Author: Anu Nair

ഇസ്ലാമാബാദ് : പാകിസ്ഥാൻ ക്രിക്കറ്റ് ടീമിന് എപ്പോൾ വേണമെങ്കിലും സോമനാഥ് മന്ദിർ തകർക്കാൻ കഴിയുമെന്ന് പാകിസ്ഥാൻ ‘സ്പോർട്സ് അനലിസ്റ്റ്’ ഷാനവാസ് റാണ . ഇന്ത്യ vs പാകിസ്ഥാൻ ക്രിക്കറ്റ് മത്സരത്തിന്റെ പശ്ചാത്തലത്തിലാണ് റാണയുടെ പ്രസ്താവന . സോമനാഥ് മന്ദിർ തകർക്കണമെന്ന് ആഹ്വാനം ചെയ്യുന്ന പാകിസ്ഥാൻ സ്പോർട്സ് കമന്റേറ്റർ ഷാനവാസ് റാണയുടെ വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്. ‘സ്പോർട്സ് റൗണ്ടപ്പ്’ യൂട്യൂബ് ചാനലിൽ സംസാരിക്കവെയാണ് റാണയുടെ ഈ പരാമർശം. “ഏത് സമയത്തും സോമനാഥ് മന്ദിർ തകർക്കാൻ കഴിയുന്ന ഒരു ക്രിക്കറ്റ് ടീം പാകിസ്ഥാനിലുണ്ട്… അതിനാൽ, നിരാശപ്പെടരുത്.” എന്നാണ് റാണ പറയുന്നത് .ഇന്ത്യയ്‌ക്കെതിരായ ക്രിക്കറ്റ് മത്സരത്തിൽ പാകിസ്ഥാൻ വിജയിക്കാനുള്ള സാധ്യതയെക്കുറിച്ച് ചർച്ച ചെയ്യുന്നതിനിടെയാണ് ഇന്ത്യ വിരുദ്ധ വാക്കുകളുമായി റാണ രംഗത്ത് വന്നത് . കഴിഞ്ഞ വർഷം, ടി20 ക്രിക്കറ്റ് ലോകകപ്പ് ഫൈനലിൽ ഇന്ത്യ vs ദക്ഷിണാഫ്രിക്ക മത്സരത്തിന്റെ വിശകലനം നടത്തുന്നതിനിടെ സൊഹ്‌റാബ് ബർക്കത്ത് എന്ന പാകിസ്ഥാൻ ‘പത്രപ്രവർത്തകനും’ ഹിന്ദുഫോബിയയെ കുറിച്ച് പറഞ്ഞിരുന്നു . അന്ന്…

തിരുവനന്തപുരം: തിരുവനന്തപുരത്ത് 17 കാരന് അമീബിക് മസ്തിഷ്ക ജ്വരം ബാധിച്ചത് ആക്കുളത്തെ നീന്തൽക്കുളത്തിൽ നിന്നാണെന്ന് റിപ്പോർട്ട് . ഇതേത്തുടർന്ന് ആരോഗ്യ വകുപ്പ് ആക്കുളം ടൂറിസ്റ്റ് വില്ലേജിലെ നീന്തൽക്കുളം അടച്ചുപൂട്ടി പരിശോധനയ്ക്കായി വെള്ളത്തിന്റെ സാമ്പിളുകൾ ശേഖരിച്ചു. ഈ ആഴ്ച ആദ്യമാണ് 17 കാരന് രോഗം സ്ഥിരീകരിച്ചത്. സുഹൃത്തുക്കളോടൊപ്പം കുട്ടി കുളത്തിൽ നീന്താൻ പോയതായി റിപ്പോർട്ടുണ്ട്. വെള്ളിയാഴ്ച, മലപ്പുറത്തെ അരീക്കോട് സ്വദേശിയായ 10 വയസ്സുകാരിക്കും അണുബാധ സ്ഥിരീകരിച്ചിരുന്നു . കുട്ടി ഇപ്പോൾ കോഴിക്കോട് സർക്കാർ മെഡിക്കൽ കോളേജ് ആശുപത്രിയിൽ ചികിത്സയിലാണ്. അതേസമയം, മുൻകാല മെഡിക്കൽ പഠനത്തെക്കുറിച്ച് ആരോഗ്യമന്ത്രി വീണ ജോർജ്ജ് സോഷ്യൽ മീഡിയയിൽ പങ്ക് വച്ച പോസ്റ്റ് വിവാദത്തിന് കാരണമായി. തിരുവനന്തപുരം സർക്കാർ മെഡിക്കൽ കോളേജിലെ ഡോ. അന്ന ചെറിയാനും ഡോ. ​​ആർ. ജ്യോതിയും ചേർന്ന് 2013-ൽ അമീബിക് ബ്രെയിൻ ഫീവറിനെ പറ്റി തയ്യാറാക്കിയ റിപ്പോർട്ട് അന്നത്തെ യുഡിഎഫ് സർക്കാർ അവഗണിച്ചുവെന്ന് മന്ത്രി പറഞ്ഞു . കെ കെ ശൈലജ ആരോഗ്യമന്ത്രിയായിരുന്ന ഒന്നാം പിണറായി…

പാലക്കാട്: കുന്നത്തൂർമേട്ടിൽ ഞായറാഴ്ച രാവിലെ നടന്ന ശ്രീകൃഷ്ണ ജയന്തി ഘോഷയാത്രയ്ക്കിടെ ആന ഇടഞ്ഞ് ഓടിയത് ഭീതി പടർത്തി . രണ്ട് മണിക്കൂർ നീണ്ട പരിശ്രമത്തിനൊടുവിലാണ് ആനയെ മെരുക്കിയത് . ചെർപ്പുളശ്ശേരി മണികണ്ഠൻ എന്ന ആയാണ്ന രാവിലെ 10.30 ഓടെ റോഡരികിലെ സ്വകാര്യ വസതിയുടെ കോമ്പൗണ്ടിലേക്ക് വഴിതെറ്റി ഓടി കയറിയത് . ആനയെ ശാന്തനാക്കി തിരികെ ഇറക്കാൻ ആനപ്പാപ്പാൻ ശ്രമിച്ചെങ്കിലും ആദ്യം ഇത് ഫലം കണ്ടില്ല. ഇതിനിടെ ആനപ്പുറത്തിരുന്ന മൂന്ന് പേരെ സുരക്ഷിതമായി താഴെയിറക്കി. ഒമ്പത് ആനകൾ ഘോഷയാത്രയിൽ പങ്കെടുത്തു. സംഭവത്തിൽ ആർക്കും പരിക്കേറ്റിട്ടില്ലെന്ന് പൊലീസ് പറഞ്ഞു.

പത്തനംതിട്ട: ഹണിട്രാപ്പിൽ കുടുക്കി ദമ്പതികൾ യുവാക്കളെ ക്രൂരമായി ആക്രമിച്ച കേസിലെ റിമാൻഡ് റിപ്പോർട്ട് പുറത്ത് . റാന്നി, ആലപ്പുഴ സ്വദേശികളായ യുവാക്കളെയാണ് ജയേഷും രശ്മിയും ക്രൂരമായി പീഡിപ്പിച്ചത് . റാന്നി സ്വദേശിയുമായി രശ്മിക്ക് അവിഹിത ബന്ധമുണ്ടെന്ന് ജയേഷ് സംശയിച്ചിരുന്നതായി റിപ്പോർട്ടിൽ പറയുന്നു. രശ്മിയുടെ സ്വകാര്യ ചിത്രങ്ങൾ യുവാവിന്റെ ഫോണിൽ ഉണ്ടായിരുന്നതായും ജയേഷ് സംശയിച്ചു. ഈ സംശയത്തിന്റെ അടിസ്ഥാനത്തിലാണ് യുവാക്കളെ ക്രൂരമായി പീഡിപ്പിച്ചതെന്ന് റിപ്പോർട്ടിൽ പറയുന്നു. റാന്നി സ്വദേശിയായ യുവാവ് ജയേഷിനൊപ്പം ജോലിചെയ്തിരുന്നു. തിരുവോണ ദിവസം ഒരുമിച്ച് ആഘോഷിക്കാം എന്ന് പറഞ്ഞാണ് ജയേഷ് യുവാവിനെ വീട്ടിലേക്ക് വിളിച്ചത് . വീട്ടിലെത്തി സംസാരിക്കുന്നതിനിടെ മർദ്ദിക്കാൻ തുടങ്ങി. ഷാൾ കൊണ്ട് കൈകാലുകൾ കെട്ടി പ്ലാസ്റ്റിക് കയർ കൊണ്ട് കെട്ടിത്തൂക്കി. ദമ്പതികൾ ഇരുമ്പ് വടി കൊണ്ട് മർദ്ദിക്കുകയും പിന്നീട് സൈക്കിൾ ചെയിൻ ഉപയോഗിച്ച് നെഞ്ചിൽ അടിക്കുകയും ചെയ്തതായി റിപ്പോർട്ടിൽ പറയുന്നു. കാമുകിയുടെ ബന്ധുക്കൾ തന്നെ ക്രൂരമായി ആക്രമിച്ച കാര്യം എല്ലാവരോടും പറയാൻ ജയേഷ് യുവാവിനോട് ആവശ്യപ്പെട്ടു. യുവാവ്…

തിരുവനന്തപുരം: ഇന്ന് ശ്രീകൃഷ്ണ ജയന്തി. ഉണ്ണിക്കണ്ണനെ കാണാൻ കൃഷ്ണ ക്ഷേത്രങ്ങൾ വൻ ഭക്തജനത്തിരക്കാണ് അനുഭവപ്പെട്ടത് . സംസ്ഥാനത്തുടനീളം ഘോഷയാത്ര ഉൾപ്പെടെ വിവിധ ആഘോഷങ്ങൾ നടക്കും. ഗുരുവായൂർ ക്ഷേത്രത്തിൽ അഷ്ടമിരോഹിണി ഉത്സവം ആരംഭിച്ചു. പൂജകൾ, ആഘോഷങ്ങൾ, ഘോഷയാത്രകൾ, നാടൻ കലകൾ എന്നിവയോടെ ക്ഷേത്രത്തിൽ വിവിധ ആഘോഷങ്ങൾ സംഘടിപ്പിച്ചിട്ടുണ്ട്. ഭക്തരുടെ വലിയ തിരക്ക് ഉണ്ടെങ്കിലും ക്ഷേത്രത്തിലെത്തുന്ന എല്ലാവർക്കും ദർശനം നൽകുന്നതിന് സാധ്യമായ നടപടികൾ സ്വീകരിച്ചിട്ടുണ്ടെന്ന് ദേവസ്വം ബോർഡ് അറിയിച്ചു. ക്ഷേത്രത്തിലെ അഷ്ടമിരോഹിണി പുലർച്ചെ 3 മണിക്ക് നിർമ്മാല്യ ദർശനത്തോടെ ആരംഭിച്ചു. ഇന്ന് ഗുരുവായൂരിൽ 200 ലധികം വിവാഹങ്ങൾ നടക്കും. സുരക്ഷാ ക്രമീകരണങ്ങളുടെ ഭാഗമായി, വിഐപി, പ്രത്യേക ദർശനങ്ങളും നിയന്ത്രിക്കും. ആറന്മുള പാർത്ഥസാരഥി ക്ഷേത്രത്തിലും അഷ്ടമിരോഹിണിയുടെ ഭാഗമായി വിപുലമായ ആഘോഷങ്ങൾ ഒരുക്കിയിട്ടുണ്ട്. രാവിലെ 10:30 ന് ദേവസ്വം മന്ത്രി വി എൻ വാസവൻ സമൂഹ സദ്യ ഉദ്ഘാടനം ചെയ്തു. 52 പള്ളിയോടങ്ങളിൽ നിന്നുള്ളവരും ക്ഷേത്ര പരിസരത്ത് എത്തും. അമ്പലപ്പുഴ പാൽപ്പായസം ഉൾപ്പെടെയുള്ള വിഭവങ്ങളാണ് സദ്യയ്ക്കായി ഒരുക്കിയിരിക്കുന്നത്…

തിരുവനന്തപുരം: നാളെ ആരംഭിക്കുന്ന നിയമസഭാ സമ്മേളനം ജനങ്ങളുടെ മനസ്സാക്ഷിയുടെ കോടതിയിൽ യുഡിഎഫ് നടത്താൻ പോകുന്ന വിചാരണയാണെന്ന് പ്രതിപക്ഷ നേതാവ് വി ഡി സതീശൻ . നിയമസഭാ സമ്മേളനത്തെ നേരിടാൻ യുഡിഎഫ് പൂർണ്ണമായും തയ്യാറാണെന്നും അദ്ദേഹം പറഞ്ഞു. ‘ നിരവധി വിഷയങ്ങളിൽ മുഖ്യമന്ത്രി പിണറായി വിജയൻ മറുപടി നൽകേണ്ടി വരും .യുഡിഎഫ് പൂർണ്ണമായും തയ്യാറായി നിയമസഭാ സമ്മേളനത്തെ നേരിടാൻ പോകുന്നു. കേരളത്തിന്റെ മനസ്സാക്ഷിയെ ഞെട്ടിച്ച നിരവധി സംഭവങ്ങൾ ഉണ്ടായിട്ടുണ്ട്. കുന്നംകുളത്തെ കസ്റ്റഡി പീഡനം പുറത്തുവന്നപ്പോൾ കേരളം ഞെട്ടിപ്പോയി. പിന്നീട് നിരവധി കസ്റ്റഡി പീഡനങ്ങളുടെ കഥ വന്നു.പിണറായി വിജയൻ ആഭ്യന്തര വകുപ്പിന്റെ ചുമതല വഹിക്കുമ്പോൾ, കേരള പോലീസ് ജനങ്ങളെ ലജ്ജിപ്പിക്കുന്ന നടപടികൾ സ്വീകരിക്കുന്നു. ഈ വിഷയത്തിൽ മുഖ്യമന്ത്രി ഇതുവരെ പ്രതികരിച്ചിട്ടില്ല. ഇതിനെല്ലാം മുഖ്യമന്ത്രിയെക്കൊണ്ട് മറുപടി പറയിപ്പിക്കും. രാഹുൽ മാങ്കൂട്ടത്തിൽ എംഎൽഎയ്‌ക്കെതിരെ ഒരു ആരോപണം ഞങ്ങളുടെ മുമ്പാകെ വന്നു. അന്ന് അദ്ദേഹത്തിനെതിരെ ഔദ്യോഗിക പരാതിയൊന്നും ഫയൽ ചെയ്തിരുന്നില്ല. ഞങ്ങൾ തീരുമാനിക്കുകയും അദ്ദേഹത്തെ യൂത്ത് കോൺഗ്രസ് പ്രസിഡന്റ്…

പത്തനംതിട്ട: ഹണി ട്രാപ്പിൽ കുടുക്കി യുവാക്കളിൽ നിന്ന് പണം തട്ടിയ ദമ്പതികളെ പത്തനംതിട്ട പോലീസ് അറസ്റ്റ് ചെയ്തു. . റാന്നി, ആലപ്പുഴ എന്നിവിടങ്ങളിൽ നിന്നുള്ള രണ്ട് യുവാക്കളാണ് ക്രൂരമായ പീഡനത്തിന് ഇരയായത് . സംഭവത്തിൽ ജയേഷ്, രശ്മി എന്നിവരെയാണ് പോലീസ് അറസ്റ്റ് ചെയ്തത് . പത്തനംതിട്ടയിലെ ചരൽക്കുന്നിലാണ് സംഭവം. സെപ്റ്റംബർ ഒന്നിനാണ് രശ്മിയുമായി സൗഹൃദത്തിലായിരുന്ന റാന്നി സ്വദേശിയായ യുവാവിനെ മാരാമൺ ജംഗ്ഷനിൽ നിന്ന് ജയേഷ് കൂട്ടിക്കൊണ്ടുപോയത് . ഭാര്യയുമായി ലൈംഗിക ബന്ധത്തിൽ ഏർപ്പെടുന്നതായി നടിക്കാൻ ജയേഷ് യുവാവിനോട് ആവശ്യപ്പെട്ടു. തുടർന്ന് അതിന്റെ വീഡിയോ പകർത്തി. പിന്നീട് ദമ്പതികൾ യുവാവിനെ കെട്ടി തൂക്കി മുളകുപൊടി തളിച്ച് ജനനേന്ദ്രിയത്തിൽ സ്റ്റാപ്ലർ അടിച്ചു . പ്ലയര്‍കൊണ്ട് നഖങ്ങളും വലിച്ചെടുക്കാൻ ശ്രമിച്ചു . പിന്നീട് മർദ്ദിച്ച ശേഷം ദമ്പതികൾ യുവാവിനെ റോഡിൽ ഉപേക്ഷിച്ചു. ഡ്രൈവർമാരാണ് യുവാവിനെ ആശുപത്രിയിൽ എത്തിച്ചത്. ആലപ്പുഴ സ്വദേശിയായ മറ്റൊരു യുവാവിനെയും സമാനമായ രീതിയിൽ ഉപദ്രവിച്ചു. ബെംഗളൂരുവിൽ ജോലി ചെയ്യുന്ന യുവാവ് രശ്മിയെ കാണാൻ…

ന്യൂഡൽഹി : കോൺഗ്രസിനെതിരെ രൂക്ഷ വിമർശനവുമായി പ്രധാനമന്ത്രി നരേന്ദ്ര മോദി . കോൺഗ്രസ് എപ്പോഴും ഇന്ത്യാ വിരുദ്ധ ശക്തികൾക്കൊപ്പമാണെന്നും നുഴഞ്ഞുകയറ്റക്കാരെ സംരക്ഷിക്കാൻ പ്രവർത്തിക്കുന്നുണ്ടെന്നും അദ്ദേഹം പറഞ്ഞു. അസം സന്ദർശനത്തിനിടെയാണ് അദ്ദേഹത്തിന്റെ പ്രസ്താവന . നുഴഞ്ഞുകയറ്റം തടയാൻ ബിജെപി സർക്കാർ ഇപ്പോൾ കർശനമായാണ് പ്രവർത്തിക്കുന്നതെന്നും പ്രധാനമന്ത്രി പറഞ്ഞു. “കോൺഗ്രസ് അധികാരത്തിലിരുന്നപ്പോൾ, തീവ്രവാദ സംഭവങ്ങൾ കാരണം രാജ്യം ബുദ്ധിമുട്ടുകയായിരുന്നു. ഓപ്പറേഷൻ സിന്ദൂരിൽ കോൺഗ്രസ് പാകിസ്ഥാൻ സൈന്യത്തോടൊപ്പം നിന്നു. പാകിസ്ഥാന്റെ നുണകൾ കോൺഗ്രസിന്റെ ഒരു അജണ്ടയായി മാറി. വോട്ട് ബാങ്ക് രാഷ്ട്രീയത്തിനായി കോൺഗ്രസ് ആസൂത്രിതമായ രീതിയിൽ നുഴഞ്ഞുകയറ്റം നടത്തി . അസമിലെ ഹിമന്ത ബിശ്വ ശർമ്മ സർക്കാർ ലക്ഷക്കണക്കിന് ഏക്കർ ഭൂമി ഇപ്പോൾ നുഴഞ്ഞുകയറ്റക്കാരിൽ നിന്ന് മോചിപ്പിച്ചിട്ടുണ്ട് .മോദി നർത്തകർക്കും ഗായകർക്കും ഭാരതരത്ന നൽകുന്നു” എന്ന് പറഞ്ഞുകൊണ്ട് കോൺഗ്രസ് പ്രസിഡന്റ് ഭാരതരത്ന പുരസ്കാരത്തെ പരിഹസിച്ചു . മഹാനായ അസമീസ് കലാകാരൻ ഭൂപൻ ഹസാരികയെയും കോൺഗ്രസ് അപമാനിച്ചു“ മോദി പറഞ്ഞു. പൊതുയോഗത്തിൽ, തദ്ദേശീയ ഉൽപ്പന്നങ്ങൾക്ക് മുൻഗണന നൽകണമെന്നും…

വിറ്റാമിൻ ഡി 3 കുറവുണ്ടെങ്കിൽ എന്തുസംഭവിക്കും ? പ്രതിരോധശേഷി വർദ്ധിപ്പിക്കാനും ക്ഷീണം കുറയ്ക്കാനും നല്ല മാനസികാവസ്ഥ നിലനിർത്താനും സഹായിക്കുന്ന ഒന്നാണ് വിറ്റാമിൻ ഡി 3 . ഇത് ശരീരത്തിൽ എളുപ്പത്തിൽ ലയിക്കുന്നു. വിറ്റാമിൻ ഡി 3 അസ്ഥികളെ ശക്തിപ്പെടുത്തുകയും ചെയ്യും. പ്രതിരോധശേഷി വർദ്ധിപ്പിക്കാനും ക്ഷീണം കുറയ്ക്കാനും നല്ല മാനസികാവസ്ഥ നിലനിർത്താനും ഇത് സഹായിക്കുന്നു. സൂര്യപ്രകാശം ഈ വിറ്റാമിൻ ലഭിക്കാനുള്ള ഏറ്റവും നല്ല മാർഗമാണ്. കൂടാതെ, ചില ഭക്ഷണങ്ങളിൽ നിന്നും ഈ വിറ്റാമിൻ ലഭിക്കും. സാൽമൺ, അയല, മത്തി, ട്യൂണ എന്നിവ വിറ്റാമിൻ ഡി 3 കൊണ്ട് സമ്പുഷ്ടമാണ്. ഇവ കഴിക്കുന്നത് വിറ്റാമിൻ ഡി 3 മെച്ചപ്പെടുത്തും. ഇത് ഹൃദയത്തിനും തലച്ചോറിനും ഗുണം ചെയ്യും. ഇവ ദിവസേനയുള്ള ഭക്ഷണമായി തയ്യാറാക്കി കഴിക്കാവുന്നതാണ്. മുട്ടയുടെ മഞ്ഞക്കരുവിലും വിറ്റാമിൻ ഡി അടങ്ങിയിട്ടുണ്ട്. രണ്ട് മുട്ടകളിൽ ഏകദേശം 82 IU വിറ്റാമിൻ ഡി അടങ്ങിയിട്ടുണ്ട്. നാടൻ കോഴികളുടെ മുട്ടകൾ ഉപയോഗിക്കുന്നതാണ് കൂടുതൽ നല്ലത്. പാൽ, സോയ/ബദാം പാൽ,…

ന്യൂഡൽഹി : പ്രധാനമന്ത്രി നരേന്ദ്ര മോദിയുടെയും അദ്ദേഹത്തിന്റെ അമ്മയായ ഹിരാബെൻ മോദിയുടെയും പ്രതിച്ഛായയ്ക്ക് കളങ്കം വരുത്തുന്ന ഡീപ്ഫേക്ക് വീഡിയോയ്‌ക്കെതിരെ ഡൽഹി പോലീസ് ശക്തമായ നടപടിയുമായി രംഗത്ത് . ബിജെപിയുടെ പരാതിയിൽ, നോർത്ത് അവന്യൂ പോലീസ് സ്റ്റേഷനിൽ കോൺഗ്രസിനും കോൺഗ്രസ് ഐടി സെല്ലിനുമെതിരെ എഫ്‌ഐആർ രജിസ്റ്റർ ചെയ്തിട്ടുണ്ട്. ബിജെപി ഡൽഹി ഇലക്ഷൻ സെൽ കൺവീനർ സങ്കിത് ഗുപ്തയാണ് പരാതി നൽകിയത്. സെപ്റ്റംബർ 10 നാണ് , കോൺഗ്രസ് ഐഎൻസി ബിഹാറിന്റെ ഔദ്യോഗിക സോഷ്യൽ മീഡിയ ഹാൻഡിൽ നിന്ന് എക്‌സിൽ (ട്വിറ്റർ) ആർട്ടിഫിഷ്യൽ ഇന്റലിജൻസ് സൃഷ്ടിച്ച ഒരു വ്യാജ വീഡിയോ പങ്ക് വച്ചത് . സോഷ്യൽ മീഡിയയിൽ വൈറലാകുന്ന ഈ വീഡിയോയിൽ, പ്രധാനമന്ത്രി മോദിയുടെയും അമ്മയുടെയും ചിത്രം അവഹേളിക്കുന്ന രീതിയിൽ കാണിച്ചിട്ടുണ്ട്. പ്രധാനമന്ത്രി നരേന്ദ്ര മോദിയുടെ പ്രശസ്തിയെ കളങ്കപ്പെടുത്തുക മാത്രമല്ല , ഒരു സ്ത്രീയുടെ അന്തസ്സിനും മാതൃത്വത്തിനും നേരെയുള്ള കടുത്ത അപമാനവുമാണിതെന്ന് പരാതിയിൽ പറയുന്നു . രാഷ്ട്രീയത്തിന്റെ പരിധിക്കപ്പുറം ഒരാളുടെ വ്യക്തിജീവിതത്തിനും കുടുംബത്തിനും നേരെയുള്ള…