ലേഖകന്‍: Anu Nair

തിരുവനന്തപുരം: കൈക്കൂലി ആവശ്യപ്പെട്ട കോർപ്പറേഷൻ കൗൺസിലർക്കെതിരെ പരാതി. തിരുവനന്തപുരം കോർപ്പറേഷനിലെ തൃക്കണ്ണാപുരം വാർഡ് സിപിഎം കൗൺസിലർ അജിനെതിരെയാണ് പേയാട് സ്വദേശിയായ സഞ്ജു പരാതി നൽകിയത്. കൈക്കൂലി ആവശ്യപ്പെടുകയും ഭീഷണിപ്പെടുത്തുകയും ചെയ്യുന്ന അജിന്റെ വീഡിയോയും ഫോൺ സംഭാഷണവും സഞ്ജു പുറത്തുവിട്ടു. തൃക്കണ്ണാപുരം വാർഡിലെ എംഎൽഎ റോഡിന് സമീപം 19 സെന്റ് സ്ഥലം വാങ്ങിയ സഞ്ജു അത് പ്ലോട്ടുകളായി തിരിച്ച് വിൽക്കാൻ ശ്രമിക്കുകയായിരുന്നു. ആദ്യത്തെ രണ്ട് പ്ലോട്ടുകൾ വിറ്റതിന് ശേഷം കൗൺസിലർ അജിൻ വിഷയത്തിൽ ഇടപെട്ടതായി സഞ്ജു പറഞ്ഞു. സ്ഥലത്ത് പുറമ്പോക്ക് ഭൂമിയുണ്ടെന്ന് അവകാശപ്പെട്ട കൗൺസിലർ, അത് പുനർവർഗ്ഗീകരിച്ച് വിൽക്കാൻ സഹായിക്കാമെന്ന് പറഞ്ഞ് 10 ലക്ഷം രൂപ ആവശ്യപ്പെട്ടു. അജിനെ പിണക്കുന്നത് പ്രശ്നമുണ്ടാക്കുമെന്ന് മുന്നറിയിപ്പ് നൽകാൻ ചില പ്രാദേശിക നേതാക്കൾ വീട്ടിലെത്തുകയും, വിഷയം ഒത്തുതീർപ്പാക്കാൻ 5 ലക്ഷം രൂപ ആവശ്യപ്പെടുകയും ചെയ്തതായി സഞ്ജു പറഞ്ഞു. അതനുസരിച്ച് രാത്രിയിൽ അജിനെ കാണാൻ പോയെന്നും ആ കൂടിക്കാഴ്ച മൊബൈൽ ഫോണിൽ റെക്കോർഡ് ചെയ്തെന്നും സഞ്ജു വ്യക്തമാക്കി.ഭൂമി വിൽപനയിലൂടെ…

ന്യൂഡൽഹി: സഹപൈലറ്റിന്റെ ആക്രമണത്തിൽ ഗുരുതരമായി പരിക്കേറ്റിട്ടും നൂറ് കണക്കിന് യാത്രക്കാരുടെ ജീവൻ രക്ഷിക്കാൻ പോരാടിയ ഫ്ലൈദുബായ് ക്യാപ്റ്റൻ സ്മിത് മച്ചാറുമായി വീഡിയോ കോളിൽ സംസാരിച്ച് പ്രധാനമന്ത്രി നരേന്ദ്ര മോദി . മരണത്തോട് മല്ലിടുമ്പോഴും, ധൈര്യം കാണിച്ചില്ലെങ്കിൽ 170 യാത്രക്കാരുടെയും ജീവൻ നഷ്ടപ്പെടുമെന്ന് തനിക്ക് ബോധ്യമുണ്ടായിരുന്നതായി മച്ചാർ പ്രധാനമന്ത്രിയോട് പറഞ്ഞു. ” ഗുരുതരമായി പരിക്കേറ്റ് മരണത്തോട് മല്ലിടുകയായിരുന്നു താങ്കൾ . എന്നിട്ടും സ്വന്തം ജീവനെക്കുറിച്ച് ചിന്തിക്കാതെ യാത്രക്കാരുടെ ജീവനെക്കുറിച്ചാണ് നിങ്ങൾ ചിന്തിച്ചത്. 140 കോടി ഇന്ത്യക്കാരെയും നിങ്ങൾ അഭിമാനമുളളവരാക്കി,” മോദി ക്യാപ്റ്റൻ മച്ചാറിനോട് പറഞ്ഞു. അതിന് കണ്ണ് നിറഞ്ഞാണ് സ്മിത് മച്ചാർ മറുപടി നൽകിയത്.പ്രധാനമന്ത്രിയുടെ വിളിയെത്തിയത് ജീവിതത്തില്‍ മറക്കാനാവാത്ത നിമിഷമാണെന്ന് മച്ചാർ പറഞ്ഞു. ” ഞാൻ ഏറെ ആരാധിക്കുന്ന വ്യക്തിയാണ് അങ്ങ് . ഫോണില്‍ വിളിച്ച് അങ്ങ് നല്‍കുന്ന ഈ പ്രചോദനം വലിയ അഭിമാനം നല്‍കുന്നു . 17 വർഷമായി ഞാൻ വിമാനം പറത്തുന്നു, കഴിഞ്ഞ 11 വർഷമായി ക്യാപ്റ്റനായും സേവനമനുഷ്ഠിക്കുന്നു. കണ്ണടച്ചാൽ…

ഡബ്ലിൻ ; വടക്കൻ ഡബ്ലിനിൽ നടന്ന ആക്രമണത്തിൽ പരിക്കേറ്റ മുപ്പതുകാരി മരിച്ചു. തിങ്കളാഴ്ച ഉച്ചകഴിഞ്ഞ് ഡബ്ലിൻ 13-ലെ ബെൽമെയ്ൻ മെയിൻ സ്ട്രീറ്റിന് സമീപമാണ് സംഭവം. ആക്രമണത്തിന് ശേഷം യുവതിയെ ബ്യൂമോണ്ട് ആശുപത്രിയിൽ പ്രവേശിപ്പിച്ചിരുന്നു.ചികിത്സയിലിരിക്കെയാണ് മരണം. ഗുരുതര പരിക്കുകളാണ് മരണകാരണമെന്ന് ഗാർഡ അറിയിച്ചു. പോസ്റ്റ്‌മോർട്ടം നടപടികൾ പുരോഗമിക്കുകയാണ് .ആക്രമണവുമായി ബന്ധപ്പെട്ട് ചൊവ്വാഴ്ച ഇരുപതുകാരൻ അറസ്റ്റിലായിരുന്നു. ഇയാളെ പബ്ലിക് പ്രോസിക്യൂഷൻ ഡയറക്ടർക്ക് റിപ്പോർട്ട് സമർപ്പിക്കുന്നതുവരെ കുറ്റം ചുമത്താനാകാത്തതിനാൽ പിന്നീട് വിട്ടയച്ചു.

ഡബ്ലിൻ ; കല-സാംസ്കാരിക മേഖലയ്ക്കായി 6 ദശലക്ഷം യൂറോയുടെ പുതിയ ‘ആർട്സ് ക്യാപിറ്റൽ ഇൻവെസ്റ്റ്‌മെന്റ് ഫണ്ട്’ പ്രഖ്യാപിച്ച് സാംസ്കാരിക മന്ത്രി പാട്രിക് ഒ’ഡോനോവൻ . ബ്രേയിലെ മെർമെയ്ഡ് ആർട്സ് സെന്ററിൽ വെച്ചാണ് മന്ത്രി പൈലറ്റ് ക്യാപിറ്റൽ ഫണ്ടിംഗ് പദ്ധതി ഉദ്ഘാടനം ചെയ്തത്. ഇന്ന് മുതൽ ഇതിലേക്കുള്ള അപേക്ഷകൾ സ്വീകരിച്ചുതുടങ്ങും. “താമസസ്ഥലമോ പശ്ചാത്തലമോ പരിഗണിക്കാതെ തന്നെ, ആളുകളുടെ ജീവിതത്തിൽ കലയ്ക്ക് സുപ്രധാന പങ്ക് വഹിക്കാൻ കഴിയുമെന്ന് ഉറപ്പാക്കാൻ ഈ ഫണ്ട് സഹായിക്കും,” എന്ന് മന്ത്രി പറഞ്ഞു. കല-സാംസ്കാരിക കേന്ദ്രങ്ങൾക്കായി പ്രത്യേക മൂലധന പദ്ധതി ആവിഷ്കരിക്കുന്നതിനെക്കുറിച്ച് പഠിക്കുമെന്ന സർക്കാർ വാഗ്ദാനം നിറവേറ്റുന്നതാണ് ഈ സംരംഭം.രാജ്യത്തുടനീളമുള്ള കല-സാംസ്കാരിക കേന്ദ്രങ്ങൾക്കും, സംഘടനകൾക്കും ഏറെ പ്രയോജനകരമായ തീരുമാനമാണിത്.

ഡബ്ലിൻ : അയർലൻഡിലെ അറ്റ്ലാന്റിക് സാൽമൺ മത്സ്യങ്ങളുടെ എണ്ണത്തിൽ കുറവ് വരുന്നതായി റിപ്പോർട്ട് . 1970-കളിൽ ഓരോ വർഷവും പത്തുലക്ഷത്തിലധികം സാൽമൺ മത്സ്യങ്ങൾ അയർലൻഡിലേക്ക് തിരിച്ചെത്തിയിരുന്ന സ്ഥാനത്ത്, സമീപ വർഷങ്ങളിൽ ഈ എണ്ണം 2,00,000-ൽ താഴെയായി കുറഞ്ഞു. പരിസ്ഥിതി വകുപ്പ് സഹമന്ത്രി ടിമ്മി ഡൂലിയുടെ അഭ്യർത്ഥന പ്രകാരം ‘ഇൻലാൻഡ് ഫിഷറീസ് അയർലൻഡ്’ ആണ് ഈ അവലോകനം നടത്തിയത്. അറ്റ്ലാന്റിക് സാൽമൺ മത്സ്യങ്ങളെ “പ്രത്യേക പ്രാധാന്യമുള്ള വർഗ്ഗം” എന്നും “അയർലൻഡിന്റെ പൈതൃകത്തിന്റെ സുപ്രധാന ഭാഗം” എന്നും വിശേഷിപ്പിച്ച ഡൂലി, ഐറിഷ് നദികളിൽ സാൽമൺ എപ്പോഴും ഉണ്ടാകുമെന്ന് ഇനി ഉറപ്പിച്ചു പറയാനാവില്ലെന്നും വ്യക്തമാക്കി. ആഗോളതലത്തിൽ അറ്റ്ലാന്റിക് സാൽമൺ മത്സ്യങ്ങളെ ഇപ്പോൾ “വംശനാശ ഭീഷണി നേരിടാൻ സാധ്യതയുള്ളവ” എന്ന വിഭാഗത്തിലാണ് ഉൾപ്പെടുത്തിയിരിക്കുന്നതെന്ന് അദ്ദേഹം പറഞ്ഞു. ഫലപ്രദമായ നടപടികൾ സ്വീകരിച്ചില്ലെങ്കിൽ, ഐറിഷ് നദികളിൽ നിന്ന് സാൽമൺ മത്സ്യങ്ങൾ എന്നെന്നേക്കുമായി അപ്രത്യക്ഷമായേക്കാം,” എന്നും അദ്ദേഹം വ്യക്തമാക്കി.

ഡബ്ലിൻ ; പെൻഷൻ തുകയിൽ ആഴ്ചയിൽ 7.50 യൂറോയിൽ കൂടുതൽ വർദ്ധനവുണ്ടായേക്കാമെന്ന് പ്രധാനമന്ത്രി മൈക്കൽ മാർട്ടിൻ . വാരാന്ത്യത്തിൽ വന്ന റിപ്പോർട്ടുകളിൽ പെൻഷൻ വർദ്ധനവ് 7.50 യൂറോ മാത്രമായിരിക്കുമെന്ന് സൂചിപ്പിച്ചിരുന്നെങ്കിലും, അത്തരം റിപ്പോർട്ടുകൾ പൂർണ്ണമായും കൃത്യമായിരിക്കില്ല എന്നും പ്രധാനമന്ത്രി പറഞ്ഞിരുന്നു. അതേസമയം 7.50 യൂറോയുടെ പെൻഷൻ വർദ്ധനവ് ഫിയാന ഫെയ്‌ലും ഫൈൻ ഗെയ്‌ലും ചേർന്ന് പെൻഷൻകാരോട് ചെയ്യുന്ന വഞ്ചനയാണെന്ന് സോഷ്യൽ ഡെമോക്രാറ്റ്സ് ഡെപ്യൂട്ടി ലീഡർ സിയാൻ ഒ’കല്ലഗൻ പറഞ്ഞു.പണപ്പെരുപ്പത്തിനനുസരിച്ചുള്ള വർദ്ധനവ് പോലുമല്ലാത്ത, “അപഹാസ്യമായ വർദ്ധനവ്” എന്നാണ് അദ്ദേഹം ഇതിനെ വിശേഷിപ്പിച്ചത്. നിലവിൽ കഷ്ടിച്ച് ജീവിതം മുന്നോട്ട് കൊണ്ടുപോകുന്ന നിരവധി മുതിർന്ന പൗരന്മാരെ ഇത് ദാരിദ്ര്യത്തിലേക്ക് തള്ളിവിടുമെന്നും അദ്ദേഹം പറഞ്ഞു.

ഡബ്ലിൻ ; വടക്കൻ ഡബ്ലിനിലെ ആയിരക്കണക്കിന് വീടുകളിൽ മാലിന്യം ശേഖരിക്കാൻ പ്ലാസ്റ്റിക് ബാഗുകൾ ഉപയോഗിക്കുന്നത് നിരോധിക്കാനുള്ള പദ്ധതി, പ്രതിഷേധങ്ങളെത്തുടർന്ന് ഡബ്ലിൻ സിറ്റി കൗൺസിൽ ഉപേക്ഷിച്ചു. സ്റ്റോണിബാറ്റർ, ഫിബ്‌സ്‌ബറോ, സ്മിത്ത്‌ഫീൽഡ്, ബ്രോഡ്‌സ്റ്റോൺ എന്നിവിടങ്ങളിലെ താമസക്കാരോട്, ഒക്ടോബർ 17 മുതൽ മാലിന്യ ശേഖരണത്തിനായി ബിന്നുകൾക്ക് പകരം പ്ലാസ്റ്റിക് ബാഗുകൾ തെരുവിൽ വെക്കാൻ കഴിയില്ലെന്ന് അറിയിച്ചിരുന്നു. നിരോധനം ലംഘിച്ച് ബാഗുകൾ വെക്കുന്നത് തുടരുന്ന വീടുകൾക്ക് 250 യൂറോ പിഴ ചുമത്തുമെന്നും മുന്നറിയിപ്പ് നൽകിയിരുന്നു. എന്നാൽ, ഇപ്പോൾ ഈ നീക്കം താൽക്കാലികമായി നിർത്തിവെക്കാൻ കൗൺസിൽ തീരുമാനിച്ചു. പദ്ധതി നടപ്പിലാക്കുന്നതിനുള്ള പുതിയ തീയതിയും നിശ്ചയിച്ചിട്ടില്ല.

ഡബ്ലിൻ ; രാജ്യത്തെ 45 പോലീസ് ഡ്രൈവിംഗ് പരിശീലകർക്ക് കുറ്റവാളികളെ പിന്തുടർന്ന് പിടികൂടുന്നതിന് പരിശീലനം നൽകാൻ കൂടുതൽ ബ്രിട്ടീഷ് പോലീസ് സേനകളുടെ സഹായം തേടേണ്ടതുണ്ടെന്ന് ഗാർഡ അധികൃതർ . റോഡ് പോലീസ് വിഭാഗം മേധാവിയായ അസിസ്റ്റന്റ് കമ്മീഷണർ ഡെനിസ് ഫെറിയും, ഗാർഡ പരിശീലന വിഭാഗം മേധാവിയായ ചീഫ് സൂപ്രണ്ട് ബ്രയാൻ സുഗ്രൂവും ഒയരക്റ്റാസ് ഗതാഗത സമിതിയുമായി കഴിഞ്ഞ ദിവസം ചർച്ച നടത്തിയിരുന്നു. രാജ്യത്തെ മോട്ടോർവേ ശൃംഖലയിലെ റോഡ് സുരക്ഷയുമായി ബന്ധപ്പെട്ട വിഷയങ്ങൾ ചർച്ച ചെയ്യാനാണ് ഫെറിയും സുഗ്രൂവും എത്തിയത്. ഗാർഡയിൽ നിന്ന് രക്ഷപ്പെടാൻ ശ്രമിക്കുന്നതിനിടെ M9 പാതയിൽ തെറ്റായ ദിശയിൽ വാഹനം ഓടിച്ച അഞ്ച് കൗമാരക്കാർ അപകടത്തിൽപ്പെട്ട് മരിച്ച സംഭവവും യോഗത്തിൽ ചർച്ചയായി. പരിശീലകർക്ക് പരിശീലനം നൽകാനുള്ള ശേഷി വർദ്ധിപ്പിക്കുന്നതിനായി ബ്രിട്ടനിലെ മറ്റ് പോലീസ് സേനകളുമായി ബന്ധപ്പെടുന്നുണ്ടെന്ന് ചർച്ചയിൽ ഫെറിയും സുഗ്രൂവും വ്യക്തമാക്കി.

ന്യൂഡൽഹി : ‘ സ്മിത് മച്ചാർ ‘ ഫ്ലൈ ദുബായ് അറ്റാക്കിന് ശേഷം ഇസ്രായേൽ സോഷ്യൽ മീഡിയ ആഘോഷിക്കുന്ന പേര് ഇത് മാത്രമാണ്. 170-ലധികം യാത്രക്കാരുടെ ജീവൻ രക്ഷിച്ച് വൻ ദുരന്തം ഒഴിവാക്കാൻ ഇന്ത്യൻ പൈലറ്റിന്റെ ഇടപെടൽ സഹായിച്ചെന്ന് ഇസ്രായേൽ അധികൃതർ വ്യക്തമാക്കിയതോടെ, സാധാരണക്കാരായ ഇസ്രായേലികൾ മച്ചാറുനെ നായകനായി പ്രശംസിച്ചും, നന്ദി അറിയിച്ചും വീഡിയോകൾ പങ്കുവെച്ചു. വിമാനത്തിന്റെ നിയന്ത്രണം തിരിച്ചുപിടിക്കാൻ മച്ചാർ നടത്തിയ പോരാട്ടത്തെക്കുറിച്ചുള്ള വിവരങ്ങൾ പുറത്തുവന്നതോടെ ഓൺലൈനിൽ അഭിനന്ദന പ്രവാഹമുണ്ടായി. ദുബായിൽ നിന്ന് ടെൽ അവീവിലേക്ക് പറക്കുകയായിരുന്ന ഫ്ലൈദുബായ് ബോയിംഗ് 737 മാക്സ് വിമാനത്തിന്റെ കോക്ക്പിറ്റിനുള്ളിൽ വെച്ച് സഹപൈലറ്റിന്റെ ആക്രമണത്തിൽ കുത്തേറ്റിട്ടും ധീരമായി പോരാടിയ ഇന്ത്യൻ ക്യാപ്റ്റനെ ആദരിച്ച് ഇസ്രായേലികൾ വീഡിയോകളും പങ്കുവെച്ചു. ഇത്തരത്തിലുള്ള നിരവധി വീഡിയോകളാണ് പുറത്തുവന്നത് . ‘ ഓർത്തിരിക്കണം ഈ പേര് ‘ എന്ന കുറിപ്പോടെയാണ് വീഡിയോകൾ പ്രചരിക്കുന്നത്. ഇസ്രായേലി കണ്ടന്റ് ക്രിയേറ്ററായ ഐനവ് അവിസെമർ, മച്ചാറിനും ഇന്ത്യയ്ക്കും നന്ദി പറഞ്ഞ് പോസ്റ്റ് ചെയ്ത വീഡിയോയും…

കണ്ണൂർ: മന്ത്രി ഒ.ജെ. ജനീഷിന്റെ വാഹനത്തിന് നേരെ ഡിവൈഎഫ്‌ഐ ആക്രമണം. കണ്ണൂർ തളിപ്പറമ്പിലെ കരിപ്പയിൽ വെച്ചാണ് സംഭവം . വാഹനത്തിന് കേടുപാടുകൾ സംഭവിച്ചു. രണ്ട് പരിപാടികളിൽ പങ്കെടുക്കാനാണ് മന്ത്രി കണ്ണൂരിലെത്തിയത്. കണ്ണൂർ ഗവൺമെന്റ് ഗസ്റ്റ് ഹൗസിലെ പരിപാടിയിൽ പങ്കെടുത്ത ശേഷം, കാസർകോടേയ്ക്ക് പോകുന്നതിന് മുൻപായി പുരാവസ്തു വകുപ്പുമായി ബന്ധപ്പെട്ട പരിപാടിയിൽ പങ്കെടുക്കാനാണ് മന്ത്രി ജനീഷ് തളിപ്പറമ്പിലേക്ക് തിരിച്ചത്. ഈ യാത്രയ്ക്കിടെയാണ് ഡിവൈഎഫ്‌ഐ പ്രവർത്തകർ മന്ത്രിയുടെ കാർ തടഞ്ഞത്. പത്തിലധികം പ്രവർത്തകർ വാഹനത്തിന് നേരെ പാഞ്ഞടുത്തു. പ്രവർത്തകർ കല്ലുകൊണ്ടും കൈകൊണ്ടും കാറിൽ അടിച്ചതായി വാഹനത്തിലുണ്ടായിരുന്നവർ പറഞ്ഞു. കാറിന് മുന്നിലുണ്ടായിരുന്ന കൊടിമരം ഒടിയുകയും റെയിൻ ഗാർഡിന് കേടുപാടുകൾ സംഭവിക്കുകയും ചെയ്തു. പോലീസ് സ്ഥലത്തെത്തി പ്രവർത്തകരെ അവിടെ നിന്ന് നീക്കം ചെയ്തു. തുടർന്ന് മന്ത്രി അതേ കാറിൽ യാത്ര തുടർന്നു. തിരുവനന്തപുരത്ത് ഇന്നലെ ഉണ്ടായ സംഘർഷങ്ങൾക്ക് മന്ത്രി ഒ.ജെ. ജനീഷ്, ഷാഫി പറമ്പിൽ എംപി എന്നിവരാണ് ഉത്തരവാദികളെന്ന് ഡിവൈഎഫ്‌ഐ ആരോപിച്ചു. മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ്…