്തിൽ ഉണ്ടായ സമ്മർദ്ദം കണക്കിലെടുത്ത്, നഗര മേഖലകളിൽ 25 ദിവസവും ഗ്രാമീണ മേഖലകളിൽ 45 ദിവസവുമായിരുന്നു റീഫിൽ ബുക്കിംഗിനുള്ള ഇടവേള. എന്നാൽ നിലവിലെ എൽപിജി വിതരണ സാഹചര്യം മെച്ചപ്പെടുകയും റീഫിൽ ബാക്ക്‌ലോഗ് ഗണ്യമായി കുറയുകയും ചെയ്തതോടെ, കേന്ദ്ര സർക്കാർ ഈ നിയന്ത്രണത്തിൽ ഇളവ് വരുത്തിയിരിക്കുകയാണ്. ഇനി നഗര-ഗ്രാമ വ്യത്യാസമില്ലാതെ എല്ലാ ഗാർഹിക എൽപിജി ഉപഭോക്താക്കൾക്കും 25 ദിവസത്തെ ഇടവേളയിൽ റീഫിൽ ബുക്ക് ചെയ്യാം ‘ – എന്നാണ് സുരേഷ് ഗോപി ഫേസ്ബുക്കിൽ കുറിച്ചത്.

ന്യൂഡൽഹി : ഡൽഹിയിലെ സത്യ നികേതനിൽ ഏഴ് പേരുടെ മരണത്തിനിടയാക്കിയ അപകടത്തിൽ കെട്ടിട ഉടമ ഹരിറാം ബൻസാലിനെ പൊലീസ് പിടികൂടി . ഭിവാഡിയിൽ നിന്നാണ് ഇയാൾ പിടിയിലായത്. ഒന്നിലധികം പോലീസ് സംഘങ്ങൾ ഇയാൾക്കെതിരെ തിരച്ചിൽ നടത്തിയിരുന്നു. ബൻസലിനെ കണ്ടെത്താൻ ഡൽഹി പൊലീസ് ലോക്കൽ ജില്ലാ പോലീസ്, സ്പെഷ്യൽ സ്റ്റാഫ്, മറ്റ് ഓപ്പറേഷൻ യൂണിറ്റുകൾ എന്നിവരടങ്ങുന്ന 10 ടീമുകൾ രൂപീകരിച്ചിരുന്നു. ഹരിറാം ബൻസാലിതിനെതിരെ എഫ്‌ഐആർ രജിസ്റ്റർ ചെയ്യുകയും ലുക്ക് ഔട്ട് സർക്കുലർ (എൽഒസി) പുറപ്പെടുവിക്കുകയും ചെയ്തിരുന്നു.അതേസമയം, കെട്ടിടം തകർന്നതുമായി ബന്ധപ്പെട്ട് ഉദ്യോഗസ്ഥരുടെ അനാസ്ഥ കണക്കിലെടുത്ത് സൗത്ത് സോൺ ഡെപ്യൂട്ടി കമ്മീഷണർ, എക്സിക്യൂട്ടീവ് എഞ്ചിനീയർ, സൂപ്രണ്ടിംഗ് എഞ്ചിനീയർ, അസിസ്റ്റന്റ് എഞ്ചിനീയർ, ജൂനിയർ എഞ്ചിനീയർ എന്നിവരുൾപ്പെടെ അഞ്ച് എംസിഡി ഉദ്യോഗസ്ഥരെ ഡൽഹി സർക്കാർ സസ്‌പെൻഡ് ചെയ്തു. അപകടത്തിൽ ഇതുവരെ ഏഴ് പേർ മരിച്ചു. 12 പേരെ അവശിഷ്ടങ്ങൾക്കിടയിൽ നിന്ന് രക്ഷപ്പെടുത്തി. പ്രദേശത്ത് രക്ഷാസംഘങ്ങൾ ഇപ്പോഴും തിരച്ചിൽ തുടരുകയാണ്.

പാലക്കാട്: ചിറയിൻകീഴിലെ കയ്യാങ്കളിയുമായി ബന്ധപ്പെട്ട ആരോപണങ്ങൾ നിഷേധിച്ച് രമ്യാഹരിദാസ് എം എൽ എ യുടെ പി എ പാളയം പ്രദീപ് . താൻ പങ്കെടുത്തുവെന്ന് പറയുന്ന യോഗം ഔദ്യോഗിക യോഗമായിരുന്നില്ലെന്നും, ബ്ലോക്ക് പഞ്ചായത്തിന്റെയോ , ബ്ലോക്ക് കോൺഗ്രസിന്റെയോ യോഗമാണൊ നടന്നതെന്ന് വിളിച്ച് ചോദിക്കാം എന്നും പ്രദീപ് മാധ്യമപ്രവർത്തകരോട് പറഞ്ഞു. അവരെ ഒഴിവാക്കി ഒരു നീക്കം നടക്കുന്നുവെന്ന ചെറിയ തെറ്റിദ്ധാരണ യൂത്ത് കോൺഗ്രസിന്റെ നേതാക്കൾക്ക് ഉണ്ടായിരുന്നു. അത് പരിഹരിച്ചുവെന്നും പാളയം പ്രദീപ് പറഞ്ഞു. ‘ വീട്ടിൽ പോയി സജാദിനെ കണ്ട് സംസാരിച്ചിരുന്നു. നേരത്തെയും രണ്ടോ മൂന്നോ പ്രാവശ്യം ഇത് പോലെ സജാദ് എഴുതിയിരുന്നു. ചിരിച്ചു കളിച്ചാണ് വീട്ടിൽ പോയത് . സംസാരത്തിനിടെ വാക്കുതർക്കം ഉണ്ടായി എന്നത് സത്യമാണ്. തെറ്റിദ്ധാരണയുടെ പുറത്താണത് . പാർട്ടിക്കുള്ളിൽ പറഞ്ഞ് തീർക്കുന്നുണ്ട്. ഇപ്പോൾ ആ വീടുമായി നല്ല ബന്ധമുണ്ട്. ഒരു വാക്ക് കൊണ്ട് പോലും അദ്ദേഹത്തിന്റെ മകളോടോ, ഭാര്യയോടോ മോശമായി പെരുമാറിയിട്ടില്ല. മകളെകൊണ്ട് കുറിപ്പ് വായിപ്പിച്ചിട്ടില്ല’, പ്രദീപ് പറയുന്നു.…

ചെന്നൈ : സ്ത്രീകൾക്കെതിരായ അധിക്ഷേപകരമായ ഭാഷ വെച്ചുപൊറുപ്പിക്കില്ലെന്ന് മുഖ്യമന്ത്രി ജോസഫ് വിജയ് . തന്റെ വിജയത്തിന് പിന്നിലെ പ്രധാന കാരണം സ്ത്രീകളാണെന്നും വിജയ് പറഞ്ഞു. “എന്റെ രാഷ്ട്രീയ വിജയത്തിന് പിന്നിലെ പ്രധാന കാരണം സ്ത്രീകളാണ്. സ്ത്രീകൾക്കെതിരായ ഒരു തരത്തിലുള്ള അധിക്ഷേപകരമായ ഭാഷയും ഞാൻ സഹിക്കില്ല. രാഷ്ട്രീയ വിമർശനം മൂർച്ചയുള്ളതാകാം, പക്ഷേ സ്ത്രീകൾക്കെതിരെ അവഹേളിക്കുന്ന പരാമർശങ്ങൾ ഉണ്ടാകരുത്. മുൻ മന്ത്രി സെന്തിൽ ബാലാജിയും കൂട്ടാളികളും ഓരോ ടാസ്മാക് കടയിൽ നിന്നും പണം തട്ടിയെടുത്തു. കരൂർ ഗുണ്ടാസംഘം എന്നാണ് അവർ അറിയപ്പെട്ടിരുന്നത്. അവർ ആസൂത്രിതമായി അഴിമതി നടത്തി. ഡിഎംകെ ഉള്ളിടത്തെല്ലാം തെറ്റുകൾ സംഭവിക്കും. മൂന്ന് വകുപ്പുകളുടെ ഫയലുകൾ തുറക്കാൻ ഡിഎംകെ എന്നെ വെല്ലുവിളിച്ചു. ഡിഎംകെ സർക്കാരിന്റെ കാലത്ത് അവയിൽ അഴിമതി നടന്നിട്ടുണ്ടെന്ന് ഞാൻ പറഞ്ഞിരുന്നു. ഡിഎംകെ സർക്കാരിന്റെ അഴിമതിയെക്കുറിച്ച് അന്വേഷിക്കാൻ 1988-ൽ രൂപീകരിച്ച സർക്കറിയ കമ്മീഷന്റെ റിപ്പോർട്ടിൽ മുൻ മുഖ്യമന്ത്രി കരുണാനിധി മുഖ്യമന്ത്രി സ്ഥാനം ദുരുപയോഗം ചെയ്തുവെന്ന് ആരോപിച്ചിരുന്നു. പാർട്ടി ഫണ്ടുകൾ വഴി ഡിഎംകെ…

പാലക്കാട് ; ചിറയിൻകീഴിൽ ഉണ്ടായത് ഏതൊരു വീട്ടിലും പാർട്ടിയിലും സംഘടനയിലും ഉണ്ടാകുന്നതുപോലെയുള്ള സാധാരണ വിഷയങ്ങൾ മാത്രമാണെന്നും അത് സംസാരിച്ച് തീർക്കാവുന്നതേയുള്ളൂവെന്നും രമ്യ ഹരിദാസ് എം എൽ എ . പാലക്കാട് ഡിസിസി അധ്യക്ഷന്റെ മകളുടെ വിവാഹച്ചടങ്ങിൽ പങ്കെടുക്കാനെത്തിയപ്പോഴായിരുന്നു അവരുടെ പ്രതികരണം. ചിറയിൻകീഴിലെ കൈയ്യാങ്കളി അന്വേഷക്കുന്ന കെപിസിസി അന്വേഷണ സമിതിക്ക് മുൻപാകെ ഹാജരാകാതിരുന്നതിനെക്കുറിച്ചുള്ള ചോദ്യത്തിന് ബുദ്ധിമുട്ടുകൾ കാരണമാണ് ഡൽഹിയിലേക്ക് പോകാതിരുന്നതെന്നും ടിക്കറ്റുകൾ അടക്കം നേരത്തെ ബുക്ക് ചെയ്തിരുന്നതാണെന്നും രമ്യ വ്യക്തമാക്കി. ‘ ഡിസിസി അധ്യക്ഷന്റെ മകളുടെ കല്യാണമാണ്. നേരത്തെ തീരുമാനിച്ചതാണ്. ഡൽഹിയിലേക്ക് പോകാനുള്ള ടിക്കറ്റുകളും കാര്യങ്ങളും ഒക്കെ എടുത്തിരുന്നു. ശാരീരികമായിട്ടുള്ള ബുദ്ധിമുട്ട് കാരണം പോയിട്ടില്ല’, അവർ പറഞ്ഞു. രണ്ടു ദിവസമായി ഉള്ളതും ഇല്ലാത്തതുമെല്ലാം മാധ്യമങ്ങൾ പറയുകയാണെന്നും ഇനി നിങ്ങൾക്കെന്നെ വിടാമെന്നും അവർ മാധ്യമപ്രവർത്തകരോട് പറഞ്ഞു. പാർട്ടിയിലെ മറ്റ് നടപടികളെക്കുറിച്ചോ കൂടുതൽ പ്രതികരണങ്ങൾക്കോ തയ്യാറാകാതിരുന്ന രമ്യ ഹരിദാസ്, കല്യാണ മണ്ഡപത്തിലേക്ക് കയറിപ്പോകുകയായിരുന്നു. നേരത്തെ ചിറയിൻകീഴിൽ രമ്യാ ഹരിദാസും പ്രവർത്തകരും തമ്മിലടിച്ച സംഭവത്തിൽ രണ്ടുപേർക്കെതിരേ കോൺഗ്രസ്…

തിരുവനന്തപുരം : തിരുവിതാംകൂർ ദേവസ്വം ബോർഡ് പ്രസിഡന്റ് സ്ഥാനത്ത് നിന്ന് രാജിവയ്ക്കാൻ ഒരുങ്ങുന്നുവെന്ന റിപ്പോർട്ടുകൾ തള്ളി കെ ജയകുമാർ . കാലാവധി പൂർത്തിയാക്കിയ ശേഷം മാത്രമേ താൻ സ്ഥാനമൊഴിയുകയുള്ളൂവെന്ന് മാധ്യമങ്ങളോട് സംസാരിക്കവെ അദ്ദേഹം പറഞ്ഞു. 2027 നവംബർ വരെ താൻ സ്ഥാനത്ത് തുടരുമെന്നും അദ്ദേഹം വ്യക്തമാക്കി. ‘മന്ത്രിയുമായി ഞങ്ങൾക്ക് ഒരു പ്രശ്‌നവുമില്ല. എന്തെങ്കിലും പ്രശ്‌നമുണ്ടെങ്കിൽ, ഞങ്ങൾ ചർച്ച നടത്തി അത് പരിഹരിക്കും. ഞാൻ രാജിവയ്ക്കേണ്ട ആവശ്യമില്ല. സർക്കാരുമായി എനിക്ക് അഭിപ്രായവ്യത്യാസമില്ല . നിലവിൽ ഞങ്ങൾ ശബരിമല തീർത്ഥാടനവുമായി ബന്ധപ്പെട്ട കാര്യങ്ങളിൽ തിരക്കിലാണ്. മന്ത്രിയുടെ ഓഫീസ് ഞങ്ങളുടെ പ്രവർത്തനങ്ങളിൽ ഇടപെട്ടിട്ടില്ല. പ്രചരിക്കുന്ന റിപ്പോർട്ടുകൾ പൂർണ്ണമായും അടിസ്ഥാനരഹിതമാണ്. നിലവിൽ മറ്റ് പ്രശ്‌നങ്ങളൊന്നുമില്ല. കാര്യങ്ങൾ സുഗമമായി നടക്കുന്നു. ശബരിമല തീർത്ഥാടനകാലം ആരംഭിക്കാൻ പോകുന്നു, നിരവധി ക്രമീകരണങ്ങൾ ചെയ്യാനുണ്ട്. മന്ത്രി ഒരു ഗാർഡിനെ ആവശ്യപ്പെട്ടാൽ, ഒരാളെ നൽകാം. അതിൽ തെറ്റൊന്നുമില്ല. അവിടെ എനിക്ക് ഒരു ഗാർഡും ഉണ്ട് ’ കെ ജയകുമാർ പറഞ്ഞു. ദേവസ്വം മന്ത്രി കെ…