ലേഖകന്‍: Anu Nair

കോട്ടയം ; അമിതവേഗത്തിലെത്തിയ സ്വകാര്യ ബസ് നടപ്പാതയിലേക്ക് ഇടിച്ചുകയറിയുണ്ടായ അപകടത്തിൽ പരിക്കേറ്റ യുവതി മരിച്ചു. നട്ടാശേരി പാറയിൽ അജയന്റെ മകൾ അഞ്ജലിയാണ് (18) മരിച്ചത്. അപകടത്തിൽ അഞ്ജലിയുൾപ്പെടെ 5 സ്ത്രീകൾക്ക് ഗുരുതരമായി പരിക്കേറ്റിരുന്നു. കോട്ടയം മെഡിക്കൽ കോളജ് സർജിക്കൽ ഐസിയുവിൽ വെന്റിലേറ്ററിലായിരുന്നു അഞ്ജലി. മാതാവ് മരിച്ചതിനുശേഷം വലിയമ്മയോടൊപ്പമായിരുന്നു അഞ്ജലി താമസിച്ചിരുന്നത്. ചന്തക്കവലയ്ക്കു സമീപമുള്ള സ്വകാര്യ സ്ഥാപനത്തിലെ ജീവനക്കാരിയായിരുന്നു. ഇന്നലെ രാത്രി ഏഴിനായിരുന്നു അപകടം. നാഗമ്പടം സ്റ്റാൻഡിൽനിന്നു ചങ്ങനാശേരി ഭാഗത്തേക്കു പോകുകയായിരുന്ന തണ്ടപ്ര എന്ന സ്വകാര്യ ബസാണ് അപകടത്തിൽപെട്ടത്. ബസിനടിയിൽ കുടുങ്ങിയവരെ നാട്ടുകാരും അഗ്നിരക്ഷാസേനയും പൊലീസും ചേർന്നു പുറത്തെടുത്ത് ജനറൽ ആശുപത്രിയിലേക്കു മാറ്റിയിരുന്നു. അമിതവേഗമാണ് അപകടകാരണമെന്നു ദൃക്സാക്ഷികൾ പറയുന്നു.ഡ്രൈവറും കണ്ടക്ടറും പൊലീസ് കസ്റ്റഡിയിലാണ്.

ന്യൂഡൽഹി ; ഷാർജയ്ക്ക് സമീപം കടലിൽ ക്രൂഡ് ഓയിൽ ടാങ്കറിന് നേരെ ഡ്രോൺ ആക്രമണം . കപ്പലിൽ ഇരുപത്തിരണ്ട് ഇന്ത്യൻ നാവികർ ഉണ്ടായിരുന്നു. ഇവർ സുരക്ഷിതരാണെന്ന് കേന്ദ്ര തുറമുഖ, ഷിപ്പിംഗ്, ജലപാത മന്ത്രി സർബാനന്ദ സോനോവാൾ അറിയിച്ചു . ഒക്ടോബർ 9 ന് ഷാർജ ആങ്കറേജിന് സമീപമാണ് സംഭവം നടന്നതെന്ന് മന്ത്രി പറഞ്ഞു. പനാമ പതാകയുള്ള ക്രൂഡ് ഓയിൽ ടാങ്കർ എംടി ജെം നമ്പർ 2 ആയിരുന്നു ആക്രമണ ലക്ഷ്യം. കപ്പലിലുണ്ടായിരുന്ന 22 ഇന്ത്യൻ നാവികരുടെയും സുരക്ഷ സ്ഥിരീകരിച്ചിട്ടുണ്ട്. സർക്കാർ സ്ഥിതിഗതികൾ സൂക്ഷ്മമായി നിരീക്ഷിച്ചുവരികയാണെന്നും സർബാനന്ദ സോനോവാൾ സോഷ്യൽ മീഡിയ പോസ്റ്റിൽ പറഞ്ഞു. ഇന്ത്യൻ നാവികരുടെ സുരക്ഷയും ക്ഷേമവും ഉറപ്പാക്കാൻ കപ്പലിന്റെ മാനേജ്മെന്റ് കമ്പനിയുമായി സർക്കാർ ബന്ധപ്പെട്ടിട്ടുണ്ട്. ആക്രമണത്തിന് പിന്നിൽ ആരാണെന്നും കപ്പലിനുണ്ടായ നാശനഷ്ടങ്ങളുടെ വ്യാപ്തി എത്രയാണെന്നും വ്യക്തമായിട്ടില്ല

ന്യൂഡൽഹി ; യൂട്യൂബർ ധ്രുവ് രാത്തിയെ പോലീസ് കസ്റ്റഡിയിലെടുത്തു. ഡൽഹിയിൽ അനുമതിയില്ലാതെ പാറ്റാ പാർട്ടി പ്രതിഷേധത്തിന് ആഹ്വാനം ചെയ്തിരുന്നു . ഇതിനു നടക്കുന്ന മുന്നോടിയായാണ് രാത്തിയെ അറസ്റ്റ് ചെയ്തത് . ഡൽഹിയിൽ നിന്നും ഗുരുഗ്രാം പോലീസിൽ നിന്നുമുള്ള 30 ലധികം പോലീസ് ഉദ്യോഗസ്ഥർ വീട്ടിലെത്തിയാണ് രാത്തിയെ കസ്റ്റഡിയിലെടുത്തത്. ധ്രുവ് രതീക്കൊപ്പം മറ്റാരെയും കസ്റ്റഡിയിലെടുത്തിട്ടുണ്ടെന്ന് ഇതുവരെ വ്യക്തമായിട്ടില്ല. ധ്രുവ് രത്തീയെ പോലീസ് കസ്റ്റഡിയിലെടുത്തതായി പോലീസ് സ്ഥിരീകരിച്ചു . അടുത്തിടെയാണ് ധ്രുവ് രാത്തി ഇന്ത്യയിലേക്ക് എത്തിയത് . ഒക്ടോബർ 8 ന് ബെംഗളൂരുവിലെ ഫ്രീഡം പാർക്കിൽ നടന്ന പാറ്റാ പാർട്ടിയിലും ധ്രുവ് രാത്തി പങ്കെടുത്തിരുന്നു. വെള്ളിയാഴ്ച ഇന്ത്യാ ഗേറ്റിൽ നിന്ന് ധ്രുവ് രതീ ഒരു വീഡിയോ പങ്കുവെച്ചിരുന്നു . ഇതിൽ “നാളത്തേക്ക് നിങ്ങൾ തയ്യാറാണോ? ഞാൻ ഇവിടെയുണ്ട്” എന്ന് പറഞ്ഞിരുന്നു. അതേസമയം ജന്തർമന്തറിൽ പോലീസ് കർശന നടപടികൾ സ്വീകരിച്ച് ഒന്നിലധികം ബാരിക്കേഡുകൾ സ്ഥാപിച്ചിട്ടുണ്ട്. നാൽപ്പത്തിയഞ്ച് മെട്രോ സ്റ്റേഷനുകൾ വൈകുന്നേരം 6 മണി വരെ അടച്ചിട്ടിരിക്കുകയാണ്.…

ന്യൂഡൽഹി : പാറ്റാ പാർട്ടി സ്ഥാപകൻ അഭിജീത് ദിപ്കെയെ പൊലീസ് കസ്റ്റഡിയിലെടുത്തു. വിമാനത്താവളത്തിൽ എത്തിയപ്പോൾ തന്നെ ഡൽഹി പോലീസ് ദിപ്കെയെയും കൂട്ടാളികളെയും കസ്റ്റഡിയിലെടുത്തു. മുംബൈയിൽ നിന്ന് വിമാനം ഡൽഹി വിമാനത്താവളത്തിൽ ഇറങ്ങിയ ഉടൻ തന്നെ പോലീസ് വിമാനത്താവളത്തിൽൽ കയറി അഭിജീത് ദിപ്കെ, സൗരഭ് ദാസ്, അശുതോഷ് രങ്ക എന്നിവരെ കസ്റ്റഡിയിലെടുത്തു. കോക്രോച്ച് ജനതാ പാർട്ടിക്ക് പ്രതിഷേധം നടത്താൻ അനുമതി നൽകിയിട്ടില്ലെന്ന് പോലീസ് പറയുന്നു. അതിനാൽ, ജന്തർ മന്തറിൽ പ്രതിഷേധിക്കാൻ അവർക്ക് പോകാൻ കഴിയില്ലെന്നും പോലീസ് പറഞ്ഞു. ദീപ്കെയെത്തിയ വിമാനം ഐജിഐ വിമാനത്താവളത്തിലാണ് ലാൻഡ് ചെയ്തത് . കസ്റ്റഡിയിലെടുക്കാൻ വന്ന ഡൽഹി പോലീസിനോട് , “ഞാൻ അറസ്റ്റ് ചെയ്യപ്പെടാൻ വന്നതാണ്. എന്നെ അറസ്റ്റ് ചെയ്യൂ.” എന്നായിരുന്നു ദീപ്കെയുടെ പ്രതികരണം.

ന്യൂഡൽഹി ; അസം, പശ്ചിമ ബംഗാൾ, പുതുച്ചേരി എന്നിവിടങ്ങളിലെ ഉപതിരഞ്ഞെടുപ്പുകളിലെ ബിജെപി വിജയം രാഹുൽ ഗാന്ധിയുടെയും ഇൻഡി മുന്നണിയുടെയും നുണകൾക്കുള്ള തിരിച്ചടിയാണെന്ന് ആഭ്യന്തരമന്ത്രി അമിത് ഷാ . “രാഹുൽ ഗാന്ധിയുടെയും ഇന്ത്യൻ സഖ്യത്തിന്റെയും നുണകളും ആശയക്കുഴപ്പങ്ങളും പ്രചാരണങ്ങളും ഉണ്ടായിരുന്നിട്ടും, പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ ബിജെപി ഒന്നിനു പുറകെ ഒന്നായി തിരഞ്ഞെടുപ്പുകൾ വിജയിക്കുന്നു.” അമിത് ഷാ സോഷ്യൽ മീഡിയയിൽ കുറിച്ചു. പ്രതിപക്ഷ പാർട്ടികൾക്ക് അവരുടെ പിന്തുണ നഷ്ടപ്പെട്ടാൽ, ഓരോ പരാജയത്തിനു ശേഷവും സ്ഥാപനങ്ങളെ ചോദ്യം ചെയ്യാറുണ്ടെന്നും എന്നാൽ പൊതുജനങ്ങൾ അവരുടെ യഥാർത്ഥ സ്വഭാവം തിരിച്ചറിഞ്ഞിട്ടുണ്ടെന്നും അമിത് ഷാ പറഞ്ഞു. അതുകൊണ്ടാണ് ബിജെപിക്ക് മികച്ച ജനവിധി നൽകിക്കൊണ്ട് ജനങ്ങൾ വീണ്ടും അവരുടെ അചഞ്ചലമായ വിശ്വാസം പ്രകടിപ്പിച്ചതെന്നും അദ്ദേഹം പറഞ്ഞു.

ന്യൂഡൽഹി : കോൺഗ്രസ് നേതാവ് രാഹുൽ ഗാന്ധി വോട്ട് ചോരി ആരോപണത്തിന് തെളിവ് ആവശ്യപ്പെട്ട് രാഷ്ട്രപതി ദ്രൗപതി മുർമു. രാഹുൽ ഗാന്ധിയുടെ നേതൃത്വത്തിൽ 10 പ്രതിപക്ഷ എംപിമാർ ഇന്ന് ദ്രൗപതി മുർമുവിനെ കണ്ടിരുന്നു . രാഷ്ട്രപതിയ്ക്ക് മുന്നിലും വോട്ട് ചോരി ആരോപണവും , ഗ്യാനേഷ് കുമാറിന്റെ രാജിയുമാണ് രാഹുൽ ഉന്നയിച്ചത്. തുടർന്നാണ് രാഷ്ട്രപതി വോട്ട് ചോരി ആരോപണത്തിന് തെളിവ് ആവശ്യപ്പെട്ടത്. ഗ്യാനേഷ് കുമാറിന്റെ രാജിക്കൊപ്പം, വോട്ടർ പട്ടികയിലെ വിവാദമായ ‘സ്പെഷ്യൽ ഇന്റൻസീവ് റിവിഷൻ’ (എസ്ഐആർ) റദ്ദാക്കുക , കരട് പട്ടികയിൽ നിന്ന് നീക്കം ചെയ്ത 13 കോടി വോട്ടർമാരുടെ പേരുകൾ പുനഃസ്ഥാപിക്കുക എന്നിവയാണ് പ്രതിപക്ഷം രാഷ്ട്രപതിയ്ക്ക് മുന്നിൽ വച്ച മൂന്ന് ആവശ്യങ്ങൾ. ഇൻഡി മുന്നണിയിൽ നിന്നുള്ള 150 ഓളം എംപിമാരുടെ യോഗത്തിന് ശേഷം രാഷ്ട്രപതി ഭവനിലേയ്ക്ക് മാർച്ച് ചെയ്താണ് സംഘം എത്തിയത്. 16 വ്യത്യസ്ത പാർട്ടികളിൽ നിന്നുള്ള 16 നേതാക്കൾ രാഷ്ട്രപതിക്ക് സമർപ്പിക്കുന്നതിനുള്ള മെമ്മോറാണ്ടത്തിൽ ഒപ്പുവച്ചു. കഴിഞ്ഞ കുറച്ച് ദിവസങ്ങളായി പ്രതിപക്ഷം…

തിരുവനന്തപുരം ; എക്‌സാലോജിക് – സിഎംആർഎൽ മാസപ്പടി കേസിൽ ഇ.ഡി നൽകിയ കത്തിന്റെ അടിസ്ഥാനത്തിൽ എഫ്‌ഐആർ രജിസ്റ്റർ ചെയ്യണമെന്ന ഹൈക്കോടതി വിധിക്കെതിരെ അപ്പീൽ നൽകേണ്ടതില്ലെന്നു തീരുമാനിച്ച് സർക്കാർ. പ്രതിപക്ഷ നേതാവ് പിണറായി വിജയൻ, മുൻമന്ത്രി മുഹമ്മദ് റിയാസ്, ഭാര്യ വീണ എന്നിവർക്കെതിരെ അഴിമതി നിരോധന നിയമപ്രകാരം ഉടൻ തന്നെ വിജിലൻസ് കേസെടുക്കും. ഒരു കാലതാമസവും കൂടാതെ കേസെടുക്കാനാണ് വിജിലൻസ് ഡയറക്ടർക്കു കോടതി നിർദേശം നൽകിയിരിക്കുന്നത്. അപ്പീലുമായി പോയാൽ കോടതിയിൽനിന്നു വീണ്ടും തിരിച്ചടി നേരിടേണ്ടിവരുമെന്ന വിലയിരുത്തലാണ് സർക്കാരിനുള്ളത്. പ്രതിപക്ഷനേതാവിനെ രക്ഷിക്കാനുള്ള രാഷ്ട്രീയ ഒത്തുകളിയാണെന്ന ആരോപണവും ഉയരും. ഈ സാഹചര്യത്തിൽ എത്രയും പെട്ടെന്ന് കേസെടുത്ത് പ്രത്യേക സംഘം രൂപീകരിച്ച് അന്വേഷണം നടത്താനാണ് തീരുമാനം. നിലവിൽ സർക്കാർ രൂപീകരിച്ച എസ്‌ഐടി ഹൈക്കോടതി റദ്ദാക്കണാമെന്നും അഴിമതിക്കേസ് അന്വേഷിക്കേണ്ടത് വിജിലൻസ് ആണെന്നും വിധിയിൽ വ്യക്തമാക്കിയിട്ടുണ്ട്. കള്ളപ്പണം വെളുപ്പിക്കൽ തടയൽ നിയമം 66(2) വകുപ്പു പ്രകാരം ഇഡി പൊലീസ് മേധാവിക്കു നൽകിയ കത്തിൽ എഫ്‌ഐആർ രജിസ്റ്റർ ചെയ്യാൻ ആവശ്യമായ തെളിവുകൾ…

കൊൽക്കത്ത : നന്ദിഗ്രാം നിയമസഭാ ഉപതെരഞ്ഞെടുപ്പിൽ ബിജെപി സ്ഥാനാർത്ഥി ഹൻസിറാനി രഥിന് വമ്പൻ ഭൂരിപക്ഷം. കോൺഗ്രസ് സ്ഥാനാർത്ഥി മിലൻ പ്രധാനെ 122,753 വോട്ടുകൾക്കാണ് ഹൻസിറാനി പരാജയപ്പെടുത്തിയത് . നന്ദിഗ്രാം നിയമസഭാ സീറ്റിൽ മുൻപ് ഒരു സ്ഥാനാർത്ഥിയും ഇത്രയും മികച്ച വിജയം നേടിയിട്ടില്ല . സുവേന്ദു അധികാരിയുടെ രാജിയെത്തുടർന്നാണ് നന്ദിഗ്രാം സീറ്റിൽ ഉപതെരഞ്ഞെടുപ്പ് നടന്നത്. ഈ വർഷം ആദ്യം നടന്ന ബംഗാൾ നിയമസഭാ തിരഞ്ഞെടുപ്പിൽ അദ്ദേഹം രണ്ട് സീറ്റുകൾ നേടിയിരുന്നു: കൊൽക്കത്തയിലെ നന്ദിഗ്രാം, ഭവാനിപൂർ. പിന്നീട് അദ്ദേഹം ഭവാനിപൂർ സീറ്റ് നിലനിർത്തുകയും നന്ദിഗ്രാം സീറ്റിൽ നിന്ന് രാജിവയ്ക്കുകയും ചെയ്തു. ഈ സീറ്റിലേക്ക് ബിജെപി ഹൻസിറാണി രഥിനെയാണ് നിർത്തിയിരുന്നത്. മമത ബാനർജി ഈ സീറ്റിൽ നിന്ന് ഒരു സ്ഥാനാർത്ഥിയെയും നിർത്തിയില്ല, പകരം കോൺഗ്രസ് സ്ഥാനാർത്ഥി മിലൻ പ്രധാനെ പിന്തുണച്ചു. സിപിഎമ്മിൽ നിന്ന് ശാന്തി ഗോപാൽ ഗിരി മത്സരിച്ചു. 17 റൗണ്ടുകളും എണ്ണിത്തീർന്നപ്പോൾ ഹസിറാണി രഥിന് 164,427 വോട്ടുകൾ ലഭിച്ചു . കോൺഗ്രസിന്റെ മിലൻ പ്രധാന്…

ന്യൂഡൽഹി: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ഇൻഡി സഖ്യം നേതാക്കൾ ഇന്ന് രാത്രി 8 മണിക്ക് രാഷ്ട്രപതി ദ്രൗപതി മുർമുവിനെ കാണും. ലോക്‌സഭയിലെ പ്രതിപക്ഷ നേതാവ് രാഹുൽ ഗാന്ധി, രാജ്യസഭയിലെ പ്രതിപക്ഷ നേതാവും കോൺഗ്രസ് പ്രസിഡന്റുമായ മല്ലികാർജുൻ ഖാർഗെ, പശ്ചിമ ബംഗാൾ മുൻ മുഖ്യമന്ത്രിയും അഖിലേന്ത്യാ തൃണമൂൽ കോൺഗ്രസ് നേതാവുമായ മമത ബാനർജി, ആർജെഡി നേതാവ് തേജസ്വി യാദവ്, എൻസിപി ശരദ് പവാർ വിഭാഗത്തിൽ നിന്നുള്ള സുപ്രിയ സുലെ, സിപിഐഎമ്മിൽ നിന്നുള്ള എംഎ ബേബി എന്നിവർ യോഗത്തിൽ പങ്കെടുക്കുമെന്ന് വിവരം. സമാജ്‌വാദി പാർട്ടിയിൽ നിന്നുള്ള എംപി രാജീവ് റായ് എന്നിവരും പ്രതിനിധി സംഘത്തിൽ ചേരും. ഒക്ടോബർ 2 ന് രാഷ്ട്രപതിയെ കാണാൻ പ്രതിപക്ഷ നേതാക്കൾ സമയം ആവശ്യപ്പെട്ടിരുന്നു . ഇതിനുശേഷം, ചർച്ചയിൽ പങ്കെടുക്കുന്ന നേതാക്കളുടെ പേരുകൾ രാഷ്ട്രപതി ഭവൻ ആവശ്യപ്പെട്ടു. എസ്പി തലവൻ അഖിലേഷ് യാദവും ശിവസേന (ഉദ്ധവ്) വിഭാഗം തലവൻ ഉദ്ധവ് താക്കറെയും രാഷ്ട്രപതിയെ കാണില്ലെന്ന്…

സ്റ്റോക്കോം ; 2026 ലെ സമാധാന നൊബേൽ പുരസ്കാരം ഇന്ത്യൻ വംശജ നവനീതം നവി പിള്ളയ്ക്ക്. ദക്ഷിണാഫ്രിക്കയിൽ നിന്നുള്ള പ്രമുഖയായ നിയമജ്ഞയും രാജ്യാന്തര മനുഷ്യാവകാശ പ്രവർത്തകയുമാണ്. 2008 –2014 ൽ ഐക്യരാഷ്ട്രസഭയുടെ മനുഷ്യാവകാശ ഹൈക്കമ്മീഷണറായിരുന്നു. ദക്ഷിണാഫ്രിക്കയിലെ ഡർബനിലാണ് ജനനം. നവി പിള്ളയുടെ മുത്തച്ഛൻ തമിഴ്നാട് സ്വദേശിയാണ്. കരാർ തൊഴിലാളിയായാണ് ദക്ഷിണാഫ്രിക്കയിലെത്തിയത്. നെറ്റാൽ സർവകലാശാലയിൽ നിന്ന് ബിഎ, എൽഎൽബി ബിരുദങ്ങൾ നേടി. ഹാർവാർഡ് സ്കൂളിൽനിന്ന് എൽഎൽഎം ബിരുദവും, 1988-ൽ നിയമത്തിൽ ഡോക്ടറേറ്റും കരസ്ഥമാക്കി. ദക്ഷിണാഫ്രിക്കയിലും രാജ്യാന്തര തലത്തിലും നിലനിൽക്കുന്ന വംശീയ ലിംഗ വിവേചനത്തിനെതിരെ നിരന്തരം ശക്തമുയർത്തിയവരാണ് നവനീതം നവി പിള്ള.