ന്യൂഡൽഹി : കോൺഗ്രസിനെതിരെ രൂക്ഷ വിമർശനവുമായി പ്രധാനമന്ത്രി നരേന്ദ്ര മോദി . കോൺഗ്രസ് എപ്പോഴും ഇന്ത്യാ വിരുദ്ധ ശക്തികൾക്കൊപ്പമാണെന്നും നുഴഞ്ഞുകയറ്റക്കാരെ സംരക്ഷിക്കാൻ പ്രവർത്തിക്കുന്നുണ്ടെന്നും അദ്ദേഹം പറഞ്ഞു. അസം സന്ദർശനത്തിനിടെയാണ് അദ്ദേഹത്തിന്റെ പ്രസ്താവന . നുഴഞ്ഞുകയറ്റം തടയാൻ ബിജെപി സർക്കാർ ഇപ്പോൾ കർശനമായാണ് പ്രവർത്തിക്കുന്നതെന്നും പ്രധാനമന്ത്രി പറഞ്ഞു.
“കോൺഗ്രസ് അധികാരത്തിലിരുന്നപ്പോൾ, തീവ്രവാദ സംഭവങ്ങൾ കാരണം രാജ്യം ബുദ്ധിമുട്ടുകയായിരുന്നു. ഓപ്പറേഷൻ സിന്ദൂരിൽ കോൺഗ്രസ് പാകിസ്ഥാൻ സൈന്യത്തോടൊപ്പം നിന്നു. പാകിസ്ഥാന്റെ നുണകൾ കോൺഗ്രസിന്റെ ഒരു അജണ്ടയായി മാറി. വോട്ട് ബാങ്ക് രാഷ്ട്രീയത്തിനായി കോൺഗ്രസ് ആസൂത്രിതമായ രീതിയിൽ നുഴഞ്ഞുകയറ്റം നടത്തി . അസമിലെ ഹിമന്ത ബിശ്വ ശർമ്മ സർക്കാർ ലക്ഷക്കണക്കിന് ഏക്കർ ഭൂമി ഇപ്പോൾ നുഴഞ്ഞുകയറ്റക്കാരിൽ നിന്ന് മോചിപ്പിച്ചിട്ടുണ്ട് .മോദി നർത്തകർക്കും ഗായകർക്കും ഭാരതരത്ന നൽകുന്നു” എന്ന് പറഞ്ഞുകൊണ്ട് കോൺഗ്രസ് പ്രസിഡന്റ് ഭാരതരത്ന പുരസ്കാരത്തെ പരിഹസിച്ചു . മഹാനായ അസമീസ് കലാകാരൻ ഭൂപൻ ഹസാരികയെയും കോൺഗ്രസ് അപമാനിച്ചു“ മോദി പറഞ്ഞു.
പൊതുയോഗത്തിൽ, തദ്ദേശീയ ഉൽപ്പന്നങ്ങൾക്ക് മുൻഗണന നൽകണമെന്നും പ്രധാനമന്ത്രി ജനങ്ങളോട് അഭ്യർത്ഥിച്ചു. “നിങ്ങൾ എന്ത് വാങ്ങിയാലും തദ്ദേശീയ ഉൽപ്പന്നങ്ങൾ വാങ്ങുക. നിങ്ങൾ ആർക്കെങ്കിലും ഒരു സമ്മാനം നൽകുകയാണെങ്കിൽ, അത് ഇന്ത്യയിൽ നിർമ്മിച്ചതായിരിക്കണം. അതിന് ഇന്ത്യൻ മണ്ണിന്റെ സുഗന്ധം ഉണ്ടായിരിക്കണം” അദ്ദേഹം പറഞ്ഞു.
കഴിഞ്ഞ ദിവസം പ്രധാനമന്ത്രി മണിപ്പൂരും സന്ദർശിച്ചിരുന്നു. കലാപത്തിനു ശേഷം ആദ്യമായാണ് പ്രധാനമന്ത്രി മണിപ്പൂരെത്തുന്നത് . വർഷങ്ങളായി സംസ്ഥാനത്ത് കലാപം തുടരുന്നുണ്ടെങ്കിലും കലാപബാധിതമായ മണിപ്പൂർ സന്ദർശിക്കാൻ മോദി വൈകിയതിൽ പ്രതിപക്ഷ പാർട്ടികൾ വിലപിക്കുന്ന സമയത്താണ് ഈ സന്ദർശനം. മണിപ്പൂരിന് പുറമേ, മിസോറാം, അസം, ബംഗാൾ, ബീഹാർ സംസ്ഥാനങ്ങളും 15 വരെ പ്രധാനമന്ത്രി മോദി സന്ദർശിക്കും. മേഖലയിൽ സുരക്ഷ ശക്തമാക്കിയിട്ടുണ്ട്.
