Author: Anu Nair

പത്തനംതിട്ട: പതിനേഴുകാരിയെ ജീവനോടെ കത്തിച്ച കേസിലെ പ്രതിയ്ക്ക് ജീവപര്യന്തം തടവ് വിധിച്ച് പത്തനംതിട്ട അഡീഷണൽ സെഷൻസ് കോടതി .നാരങ്ങാനം സ്വദേശിയായ ശശിയുടെ മകൾ 17 വയസ്സുള്ള സരികയെ കൊലപ്പെടുത്തിയ കേസിൽ കടമ്മനിട്ട കല്ലേലിമുക്കിലെ തെക്കുംപറമ്പിൽ വീട്ടിൽ സജിൻ കുറ്റക്കാരനാണെന്ന് കോടതി കണ്ടെത്തിയിരുന്നു. ജഡ്ജി ജി.പി. ജയകൃഷ്ണനാണ് സജിന് ജീവപര്യന്തം തടവും 2 ലക്ഷം രൂപ പിഴയും വിധിച്ചത് . കൂടാതെ, ഐ.പി.സി സെക്ഷൻ 326(ബി) പ്രകാരം ഏഴ് വർഷം കഠിനതടവും 1 ലക്ഷം രൂപ പിഴയും, ജുവനൈൽ ജസ്റ്റിസ് ആക്ടിലെ സെക്ഷൻ 75 പ്രകാരം ഒരു വർഷം കഠിനതടവും 1 ലക്ഷം രൂപ പിഴയും കൂടി വിധിച്ചു. എല്ലാ ശിക്ഷകളും ഒരുമിച്ച് അനുഭവിക്കണമെന്നും കോടതി വിധിച്ചു. പിഴ അടച്ചില്ലെങ്കിൽ, കുറ്റവാളി മൂന്ന് വർഷവും മൂന്ന് മാസവും അധിക തടവ് അനുഭവിക്കണം. 2017 ജൂലൈ 14 നാണ് സംഭവം . പെൺകുട്ടിയെ പ്രതി പ്രണയാഭ്യർത്ഥനയുടെ പേരിൽ ശല്യപ്പെടുത്താറുണ്ടായിരുന്നു. സംഭവദിവസം സരിക അമ്മാവന്റെ വീട്ടിലായിരുന്നു.…

തിരുവനന്തപുരം : സംസ്ഥാനത്ത് മഴ തുടരുന്നു. കാസർഗോഡ്, കണ്ണൂർ, കോഴിക്കോട്, വയനാട്, മലപ്പുറം എന്നീ അഞ്ച് ജില്ലകളിൽ ഇന്ന് റെഡ് അലേർട്ട് പ്രഖ്യാപിച്ചു. സംസ്ഥാനത്തെ മറ്റ് ജില്ലകളിൽ ഇന്ന് ഓറഞ്ച് അലേർട്ടാണ്. 26 ന് കാസർഗോഡ്, കണ്ണൂർ, കോഴിക്കോട്, വയനാട്, മലപ്പുറം, പാലക്കാട്, തൃശൂർ, എറണാകുളം, കോട്ടയം, ഇടുക്കി, പത്തനംതിട്ട എന്നീ 11 ജില്ലകളിൽ റെഡ് അലേർട്ടും നിലവിലുണ്ട്. ശേഷിക്കുന്ന ജില്ലകളിൽ ഓറഞ്ച് അലേർട്ട് പ്രഖ്യാപിച്ചിട്ടുണ്ട്. ഈ പ്രദേശങ്ങളിൽ 24 മണിക്കൂറിനുള്ളിൽ 7 മുതൽ 20 സെന്റീമീറ്റർ വരെ കനത്തതോ അതിശക്തമായതോ ആയ മഴ ലഭിക്കാൻ സാധ്യതയുണ്ട്. കോട്ടയത്തെ കുമരകത്ത് കഴിഞ്ഞ 24 മണിക്കൂറിനുള്ളിൽ 12 സെന്റീമീറ്റർ വരെ കനത്ത മഴ രേഖപ്പെടുത്തി, നിലവിൽ റെഡ് അലർട്ടിന് കീഴിലുള്ള കണ്ണൂരിലും കാസർകോട്ടും സമാനമായ കാലാവസ്ഥ പ്രതീക്ഷിക്കുന്നു. തിരുവനന്തപുരത്ത് മെയ് 25 വരെ കനത്ത മഴ ഉണ്ടാകാൻ സാധ്യതയുണ്ട്.അടുത്ത ഏഴ് ദിവസത്തേക്ക് കനത്ത മഴയ്ക്കുള്ള മുന്നറിയിപ്പുമുണ്ട്. മെയ് 25 വരെ സംസ്ഥാനത്ത് മണിക്കൂറിൽ…

തിരുവനന്തപുരം: സംസ്ഥാനത്തുടനീളം ശക്തമായ കാറ്റും മഴയും മൂലം വൈദ്യുതി വിതരണ സംവിധാനത്തിന് സാരമായ കേടുപാടുകൾ സംഭവിച്ചതായി കെ.എസ്.ഇ.ബി . നിലവിലെ കണക്കുകൾ പ്രകാരം 257 ഹൈടെൻഷൻ പോസ്റ്റുകളും 2,505 ലോടെൻഷൻ പോസ്റ്റുകളും തകർന്നു. വിതരണ മേഖലയിലെ നഷ്ടം ഏകദേശം 26 കോടി 89 ലക്ഷം രൂപയാണെന്ന് കെ.എസ്.ഇ.ബി ഫേസ്ബുക്ക് പോസ്റ്റിൽ പറഞ്ഞു.7,12,679 ഉപഭോക്താക്കൾക്ക് വൈദ്യുതി തകരാർ സംഭവിച്ചു. ഇതിൽ 5,39,976 ഉപഭോക്താക്കൾക്ക് ഇതിനോടകം വൈദ്യുതി ബന്ധം പുനസ്ഥാപിച്ച് നൽകിയതായും പോസ്റ്റിൽ പറയുന്നു. ഫേസ്ബുക്ക് പോസ്റ്റിന്റെ പൂർണ്ണരൂപം… സംസ്ഥാനത്തുടനീളം ശക്തമായ കാറ്റിലും മഴയിലും കെഎസ്ഇബിയുടെ വൈദ്യുതി വിതരണ സംവിധാനത്തിന് കനത്ത നാശനഷ്ടങ്ങൾ ഉണ്ടായിട്ടുണ്ട്. നിലവിലെ കണക്കുകൾ പ്രകാരം 257 ഹൈടെൻഷൻ പോസ്റ്റുകളും 2,505 ലോ ടെൻഷൻ പോസ്റ്റുകളും തകർന്നു. ലഭ്യമായ കണക്കുകൾ പ്രകാരം വിതരണമേഖലയിൽ ഏകദേശം 26 കോടി 89 ലക്ഷം രൂപയുടെ നഷ്ടമാണ് കണക്കാക്കുന്നത്. 7,12,679 ഉപഭോക്താക്കൾക്ക് വൈദ്യുതി തകരാർ സംഭവിച്ചു. ഇതിൽ 5,39,976 ഉപഭോക്താക്കൾക്ക് ഇതിനോടകം വൈദ്യുതി ബന്ധം പുനസ്ഥാപിച്ച്…

ന്യൂഡൽഹി : ഡൽഹിയിൽ നിന്ന് ശ്രീനഗറിലേക്ക് പോകുകയായിരുന്ന ഇൻഡിഗോ വിമാനം മെയ് 21 ന് ആകാശച്ചുഴിയിൽപ്പെട്ടതിനെ തുടർന്ന് ശ്രീനഗറിൽ അടിയന്തരമായി ലാൻഡിംഗ് നടത്തിയിരുന്നു. വിമാനം അമൃത്സറിന് മുകളിലൂടെ കടന്നുപോകുമ്പോഴാണ് ആകാശചുഴിയിൽ അകപ്പെട്ടത്. ഇത് ഒഴിവാക്കാൻ പാകിസ്ഥാൻ വ്യോമാതിർത്തി ഉപയോഗിക്കുന്നതിന് പൈലറ്റ് ലാഹോർ എയർ ട്രാഫിക് കൺട്രോളിൽ (എടിസി) നിന്ന് അനുമതി തേടിയെങ്കിലും അത് നിരസിക്കപ്പെട്ടിരുന്നു .അതേസമയം ഈ വിഷയത്തിൽ അന്വേഷണം പൂർത്തിയാകുന്നതുവരെ രണ്ട് പൈലറ്റുമാർക്കും വിമാനം പറത്താൻ കഴിയില്ലെന്ന് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡിജിസിഎ) അറിയിച്ചു. പഹൽഗാം കൂട്ടക്കൊലയ്ക്ക് ശേഷം പാകിസ്ഥാൻ ഇന്ത്യൻ വിമാനങ്ങൾക്ക് മുന്നിൽ വ്യോമാതിർത്തി പൂർണ്ണമായും അടച്ചിരുന്നു പൈലറ്റിന് പാകിസ്ഥാന്റെ ഈ നടപടിയെ കുറിച്ച് എന്തുകൊണ്ട് അറിയില്ലായിരുന്നു എന്നും അന്വേഷിക്കുന്നുണ്ട് . ലാൻഡിംഗ് ചെയ്യാൻ അനുമതി നൽകിയ ശേഷം പാകിസ്ഥാൻ ഈ വിമാനം വെടിവച്ചിട്ടിരുന്നെങ്കിൽ, അന്താരാഷ്ട്ര നിയമങ്ങൾ പ്രകാരം പാകിസ്ഥാനെ പ്രോസിക്യൂട്ട് ചെയ്യുന്നത് തന്നെ ബുദ്ധിമുട്ടാകുമായിരുന്നു. പത്താൻകോട്ടിന് വളരെ അടുത്തുള്ള അമൃത്സർ വിമാനത്താവളത്തിൽ പൈലറ്റ് ലാൻഡ്…

ന്യൂഡൽഹി : വീരമൃത്യൂ വരിച്ച ധീരസൈനികരുടെ ഭാര്യമാരുടെ ക്ഷേമത്തിനായി ഒരു കോടി രൂപ സംഭാവന നൽകി നടി പ്രീതി സിന്റ. ഇന്ത്യൻ ആർമിയുടെ സൗത്ത് വെസ്റ്റേൺ കമാൻഡിലെ ആർമി വൈവ്‌സ് വെൽഫെയർ അസോസിയേഷനാണ് താരം 1.10 കോടി രൂപ സംഭാവന നൽകിയത് . പഞ്ചാബ് കിംഗ്സ് കോർപ്പറേറ്റ് സോഷ്യൽ റെസ്‌പോൺസിബിലിറ്റി (സി‌എസ്‌ആർ) ഫണ്ടിൽ നിന്നാണ് പ്രീതി സിന്റ ഈ സംഭാവന നൽകിയത്. യുദ്ധ വിധവകളെ ശാക്തീകരിക്കുകയും അവരുടെ കുട്ടികളുടെ വിദ്യാഭ്യാസത്തെ പിന്തുണയ്ക്കുകയും ചെയ്യുക എന്നതാണ് ഇതിനു പിന്നിലെ ലക്ഷ്യം . ജയ്പൂരിൽ നടന്ന സംഭാവന ചടങ്ങിൽ സൗത്ത് വെസ്റ്റേൺ കമാൻഡിലെ ആർമി വൈവ്‌സ് വെൽഫെയർ അസോസിയേഷൻ അംഗങ്ങൾ പങ്കെടുത്തു. പഞ്ചാബ് കിംഗ്സ് ടീമിന്റെ ഈ പ്രവൃത്തിയെ പ്രശംസിച്ച് ഏറെ പേർ രംഗത്തെത്തി. ഇന്ത്യൻ പ്രീമിയർ ലീഗിന്റെ ചരിത്രത്തിൽ ഒരിക്കലും കപ്പ് നേടാത്ത ടീമുകളിൽ ഒന്നാണ് പഞ്ചാബ് കിംഗ്സ്. 11 വർഷത്തിന് ശേഷം പ്ലേഓഫിൽ പ്രവേശിച്ച പഞ്ചാബ്, ആദ്യ കിരീടം നേടുന്നതിന്റെ ആത്മവിശ്വാസത്തിലാണ്.

ഗ്വാളിയോർ ; ജമ്മു കശ്മീരിലെ പഹൽഗാമിൽ നടന്ന ഭീകരാക്രമണത്തിന് ശേഷം ഇന്ത്യൻ സൈന്യം നടത്തിയ ഓപ്പറേഷൻ സിന്ദൂരിനെ പ്രശംസിച്ച് ഓൾ ഇന്ത്യ ഇമാം ഓർഗനൈസേഷൻ (എഐഐഒ) ചീഫ് ഇമാം ഡോ. ​​ഉമർ അഹമ്മദ് ഇല്യാസി തീവ്രവാദികൾക്കെതിരെ അദ്ദേഹം ഫത്‌വ പുറപ്പെടുവിച്ചിട്ടുണ്ട്, തീവ്രവാദികൾക്ക് ഇന്ത്യൻ മണ്ണിൽ മയ്യിത്ത് പ്രാർത്ഥന നടത്തുകയോ അടക്കം ചെയ്യുകയോ ചെയ്യില്ലെന്ന് അദ്ദേഹം പറഞ്ഞു. ഭീകരതയ്ക്ക് സൈന്യം കൃത്യവും ശക്തവുമായ മറുപടി നൽകിയിട്ടുണ്ടെന്ന് അദ്ദേഹം മാധ്യമങ്ങളോട് പറഞ്ഞു. ‘ ഇത് രാജ്യത്തിന് അഭിമാനകരമായ കാര്യമാണ്. ഇന്ത്യ നിരവധി ഭീകര കേന്ദ്രങ്ങൾ നശിപ്പിച്ചിട്ടുണ്ടെന്നും ഇനി ബാക്കിയുള്ള താവളങ്ങൾ കൂടി നശിപ്പിക്കേണ്ടതുണ്ട് . പാക് അധീന കശ്മീർ ഇന്ത്യയുടെ അവിഭാജ്യ ഘടകമാണ്. എത്രയും വേഗം അത് ഇന്ത്യയോട് തിരികെ ചേർക്കണം. ഇന്ത്യയിൽ ഏതെങ്കിലും തീവ്രവാദി കൊല്ലപ്പെട്ടാൽ അയാളുടെ ശവസംസ്കാര പ്രാർത്ഥനകൾ നടത്തില്ല . അദ്ദേഹത്തിന്റെ ശവകുടീരത്തിനായി ഇന്ത്യൻ ഭൂമി വിട്ടുകൊടുക്കില്ല. ‘- അദ്ദേഹം പറഞ്ഞു തീവ്രവാദ സംഘടനകളുടെ പേരുകൾ സംബന്ധിച്ചാണ് രണ്ടാമത്തെ ഫത്‌വ…

ജയ്പൂർ ; ഇന്ത്യ- പാകിസ്ഥാൻ സംഘർഷങ്ങൾക്കിടയിൽ, ‘മൈസൂർ പാക്ക്’ ഉൾപ്പെടെ മധുരപലഹാരങ്ങളുടെ പേരുകൾ മാറ്റി ജയ്പൂരിലെ കടകൾ . എല്ലാ മധുരപലഹാരങ്ങളുടെയും പേരിൽ നിന്ന് ‘പാക്’ എന്ന വാക്ക് നീക്കം ചെയ്ത് ‘ശ്രീ’ എന്നാക്കിയാണ് മാറ്റിയത് . മൈസൂർ പാക്ക് ഇനി മൈസൂർ ശ്രീ എന്നാകും അറിയപ്പെടുക. “ഞങ്ങളുടെ മധുരപലഹാരങ്ങളുടെ പേരിൽ നിന്ന് ‘പാക്’ എന്ന വാക്ക് നീക്കം ചെയ്തു. ‘മോത്തി പാക്ക്’ എന്നതിന്റെ പേര് ‘മോത്തി ശ്രീ’ എന്നും, ‘ഗോണ്ട് പാക്ക്’ എന്നതിന്റെ പേര് ‘ഗോണ്ട് ശ്രീ’ എന്നും, ‘മൈസൂർ പാക്ക്’ എന്നതിന്റെ പേര് ‘മൈസൂർ ശ്രീ’ എന്നും പുനർനാമകരണം ചെയ്തു,” കടയുടമ പറഞ്ഞു. അതേസമയം മൈസൂർ പാക്ക് എന്നാൽ കന്നഡയിൽ മൈസൂർ മധുരം എന്നാണ് അർത്ഥമാക്കുന്നത്. എന്നാൽ, പേര് മാറ്റണമെന്ന് ഉപഭോക്താക്കൾ ആവശ്യപ്പെട്ടതായി ബേക്കറി ഉടമകൾ പറയുന്നു. കഴിഞ്ഞ മാസം ജമ്മു കശ്മീരിലെ പഹൽഗാമിൽ നടന്ന ഭീകരാക്രമണത്തെത്തുടർന്ന് ഇന്ത്യയും പാകിസ്ഥാനും തമ്മിലുള്ള സംഘർഷം വർദ്ധിച്ചുവരുന്ന സാഹചര്യത്തിലാണ് ഈ നീക്കം.മൈസൂർ…

ബെംഗളൂരു ; കർണാടകയിൽ കോവിഡ് മരണം . കൊറോണ വൈറസ് ബാധിച്ച 85 കാരൻ മരിച്ചു. ശനിയാഴ്ച സംസ്ഥാനത്ത് അഞ്ച് പേർക്ക് കൊറോണ വൈറസ് സ്ഥിരീകരിച്ചു. ബെംഗളൂരുവിലാണ് കൊറോണ വൈറസ് ബാധിച്ച് 85 വയസ്സുള്ള വയോധികൻ മരിച്ചത് . സംസ്ഥാനത്ത് ആകെ 38 കോവിഡ് കേസുകൾ കണ്ടെത്തിയിട്ടുണ്ട് . അതിൽ 32 എണ്ണം ബെംഗളൂരുവിൽ സ്ഥിരീകരിച്ചിട്ടുണ്ട്. ശനിയാഴ്ച വിജയനഗർ ജില്ലയിൽ ഒരാൾക്കും മൈസൂരിൽ രണ്ട് പേർക്കും ബെംഗളൂരുവിൽ രണ്ട് പേർക്കും കൊറോണ വൈറസ് സ്ഥിരീകരിച്ചതായി ആരോഗ്യ വകുപ്പ് അറിയിച്ചു.വിജയനഗർ ജില്ലയിൽ 54 വയസ്സുള്ള സ്ത്രീക്ക് കൊറോണ വൈറസ് സ്ഥിരീകരിച്ചു. കടുത്ത ജലദോഷവും ചുമയും അനുഭവപ്പെട്ടതിനു പിന്നാലെ ബെല്ലാരിയിലെ വിംസ് ആശുപത്രിയിൽ നടത്തിയ പരിശോധനയിലാണ് കൊറോണ വൈറസ് ബാധിച്ചതായി സ്ഥിരീകരിച്ചത് . അടുത്തിടെയാണ് ഇവർ മുംബൈയിൽ നിന്ന് മടങ്ങിയെത്തിയത്. ബെൽഗാം നഗരത്തിൽ ഗർഭിണിയായ സ്ത്രീക്ക് കൊറോണ ബാധിച്ച് ബെൽഗാമിലെ സ്വകാര്യ ആശുപത്രിയിൽ ചികിത്സയിലാണെന്ന് ബെൽഗാം ഡിഎച്ച്ഒ ഡോ. ഈശ്വര ഗഡാഡി അറിയിച്ചു. അതേസമയം…

കണ്ണൂർ: ചെറുപുഴയില്‍ എട്ട് വയസുകാരിയായ മകളെ ക്രൂരമായി മര്‍ദിച്ച പിതാവ് കസ്റ്റഡിയില്‍. ചെറുപുഴ പ്രാപൊയില്‍ സ്വദേശി മാമച്ചൻ എന്ന ജോസ് ആണ് കസ്റ്റഡിയിലായിരിക്കുന്നത്. കുട്ടിയെ അതിക്രൂരമായി മർദ്ദിക്കുന്നതിൻ്റെ ദൃശ്യങ്ങൾ പുറത്തുവന്നിരുന്നു. കഴിഞ്ഞ ദിവസം രാത്രിയാണ് ജോസ് മകളെ ക്രൂരമായി മര്‍ദിച്ചത്. എന്നാൽ ഇത് പ്രാങ്ക് വീഡിയോയാണെന്നാണ് കുട്ടികൾ പോലീസിന് നൽകിയിരിക്കുന്ന മൊഴി. മാമച്ചനുമായി അകന്നു കഴിയുന്ന ഭാര്യ തിരിച്ചുവരാനായി പ്രാങ്ക് വീഡിയോ ചെയ്തതാണെന്നാണ് പറയുന്നത്. എട്ട് വയസുകാരിയുടെ സഹോദരനാണ് മര്‍ദനത്തിന്റെ ദൃശ്യങ്ങള്‍ പകര്‍ത്തിയത്. കാസര്‍കോട് ചിറ്റാരിക്കല്‍ സ്വദേശിയാണ് ജോസ്. കണ്ണൂരിലെ ചെറുപുഴയില്‍ വാടക വീടെടുത്ത് താമസിച്ചുവരികയാണ്. കുട്ടികളുടെ അമ്മ കുറച്ചുകാലമായി വീട്ടില്‍ നിന്ന് മാറിയാണ് നില്‍ക്കുന്നത്. മര്‍ദന ദൃശ്യങ്ങള്‍ പുറത്തുവന്നതോടെ നാട്ടുകാരില്‍ ചിലര്‍ പോലീസിന് പരാതി നല്‍കുകയായിരുന്നു. കൈയിൽ കത്തിയെടുത്ത് വെട്ടാൻ ഓങ്ങുമ്പോൾ ‘അച്ഛാ’ എന്ന് കുട്ടി കരഞ്ഞ് വിളിക്കുന്നുണ്ട്. മുടിയിൽ പിടിച്ച് കുട്ടിയെ നിലത്തടിക്കുന്നതും ചുമരിലിടിക്കുന്നതും വലിച്ചെറിയുന്നതും ദൃശ്യങ്ങളിൽ കാണാം. ‘എന്നെ തല്ലല്ലേ’ എന്നും കുട്ടി പറയുന്നു. ‘അമ്മേ പേടിയാകുന്നു,…

ജാർഖണ്ഡ്: പത്ത് ലക്ഷം രൂപ തലയ്ക്ക് വിലയിട്ടിരുന്ന പിടികിട്ടാപ്പുള്ളിയും നക്സൽ നേതാവുമായ ജെജെഎംപി തലവൻ പപ്പു ലോഹറയെയും 5 ലക്ഷം രൂപ പാരിതോഷികം പ്രഖ്യാപിച്ചിരുന്ന പ്രഭാത് ഗഞ്ചുവിനെയും സുരക്ഷാ സേന വധിച്ചു. പരിക്കേറ്റ സംഘത്തിലെ മറ്റൊരു ഭീകരനെ അറസ്റ്റ് ചെയ്യുകയും ചെയ്തു. രഹസ്യാന്വേഷണ വിവരങ്ങളുടെ അടിസ്ഥാനത്തിൽ ജാർഖണ്ഡിലെ ലതേഹാർ ജില്ലയിൽ ജില്ലാ പോലീസും സിആർപിഎഫ് ഉദ്യോഗസ്ഥരും സംയുക്തമായി ആരംഭിച്ച ഓപ്പറേഷനിലാണ് ഏറ്റുമുട്ടൽ ഉണ്ടായതെന്ന് മുതിർന്ന പോലീസ് ഉദ്യോഗസ്ഥർ പറഞ്ഞു. വെടിവയ്പ്പ് മണിക്കൂറുകൾ നീണ്ടുനിന്നു, അതിനുശേഷം മൂന്ന് നക്സലൈറ്റുകളുടെ മൃതദേഹങ്ങൾ സ്ഥലത്ത് നിന്ന് കണ്ടെടുത്തു. അന്വേഷണ ഏജന്‍സികള്‍ തലയ്ക്ക് ഒരുകോടി രൂപ വിലയിട്ടിരുന്ന നംബാല കേശവറാവു എന്ന ബസവരാജ് ഉള്‍പ്പെടെയുള്ള 30 മാവോവാദികളെ നേരത്തെ സുരക്ഷാ സേന വധിച്ചിരുന്നു. ഇതിന് പിന്നാലെയാണ് ഇപ്പോൾ മറ്റു രണ്ട് പേരെയും വധിച്ചിരിക്കുന്നത്. പപ്പു ലോഹറ കൊലപാതകം, പിടിച്ചുപറി, സുരക്ഷാ സേനയ്‌ക്കെതിരായ ആക്രമണം എന്നിവയുൾപ്പെടെ നിരവധി ക്രിമിനൽ കേസുകളിൽ ഉൾപ്പെട്ടയാളാണ്.