Author: Anu Nair

നാഗ്പൂർ : മഹാരാഷ്ട്രയിലെ നാഗ്പൂർ അക്രമത്തിൽ ഉണ്ടായ നാശനഷ്ടങ്ങളുടെ ചെലവ് കലാപകാരികളിൽ നിന്ന് സർക്കാർ ഈടാക്കുമെന്ന് മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്‌നാവിസ്. നഷ്ടപരിഹാരം നൽകിയില്ലെങ്കിൽ അവരുടെ സ്വത്തുക്കൾ പിടിച്ചെടുത്ത് വിൽക്കുന്നതിലൂടെ നഷ്ടം നികത്തുമെന്നും അദ്ദേഹം വ്യക്തമാക്കി. അക്രമത്തിന് ശേഷമുള്ള തന്റെ ആദ്യ നാഗ്പൂർ സന്ദർശന വേളയിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം. പോലീസ് ഉദ്യോഗസ്ഥരെ ആക്രമിച്ചവർക്കെതിരെ കർശന നടപടി സ്വീകരിക്കും. സംഭവത്തെ ഇന്റലിജൻസ് പരാജയം എന്ന് വിളിക്കാൻ കഴിയില്ല, സിസിടിവി ദൃശ്യങ്ങളുടെയും വീഡിയോ റെക്കോർഡിംഗുകളുടെയും വിശകലനത്തെത്തുടർന്ന് ഇതുവരെ 104 കലാപകാരികളെ തിരിച്ചറിഞ്ഞിട്ടുണ്ടെന്ന് അദ്ദേഹം പറഞ്ഞു. 12 പ്രായപൂർത്തിയാകാത്തവർ ഉൾപ്പെടെ 92 പേർക്കെതിരെ നിയമപ്രകാരം നടപടി ആരംഭിച്ചിട്ടുണ്ടെന്നും അദ്ദേഹം കൂട്ടിച്ചേർത്തു. നാഗ്പൂരിലെ സ്ഥിതി ഇപ്പോൾ ശാന്തമാണെന്നും ചില പ്രദേശങ്ങളിൽ ഏർപ്പെടുത്തിയിരിക്കുന്ന കർഫ്യൂവിൽ ഇളവ് വരുത്താനുള്ള ശ്രമങ്ങൾ നടക്കുന്നുണ്ടെന്നും അദ്ദേഹം പറഞ്ഞു. നഗരത്തിന്റെ ചില ഭാഗങ്ങളിൽ മാത്രമാണ് കലാപങ്ങൾ പൊട്ടിപ്പുറപ്പെട്ടത്, അതേസമയം നാഗ്പൂരിന്റെ 80 ശതമാനത്തെയും ഇത് ബാധിച്ചിട്ടില്ല .ഇരകൾക്കുള്ള നഷ്ടപരിഹാര വിതരണം ഉടൻ ആരംഭിക്കുമെന്നും…

കൊൽക്കത്ത : ജീവനക്കാർക്കും പെൻഷൻകാർക്കും വേണ്ടി പ്രത്യേക ബോണസ് പദ്ധതി ആരംഭിച്ച് പശ്ചിമ ബംഗാൾ സർക്കാർ . ഇത് പ്രകാരം, 2024 മാർച്ച് വരെ 44,000 രൂപയിൽ താഴെ പ്രതിമാസ ശമ്പളം നേടുന്ന, ഒരു ബോണസ് സംവിധാനത്തിലും ഉൾപ്പെടാത്ത തിരഞ്ഞെടുത്ത സർക്കാർ ജീവനക്കാർക്ക് 6,800 രൂപ ബോണസ് നൽകും. ഈദുൽ ഫിത്തറിന് മുമ്പ് ന്യൂനപക്ഷ ജീവനക്കാർക്ക് സർക്കാർ ഈ ബോണസ് നൽകാനാണ് തീരുമാനം. മറ്റുള്ളവർക്ക് സെപ്റ്റംബർ 15 ന് ശേഷമാകും ഈ ബോണസ് നൽകുക. അതേസമയം ന്യൂനപക്ഷ പ്രീണമാണ് മമത ലക്ഷ്യം വയ്ക്കുന്നതെന്നും, മമത സർക്കാരിന്റെ അന്ത്യം അടുത്തുവെന്നും ബിജെപി പറഞ്ഞു.

കൊല്ലം: ചടയമംഗലത്ത് ബാറിൽ പാർക്കിംഗിനെ ചൊല്ലിയുണ്ടായ തർക്കത്തിൽ യുവാവ് കൊല്ലപ്പെട്ടു. സംഭവവുമായി ബന്ധപ്പെട്ട് ബാറിലെ സെക്യൂരിറ്റി ഗാർഡായ ജിബിൻ എന്നയാളെ പോലീസ് അറസ്റ്റ് ചെയ്തു. കലയം സ്വദേശിയും സിഐടിയു ലോഡിംഗ് തൊഴിലാളിയുമായ സുധീഷ് (35) ആണ് കൊല്ലപ്പെട്ടത്.കൊലപാതകത്തിൽ പ്രതിഷേധിച്ച് സിപിഎം ലോക്കൽ കമ്മിറ്റി ഞായറാഴ്ച ചടയമംഗലത്ത് ഹർത്താലിന് ആഹ്വാനം ചെയ്തു. സെക്യൂരിറ്റി ഗാർഡും രണ്ട് സുഹൃത്തുക്കളും തമ്മിലുള്ള തർക്കത്തിൽ ഇടപെട്ടപ്പോഴാണ് സുധീഷിന് കുത്തേറ്റത്. ശനിയാഴ്ച രാത്രി, സുധീഷ് തന്റെ സുഹൃത്തുക്കളായ ഷാനവാസും അമ്പാടിയുമായി ബൈക്കിൽ ബാറിൽ എത്തി. നിർമ്മാണ പ്രവർത്തനങ്ങൾ നടക്കുന്നുണ്ടെന്ന് പറഞ്ഞ് ബാറിന്റെ കോമ്പൗണ്ടിനുള്ളിൽ വാഹനങ്ങൾ പാർക്ക് ചെയ്യുന്നത് സെക്യൂരിറ്റി ഗാർഡ് തടഞ്ഞു. മദ്യപിച്ച ശേഷം ഷാനവാസും അമ്പാടിയും ബാറിൽ നിന്ന് പുറത്തിറങ്ങി, പാർക്കിംഗ് തർക്കത്തെച്ചൊല്ലി സെക്യൂരിറ്റി ഗാർഡുമായി വഴക്കിട്ടു. ബാറിനുള്ളിൽ ഉണ്ടായിരുന്ന സുധീഷ്, ബഹളം ശ്രദ്ധയിൽപ്പെട്ടപ്പോൾ പുറത്തേക്ക് വന്ന് തടയാൻ ശ്രമിച്ചപ്പോൾ ജിബിൻ കുത്തുകയായിരുന്നു . ആക്രമണത്തിൽ സുഹൃത്തുക്കളായ ഷാനവാസിനും അമ്പാടിക്കും പരിക്കേറ്റു. ഗുരുതരാവസ്ഥയിലായിരുന്ന ഷാനവാസ് അപകടനില തരണം…

ആലപ്പുഴ: കേരളത്തിലെ പ്രായമായവരുടെ മരണനിരക്ക് കുറയുന്നതാണ് സംസ്ഥാന സർക്കാരിന്റെ പെൻഷൻ ബാധ്യത വർധിക്കാൻ കാരണമെന്ന പരോക്ഷ പരാമർശവുമായി മന്ത്രി സജി ചെറിയാൻ. കേരള എൻജിഒ യൂണിയൻ സംസ്ഥാന സമ്മേളനത്തിന്റെ സ്വാ​ഗതസംഘ രൂപീകരണ യോ​ഗം ഉ​ദ്ഘാടനം ചെയ്യവേയാണ് മന്ത്രിയുടെ വിവാദ പ്രസം​ഗം. ആരോഗ്യ പരിപാലനത്തിൽ കേരളം ഒന്നാമതാണെന്നതും ഒരു പ്രശ്നമാണ് എന്നായിരുന്നു മന്ത്രിയുടെ പരാമർശം. കേരളത്തിൽ മരണനിരക്ക് വളരെ കുറവാണെന്നും മന്ത്രി ചൂണ്ടിക്കാട്ടി.ജീവനക്കാരുടെ ശമ്പളം, പെൻഷൻ, ക്ഷേമപെൻഷൻ തുടങ്ങി സംസ്ഥാന സർക്കാരിന്റെ സാമ്പത്തിക ബാധ്യതകൾ വിവരിക്കവേയായിരുന്നു മന്ത്രിയുടെ പരാമർശം. 94 വയസ്സായ തന്റെ അമ്മയും 50,000 രൂപ പെൻഷൻ വാങ്ങുന്നുണ്ട്. എന്തിനാണ് അമ്മയ്ക്കു പെൻഷനെന്നു ചോദിച്ചിട്ടുണ്ടെന്നും മന്ത്രി പറഞ്ഞു. ‘പെൻഷൻ പറ്റുന്ന ലക്ഷക്കണക്കിനാളുകൾ കേരളത്തിലുണ്ട്. മരണസംഖ്യ വളരെ വളരെക്കുറവാണ്. എല്ലാവരും മരിക്കണമെന്നല്ല പറഞ്ഞതിന്റെ അർഥം. ആരോഗ്യ പരിപാലനത്തിൽ കേരളം ഒന്നാമതാണ്. അതും പ്രശ്നമാണ്. ജനിക്കുന്നതു മാത്രമല്ല, മരിക്കുന്നതും വളരെ കുറവാണ്. 80,90,95,100 വയസ്സുവരെയൊക്കെ ജീവിക്കുന്നവരുണ്ട്’– മന്ത്രി പറഞ്ഞു.

ലക്നൗ : ഉത്തർപ്രദേശിൽ ഹനുമാൻ ക്ഷേത്രത്തിനു പുറത്ത് പശുവിന്റെ തല ഉപേക്ഷിച്ച നിലയിൽ കണ്ടെത്തി.ലഖ്‌നൗവിലെ മഡെയ്ഗഞ്ച് പ്രദേശത്തെ ഹനുമാൻ ക്ഷേത്രത്തിനു സമീപത്ത് നിന്നാണ് പശുവിന്റെ അറുത്ത് മാറ്റിയ തല കണ്ടെത്തിയത് . സംഭവത്തിൽ പ്രതിഷേധിച്ച് നാട്ടുകാർ ഒന്നടങ്കം സ്ഥലത്തെത്തിയതോടെ സ്ഥിതിഗതികൾ വഷളായി. ലക്നൗ നോർത്തിലെ എംഎൽഎ നീരജ് ബോറ സംഭവസ്ഥലത്ത് എത്തി. “ഇന്ന് വൈകുന്നേരം, ലക്നൗവിലെ ഹനുമന്ത് നഗർ ശാന്തി വാതികയ്ക്ക് സമീപമുള്ള ഖദ്രയിൽ പശുവിന്റെ തല വെട്ടി മാറ്റപ്പെട്ട സംഭവം ഉണ്ടായി . ഇത്തരത്തിലുള്ള സംഭവം ഐക്യത്തിന് ഹാനികരമായ ഒരു വലിയ ഗൂഢാലോചനയാണ്. കുറ്റവാളികളെ ഒരു തരത്തിലും വെറുതെ വിടില്ല.” നീരജ് ബോറ പറഞ്ഞു. സംഭവത്തിൽ പോലീസ് അന്വേഷണം ആരംഭിച്ചു, പരിസര പ്രദേശങ്ങളിലെ സിസിടിവി ദൃശ്യങ്ങൾ വിശകലനം ചെയ്തുവരികയാണ്. ഇതിനായി പോലീസ് പ്രത്യേക സംഘങ്ങളെയും രൂപീകരിച്ചിട്ടുണ്ട്. “ശാസ്ത്രീയവും സാങ്കേതികവുമായ തെളിവുകൾ ശേഖരിച്ചുവരികയാണ്, കുറ്റവാളികളെ തിരിച്ചറിഞ്ഞാൽ കർശനമായ നിയമനടപടി സ്വീകരിക്കും,” പോലീസ് പ്രസ്താവനയിൽ പറയുന്നു.

പിലാത്തറ : മാതമംഗലം കൈതപ്രം മണിയറ അങ്കണവാടിക്ക് സമീപം വടക്കേടത്ത് ഗുഡ്സ് ഓട്ടോ ഡ്രൈവറായ കെ.കെ. രാധാകൃഷ്ണനെ കൊലപ്പെടുത്താൻ കാരണം ഇദ്ദേഹത്തിനെ ഭാര്യ മിനിയുമായുള്ള സൗഹൃദം തകർന്നതിന്റെ പേരിലാണെന്ന് പ്രതി സന്തോഷ് . പ്രതിയായ പെരുമ്പടവ് സ്വദേശി എൻ.കെ. സന്തോഷും (41) രാധാകൃഷ്ണന്റെ ഭാര്യ മിനിയും ആറ് മാസം മുമ്പ് പൂർവ്വ വിദ്യാർത്ഥി സംഗമത്തിൽ വച്ച് വീണ്ടും കണ്ടിരുന്നു.കണ്ണൂരിലേക്കുള്ള ഗ്രൂപ്പ് യാത്രയ്ക്കിടെ, സന്തോഷും മിനിയും കൈകോർത്ത് നിൽക്കുന്ന ഒരു ഫോട്ടോ ഫേസ്ബുക്കിൽ പോസ്റ്റ് ചെയ്തതായും റിപ്പോർട്ടുണ്ട്. ഇത് രാധാകൃഷ്ണനും ഭാര്യയും തമ്മിൽ തർക്കത്തിനും സംഘർഷത്തിനും കാരണമായി. സന്തോഷ് അവിവാഹിതനാണ്, അതേസമയം രണ്ട് കുട്ടികളുടെ അമ്മയാണ് മിനി . സന്തോഷുമായുള്ള സൗഹൃദത്തിന്റെ പേരിൽ രാധാകൃഷ്ണൻ അടുത്തിടെ ഭാര്യയെ മർദ്ദിച്ചിരുന്നുവെന്ന് പോലീസ് പറഞ്ഞു. ഈ സംഭവമാണ് കൊലപാതകത്തിന് പ്രേരിപ്പിച്ചതെന്ന് സന്തോഷ് പോലീസിനോട് സമ്മതിച്ചു. സന്തോഷ് കുറ്റം സമ്മതിച്ചതായി പോലീസ് സ്ഥിരീകരിച്ചു. ഇരിട്ടി കല്യാട് സ്വദേശിയായ രാധാകൃഷ്ണൻ 20 വർഷമായി കൈതപ്രത്താണ് താമസിക്കുന്നത്. നിർമ്മാണം നടക്കുന്ന…

കോഴിക്കോട്: ലഹരിക്കടിമയായ ഭർത്താവിന്റെ കുത്തേറ്റ് ഭാര്യ ഷിബില മരിച്ച കേസിൽ പൊലീസിനെതിരെ നടപടി. താമരശ്ശേരി പോലീസ് സ്റ്റേഷനിലെ സബ് ഇൻസ്പെക്ടർ കെ കെ നൗഷാദിനെ സസ്പെൻഡ് ചെയ്തു. യാസിറിനെതിരെ ഷിബില നൽകിയ ഗാർഹിക പീഡന പരാതി കൈകാര്യം ചെയ്യുന്നതിൽ വീഴ്ച വരുത്തിയെന്ന് കാട്ടിയാണ് നടപടി. താമരശ്ശേരിക്കടുത്ത് പുതുപ്പാടി സ്വദേശിയായ ഷിബില (23) നെ മാർച്ച് 18 നാണ് ഭർത്താവ് യാസിർ കുത്തിക്കൊലപ്പെടുത്തിയത് . ഷിബിലയുടെ മാതാപിതാക്കളായ അബ്ദു റഹ്മാൻ (50), ഹസീന (43) എന്നിവരെയും യാസിർ ആക്രമിച്ചു. ഷിബിലയുടെ കുടുംബം നൽകിയ പരാതി പോലീസ് അവഗണിച്ചതായി ആരോപണം ഉയർന്നിരുന്നു . ഫെബ്രുവരി 28 ന് ഷിബില പോലീസിനെ സമീപിക്കുകയും, യാസിർ തന്നെ ശാരീരികമായി പീഡിപ്പിച്ചുവെന്നും മയക്കുമരുന്നിന് അടിമയാണെന്നും പരാതി നൽകിയിരുന്നു.പോലീസ് ഉടനടി നടപടിയെടുത്തിരുന്നെങ്കിൽ തന്റെ മകൾ ഇപ്പോഴും ജീവിച്ചിരിക്കുമായിരുന്നുവെന്ന് ഷിബിലയുടെ പിതാവ് അബ്ദുറഹ്മാൻ പാറക്കണ്ടി മാധ്യമങ്ങളോട് പറഞ്ഞു. യാസിർ തന്നെ ആക്രമിക്കുന്നുണ്ടെന്നും മയക്കുമരുന്നിന് അടിമയാണെന്നും ഷിബില തന്റെ പരാതിയിൽ വ്യക്തമായി പറഞ്ഞിട്ടും,…

കാസർകോട്: കഴിഞ്ഞ വർഷം ഡിസംബറിൽ ഹോസ്റ്റൽ മുറിയിൽ ആത്മഹത്യയ്ക്ക് ശ്രമിച്ച് കോമയിലായിരുന്ന നേഴ്സിംഗ് വിദ്യാർത്ഥി മരിച്ചു. കർണാടക-കാസർകോട് അതിർത്തി പാണത്തൂർ ഗ്രാമത്തിലെ സദാനന്ദന്റെയും ഉമ്മനയുടെയും മകൾ മൂന്നാം വർഷ നഴ്‌സിംഗ് വിദ്യാർത്ഥിനിയായ ചൈതന്യ കുമാരി (20) ആണ് മരിച്ചത് . മൂന്ന് മാസത്തിലേറെയായി കോമയിലായിരുന്നു ചൈതന്യ . കോട്ടയം സ്വദേശികളായ ഈ കുടുംബം ഉപജീവനത്തിനായി കർണാടകയിലെ കരിക്കെ ഗ്രാമപഞ്ചായത്തിൽ കൃഷിഭൂമി പാട്ടത്തിനെടുത്തു ജീവിക്കുകയാണ് . പണം കടമെടുത്താണ് ചൈതന്യകുമാരിയെ കാഞ്ഞങ്ങാട്ടെ മൻസൂർ ഹോസ്പിറ്റൽ & സ്‌കൂൾ ഓഫ് നഴ്‌സിംഗിൽ പഠിപ്പിക്കാൻ ചേർത്തത്. പഠനം പൂർത്തിയാക്കിയാൽ യുഎസിലുള്ള ബന്ധു വഴി അവിടെ ജോലി ശരിയാക്കാമെന്നും മാതാപിതാക്കൾ പറഞ്ഞിരുന്നതായി നാട്ടുകാർ പറഞ്ഞു. ഡിസംബർ 7 നാണ് ഹോസ്റ്റൽ മുറിയിൽ ചൈതന്യ ആത്മഹത്യയ്ക്ക് ശ്രമിച്ചത് . ഹോസ്പിറ്റൽ മാനേജ്മെന്റ് ജോലിസ്ഥലത്ത് പീഡനം നടത്തുകയും സ്കൂളിലും ഹോസ്റ്റലിലും “ജയിൽ പോലുള്ള സാഹചര്യങ്ങൾ” നടപ്പിലാക്കുകയും ചെയ്യുന്നുവെന്ന് മറ്റ് വിദ്യാർത്ഥികളും ആരോപിച്ചു. ആത്മഹത്യാശ്രമത്തിന് ശേഷം, ചൈതന്യയെ ആദ്യം മംഗളൂരുവിലെ…

മലപ്പുറം: ഷാബ ഷെരീഫ് വധക്കേസിന്റെ അന്വേഷണത്തിലും വിചാരണയിലും പോലീസും പ്രോസിക്യൂഷനും നേരിട്ടത് വലിയ വെല്ലുവിളികൾ . മൃതദേഹം പോലും കണ്ടെത്താനാകാത്ത കേസിൽ വളരെ ശ്രമകരമായി ശേഖരിച്ച സാഹചര്യ തെളിവുകളുടെയും, ശാസ്ത്രീയ തെളിവുകളുടെയും അടിസ്ഥാനത്തിലാണ് പ്രതികളായ ഷൈബിൻ അഷ്‌റഫ് (37), ഷിഹാബുദീൻ (39), നിഷാദ് (38) എന്നിവർ കുറ്റക്കാരാണെന്ന് കണ്ടെത്തിയത്. നിലമ്പൂരിലെ ബിസിനസുകാരനായ ഷൈബിൻ 2019 ഓഗസ്റ്റിൽ മൈസൂരുവിൽ നിന്നാണ് പരമ്പരാഗത വൈദ്യനായ ഷാബ ഷെരീഫിനെ (60) തട്ടിക്കൊണ്ടുപോയത് . സ്വന്തമായി ഒരു ക്ലിനിക് ആരംഭിക്കാനും ലാഭം നേടാനും ലക്ഷ്യമിട്ട്, ഹെമറോയ്ഡുകൾ ചികിത്സിക്കാൻ ഉപയോഗിക്കുന്ന പ്രകൃതിദത്ത മരുന്നിന്റെ ചേരുവകൾ ലഭിക്കുന്നതിനാണ് ഷാബ ഷെരീഫിനെ തട്ടിക്കൊണ്ടുപോയതെന്ന് ഷൈബിന്റെ കൂട്ടാളികൾ തന്നെ പോലീസിനോട് പറഞ്ഞു. മുക്കണ്ടയിലെ ഒരു വീട്ടിൽ ഷെരീഫിനെ ബന്ദിയാക്കി . 2020 ഒക്ടോബറിൽ ഷെരീഫിനെ അതിക്രൂരമായി കൊലപ്പെടുത്തി. മൃതദേഹം കഷണങ്ങളാക്കി ചാലിയാർ നദിയിൽ ഒഴുക്കി. മൃതദേഹം ഉപേക്ഷിക്കാനുള്ള ശ്രമങ്ങളിൽ ഹോളിവുഡ് സിനിമകൾ ഷൈബിനെ സ്വാധീനിച്ചതായി അന്വേഷണത്തിന് മേൽനോട്ടം വഹിച്ച നിലമ്പൂർ ഡിവൈഎസ്പി സാജു…

തിരുവനന്തപുരം: മുൻ എംപിയും കേന്ദ്ര സഹമന്ത്രിയുമായ രാജീവ് ചന്ദ്രശേഖർ ബിജെപി സംസ്ഥാന അദ്ധ്യക്ഷ സ്ഥാനത്തേയ്ക്ക് . ബിജെപിയുടെ കേന്ദ്ര നേതൃത്വം രാജീവ് ചന്ദ്രശേഖറിന്റെ പേര് നിർദേശിച്ചതായാണ് സൂചന . പ്രഹ്ലാദ് ജോഷിയുടെ അധ്യക്ഷതയിൽ ചേർന്ന പാർട്ടിയുടെ കോർ കമ്മിറ്റി യോഗം തിരുവനന്തപുരത്ത് നടന്നിരുന്നു. ഇതിലാണ് രാജീവ് ചന്ദ്രശേഖറിന്റെ പേര് ഉയർന്നത്.രാജീവ് ചന്ദ്രശേഖറിനുവേണ്ടി കേന്ദ്ര നേതൃത്വം വാദിച്ചതോടെ മത്സരം ഒഴിവാക്കപ്പെട്ടു . അദ്ദേഹം ഇന്ന് ഞായറാഴ്ച ബിജെപി സംസ്ഥാന കമ്മിറ്റി ഓഫീസിൽ നാമനിർദ്ദേശ പത്രിക സമർപ്പിക്കും. ഉച്ചകഴിഞ്ഞ് 3 മണി വരെ നാമനിർദ്ദേശ പത്രിക സമർപ്പിക്കാം. നാമനിർദ്ദേശ പത്രികകളുടെ സൂക്ഷ്മപരിശോധന വൈകുന്നേരം 4 മണിക്ക് നടക്കും. തിങ്കളാഴ്ച നടക്കുന്ന സംസ്ഥാന കൗൺസിൽ യോഗത്തിന് ശേഷം പാർട്ടിയുടെ പുതിയ പ്രസിഡന്റിന്റെ ഔദ്യോഗിക പ്രഖ്യാപനം ഉണ്ടാകും. പാർട്ടിയുടെ സംസ്ഥാന റിട്ടേണിംഗ് ഓഫീസർ നാരായണൻ നമ്പൂതിരി ശനിയാഴ്ച തിരഞ്ഞെടുപ്പ് വിജ്ഞാപനം പുറപ്പെടുവിച്ചു അഞ്ച് വർഷത്തെ കാലാവധി എന്ന വ്യവസ്ഥയിൽ പാർട്ടി വിട്ടുവീഴ്ച ചെയ്തേക്കാമെന്നും വരാനിരിക്കുന്ന തദ്ദേശ സ്വയംഭരണ…