Author: Anu Nair

ന്യൂഡൽഹി: അനധികൃത കുടിയേറ്റത്തിന് യുഎസ് നാടുകടത്തിയ 11 ഇന്ത്യക്കാർക്ക് എൻഫോഴ്‌സ്‌മെന്റ് ഡയറക്ടറേറ്റ് നോട്ടീസ് അയച്ചു. ഡങ്കി റൂട്ടുകൾ വഴി ഇന്ത്യയിൽ നിന്ന് യുഎസിലേക്ക് ആളുകളെ അനധികൃതമായി കുടിയിറക്കുന്നതിന് സൗകര്യമൊരുക്കുന്ന ഏജന്റുമാരെക്കുറിച്ചുള്ള അന്വേഷണത്തിന്റെ ഭാഗമായാണ് ഇഡിയുടെ നടപടി. പഞ്ചാബിൽ നിന്നുള്ള പത്ത് പേർക്കും ഹരിയാനയിൽ നിന്നുള്ള ഒരാൾക്കും ഇഡി നോട്ടീസ് അയച്ചു. ഇഡിയുടെ ജലന്ധർ ഓഫീസിൽ ഹാജരാകാൻ അവരോട് ആവശ്യപ്പെട്ടിട്ടുണ്ട്. കള്ളപ്പണം വെളുപ്പിക്കൽ തടയൽ നിയമപ്രകാരമുള്ള അന്വേഷണത്തിന്റെ ഭാഗമായാണ് നടപടിയെന്ന് അധികൃതർ പറഞ്ഞു. നിയമവിരുദ്ധ മനുഷ്യക്കടത്തുമായി ബന്ധപ്പെട്ട് 15 ഏജന്റുമാർക്കെതിരായ കേസിന്റെ ഭാഗമായാണ് അന്വേഷണം. അതേസമയം, സൈനിക വിമാനങ്ങൾ ഉപയോഗിച്ച് അനധികൃത കുടിയേറ്റക്കാരെ നാടുകടത്തുന്നത് യുഎസ് നിർത്തിവച്ചതായി റിപ്പോർട്ടുകൾ പുറത്തുവന്നിട്ടുണ്ട്.ഉയർന്ന ചെലവ് മൂലമാണ് ഈ നീക്കമെന്ന് പറയപ്പെടുന്നു. യുഎസ് ഇതിനോട് ഔദ്യോഗികമായി പ്രതികരിച്ചിട്ടില്ല. നാടുകടത്തലിനായി അവസാനമായി ഒരു സൈനിക വിമാനം ഉപയോഗിച്ചത് മാർച്ച് 1 നാണ്. ജനുവരിയിൽ ഡൊണാൾഡ് ട്രംപ് പ്രസിഡന്റായി അധികാരമേറ്റതിനുശേഷമാണ് യുഎസ് അനധികൃത കുടിയേറ്റക്കാരെ അവരുടെ രാജ്യങ്ങളിലേക്ക് തിരിച്ചയക്കാൻ തുടങ്ങിയത്.…

തിരുവനന്തപുരം: വൈകുന്നേരം പൊറോട്ടയും ചിക്കനും തനിക്ക് നിർബന്ധമാണെന്ന് വെഞ്ഞാറമ്മൂട് കൂട്ടക്കൊലക്കേസിലെ പ്രതിയായ അഫാൻ . തന്റെ പ്രിയപ്പെട്ട വിഭവങ്ങൾ വൈകുന്നേരം ജയിലിൽ കിട്ടണമെന്നാണ് അഫാന്റെ ആവശ്യം. പൊറോട്ടയും ചിക്കനും ഒഴികെ മറ്റെന്തെങ്കിലും കഴിക്കുന്നത് തനിക്ക് ബുദ്ധിമുട്ടാണെന്നാണ് അഫാൻ പോലീസിനോട് പറഞ്ഞത് . കുറച്ച് ദിവസങ്ങൾക്ക് മുമ്പ്, ഭക്ഷണ സമയത്ത് മീൻ കറി തനിക്ക് വേണമെന്നും അഫാൻ പോലീസിനോട് പറഞ്ഞിരുന്നു. കഴിഞ്ഞ കുറച്ച് ദിവസങ്ങളിൽ, രാത്രിയിൽ സെല്ലിനുള്ളിൽ അഫാൻ ഉറക്കമില്ലാതെ ഉണർന്നിരിക്കുന്നതായും കണ്ടെത്തി. തനിക്ക് വെറും നിലത്ത് കിടക്കാൻ പറ്റില്ലെന്ന് പറഞ്ഞതോടെ പോലീസ് തറയിൽ വിരിച്ച് ഉറങ്ങാൻ ഒരു പത്രം നൽകി. എന്നാൽ, അഫാൻ ആ പത്രം വായിക്കാനാണ് എടുത്തത് . തുടർന്ന് അഫാന് പോലീസ് ഒരു പായ വാങ്ങിക്കൊടുത്തു. കടം കുന്നുകൂടിയതോടെ രക്ഷപ്പെടാൻ കഴിയാത്ത അവസ്ഥയിലേക്ക് എത്തിയപ്പോഴാണ് കൊലപാതകം നടത്താൻ തീരുമാനിച്ചതെന്നാണ് അഫാൻ പറഞ്ഞത് . ഒരു ഇരുമ്പ് വടി വാങ്ങുന്നതിനെക്കുറിച്ച് ആദ്യം ചിന്തിച്ചു, പക്ഷേ പിന്നീട് കൊണ്ടുപോകാൻ കൂടുതൽ സുഖകരമായതിനാൽ…

ഇന്ത്യൻ സിനിമാ വ്യവസായത്തിൽ, സ്ത്രീ കേന്ദ്രീകൃത സിനിമകളേക്കാൾ പുരുഷ മേധാവിത്വമുള്ള സിനിമകളാണ് കൂടുതൽ കളക്ഷൻ നേടുന്നതെന്ന് നടി ഖുശ്ബു സുന്ദർ . വനിതാ ദിനത്തോടനുബന്ധിച്ച് സംസാരിക്കുകയായിരുന്നു താരം . ‘ വീരാരാധന ഇവിടെ വ്യാപകമാണ്. ഇത് മാറണമെന്ന് ഞാൻ വിശ്വസിക്കുന്നു. ഇത് മാറാൻ ഒരുപാട് സമയമെടുത്തേക്കാം. സ്ത്രീ കേന്ദ്രീകൃത സിനിമകൾ ഹിറ്റാകാൻ ഒരു സാധ്യതയുമില്ല. കാലം മാറി എന്ന് പറയാൻ ഞാൻ തയ്യാറല്ല. നമ്മൾ ആശയങ്ങൾ സ്വീകരിക്കണം. അരമനൈ 4, മൂഗുത്തി അമ്മ 2 പോലുള്ള സ്ത്രീ കേന്ദ്രീകൃത സിനിമകൾ വളരെ അപൂർവമായി മാത്രമേ വരുന്നുള്ളൂ,വെള്ളിത്തിര ഖാൻമാർക്കും സൂപ്പർസ്റ്റാറുകൾക്കും അവകാശപ്പെട്ടതാണ്. നമുക്ക് ഇനിയും ഒരുപാട് കാത്തിരിക്കേണ്ടി വരും . സ്ത്രീ കേന്ദ്രീകൃത സിനിമകൾ റിലീസ് ചെയ്ത് സൂപ്പർ ഹിറ്റാകാൻ കൂടുതൽ സമയം ആവശ്യമായി വരും ‘ – ഖുശ്ബു പറഞ്ഞു. സ്ത്രീ കേന്ദ്രീകൃത സിനിമകൾ ഇപ്പോൾ ഒടിടിയിൽ റിലീസ് ചെയ്യാനും വിജയം കണ്ടെത്താനും അവസരമുണ്ട്. ഡിംപിൾ കപാഡിയ വൈവിധ്യമാർന്ന വേഷങ്ങൾ ചെയ്യുന്നുണ്ട്.…

തിരുവനന്തപുരം : ഭാവിയിൽ കേരളത്തിന് വനിതാ മുഖ്യമന്ത്രി വരുമെന്ന് സിപിഎം കേന്ദ്ര കമ്മിറ്റിയംഗം കെ കെ ശൈലജ . വനിതകൾ മുഖ്യമന്ത്രി ആകുന്നതിന് പാർട്ടിയ്ക്ക് എതിർപ്പില്ല. എന്നും സ്ത്രീകൾക്ക് പരിഗണന നൽകുന്ന പാർട്ടിയാണ് സിപിഎമ്മെന്നും ഷൈലജ പറഞ്ഞു. സ്ത്രീ പ്രാതിനിധ്യം എല്ലാ മേഖലയിലും വർധിക്കണം . സ്ത്രീകൾ ലോകത്ത് 50 ശതമാനമുണ്ട് . വനിതകൾ കൂടുതൽ വളർന്നും വരുന്നുണ്ട് . പാർട്ടിയിൽ വനിതാ പ്രാതിനിധ്യം വർദ്ധിച്ചു വരുന്നു. ഇനിയും വർധിക്കണം . ബ്രാഞ്ച് സെക്രട്ടറി മുതൽ ഏരിയ സെക്രട്ടറി വരെ സ്ത്രീകൾ ആയി. ഇനി ജില്ലാ സെക്രട്ടറിയായി വരുമെന്നും കെ കെ ശൈലജ വ്യക്തമാക്കി. അതേസമയം പാർട്ടിയിൽ വനിതകൾക്ക് കൂടുതൽ അവസരം നൽകുമെന്ന് എൽ ഡി എഫ് കൺവീനർ ടി പി രാമകൃഷ്ണൻ പറഞ്ഞു. ഭാവിയിൽ ജില്ലാ സെക്രട്ടറിയായി സ്ത്രീകൾ വരുമെന്നും ടി പി രാമകൃഷ്ണൻ പറഞ്ഞു

കൊല്ലം : സ്വന്തം മണ്ഡലത്തിൽ പാർട്ടിയുടെ സംസ്ഥാന സമ്മേളനം നടക്കുമ്പോൾ എം എൽ എ യും , നടനുമായ എം . മുകേഷ് എവിടെ ? കഴിഞ്ഞ ദിവസങ്ങളിൽ മാദ്ധ്യമങ്ങളിൽ ഉയർന്ന ചോദ്യമാണിത് . ഇപ്പോഴിതാ മുകേഷ് സമ്മേളന വേദിയിൽ എത്തിയിരിക്കുകയാണ് . തന്റെ അസാന്നിധ്യം ചോദ്യം ചെയ്ത മാദ്ധ്യമങ്ങളെ പരിഹസിച്ചാണ് മുകേഷിന്റെ ആദ്യപ്രതികരണം . ‘ ജോലി സംബന്ധമായ യാത്ര കാരണം രണ്ട് ദിവസം ഞാൻ വിട്ടുനിന്നിരുന്നു, നിയമസഭ നടക്കാത്ത സമയം ജോലിയുമായി ബന്ധപ്പെട്ട് യാത്ര പോയതാണ് . പോകുന്നതിനുമുമ്പ് ഞാൻ വിവരം പാർട്ടിയെ അറിയിച്ചു. നിങ്ങളുടെ എല്ലാവരുടെയും ആശങ്കയ്ക്ക് ഞാൻ ആത്മാർത്ഥമായി നന്ദി പറയുന്നു. ഞാന്‍ കൊല്ലത്തുനിന്ന് അങ്ങോട്ടോ ഇങ്ങോട്ടോ മാറുമ്പോള്‍ ഇത്രയും കരുതല്‍ നിങ്ങള്‍ കാണിക്കുന്നുണ്ടല്ലോ.” – മുകേഷ് പറഞ്ഞു.നമ്മള്‍ ഇല്ലാതെ കൊല്ലം ഇല്ലെന്നും മുകേഷ് മാധ്യമപ്രവര്‍ത്തകരോട് പറഞ്ഞു “ഇന്ന് രാവിലെ, ലണ്ടനിൽ നിന്ന് ഒരാൾ എന്നെ വിളിച്ചു, ബ്രാഞ്ച് മീറ്റിംഗിൽ പങ്കെടുക്കുന്നുണ്ടോ എന്ന് ചോദിച്ചു. ആരാണെന്ന്…

കോഴിക്കോട് ; പൊലീസിനെ കണ്ട് കയ്യിലുണ്ടായിരുന്ന എം ഡി എം എ പൊതി വിഴുങ്ങി രക്ഷപെടാൻ ശ്രമിച്ച യുവാവ് മരിച്ചു. കോഴിക്കോട് മൈക്കാവ് ഇയ്യാടൻ ഷാനിദ് (28) ആണ് മരിച്ചത്. വെള്ളിയാഴ്ച്ച രാവിലെയാണ് ഇയാളെ ആശുപത്രിയിൽ പ്രവേശിപ്പിച്ചത്. വിഴുങ്ങിയത് എം ഡി എം എ ആണെന്ന് പറഞ്ഞതോടെയാണ് ഇയാളെ ആശുപത്രിയിലേയ്ക്ക് മാറ്റിയത് . 130 ഗ്രാം ലഹരി മരുന്ന് ഉണ്ടായിരുന്നെന്നും, അതാണ് വിഴുങ്ങിയതെന്നുമാണ് ഇയാൾ പോലീസിനു നൽകിയ മൊഴി. ഇയാളുടെ വയറ്റില്‍ നിന്ന് ലഹരി പദാര്‍ത്ഥങ്ങള്‍ കണ്ടെത്തി. വെളുത്ത തരികൾക്കൊപ്പം രണ്ട് കവറുകളാണ് എൻഡോസ്കോപ്പി പരിശോധനയിൽ കണ്ടെത്തിയത് . വയറിനുള്ളിലെ പ്ലാസ്റ്റിക് സാന്നിദ്ധ്യമാണോ , അതോ അമിത അളവിൽ ലഹരി ഉള്ളിൽ ചെന്നതാണോ മരണകാരണം എന്ന് പോസ്റ്റ്മോർട്ടത്തിലൂടെ സ്ഥിരീകരിക്കാനാകൂ എന്ന് പോലീസ് പറഞ്ഞു.

ന്യൂഡൽഹി: അന്താരാഷ്ട്ര വനിതാ ദിനത്തിൽ സ്ത്രീശക്തിയ്ക്ക് ആശംസകൾ നേർന്ന് പ്രമുഖർ . രാഷ്ട്രപതി ദ്രൗപതി മുർമു, പ്രധാനമന്ത്രി നരേന്ദ്ര മോദി, പ്രതിപക്ഷ നേതാവ് രാഹുൽ ഗാന്ധി, കേന്ദ്ര ആഭ്യന്തര മന്ത്രി അമിത് ഷാ എന്നിവർ ആശംസകൾ അറിയിച്ചു. ‘ അന്താരാഷ്ട്ര വനിതാ ദിനത്തിൽ എല്ലാവർക്കും ആശംസകൾ! ഇന്ന്, സ്ത്രീകളുടെ നേട്ടങ്ങളും സംഭാവനകളും നമ്മൾ ആഘോഷിക്കുന്നു. സ്ത്രീകളുടെ അവകാശങ്ങൾ, സമത്വം, ശാക്തീകരണം എന്നിവ ശക്തിപ്പെടുത്തുന്നതിന് നാം ഒത്തൊരുമിച്ച് ശ്രമങ്ങൾ നടത്തുമെന്നും ദൃഢനിശ്ചയം ചെയ്യുന്നു. നമ്മുടെ സഹോദരിമാരും പെൺമക്കളും പ്രതിസന്ധികൾ തരണം ചെയ്ത് മുന്നോട്ട് കുതിക്കുകയാണ്. വിവിധ മേഖലകളിൽ സ്ത്രീകൾ പുതിയ പാതകൾ വെട്ടിത്തുറക്കുമ്പോൾ ആരും പിന്നോട്ട് പോകില്ലെന്ന് ഉറപ്പാക്കിക്കൊണ്ട്, അവരുടെ യാത്രയിൽ സ്ത്രീകളെ പിന്തുണയ്ക്കുമെന്ന് നമുക്ക് പ്രതിജ്ഞയെടുക്കാം. സ്ത്രീകൾക്കും പെൺകുട്ടികൾക്കും ഭയമില്ലാതെ അവരുടെ സ്വപ്നങ്ങൾ പിന്തുടരാൻ കഴിയുന്ന ഒരു ലിംഗ-തുല്യ ലോകം നമുക്ക് ഒരുമിച്ച് സൃഷ്ടിക്കാൻ കഴിയും . ‘ – ദ്രൗപതി മുർമു സോഷ്യൽ മീഡിയയിൽ കുറിച്ചു. പ്രധാനമന്ത്രി നരേന്ദ്ര മോദി…

കൊപ്പൽ: കർണാടകയിൽ 27 കാരിയായ ഇസ്രായേൽ വിനോദ സഞ്ചാരിയെയും, ഹോം സ്റ്റേ ഉടമയെയും കൂട്ട ബലാൽസംഗത്തിനിരയാക്കിയ സംഭവത്തിൽ ഒരു മരണം . ഇവർക്കൊപ്പമുണ്ടായിരുന്ന ഒഡീഷ സ്വദേശി ബിബാഷാണ് മരിച്ചത് .ഹംപിക്കടുത്തുള്ള സനാപൂർ തടാകക്കരയിൽ സംഗീതം ആസ്വദിച്ചും നക്ഷത്രനിരീക്ഷണം നടത്തിയും ഇരിക്കുമ്പോഴാണ് സംഭവം. രാത്രി 11 മണിയോടെ, മോട്ടോർ സൈക്കിളിൽ എത്തിയ മൂന്ന് പുരുഷന്മാർ പെട്രോൾ എവിടെ നിന്ന് കിട്ടുമെന്ന് ചോദിച്ചുകൊണ്ട് അവരെ സമീപിച്ചു. സമീപത്ത് പെട്രോൾ പമ്പുകൾ ഇല്ലെന്ന് ഹോംസ്റ്റേ നടത്തിപ്പുകാരൻ അറിയിച്ചപ്പോൾ, പ്രതികൾ 100 രൂപ ആവശ്യപ്പെട്ടു. പണം നൽകാൻ വിസമ്മതിച്ചപ്പോൾ, പ്രതികൾ കന്നഡയിലും തെലുങ്കിലും അവരെ അധിക്ഷേപിക്കാൻ തുടങ്ങി. തുടർന്ന് മൂന്ന് പുരുഷ വിനോദസഞ്ചാരികളെ കനാലിലേക്ക് തള്ളിയിടുകയും യുവതികളെ പീഡനത്തിനിരയാക്കുകയുമായിരുന്നു .വിനോദസഞ്ചാരികളിൽ ഒരാൾ അമേരിക്കയിൽ നിന്നുള്ളയാളാണെന്ന് പോലീസ് പറഞ്ഞു. രണ്ട് സ്ത്രീകളും ആശുപത്രിയിൽ ചികിത്സയിലാണ് . “കേസ് രജിസ്റ്റർ ചെയ്ത് പ്രതികളെ തിരിച്ചറിഞ്ഞിട്ടുണ്ട്. ആറ് ടീമുകൾ രൂപീകരിച്ചിട്ടുണ്ട്, അവരെ പിടികൂടാനുള്ള ശ്രമങ്ങൾ പുരോഗമിക്കുകയാണ്,” പോലീസ് പറഞ്ഞു.

വാഷിംഗ്‌ടൺ : ഇന്ത്യയ്ക്ക് കൈമാറാതിരിക്കാൻ അവസാന അടവുമായി 2008ലെ മുംബൈ ഭീകരാക്രമണക്കേസിലെ പ്രതി തഹാവൂർ റാണ. ഇന്ത്യയ്ക്ക് കൈമാറുന്നത് അടിയന്തരമായി സ്റ്റേ ചെയ്യണമെന്ന് ആവശ്യപ്പെട്ട് വീണ്ടും യുഎസ് സുപ്രീം കോടതിയെ സമീപിച്ചിരിക്കുകയാണ് റാണ . പാകിസ്ഥാൻ വംശജനായ മുസ്ലീമായതിനാൽ ഇന്ത്യയിൽ താൻ പീഡിപ്പിക്കപ്പെടാനുള്ള സാധ്യതയുണ്ടെന്ന് കാണിച്ചാണ് കോടതിയെ സമീപിച്ചത്. നേരത്തെ തഹാവൂർ റാണയെ ഇന്ത്യക്ക് കൈമാറാനുള്ള തീരുമാനം യുഎസ് സുപ്രീംകോടതി ശരിവെച്ചിരുന്നു. 63 കാരനായ തഹാവൂർ റാണ നിലവിൽ ലോസ് ഏഞ്ചൽസിലെ ഒരു ജയിലിലാണ്.175 പേരുടെ ജീവനെടുത്ത 26/11 മുംബൈ ഭീകരാക്രമണത്തിൽ തഹാവൂർ റാണയ്‌ക്കുള്ള പങ്കിന്റെ തെളിവുകൾ ഇന്ത്യയിലെ അന്വേഷണ ഏജൻസികൾക്ക് ലഭിക്കുകയും ചെയ്തതാണ്. നിലവിൽ അമേരിക്കൻ സുപ്രീംകോടതിക്ക് റാണ നൽകിയ ഹർജിയിൽ ആരോ​ഗ്യപ്രശ്നങ്ങളടക്കം നിരവധി കാര്യങ്ങളാണ് റാണ ചൂണ്ടിക്കാട്ടുന്നത്.കാർഡിയാക് അന്യൂറിസം, പാർക്കിൻസൺസ് രോഗം, ബുദ്ധിശക്തി കുറയാനുള്ള സാധ്യത, മൂത്രാശയ കാൻസർ തുടങ്ങിയ നിരവധി രോഗങ്ങൾ ഉണ്ടെന്നും റാണയുടെ അഭിഭാഷകൻ പരാമർശിച്ചു. ഇന്ത്യയിലെ വിചാരണക്കാലയളവ് പൂർത്തിയാക്കാൻ ഒരുപക്ഷെ റാണയ്‌ക്ക് കഴിഞ്ഞേക്കില്ലെന്നും അത്രയും…

സുന്ദർ സി സംവിധാനം ചെയ്ത് നയൻതാര നായികയാകുന്ന “മൂക്കുത്തി അമ്മൻ 2” എന്ന ചിത്രത്തിന്റെ പൂജാ ചടങ്ങുകൾ ചെന്നൈ പ്രസാദ് സ്റ്റുഡിയോയിൽ നടന്നു. ഒരു കോടി രൂപ മുടക്കി മൂക്കുത്തി അമ്മന്റെ പൂജക്കായി ഒരുക്കിയ സെറ്റിലാണ് ചടങ്ങുകൾ നടന്നത്. മൂക്കുത്തി അമ്മൻ ഒരുങ്ങുന്നത് നൂറു കൊടിക്ക് മുകളിലുള്ള ബഡ്ജറ്റിലാണ്. തമിഴ് ചലച്ചിത്ര മേഖലയിലെ പ്രശസ്ത പ്രൊഡക്ഷൻ ഹൗസുകളിലൊന്നായ വേൽസ് ഫിലിം ഇന്റർനാഷണൽ, ഐവി എന്റർടൈൻമെന്റുമായി സഹകരിച്ച് സുന്ദർ സി സംവിധാനം ചെയ്യുന്ന ചിത്രമാണ് മൂക്കുത്തി അമ്മൻ 2 . അവ്‌നി സിനിമാക്‌സ് (പ്രൈ) ലിമിറ്റഡും റൗഡി പിക്‌ചേഴ്‌സും ചേർന്ന് ചിത്രത്തിന്റെ സഹ നിർമ്മാണം നിർവ്വഹിക്കുന്നു. 1 കോടി രൂപയുടെ ആഡംബരപൂർണ്ണമായ സെറ്റ് വർക്കുകളിൽ ഗംഭീരമായ ചടങ്ങുകളോടെയാണ് ചിത്രം ആരംഭിച്ചത്. അഭിനേതാക്കളും അണിയറപ്രവർത്തകരും ചലച്ചിത്രമേഖലയിലെ പ്രമുഖരും ചടങ്ങിൽ പങ്കെടുത്തു. മൂക്കുത്തി അമ്മൻ 2 അതിശയിപ്പിക്കുന്ന ആക്ഷൻ, ശക്തമായ കഥാ പശ്ചാത്തലം, പരിധിയില്ലാത്ത ചിരി എന്നിവയുള്ള ഒരു മുഴുനീള എന്റർടെയ്‌നറായിരിക്കും. നയൻതാര പ്രധാന കഥാപാത്രത്തെ…