Author: Anu Nair

കലബുറഗി ; കർണാടകയിലെ കോൺഗ്രസ് സർക്കാരിനെ താഴെയിറക്കാൻ കേന്ദ്രസർക്കാരിന് പദ്ധതിയുണ്ടെന്ന് എഐസിസി അധ്യക്ഷൻ മല്ലികാർജുൻ ഖാർഗെ . കർണാടക സംസ്ഥാന രാഷ്ട്രീയത്തിൽ മുഖ്യമന്ത്രിയെ മാറ്റുന്നതിനെക്കുറിച്ചുള്ള ചർച്ചകൾ സജീവമാകുന്നതിനിടെയാണ് ഖാർഗെയുടെ പുതിയ ആരോപണം . കലബുറഗിയിൽ നടന്ന ഡിവിഷണൽ ലെവൽ ജോബ് ഫെയറിന്റെ ഉദ്ഘാടന വേളയിൽ സംസാരിക്കവേയായിരുന്നു ഖാർഗെയുടെ പരാമർശം. ” നിങ്ങളുടെ സർക്കാരിനെ താഴെയിറക്കുമെന്ന് പ്രധാനമന്ത്രി നരേന്ദ്ര മോദി പറഞ്ഞിട്ടുണ്ട്. നിങ്ങളുടെ അഭിപ്രായവ്യത്യാസങ്ങൾ എന്തുതന്നെയായാലും, നിങ്ങൾ ഐക്യപ്പെടണം . ശ്രദ്ധിക്കണം ” വേദിയിലിരുന്ന മുഖ്യമന്ത്രി സിദ്ധരാമയ്യയോടും ഉപമുഖ്യമന്ത്രി ഡി.കെ. ശിവകുമാറിനോടും മല്ലികാർജുൻ ഖാർഗെ പറഞ്ഞു. സിദ്ധരാമയ്യയും, ഡി.കെ. ശിവകുമാറും തമ്മിൽ അധികാര വടംവലി നടക്കുന്നുവെന്ന വാർത്തകൾ അടുത്തിടെ വന്നിരുന്നു. കോൺഗ്രസ് നേതാക്കളുടെ എതിർപ്പ് വകവയ്ക്കാതെ മഹാകുംഭമേളയിലും ഡികെ പങ്കെടുത്തിരുന്നു. അതിനു പിന്നാലെയാണ് ഇരുവരും തമ്മിൽ അസ്വാരസ്യങ്ങൾ ഉണ്ടെന്ന കാര്യം ഖാർഗെ തന്നെ പരസ്യപ്പെടുത്തിയത് .

അത്യാധുനിക ആയുധങ്ങൾക്കും , കരുത്തരായ സൈനികർക്കുമൊപ്പം കൂടുതൽ ശക്തിയാർജ്ജിക്കുകയാണ് ഇന്ത്യ . സിയാച്ചിൻ ഗ്ലേസിയർ പോലുള്ള എത്തിപ്പെടാൻ പ്രയാസമുള്ളതും മഞ്ഞുമൂടിയതുമായ പ്രദേശങ്ങളിൽ ശക്തി വർദ്ധിപ്പിക്കുന്നതിനായി സൈന്യം ഒരു പ്രത്യേക വാഹനം ഉൾപ്പെടുത്തിയിട്ടുണ്ട്. ‘കപിധ്വജ’ എന്നാണ്ഈ വാഹനത്തിന്റെ പേര് . ഇത് സൈന്യത്തിന് വളരെ പ്രധാനപ്പെട്ടതാണെന്ന് പറയപ്പെടുന്നു. ‘കപിധ്വജ്’ ഒരു പ്രത്യേക തരം മൊബിലിറ്റി വാഹനമാണ്, ഇത് സൈനിക നീക്കത്തിനും, ലോജിസ്റ്റിക് പിന്തുണക്കും, ദുഷ്‌കരമായ പ്രദേശങ്ങളിലെ പ്രവർത്തനങ്ങൾക്കും സഹായിക്കുന്നതിനായി രൂപകൽപ്പന ചെയ്‌തിരിക്കുന്നു. ഇന്ത്യയുടെ ശക്തിയുടെയും സ്വാശ്രയത്വത്തിന്റെയും പ്രതീകമായാണ് സൈന്യം ഇതിനെ കാണുന്നത് . അടുത്തിടെ, സിയാച്ചിനിലെ അപകടകരവും ഉയർന്ന ഉയരത്തിലുള്ളതുമായ പ്രദേശത്ത് നിന്ന് പരിക്കേറ്റ ഒരു സൈനികനെ ‘കപിദ്വാജ്’ന്റെ സഹായത്തോടെ സൈന്യം വേഗത്തിൽ ഒഴിപ്പിച്ചു. ബുദ്ധിമുട്ടുള്ള സാഹചര്യങ്ങളിൽ പോലും ഈ വാഹനം മികച്ച രീതിയിൽ പ്രവർത്തിക്കുമെന്ന് പലപ്പോഴും തെളിയിക്കപ്പെട്ടു. ‘കപിദ്വാജ്’ ഇന്ത്യയിൽ തന്നെയാണ് നിർമ്മിച്ചിരിക്കുന്നത് . ഇത് സ്വാശ്രയ ഇന്ത്യയിലേക്കുള്ള മറ്റൊരു വലിയ ചുവടുവയ്പ്പാണ്. ഹിമാനികളിലും ഉയർന്ന പർവതപ്രദേശങ്ങളിലും ദുരിതാശ്വാസ, രക്ഷാപ്രവർത്തനങ്ങൾ നടത്തുന്നതിന്…

കൊച്ചി ; പേടിച്ചാണ് മകൻ ഹോട്ടൽ മുറിയിൽ നിന്നും ഇറങ്ങി ഓടിയതെന്ന് ഷൈൻ ടോം ചാക്കോയുടെ അമ്മ മരിയ കാർമൽ. മകൻ എവിടെയാണെന്ന് അറിയില്ല. ഷൈനിനെ എല്ലാവരും ചേർന്ന് വേട്ടയാടുകയാണെന്നും മരിയ കാർമൽ പറഞ്ഞു. ലഹരി പരിശോധനയ്‌ക്കായി ഡാൻസാഫ് സംഘമെത്തിയപ്പോൾ ഹോട്ടൽമുറിയിൽ നിന്ന് ഷൈൻ ടോം ചാക്കോ ഇറങ്ങിയോടിയിരുന്നു. ഇതിന്റെ സിസിടിവി ദൃശ്യങ്ങൾ പുറത്ത് വന്നിരുന്നു. ഇതിന് പിന്നാലെയാണ് നടന്റെ അമ്മയുടെ പ്രതികരണം പുറത്ത് വന്നത്. ‘ അവൻ ഉറങ്ങിക്കിടക്കുകയായിരുന്നു. പോലീസിന്റെ ഡ്രസിലല്ല അവർ വന്നത്. വലിയൊരു മനുഷ്യനാണ് വന്നത്. റൂം സർവീസിന് വന്നതാണോ , പോലീസാണോ എന്നും ചോദിച്ചു. അല്ലെന്ന് അവർ പറഞ്ഞു. ഉറക്കിത്തിനിടെയല്ലേ അവരെ പെട്ടന്ന് കാണുന്നത്. ഉപദ്രവിക്കുമെന്ന് പേടിച്ചിട്ടാണ് അവൻ ഇറങ്ങി ഓടിയത്. അവനെ ഞങ്ങൾക്ക് നന്നായി അറിയാം. അവന് ഭയങ്കര പേടിയാണ്. അവൻ എവിടെയാണ് എന്ന് ഞങ്ങൾക്ക് അറിയില്ല. ഡാർസാഫ് ആണെങ്കിലും പൊലീസ് ആണെങ്കിലും റെയ്ഡ് നടത്തിയിട്ടുണ്ടാവില്ലേ. എന്നിട്ട് അവർക്ക് എന്തെങ്കിലും കിട്ടിയോ . അവൻ…

എറണാകുളം : പോലീസ് പരിശോധനയ്ക്കിടെ കൊച്ചി കലൂരിലെ ഹോട്ടൽ മുറിയിൽ നിന്ന് ഓടി രക്ഷപ്പെട്ട് നടൻ ഷൈൻ ടോം ചാക്കോ . കഴിഞ്ഞ ദിവസം രാത്രി ഡാന്‍സാഫ് പരിശോധനയ്ക്കിടെയാണ് ഷൈൻ ഇറങ്ങിയോടിയത്. ഹോട്ടലിൽ മയക്കുമരുന്ന് കച്ചവടം നടത്തുന്നതിനെക്കുറിച്ചുള്ള രഹസ്യവിവരത്തിൻ്റെ അടിസ്ഥാനത്തിൽ പോലീസ് റെയ്ഡ് നടത്തുകയായിരുന്നു. ഗസ്റ്റ് രജിസ്റ്റർ പരിശോധിച്ചപ്പോൾ ഷൈൻ ചെക്ക് ഇൻ ചെയ്തതായി കണ്ടെത്തി. ഇത് പൊലീസുകാരിൽ സംശയം ജനിപ്പിച്ചു.”ആവർത്തിച്ച് മുട്ടിയിട്ടും വാതിൽ തുറന്നില്ല. ഒടുവിൽ വാതിൽ തുറന്നപ്പോൾ ഷൈൻ ജനലിലൂടെ പുറത്തേക്ക് ചാടി,ഞങ്ങൾ മുറിയിൽ തിരച്ചിൽ നടത്തി, പക്ഷേ നിയമവിരുദ്ധമായി ഒന്നും കണ്ടെത്തിയില്ല.” മുതിർന്ന പോലീസ് ഉദ്യോഗസ്ഥൻ പറഞ്ഞു. സൂത്രവാക്യം എന്ന സിനിമയുടെ ചിത്രീകരണത്തിനിടെ ഷൈൻ ടോം ചാക്കോ തന്നോട് മോശമായി പെരുമാറിയെന്ന് നടി വിൻസി അലോഷ്യസ് പരസ്യമായി ആരോപിച്ചതിൻ്റെ പശ്ചാത്തലത്തിലാണ് ഈ സംഭവവികാസം.

കൊച്ചി: മയക്കുമരുന്ന് ഉപയോഗിച്ച് നടി വിൻസി അലോഷ്യസിനോട് മോശമായി പെരുമാറിയത് നടൻ ഷൈൻ ടോം ചാക്കോയെന്ന് വെളിപ്പെടുത്തൽ. സൂത്രവാക്യം എന്ന സിനിമയുടെ ചിത്രീകരണത്തിനിടെയാണ് സംഭവം.സെറ്റിൽ വെച്ച് ലഹരി ഉപയോഗിച്ച നടൻ തന്നെ ശല്യപ്പെടുത്തിയെന്ന് രണ്ട് ദിവസം മുൻപാണ് വിൻസി വെളിപ്പെടുത്തിയത് . ആ സമയത്ത് വ്യക്തിയുടെ പേര് വെളിപ്പെടുത്തുന്നതിൽ നിന്ന് അവർ വിട്ടുനിന്നെങ്കിലും, ഇന്ന് ഫിലിം ചേംബർ ഓഫ് കൊമേഴ്സിനും ചിത്രത്തിൻ്റെ ഇൻ്റേണൽ കമ്മിറ്റിക്കും ഔദ്യോഗിക പരാതി നൽകുകയായിരുന്നു. സംഭവത്തിൽ കർശന നടപടി സ്വീകരിക്കുമെന്ന് ജനറൽ സെക്രട്ടറി സജി നന്തിയാട്ട് പറഞ്ഞു. ചേംബറിൻ്റെ മോണിറ്ററിംഗ് കമ്മിറ്റിയുടെ അടിയന്തര യോഗം ഷെഡ്യൂൾ ചെയ്തിട്ടുണ്ട്, നടനെ പുറത്താക്കാൻ സാധ്യതയുണ്ടെന്നും റിപ്പോർട്ടുകളുണ്ട് . അഭിനേതാക്കളുടെ സംഘടനയായ അമ്മയും വിൻസിക്ക് പിന്തുണയുമായി രംഗത്തെത്തിയിട്ടുണ്ട്. ഇത്തരം പെരുമാറ്റം സംഘടന വച്ചുപൊറുപ്പിക്കില്ലെന്നും ശക്തമായ അച്ചടക്ക നടപടി ആലോചിക്കുന്നുണ്ടെന്നും അമ്മ ഭാരവാഹി ജയൻ ചേർത്തല പറഞ്ഞു. അതേസമയം, ഷൈൻ ടോം ചാക്കോ സെറ്റിൽ മയക്കുമരുന്ന് ഉപയോഗിക്കുന്നതായി കണ്ടെന്ന വിൻസിയുടെ മൊഴി ഗൗരവമായാണ്…

പഞ്ചാബ് ; പാകിസ്ഥാനിലെ പഞ്ചാബ് പ്രവിശ്യയിൽ വ്യോമസേന വിമാനം തകർന്നുവീണു . ലാഹോറിൽ നിന്ന് ഏകദേശം 350 കിലോമീറ്റർ തെക്ക് പടിഞ്ഞാറായി വെഹാരി ജില്ലയിലെ പ്രാന്തപ്രദേശമായ റാട്ട ടിബ്ബയിലെ വയലിലാണ് പാകിസ്ഥാൻ വ്യോമസേനയുടെ (പിഎഎഫ്) മിറാഷ് വി റോസ് പരിശീലന വിമാനം തകർന്നുവീണത്. രണ്ട് പൈലറ്റുമാർക്ക് പുറത്തേക്ക് രക്ഷപ്പെടാൻ കഴിഞ്ഞു. അവർക്ക് നിസാര പരിക്കുകൾ ഏറ്റതായാണ് റിപ്പോർട്ട് . എങ്കിലും, ഇരുവരെയും അടുത്തുള്ള സൈനിക ആശുപത്രിയിലേക്ക് മാറ്റിയതായി പ്രാദേശിക മാധ്യമങ്ങൾ റിപ്പോർട്ട് ചെയ്തു. വെഹാരി നഗരത്തിനടുത്തുള്ള തിങ്കി വിമാനത്താവളത്തിൽ നിന്നാണ് പതിവ് പരിശീലന പറക്കലിനായി വിമാനം പറന്നുയർന്നത്. എന്നാൽ കുറച്ചു കഴിഞ്ഞപ്പോൾ അത് തകർന്നു വീണു . “ആളപായമോ കെട്ടിടത്തിന് കേടുപാടുകളോ ഉണ്ടായിട്ടില്ല,” എന്നാണ് ഉദ്യോഗസ്ഥർ പറയുന്നത്. ചില സാങ്കേതിക തകരാർ കാരണമാണ് വിമാനം തകർന്നതെന്നും ഉദ്യോഗസ്ഥർ പറഞ്ഞു. വലിയൊരു സ്ഫോടനത്തിന് ശേഷം പുക ഉയർന്നതായി ദൃക്‌സാക്ഷികൾ പറഞ്ഞു. റെസ്‌ക്യൂ 1122, സൈനിക, പോലീസ് ഉദ്യോഗസ്ഥർ, രക്ഷാപ്രവർത്തകർ എന്നിവർ സ്ഥലത്തെത്തി. രണ്ട്…

ബെയ്ജിംഗ് : ഇന്ത്യയുമായി മികച്ച ബന്ധം കെട്ടിപ്പടുക്കാനുള്ള ശ്രമത്തിലാണ് ചൈനയെന്ന് സൂചന. നാല് മാസത്തിനുള്ളിൽ 85,000 ഇന്ത്യക്കാർക്ക് ചൈന വിസ നൽകി. അതിർത്തി തർക്കത്തിനു പിന്നാലെ മൂന്ന് വർഷം മുമ്പ് ഇന്ത്യൻ സർക്കാർ നിരവധി ചൈനീസ് ആപ്പുകൾ നിരോധിച്ചതോടെ ഇരു രാജ്യങ്ങളും തമ്മിലുള്ള ബന്ധം തകരാറിലായിരുന്നു . അതിനുശേഷം, കഴിയുന്നത്ര പ്രാദേശിക ഉൽപ്പന്നങ്ങൾ വാങ്ങാൻ ഇന്ത്യ നിർദ്ദേശിച്ചു. കൂടാതെ, അതിർത്തിയിൽ സംഘർഷാവസ്ഥയും ഉണ്ടായിരുന്നു. ഈ സാഹചര്യത്തിൽ, ചൈന ഇത്രയധികം ഇന്ത്യക്കാർക്ക് വിസ നൽകിയതും ചില വിസ നിയമങ്ങളിൽ മാറ്റങ്ങൾ വരുത്തിയതും ആശ്ചര്യകരമാണ്. കിഴക്കൻ ലഡാക്കിൽ നിന്ന് ഇരു രാജ്യങ്ങളുടെയും സൈന്യങ്ങൾ പിൻവാങ്ങിയതിനുശേഷം ഇരു രാജ്യങ്ങളും തമ്മിലുള്ള ജനങ്ങൾ തമ്മിലുള്ള ബന്ധം ശക്തിപ്പെടുത്തുന്നതിനുള്ള മറ്റൊരു സുപ്രധാന ചുവടുവയ്പ്പാണിത്.2025 ഏപ്രിൽ 9 വരെ, ഇന്ത്യയിലെ ചൈനീസ് എംബസിയും കോൺസുലേറ്റുകളും ഈ വർഷം ചൈനയിലേക്ക് പോകുന്ന ഇന്ത്യൻ പൗരന്മാർക്ക് 85,000-ത്തിലധികം വിസകൾ നൽകിയിട്ടുണ്ട്. ഇരു രാജ്യങ്ങൾക്കുമിടയിലുള്ള യാത്ര കൂടുതൽ സുഗമമാക്കുന്നതിനായി, ഇന്ത്യൻ അപേക്ഷകർക്കായി ചൈന നിരവധി…

കൊച്ചി: സിഎംആര്‍എല്‍-എക്സാലോജിക് ഇടപാടിൽ എസ് എഫ് ഐ ഒ റിപ്പോർട്ടിൽ തുടർനടപടികൾ നിർത്തിവയ്ക്കാൻ നിർദേശിച്ച് ഹൈക്കോടതി. രണ്ടു മാസത്തേക്ക് നടപടികൾ നിർത്തിവെക്കാനാണ് നിർദേശം. കേസ് ഇപ്പോൾ ഹൈക്കോടതിയുടെ പുതിയ ഡിവിഷൻ ബെഞ്ചിലേക്ക് മാറ്റും . സിഎംആര്‍എല്ലിനും മുഖ്യമന്ത്രി പിണറായി വിജയന്റെ മകള്‍ വീണയ്ക്കും താത്കാലിക ആശ്വാസം പകരുന്നതാണ് കോടതി ഇടപെടൽ. വിശദമായ വാദങ്ങൾ അവതരിപ്പിക്കാൻ കേന്ദ്രസർക്കാർ കൂടുതൽ സമയം ആവശ്യപ്പെട്ടതിനെത്തുടർന്നാണ് രണ്ടു മാസത്തേക്ക് നടപടികൾ നിർത്തിവെക്കാൻ കോടതി നിർദേശിച്ചത്. എസ്എഫ്‌ഐഒ റിപ്പോര്‍ട്ടില്‍ കുറ്റം ചുമത്തിയത് ചോദ്യം ചെയ്ത് സിഎംആര്‍എല്‍ നല്‍കിയ ഹര്‍ജിയിലാണ് ഹൈക്കോടതി ഉത്തരവ്. സിഎംആര്‍എല്ലിനോടും കേന്ദ്ര സര്‍ക്കാരിനോടും സത്യവാങ്മൂലം സമര്‍പ്പിക്കാനും കോടതി ഇടക്കാല ഉത്തരവിട്ടിട്ടുണ്ട്.പ്രിവൻഷൻ ഓഫ് മണി ലോണ്ടറിംഗ് ആക്ട് (പിഎംഎൽഎ) പ്രകാരമുള്ള ലംഘനങ്ങളാണ് റിപ്പോർട്ടിൽ രേഖപ്പെടുത്തിയിരിക്കുന്ന കുറ്റങ്ങൾ. കേസ് റജിസ്റ്റർ ചെയ്യുന്നതിനു മുമ്പ് ഇഡി രേഖകൾ പരിശോധിക്കുമെന്നും ഉദ്യോഗസ്ഥർ വ്യക്തമാക്കി.

കോട്ടയം: എരുമേലി- ശബരിമല പാതയില്‍ കണമല അട്ടിവളവിൽ അയ്യപ്പ ഭക്തന്മാർ സഞ്ചരിച്ച വാഹനം മറിഞ്ഞുണ്ടായ അപകടത്തിൽ ഒരാൾക്ക് ദാരുണാന്ത്യം. രാവിലെ 6.30 ഓടെയായിരുന്നു അപകടം.33 തീർത്ഥാടകരാണ് വാഹനത്തിൽ ഉണ്ടായിരുന്നത്. പരുക്കേറ്റവരെ ആശുപത്രികളിലേയ്ക്ക് മാറ്റി. ശബരിമലയിലേക്ക് പോയ ബസ് നിയന്ത്രണംതെറ്റി മറിയുകയായിരുന്നു. സംഭവത്തില്‍ ആറുപേര്‍ക്ക് ഗുരുതരമായി പരിക്കേറ്റിട്ടുണ്ട്. വാഹനം മറിഞ്ഞെങ്കിലും സമീപത്തെ മരത്തില്‍ തടഞ്ഞുനിന്നതിനാല്‍ വലിയ അപകടം ഒഴിവായി. കര്‍ണാടക സ്വദേശികള്‍ സഞ്ചരിച്ചിരുന്ന വാഹനമാണ് അപകടത്തില്‍ പെട്ടത്. ഇവിടം സ്ഥിരം അപകടമേഖലയാണ്. ഡ്രൈവര്‍ ഉറങ്ങിപ്പോയതാകാം അപകടകാരണമെന്നാണ് നിഗമനം.

വെല്ലൂർ ; താമസിക്കുന്ന ഭൂമി വഖഫ് സ്വത്താണെന്നും , ഉടൻ ഒഴിയണമെന്നും കാട്ടി വെല്ലൂരിൽ 150 ഓളം കുടുംബങ്ങൾക്ക് സമീപത്തെ ദർഗ ഒഴിപ്പിക്കൽ നോട്ടീസ് നൽകി . വെല്ലൂർ ജില്ലയിലെ കാട്ടുകൊലൈ ഗ്രാമത്തിലെ 150 ഓളം കുടുംബങ്ങൾക്കാണ് അവരുടെ ഭൂമി വഖഫിന്റേതാണെന്ന് വ്യക്തമാക്കുന്ന നോട്ടീസ് ലഭിച്ചത്. കാട്ടുകൊല്ലയിലെ ഭൂമി ഒരു പ്രാദേശിക ദർഗയുടേതാണെന്ന് അവകാശപ്പെട്ട് എഫ് സയ്യിദ് സത്താമാണ് നോട്ടീസ് നൽകിയത്. സർവേ നമ്പർ 362 ൽ രജിസ്റ്റർ ചെയ്ത വഖഫ് ഭൂമി കയ്യേറിയെന്ന് ആരോപിച്ച് ബാലാജി എന്ന വ്യക്തിക്ക് സത്താമാണ് നോട്ടീസ് അയച്ചത്. 2021-ൽ പിതാവിന്റെ മരണശേഷം ദർഗയുടെയും പള്ളിയുടെയും പരിപാലകനായി മാറിയ സയ്യിദ് സദാം, 1954 മുതൽ ഭൂമി വഖഫ് ബോർഡിന്റേതാണെന്നും അത് തെളിയിക്കാൻ തങ്ങളുടെ കൈവശം രേഖകളുണ്ടെന്നും അവകാശപ്പെടുന്നു. നോട്ടീസ് പ്രകാരം, വഖഫ് ബോർഡുമായി ഔപചാരിക കരാറിൽ ഏർപ്പെടാനും ദർഗ മാനേജ്‌മെൻ്റിന് വാടക നൽകാനും ഗ്രാമവാസികളോട് ആവശ്യപ്പെട്ടിട്ടുണ്ട്. ഇല്ലെങ്കിൽ ഭൂമി കയ്യേറ്റ വസ്തുവായി കണക്കാക്കുകയും വഖഫ് നിയമപ്രകാരം…