Author: Anu Nair

ന്യൂഡൽഹി: വഖഫ് ഭേദഗതി ബിൽ പിൻവലിക്കണമെന്ന് ആവശ്യപ്പെട്ട് തമിഴ്‌നാട് മുഖ്യമന്ത്രി എംകെ സ്റ്റാലിൻ പ്രധാനമന്ത്രി നരേന്ദ്ര മോദിക്ക് കത്തയച്ചു. കത്തിന്റെ പകർപ്പ് തമിഴ്‌നാട് മുഖ്യമന്ത്രിയുടെ ഓഫീസ് എക്‌സിൽ പങ്കുവെച്ചിട്ടുണ്ട് . ” 1995 ലെ വഖഫ് നിയമത്തിലെ നിർദിഷ്ട ഭേദഗതികൾ ന്യൂനപക്ഷങ്ങൾക്ക് നൽകുന്ന ഭരണഘടനാപരമായ സംരക്ഷണം കണക്കിലെടുക്കാതെ മുസ്ലീം സമുദായത്തിൻ്റെ താൽപ്പര്യത്തെ സാരമായി ബാധിക്കും. വഖഫ് നിയമത്തിൽ ഇത്രയും ദൂരവ്യാപകമായ ഭേദഗതികൾ ആവശ്യമില്ലെന്നാണ് ഞങ്ങളുടെ അഭിപ്രായം . പുതിയ നിയമത്തിൽ നിർദ്ദേശിച്ചിട്ടുള്ള ഭേദഗതികൾ വഖഫ് ബോർഡുകളുടെ അധികാരങ്ങളും ഉത്തരവാദിത്തങ്ങളും അവരുടെ ദുർബലമാക്കും. ഇന്ത്യൻ ഭരണഘടന ഓരോ പൗരനും അതത് മതം പിന്തുടരാനുള്ള അവകാശം നൽകുന്നു, ഈ അവകാശം ഉയർത്തിപ്പിടിക്കുകയും സംരക്ഷിക്കുകയും ചെയ്യേണ്ടത് തിരഞ്ഞെടുക്കപ്പെട്ട സർക്കാരുകളുടെ കടമയാണ് .വ്യവസ്ഥകൾ നീക്കം ചെയ്യുന്നത് ചരിത്രപരമായ നിരവധി വഖഫ് സ്വത്തുക്കളുടെ നിലയ്ക്ക് ഭീഷണിയാണ്.‘ “ എന്നാണ് സ്റ്റാലിൻ കത്തിൽ പറയുന്നത്.

ഭാഗ്യത്തിന്റെയും കഠിനാധ്വാനത്തിന്റെയും ഉത്തമ ഉദാഹരണമാണ് നടൻ അല്ലു അർജുൻ. ഇന്ത്യയിലെ മറ്റൊരു നടനും ലഭിക്കാത്ത പ്രതിഫലമാണ് ‘പുഷ്പ 2’ എന്ന ചിത്രത്തിന് അദ്ദേഹം കൈപ്പറ്റിയത്. അല്ലു അർജുന്റെ തുടർച്ചയായ മൂന്ന് ചിത്രങ്ങൾ ബ്ലോക്ക്ബസ്റ്ററുകളാണ്. ഒന്നിനു പുറകെ ഒന്നായി ഹിറ്റുകൾ സമ്മാനിച്ചു കൊണ്ടിരിക്കുന്ന അല്ലു അർജുൻ ഇപ്പോൾ തന്റെ പേര് മാറ്റാൻ ഒരുങ്ങുന്നു. ജ്യോതിഷികളുടെയും സംഖ്യാശാസ്ത്രജ്ഞരുടെയും ഉപദേശത്തെ തുടർന്നാണ് അല്ലു അർജുൻ ഈ തീരുമാനത്തിലെത്തിയത്. ഒരു പേര് മാറ്റേണ്ടിവരുമ്പോൾ, യഥാർത്ഥ പേര് ഉപേക്ഷിച്ച് മറ്റൊന്ന് നിലനിർത്തുമെന്നല്ല അതിന് അർത്ഥമെന്ന് അല്ലു അർജുനുമായി ബന്ധപ്പെട്ടവർ പറയുന്നു. നിലവിലുള്ള പേരിനൊപ്പം ഒരു അക്ഷരം കൂടി ചേർക്കുകയോ, കുറയ്ക്കുകയോ ചെയ്ത് പേര് സംഖ്യാശാസ്ത്രത്തിന് അനുസൃതമാണെന്ന് ഉറപ്പാക്കും. റിപ്പോർട്ടുകൾ പ്രകാരം അല്ലു അർജുൻ തന്റെ ഇപ്പോഴത്തെ പേരിനൊപ്പം ഒരു അക്ഷരം കൂടി ചേർക്കാൻ പോകുകയാണ്. ഒരു അധിക അക്ഷരം ചേർത്താലും പേരിന്റെ ഉച്ചാരണം അതേപടി തുടരും. അല്ലു അർജുൻ ജ്യോതിഷികളെ ബന്ധപ്പെടുകയും ചില പ്രത്യേക പൂജകൾ നടത്തുകയും ചെയ്തിട്ടുണ്ടെന്നും…

ഗാന്ധിനഗര്‍: ഗുജറാത്തില്‍ വ്യോമസേന വിമാനം തകര്‍ന്നു വീണ് പൈലറ്റ് മരിച്ചു. ബുധനാഴ്ച രാത്രിയാണ് അപകടം. ഗുരുതരമായി പരിക്കേറ്റ കോപൈലറ്റിനെ ആശുപത്രിയില്‍ പ്രവേശിപ്പിച്ചു. ജാംനഗറിലാണ് അപകടമുണ്ടായത്.താഴെവീണ വിമാനം പൂര്‍ണമായി കത്തിയമര്‍ന്നു . അപകട കാരണം വ്യക്തമല്ലെന്നും വ്യോമസേന അധികൃതര്‍ പറഞ്ഞു. ഉന്നത വ്യോമസേനാ ഉദ്യോഗസ്ഥര്‍ അപകട സ്ഥലത്തേക്ക് തിരിച്ചു. സ്ഥലത്ത് രക്ഷാപ്രവര്‍ത്തനം തുടരുകയാണെന്നും പ്രദേശവാസികള്‍ക്ക് ആര്‍ക്കും പരിക്കില്ലെന്നും അധികൃതര്‍ അറിയിച്ചു. അപകടത്തില്‍ വ്യോമസേന അന്വേഷണം പ്രഖ്യാപിച്ചു.

എറണാകുളം: കൊച്ചി കായലിൽ മാലിന്യം നിക്ഷേപിച്ച സംഭവത്തിൽ ഗായകൻ എംജി ശ്രീകുമാറിന് 25,000 രൂപ പിഴ ചുമത്തി. എറണാകുളത്തെ മുളവുകാട് പഞ്ചായത്തുള്ള എം ജി ശ്രീകുമാറിന്റെ വസതിയിൽ നിന്ന് മാലിന്യം വെള്ളത്തിലേക്ക് തള്ളുന്ന ദൃശ്യങ്ങൾ വിനോദ സഞ്ചാരിയാണ് വീഡിയോയിൽ പകർത്തിയത്. പിന്നീട് ഇദ്ദേഹം ഈ ദൃശ്യങ്ങൾ തദ്ദേശ സ്വയംഭരണ വകുപ്പ് മന്ത്രി എം ബി രാജേഷിനെ ടാഗ് ചെയ്ത് പോസ്റ്റ് ചെയ്തതോടെയാണ് വീഡിയോ സോഷ്യൽ മീഡിയയിൽ വൈറലായത് . പരാതി തെളിവുകൾ സഹിതം വാട്‌സ്ആപ്പ് വഴി നിയുക്ത നമ്പറിൽ (9446700800) സമർപ്പിച്ചാൽ നടപടിയെടുക്കുമെന്ന് മറുപടിയായി മന്ത്രി വ്യക്തമാക്കി. ഇതേത്തുടർന്നാണ് ഔദ്യോഗികമായി പരാതി നൽകിയത് . തദ്ദേശ സ്വയംഭരണ വകുപ്പിൻ്റെ കൺട്രോൾ റൂം പഞ്ചായത്തിനെ അന്വേഷണത്തിന് ചുമതലപ്പെടുത്തി. സ്ഥലം പരിശോധിച്ചപ്പോൾ പ്രാദേശിക ഉദ്യോഗസ്ഥർ നിയമലംഘനം സ്ഥിരീകരിക്കുകയും ചെയ്തു. പഞ്ചായത്ത് അധികൃതർ നോട്ടീസ് നൽകുന്നതിന് മുമ്പ് തീയതിയും സമയവും ദൃശ്യങ്ങളും പരിശോധിച്ചു. ശ്രീകുമാറിൻ്റെ വസ്തുവിൽ നിന്ന് മാലിന്യം തള്ളുന്നത് വീഡിയോയിൽ വ്യക്തമായി കാണിച്ചിരുന്നെങ്കിലും ആരാണത്…

തിരുവനന്തപുരം: ഭാസ്‌കര കാരണവരെ കൊലപ്പെടുത്തിയ കേസിലെ മുഖ്യപ്രതി ഷെറിനെ ജയിൽ മോചിതയാക്കാനുള്ള മന്ത്രിസഭാ തീരുമാനം താൽക്കാലികമായി മരവിപ്പിച്ചു.ഷെറിനെ വിട്ടയക്കാനുള്ള തീരുമാനത്തിൽ ബാഹ്യസമ്മർദ്ദം ഉണ്ടായെന്ന ആരോപണവും, മന്ത്രിസഭാ തീരുമാനത്തിന് ശേഷവും ഷെറിൻ സഹതടവുകാരിയെ ആക്രമിച്ചതുമാണ് തീരുമാനം മരവിപ്പിക്കാനിടയാക്കിയത്. ജനുവരിയിൽ ഷെറിനെ മോചിപ്പിക്കാൻ മന്ത്രിസഭ തീരുമാനിച്ചെങ്കിലും ഫയൽ ഇതുവരെ ഗവർണറുടെ അംഗീകാരത്തിനായി അയച്ചിട്ടില്ല.ഷെറിൻ്റെ മോചനത്തിനെതിരെ ഗവർണർക്കും പരാതി ലഭിച്ചിട്ടുണ്ട്. തീരുമാനമെടുത്ത് ദിവസങ്ങൾക്കകം ഫയൽ മുഖ്യമന്ത്രിയുടെ ഓഫീസിൽ സമർപ്പിച്ചെങ്കിലും സ്ഥിതിഗതികൾ പ്രതികൂലമായതിനാൽ തുടർനടപടികളിൽ നിന്ന് സർക്കാർ വിട്ടുനിന്നു. കഴിഞ്ഞ വർഷം ഓഗസ്റ്റിൽ വിളിച്ചുചേർത്ത കണ്ണൂരിലെ വനിതാ ജയിൽ ഉപദേശക സമിതി യോഗത്തിലാണ് ഷെറിനെ വിട്ടയക്കണമെന്ന ശുപാർശ നൽകിയത്. കൊലപാതകം, ഗൂഢാലോചന, കുറ്റകൃത്യത്തിന് പ്രേരണ, തെളിവ് നശിപ്പിക്കൽ, കവർച്ച, ആക്രമണം തുടങ്ങി ഒന്നിലധികം കുറ്റങ്ങൾ ചുമത്തിയാണ് ഇവർ ശിക്ഷിക്കപ്പെട്ടത്. അമേരിക്കയിൽ നിന്ന് മടങ്ങിയെത്തിയ ചെങ്ങന്നൂരിൽ മകൻ്റെ കുടുംബത്തോടൊപ്പം താമസിച്ചിരുന്ന കാരണവർ (65) 2009 നവംബറിലാണ് കൊല്ലപ്പെട്ടത്.

ന്യൂഡൽഹി: വഖഫ് ബില്ലിനെതിരെ എല്ലായ്‌പ്പോഴും പരസ്യമായി സംസാരിച്ചിരുന്ന ലോക്‌സഭയിൽ നടന്ന ചർച്ചയ്ക്കിടെ മൗനം പാലിച്ചത് എന്തുകൊണ്ടെന്ന് ചോദ്യം ഉയരുന്നു. വഖഫ് ഭേദഗതി ബിൽ 13 മണിക്കൂർ നീണ്ട ചർച്ചയ്‌ക്കൊടുവിൽ 288 അംഗങ്ങൾ അനുകൂലമായി വോട്ട് ചെയ്‌താണ് ബുധനാഴ്ച ലോക്‌സഭയിൽ പാസാക്കിയത്. ലോക്സഭയിലെ 232 അംഗങ്ങൾ ഈ ഭേദഗതി ബില്ലിന് എതിരായിരുന്നു. ബിൽ ഇന്ന് രാജ്യസഭയിൽ അവതരിപ്പിക്കും. വഖഫ് ഭേദഗതി ബിൽ അവതരിപ്പിക്കുന്നതിന് മുമ്പ്, ഭേദഗതികളിൽ കോൺഗ്രസിൻ്റെ നിലപാട് ചർച്ച ചെയ്യുന്നതിനായി പാർട്ടിയിലെ മുതിർന്ന നേതാക്കളുമായും എംപിമാരുമായും കൂടിക്കാഴ്ച നടത്താൻ പാർലമെൻ്റിൽ എത്തിയ രാഹുൽ ഗാന്ധി, യോഗം കഴിഞ്ഞയുടനെ പോയി. നിർണായകമായ വഖഫ് ചർച്ചയിൽ നിന്ന് വിട്ടുനിൽക്കാനുള്ള തീരുമാനം അദ്ദേഹം എടുത്തുവെന്നത് ഇതിൽ നിന്ന് തന്നെ വ്യക്തമായി എന്നാണ് വിമർശനം. രാഹുൽ ഗാന്ധിയുടെ മൗനത്തെ ചോദ്യം ചെയ്ത സോഷ്യൽ മീഡിയ അദ്ദേഹം ഒരു എംപിയാകാൻ പോലും യോഗ്യനല്ലെന്ന് പറയുകയും ചെയ്തു.രാഹുൽ കുറച്ചു കൂടി ഉത്തരവാദിത്വം കാണിക്കണമെന്നാണ് ഇടത് നേതാവ് ഇളമരം കരീം പറഞ്ഞത്.…

ആലപ്പുഴ : വ്യാജ വാർത്തകളുണ്ടാക്കി തന്നെ അപകീർത്തിപ്പെടുത്താനുള്ള ശ്രമം നടക്കുന്നതായി നടൻ ശ്രീനാഥ് ഭാസി . കഴിഞ്ഞ ദിവസം ആലപ്പുഴയിൽ ഹൈബ്രിഡ് കഞ്ചാവുമായി പിടിയിലായ തസ്ലീന സുൽത്താനയെന്ന യുവതി നടൻമാരായ ഷൈൻ ടോം ചാക്കോയ്ക്കും ശ്രീനാഥ് ഭാസിക്കും താൻ മയക്കുമരുന്ന് എത്തിച്ചു നൽകിയിരുന്നതായി എക്സൈസിനോട് വെളിപ്പെടുത്തിയിരുന്നു. അതിനു പിന്നാലെയാണ് തനിക്ക് ഇതിനെ പറ്റി അറിയില്ലെന്ന ശ്രീനാഥ് ഭാസിയുടെ പ്രതികരണം.ഈ വിഷയത്തിൽ കൂടുതൽ പ്രതികരിക്കാനില്ലെന്നും താരം പറഞ്ഞു യുവതിക്ക് സിനിമാ മേഖലയിലെ മുൻനിര താരങ്ങളുമായി ബന്ധമുണ്ടെന്ന് പോലീസ് അന്വേഷണത്തിൽ കണ്ടെത്തി. വിദേശത്ത് നിന്ന് കൊണ്ടുവന്ന ഹൈബ്രിഡ് കഞ്ചാവാണ് യുവതി കൊച്ചിയിൽ വിതരണം ചെയ്തതെന്നാണ് സൂചന.ഇവരിൽ നിന്ന് രണ്ട് കോടി രൂപ വിലമതിക്കുന്ന ഹൈബ്രിഡ് കഞ്ചാവാണ് പിടികൂടിയത്. എക്സൈസ് പിടികൂടുമ്പോൾ മക്കൾ ഒപ്പമുണ്ടായിരുന്നു. ആലപ്പുഴ നാർക്കോട്ടിക് സർക്കിൾ ഇൻസ്പെക്ടർ മഹേഷും സംഘവുമാണ് യുവതിയെ അറസ്റ്റ് ചെയ്തത്. ക്രിസ്റ്റീന എന്ന തസ്ലീന തായ്‌ലൻഡിൽ നിന്നാണ് കഞ്ചാവ് കൊണ്ടുവന്നതെന്നാണ് സൂചന. എംഡിഎംഎയേക്കാൾ ലഹരി നൽകുന്നതാണ് ഹൈബ്രിഡ് കഞ്ചാവ്.…

മധുര : ആർ എസ് എസ് – ബിജെപി സഖ്യം ആശയപ്രചാരണത്തിലും, ജനസ്വാധീനത്തിലും ഏറെ മുന്നിലാണെന്നും , അതിനെ ചെറുക്കാൻ പുതിയ മാർഗങ്ങൾ തേടണമെന്നും സിപിഎം .പുതിയ സംഘടനകളുണ്ടാക്കി പ്രവർത്തനം വ്യാപിപ്പിക്കാനാണ് പാർട്ടി കോൺഗ്രസിൽ അവതരിപ്പിക്കുന്ന സംഘടനാ റിപ്പോർട്ടിലെ കർമപദ്ധതി. ബിജെപിയെയും, ആർ എസ് എസിനെയും ചെറുക്കാൻ പുതുവഴികൾ തേടണമെന്നും റിപ്പോർട്ടിൽ പറയുന്നു. പ്രാദേശിക സമരങ്ങൾ ഏറ്റെടുക്കാൻ ജനജീവിതം ആഴത്തിൽ പഠിക്കും . കുട്ടികൾക്ക് മുതൽ പെൻഷൻ ആയവർക്ക് വരെ ദേശീയതലത്തിൽ സംഘടനയുണ്ടാക്കും. ബാലസംഘം മാതൃകയിൽ രാജ്യമെങ്ങും കുട്ടികളുടെ സംഘടനകൾ വേണം . ഗ്രാമീണത്തൊഴിലാളികളെ സംഘടിപ്പിക്കണം. ജനജീവിതം പഠിക്കാന്‍ ബുദ്ധിജീവികളുടെയും ട്രസ്റ്റുകള്‍, വിജ്ഞാനകേന്ദ്രങ്ങള്‍ എന്നിവയുടെയും സേവനം പ്രയോജനപ്പെടുത്തും. ചേരികളിലും, വിവിധ ഇടങ്ങളിലും പല സംഘടനകൾ ഉണ്ടാക്കി ജനശ്രദ്ധ നേടണമെന്നും റിപ്പോർട്ടിൽ പറയുന്നു.

തിരുവനന്തപുരം: രാഷ്ട്രപതി ദ്രൗപതി മുർമു ശബരിമല ദർശനത്തിനൊരുങ്ങുന്നതായി സൂചന . ഇടവ മാസ പൂജയ്ക്കിടെയാകും ദ്രൗപതി മുർമു അയ്യപ്പദർശനത്തിനെത്തുക.. തീർത്ഥാടന ക്രമീകരണങ്ങൾ സംബന്ധിച്ച് രാഷ്ട്രപതിഭവൻ തിരുവിതാംകൂർ ദേവസ്വം ബോർഡുമായി ബന്ധപ്പെട്ടതായും റിപ്പോർട്ടുകളുണ്ട്. മാർച്ചിലെ മീനമാസ പൂജയെ തുടർന്ന് ശബരിമലയിലെ സുരക്ഷയും താമസ സൗകര്യങ്ങളും പോലീസ് അവലോകനം ചെയ്തിരുന്നു. അഡ്മിനിസ്‌ട്രേറ്റീവ് ബ്ലോക്കിലെ താമസ സൗകര്യങ്ങൾ ഉൾപ്പെടെയുള്ള കാര്യങ്ങളിലാണ് പരിശോധന കേന്ദ്രീകരിച്ചത്. പത്തനംതിട്ട ജില്ലാ കളക്ടറും ദേവസ്വം ബോർഡിൻ്റെ ശബരിമല എക്‌സിക്യൂട്ടീവ് ഓഫീസിൽ നിന്ന് വിശദാംശങ്ങൾ തേടിയിരുന്നു. പമ്പയിൽ നിന്ന് സന്നിധാനത്തേക്കുള്ള പദയാത്രയുടെ ക്രമീകരണങ്ങളെക്കുറിച്ച് രാഷ്ട്രപതിയുടെ നഴ്‌സിംഗ് സൂപ്രണ്ടും ചോദിച്ചറിഞ്ഞിരുന്നു. ഹെലികോപ്റ്ററിൽ നിലയ്ക്കലിലെത്തി ദർശനത്തിനായി പമ്പയിൽ നിന്ന് കാൽനടയായി സന്നിധാനത്തേക്ക് പോകുമെന്നാണ് സൂചന. രാഷ്ട്രപതിയുടെ സന്ദർശനം സംബന്ധിച്ച് ദേവസ്വം ബോർഡിന് ഇതുവരെ ഔദ്യോഗിക അറിയിപ്പ് ലഭിച്ചിട്ടില്ല . അനൗപചാരിക ആശയവിനിമയം നടത്തിയതായി ബോർഡ് അംഗം എ അജികുമാർ സ്ഥിരീകരിച്ചു. പത്തനംതിട്ട ജില്ലാ കളക്ടറും മറ്റ് ഉദ്യോഗസ്ഥരും ദർശനത്തിന് സാധ്യതയുള്ള തീയതി സംബന്ധിച്ച് അന്വേഷണം നടത്തിവരികയാണ്.…

തിരുവനന്തപുരം: ഇന്റലിജൻസ് ബ്യൂറോ (ഐബി) ഉദ്യോഗസ്ഥയായ മേഘ മധുസൂദനൻ്റെ മരണവുമായി ബന്ധപ്പെട്ട് സുഹൃത്തായ സുകന്ത് സുരേഷിനെതിരെ ലുക്ക് ഔട്ട് നോട്ടീസ് പുറപ്പെടുവിച്ചു. മേഘയുമായി പ്രണയത്തിലായിരുന്ന സുകാന്ത് നിലവിൽ ഒളിവിലാണ് . ഇയാളെ കണ്ടെത്തുന്നതിനായി രണ്ട് പോലീസ് സംഘത്തെ വിന്യസിച്ചിട്ടുണ്ട്. മേഘയെ സാമ്പത്തികമായി ചൂഷണം ചെയ്തുവെന്നും സുകാന്തിന്റെ അക്കൗണ്ടിലേക്ക് മേഘയുടെ അക്കൗണ്ടിൽ നിന്ന് നിർബന്ധിതമായി പണം ട്രാൻസ്ഫർ ചെയ്തുവെന്നും മേഘയുടെ കുടുംബം ആരോപിച്ചു. അതേസമയം മേഘ കഴിഞ്ഞ വർഷം ആശുപത്രിയിൽ ഗർഭച്ഛിദ്രം നടത്തിയ രേഖകൾ അടക്കം കുടുംബം നൽകിയിട്ടും സുകാന്തിനെതിരെ പേട്ട പോലീസ് കേസെടുക്കാന്‍ തയാറായിട്ടില്ല. മേഘയുടെ പോസ്റ്റ് മോർട്ടം റിപ്പോർട്ട് നാളെ ലഭിക്കും. അതിനു ശേഷം ഡിജിപിക്ക് പരാതി നൽകുമെന്നും മേഘയുടേ കുടുംബം വ്യക്തമാക്കി. കൂട്ടുകാരിയ്ക്കൊപ്പമാണ് മേഘ ആശുപത്രിയിലെത്തി ഗർഭച്ഛിദ്രം നടത്തിയതെന്നാണ് പോലീസ് കണ്ടെത്തിയത് . മേഘ ഗര്‍ഭഛിദ്രം നടത്തിയിരുന്നുവെന്ന് കുടുംബം അറിയുന്നതും അപ്പോള്‍ മാത്രമാണ്. മേഘയുടെ ബാഗില്‍നിന്ന് ഇതുമായി ബന്ധപ്പെട്ട മരുന്നിന്റെ കുറിപ്പടിയും കുടുംബത്തിനു ലഭിച്ചിരുന്നു. .തിരുവനന്തപുരം അന്താരാഷ്ട്ര വിമാനത്താവളത്തിൽ…