Author: Anu Nair

തിരുവനന്തപുരം: ബിജെപി നേതാവും നടനുമായ കൃഷ്ണകുമാറിന്റെ മകൾ ദിയ കൃഷ്ണയുടെ ഉടമസ്ഥതയിലുള്ള ‘ഓ ബൈ ഓസി’യിൽ നടന്ന സാമ്പത്തിക തട്ടിപ്പ് കേസിൽ കുറ്റപത്രം സമർപ്പിച്ച് ക്രൈംബ്രാഞ്ച് . മുൻ ജീവനക്കാർ ദിയ കൃഷ്ണയുടെ കടയിൽ നിന്ന് 66 ലക്ഷം രൂപ തട്ടിയെടുത്തതായി ക്രൈംബ്രാഞ്ച് സമർപ്പിച്ച കുറ്റപത്രത്തിൽ പറയുന്നു. മൂന്ന് ജീവനക്കാരും സംയുക്തമായി പണം തട്ടിയെടുത്തതായാണ് ക്രൈംബ്രാഞ്ച് സമർപ്പിച്ച കുറ്റപത്രത്തിൽ പറയുന്നത് . മൂന്ന് ജീവനക്കാരെയും അവരുടെ ഭർത്താക്കന്മാരിൽ ഒരാളെയും കേസിൽ പ്രതികളാക്കിയിട്ടുണ്ട്. വിനീത ജൂലിയറ്റ്, ഭർത്താവ് ആദർശ്, ദിവ്യ ഫ്രാങ്ക്ലിൻ, രാധ കുമാരി എന്നിവരെ കേസിൽ ഉൾപ്പെടുത്തിയിട്ടുണ്ട്. മോഷ്ടിച്ച പണം ഉപയോഗിച്ച് മൂവരും ആഡംബര ജീവിതം നയിച്ചിരുന്നുവെന്നും ക്രൈംബ്രാഞ്ച് പറഞ്ഞു. വിശ്വാസവഞ്ചന, മോഷണം, വഞ്ചന എന്നീ കുറ്റങ്ങളാണ് പ്രതികൾക്കെതിരെ ചുമത്തിയിരിക്കുന്നത്. രണ്ട് വർഷത്തിനിടെ പ്രതികൾ 66 ലക്ഷം രൂപ തട്ടിയെടുത്തതായി കണ്ടെത്തി. പണം തട്ടിയെടുത്തതിന് കൃഷ്ണകുമാർ തന്നെ തിരുവനന്തപുരം അസിസ്റ്റന്റ് കമ്മീഷണർക്ക് പരാതി നൽകിയിരുന്നു. ഈ പരാതിയിൽ മ്യൂസിയം പോലീസ് കേസെടുത്തിരുന്നു.…

ഗാസ : ഹിസ്ബുള്ളയുടെ ചീഫ് ഓഫ് സ്റ്റാഫ് ഹെയ്തം അലി തബതബായിയെ ഇസ്രായേലി പ്രതിരോധ സേന വധിച്ചു . ലെബനനിലെ ബെയ്‌റൂട്ടിൽ നടന്ന വ്യോമാക്രമണത്തിലാണ് അലി തബതബായിയെ വധിച്ചത്. ആക്രമണത്തിൽ അഞ്ച് പേർ കൊല്ലപ്പെടുകയും 28 പേർക്ക് പരിക്കേൽക്കുകയും ചെയ്തതായി ലെബനൻ ആരോഗ്യ മന്ത്രാലയം അറിയിച്ചു. തബതബായിയുടെ നേതൃത്വത്തിലുള്ള ഹിസ്ബുള്ള വീണ്ടും ആയുധം എടുക്കാൻ തുടങ്ങുന്നതായി ഇസ്രായേൽ നേരത്തെ ആരോപിച്ചിരുന്നു. തബതബായിയുടെ കൊലപാതകം സ്ഥിരീകരിച്ച ഹിസ്ബുള്ള, “തന്റെ അനുഗ്രഹീത ജീവിതത്തിന്റെ അവസാന നിമിഷം വരെ ഇസ്രായേലി ശത്രുവിനെ നേരിടാൻ പ്രവർത്തിച്ച” “മഹാനായ ജിഹാദിസ്റ്റ് കമാൻഡർ” ആയാണ് തബതബായിയെ വിശേഷിപ്പിച്ചത്. 2016 ൽ യുഎസ് തബതബായിയെ മോസ്റ്റ് വാണ്ടഡ് ലിസ്റ്റിൽ ഉൾപ്പെടുത്തിയിരുന്നു. 5 മില്യൺ ഡോളർ, അല്ലെങ്കിൽ ഏകദേശം 45 കോടി രൂപ, തലയ്ക്ക് പാരിതോഷികവും പ്രഖ്യാപിച്ചു. 2023-24 കാലഘട്ടത്തിൽ ലെബനനിൽ നടന്ന ഭീകരമായ യുദ്ധത്തിൽ, മിക്ക ഹിസ്ബുള്ള നേതാക്കളും ഇസ്രായേലി വ്യോമാക്രമണങ്ങളിൽ കൊല്ലപ്പെട്ടു. തബതബായ് രക്ഷപ്പെട്ടു. യുഎസ് മധ്യസ്ഥതയ്ക്ക് ശേഷം യുദ്ധം…

അയോധ്യ: അയോധ്യയിലെ രാമക്ഷേത്രത്തിന്റെ മുകളിൽ കാവി പതാക ഉയർത്തി പ്രധാനമന്ത്രി മോദിയും ആർ‌എസ്‌എസ് മേധാവി മോഹൻ ഭാഗവതും . ചടങ്ങിന് മുന്നോടിയായി പ്രധാനമന്ത്രി രാം ലല്ലയെ സന്ദർശിക്കുകയും രാം ദർബാറിൽ പ്രാർത്ഥന നടത്തുകയും ചെയ്തു. പ്രധാനമന്ത്രി നരേന്ദ്ര മോദിയോടൊപ്പം, രാഷ്ട്രീയ സ്വയംസേവക സംഘം മേധാവി മോഹൻ ഭാഗവത്, ഉത്തർപ്രദേശ് മുഖ്യമന്ത്രി യോഗി ആദിത്യനാഥ് എന്നിവരും പ്രാർത്ഥനയിൽ പങ്കെടുത്തു. ശ്രീരാമ ജന്മഭൂമി ക്ഷേത്രത്തിന്റെ നിർമ്മാണം പൂർത്തിയായതിന്റെ അടയാളമായാണ് പ്രധാനമന്ത്രി മോദിയും ആർ‌എസ്‌എസ് മേധാവി മോഹൻ ഭാഗവതും ചേർന്ന് ക്ഷേത്രത്തിന്റെ മുകളിൽ കാവി പതാക ഉയർത്തിയത് . 10 അടി ഉയരവും 20 അടി നീളവുമുള്ള ത്രികോണാകൃതിയിലുള്ള പതാക ശ്രീരാമന്റെ മഹത്വത്തെയും വീര്യത്തെയും പ്രതീകപ്പെടുത്തുന്നു. “ജയ് ശ്രീ റാം” എന്ന വിളി അന്തരീക്ഷം മുഴുവൻ നിറഞ്ഞ സമയത്തണ് പതാക ഉയർത്തിയത് . “ഇന്ന് ഓരോ ഇന്ത്യക്കാരനും അഭിമാനത്തിന്റെ ദിവസമാണ്. ഈ പതാക ഉയർത്തിയതിന് പ്രധാനമന്ത്രി മോദിയോട് ഞാൻ എന്റെ നന്ദി അറിയിക്കുന്നു.”എന്ന് ഉത്തർപ്രദേശ് മുഖ്യമന്ത്രി…

കൊച്ചി: എത്യോപ്യയിലെ ഹെയ്‌ലി ഗുബ്ബി അഗ്നിപർവ്വത സ്‌ഫോടനത്തിന്റെ പശ്ചാത്തലത്തിൽ നെടുമ്പാശ്ശേരിയിൽ നിന്നുള്ള കൂടുതൽ വിമാന സർവീസുകൾ തടസ്സപ്പെടാൻ സാധ്യത . ജിദ്ദയിലേക്കുള്ള ആകാശ് എയർ, ദുബായിലേക്കുള്ള ഇൻഡിഗോ എന്നിവ കഴിഞ്ഞ ദിവസം സർവീസുകൾ നിർത്തിവച്ചിരുന്നു. ഇന്നലെ രാത്രി പുറപ്പെടേണ്ടിയിരുന്ന ദുബായിലേക്കുള്ള സ്‌പൈസ് ജെറ്റ് വിമാനവും ഇന്നത്തേക്ക് പുനഃക്രമീകരിച്ചിരുന്നു . അഗ്നിപർവ്വത സ്‌ഫോടനം ഏഷ്യയിലെ വ്യോമ ഗതാഗതത്തെ സാരമായി ബാധിച്ചിട്ടുണ്ട് . ഡൽഹി ഉൾപ്പെടെയുള്ള നഗരങ്ങളിൽ പുക മേഘങ്ങൾ എത്തിയിട്ടുണ്ട്. രാജസ്ഥാനിലും മഹാരാഷ്ട്രയിലും കനത്ത പുക അനുഭവപ്പെടുന്നു . ഈ സാഹചര്യത്തിൽ, വിമാനക്കമ്പനികളോട് ജാഗ്രത പാലിക്കാൻ നിർദ്ദേശിച്ചിട്ടുണ്ട്. ഗൾഫ് മേഖലയിലേക്കുള്ള വിമാന ഗതാഗതവും പ്രതിസന്ധിയിലാണ്. കണ്ണൂർ-അബുദാബി വിമാനം അഹമ്മദാബാദിൽ ലാൻഡ് ചെയ്തതായും വിവരമുണ്ട്. അഗ്നിപർവ്വത സ്‌ഫോടനത്തിൽ നിന്നുള്ള പൊടിപടലങ്ങൾ വായു ഗുണനിലവാര സൂചികയെ ബാധിക്കുമെന്നും അത്തരം സാഹചര്യങ്ങളിൽ ആളുകൾ തീർച്ചയായും മാസ്‌ക് ധരിക്കണമെന്നും അധികൃതർ മുന്നറിയിപ്പ് നൽകി. ഏകദേശം 10,000 വർഷമായി നിദ്രയിലായിരുന്ന ഹെയ്‌ലി ഗുബ്ബി അഗ്നിപർവ്വതം ഞായറാഴ്ച രാവിലെ 8:30 ഓടെയാണ്…

കൊച്ചി : എത്യോപ്യയിൽ ഉണ്ടായ അഗ്നിപർവത സ്ഫോടനത്തെ തുടർന്ന് കൊച്ചി വിമാനത്താവളത്തിൽ നിന്ന് തിങ്കളാഴ്ച പുറപ്പെടേണ്ടിയിരുന്ന രണ്ട് അന്താരാഷ്ട്ര വിമാനങ്ങൾ റദ്ദാക്കി.ജിദ്ദയിലേക്കും ദുബായിലേക്കും പോകേണ്ടിയിരുന്ന വിമാനങ്ങളാണ് റദ്ദാക്കിയതെന്ന് കൊച്ചിൻ ഇന്റർനാഷണൽ എയർപോർട്ട് ലിമിറ്റഡ് അധികൃതർ അറിയിച്ചു. 12000 വർഷമായി നിർജീവം ആയിരുന്ന ഹെയ്ലി ഗബ്ബി അഗ്നിപർവതമാണ് പൊട്ടിയത്. ജനവാസം ഇല്ലാത്ത മേഖല ആയതിനാൽ ആൾ നാശമില്ല. എന്നാൽ, അഗ്നിപർവതത്തിന്‍റെ കരിയും പുകയും കിലോമീറ്ററുകൾ ഉയരത്തിലും ദൂരത്തിലും പരക്കുകയാണ്.ണമെന്നാണ് നിർദ്ദേശം. സ്ഥിതി പരിശോധിച്ചുവരുകയാണെന്ന് ഇന്‍ഡിഗോ അറിയിച്ചു. ഡൽഹിയിൽ നിന്ന് പുറപ്പെടേണ്ട രണ്ട് അന്താരാഷ്ട്ര വിമാന സർവീസുകൾ താൽക്കാലികമായി റദ്ദാക്കിയിട്ടുണ്ട്. ഡൽഹിയിൽ നിന്ന് ആംസ്റ്റഡ‍ാമിലേക്കും ആംസ്റ്റഡാമിൽ നിന്ന് ദില്ലിയിലേക്കുമുള്ള രണ്ട് വിമാന സര്‍വീസുകളാണ് താത്കാലികമായി റദ്ദാക്കിയത്. എത്യോപ്യയിൽ വടക്കൻ മേഖലയിലെ ഹയ്ലി ഗുബ്ബിയിൽ ഞായറാഴ്ചയാണ് അഗ്നിപര്‍വത സ്ഫോടനമുണ്ടായത്. ചാരവും പുകയും ചെങ്കടൽ കടന്ന് യെമനിലേക്കും ഒമാനിലേക്കും ഇതിനോടം എത്തിയിട്ടുണ്ട്.

എറണാകുളം: എറണാകുളത്ത് നിന്ന് കസ്റ്റഡിയിലായ കുപ്രസിദ്ധ മോഷ്ടാവായ ബണ്ടി ചോറിനെ വിട്ടയച്ചു. അഡ്വക്കറ്റ് ബി.എ ആളൂരിനെ കാണാനാണ് വന്നതെന്നും ആളൂര്‍ മരിച്ചത് അറിഞ്ഞില്ലെന്നും ബണ്ടി ചോര്‍ റെയില്‍വേ പൊലീസിന് മൊഴി നല്‍കി. നിലവില്‍ പ്രതിചേര്‍ക്കപ്പെട്ട കേസുകള്‍ ഇല്ലാത്തതിനാലാണ് വിട്ടയച്ചത്. എഴുന്നൂറിലധികം കവര്‍ച്ച കേസുകളില്‍ പ്രതിയാണ് ബണ്ടി ചോര്‍. നിലവില്‍ കേരളത്തില്‍ കേസുകളൊന്നും ഇല്ല. തൃശൂരിലെ കവര്‍ച്ച കേസുമായി ബന്ധപ്പെട്ട് അഭിഭാഷകനെ കാണാനാണ് എറണാകുളത്ത് എത്തിയത്. തൃശൂരിലെ കവര്‍ച്ച കേസില്‍ ബണ്ടി ചോറിനെ കോടതി വെറുതെ വിട്ടിരുന്നു. റെയിൽവേ പൊലീസ്‌ ഞായറാഴ്ച രാത്രി 8.30ഓടെ സ്‌റ്റേഷനിൽ പരിശോധന നടത്തുന്നതിനിടെയാണ്‌ വെയ്‌റ്റിങ്‌ ഏരിയയിൽ ബണ്ടി ചോറിനെ കണ്ടത്. സംശയം തോന്നി ചോദ്യംചെയ്യുകയായിരുന്നു. ഡല്‍ഹിയില്‍നിന്ന് ട്രെയിനിലാണ്‌ എത്തിയതെന്ന്‌ സ്ഥിരീകരിച്ചു. 2013 ജനുവരിയില്‍ തിരുവനന്തപുരം മരപ്പാലത്തെ വീട്ടില്‍ മോഷണം നടത്തിയതിന് പിടികൂടിയിരുന്നു. പത്തുവര്‍ഷത്തെ തടവ്‌ അനുഭവിച്ചാണ്‌ പുറത്തിറങ്ങിയത്.

കൊല്ലം: ആൾ ഇന്ത്യാ ടൂറിസ്റ്റ് പെർമിറ്റിനെക്കുറിച്ചുള്ള പ്രശ്നങ്ങളുമായി ബന്ധപ്പെട്ട് ശ്രദ്ധ നേടിയ ബസ് ഉടമയാണ് റോബിൻ ഗിരീഷ് . ഇപ്പോഴിതാ അടുത്ത വർഷത്തെ നിയമസഭാ തിരഞ്ഞെടുപ്പിൽ ഗതാഗത മന്ത്രി കെ ബി ഗണേഷ് കുമാറിനെതിരെ മത്സരിക്കുമെന്ന് പ്രഖ്യാപിച്ച് രംഗത്തെത്തിയിരിക്കുകയാണ് റോബിൻ . കോട്ടയത്തെ മേലുകാവ് പഞ്ചായത്തിൽ നിന്ന് തദ്ദേശ സ്വയംഭരണ സ്ഥാപനങ്ങളിലേക്ക് നടക്കുന്ന തിരഞ്ഞെടുപ്പിൽ സ്വതന്ത്ര സ്ഥാനാർത്ഥിയായി മത്സരിക്കുന്ന ഗിരീഷ്, അടുത്ത വർഷം പത്തനാപുരം നിയമസഭാ മണ്ഡലത്തിൽ നിന്ന് മത്സരിക്കാൻ പദ്ധതിയിടുന്നതായി വെളിപ്പെടുത്തി. ഓൾ ഇന്ത്യാ ടൂറിസ്റ്റ് പെർമിറ്റിനെക്കുറിച്ചുള്ള ശക്തമായ പ്രതികരണങ്ങളിലൂടെയാണ് ഗിരീഷ് ആദ്യമായി പൊതുജനങ്ങൾക്ക് മുന്നിൽ എത്തുന്നത് . പൊതുഗതാഗത മേഖലയെ സംരക്ഷിക്കുന്നതിന്റെ മറവിൽ സർക്കാർ സ്വകാര്യ ബസ് ഉടമകളെ ചൂഷണം ചെയ്യുകയാണെന്ന് അദ്ദേഹം ആരോപിക്കുന്നു. പുതിയ ബസുകൾക്ക് മാത്രമേ പെർമിറ്റ് നൽകൂ എന്ന് സർക്കാർ നിർബന്ധം പിടിക്കുന്നുണ്ടെങ്കിലും, സർക്കാർ സർവീസ് നടത്തുന്ന മിക്ക ബസുകളും പഴയ വാഹനങ്ങളാണെന്നും അദ്ദേഹം ചൂണ്ടിക്കാട്ടുന്നു. സ്വകാര്യ ബസ് മേഖലയെ നശിപ്പിക്കുന്ന സർക്കാർ നയങ്ങൾക്കെതിരായ…

കച്ച്: നിലവിൽ പാകിസ്ഥാനിലുള്ള സിന്ധ് ഭാവിയിൽ ഇന്ത്യയുടെ ഭാഗമായി മാറിയേക്കാമെന്ന് സൂചന നൽകി പ്രതിരോധ മന്ത്രി രാജ്‌നാഥ് സിംഗ് . സിന്ധി സമൂഹത്തിന്റെ ഒരു ചടങ്ങിൽ പങ്കെടുക്കവെയാണ് രാജ്‌നാഥ് സിംഗിന്റെ ഈ പരാമർശം . അതിർത്തികൾ മാറിയേക്കാം, സിന്ധ് നാളെ ഇന്ത്യയുടെ ഭാഗമാകാം എന്നാണ് രാജ്നാഥ് സിംഗ് പറഞ്ഞത്. മുതിർന്ന ബിജെപി നേതാവ് എൽ കെ അദ്വാനി സിന്ധിനെക്കുറിച്ച് പറഞ്ഞ കാര്യങ്ങളും രാജ്നാഥ് സിംഗ് പരാമർശിച്ചു. ‘സിന്ധിനെ ഇന്ത്യയിൽ നിന്ന് വേർപെടുത്തുന്നത് എൽ കെ അദ്വാനി പോലുള്ള സിന്ധികൾ അംഗീകരിച്ചിട്ടില്ല. സിന്ധിൽ മാത്രമല്ല, ഇന്ത്യയിലുടനീളമുള്ള ഹിന്ദുക്കൾ സിന്ധ് നദിയെ പവിത്രമായി കണക്കാക്കുന്നു. സിന്ധ് എല്ലായ്പ്പോഴും ഇന്ത്യയുടെ ഭാഗമായിരിക്കും. ഭൂമിയുടെ കാര്യത്തിൽ, അതിർത്തികൾ എല്ലായ്പ്പോഴും മാറിയേക്കാം. ആർക്കറിയാം, സിന്ധ് നാളെ ഇന്ത്യയുടെ ഭാഗമായേക്കാം . സിന്ധു നദിയെ പുണ്യനദിയായി കാണുന്ന സിന്ധികൾ അവർ എവിടെയായിരുന്നാലും എല്ലായ്പ്പോഴും നമ്മുടെ ആളുകളായിരിക്കും,’ മന്ത്രി പറഞ്ഞു. ഇന്ത്യയുടെ അതിർത്തികൾ വികസിപ്പിക്കുമെന്ന് രാജ്‌നാഥ് സിംഗ് പറയുന്നത് ഇത് രണ്ടാം…

ബെംഗളൂരു: കർണാടകയിലെ കോലാറിൽ ശബരിമല തീർത്ഥാടകരുടെ വാഹനം അപകടത്തിൽപ്പെട്ട് നാല് മരണം . തിങ്കളാഴ്ച പുലർച്ചെ 2.15 നും 2.30 നും ഇടയിൽ മാലൂർ താലൂക്കിലെ അബ്ബെനഹള്ളി ഗ്രാമത്തിലാണ് അപകടം. തീർത്ഥാടകരുടെ കാർ ഫ്ലൈഓവറിൽ നിന്ന് മറിയുകയായിരുന്നു. മരിച്ച നാലുപേരും സുഹൃത്തുക്കളാണെന്നും ശബരിമലയിലേക്കുള്ള യാത്രയിലായിരുന്നുവെന്നും പോലീസ് പറഞ്ഞു. അമിത വേഗതയാണ് അപകടത്തിന് കാരണമെന്ന് പോലീസ് പറഞ്ഞു. മൃതദേഹങ്ങൾ പോസ്റ്റ്‌മോർട്ടത്തിന് ശേഷം കുടുംബങ്ങൾക്ക് കൈമാറും. കഴിഞ്ഞ ആഴ്ച തിരുപ്പൂരിലെ പെരുമനല്ലൂരിന് സമീപം ബെംഗളൂരുവിൽ നിന്ന് കേരളത്തിലേക്ക് പോകുകയായിരുന്ന ബസ് ലോറിയുടെ പിന്നിൽ ഇടിച്ച് 37 ശബരിമല തീർത്ഥാടകർക്ക് പരിക്കേറ്റു.

ആലപ്പുഴ: കൈനകരിയിൽ ഗർഭിണിയെ കൊലപ്പെടുത്തി കായലിൽ തള്ളിയ കേസിൽ ഒന്നാം പ്രതിക്ക് വധശിക്ഷ . നിലമ്പൂർ മുതുതോട് പൂക്കോടൻ വീട്ടിൽ പ്രബീഷിനെയാണ് ആലപ്പുഴ അഡീഷണൽ ജില്ലാ സെഷൻസ് കോടതി വധശിക്ഷയ്ക്ക് വിധിച്ചത്. പുന്നപ്ര തെക്കേമടം വീട്ടിൽ അനിത ശശിധരനെ കാമുകൻ പ്രബീഷും, അയാളുടെ വനിതാ സുഹൃത്തും ചേർന്ന് 2021 ജൂലൈ 9 നാണ് കൊലപ്പെടുത്തിയത്. കേസിൽ ഒന്നും രണ്ടും പ്രതികളായ കൈനകരി പത്തിശ്ശേരി വീട്ടിൽ പ്രബീഷും രജനിയും കുറ്റക്കാരാണെന്ന് കോടതി കണ്ടെത്തിയിരുന്നു. വിവാഹിതയും രണ്ട് കുട്ടികളുടെ അമ്മയുമായ അനിതയെ രജനിയും ചേർന്ന് കൊലപ്പെടുത്തി പള്ളാത്തുരുത്തിക്ക് സമീപമുള്ള കായലിൽ തള്ളുകയായിരുന്നു . മൃതദേഹം കണ്ടെത്തിയതിനെ തുടർന്ന് നടത്തിയ അന്വേഷണത്തിലാണ് ക്രൂരമായ കൊലപാതകം പുറത്തുവന്നത്. രണ്ടാം പ്രതി കൈനകരി തോട്ടുവാത്തല പടിഞ്ഞാറ് പതിശേരി വീട്ടിൽ രജനി (38) ഒ‍ഡിഷയിലെ റായ്ഘട്ട് ജയിലിലാണ്. രജനിയെ പ്രൊഡക്‌ഷൻ വാറന്റ് വഴി 29നു ഹാജരാക്കണമെന്നാണു കോടതി ഉത്തരവ്. അതിനു ശേഷം രജനിയുടെ ശിക്ഷ പറയും. ജാമ്യത്തിലായിരുന്ന രജനി ഒഡിഷയിൽ…