അർമാഗ്: കൗണ്ടി അർമാഗിൽ വയോധികനെ തീ കൊളുത്തി കൊലപ്പെടുത്താൻ ശ്രമം. വ്യാഴാഴ്ച വൈകീട്ടോടെയായിരുന്നു ആക്രമണം. സംഭവത്തിൽ പോലീസ് ഊർജ്ജിത അന്വേഷണം ആരംഭിച്ചു. വയോധികനെ തന്നെ ലക്ഷ്യമിട്ടുള്ള ആക്രമണം ആണ് ഉണ്ടായത് എന്നാണ് പോലീസ് വ്യക്തമാക്കുന്നത്.
രാത്രി 7.35 ഓടെയായിരുന്നു സംഭവം. അർമാഗിലെ കീഡിയിൽ ആയിലെ വീട്ടിൽ വച്ചായിരുന്നു ആക്രമണം ഉണ്ടായത്. മുഖം മൂടി ധരിച്ച് എത്തിയ സംഘം 70 വയസ്സ് പ്രായമുള്ള വ്യക്തിയെ അടിച്ച് വീഴ്ത്തി തീകൊളുത്തി കൊലപ്പെടുത്താൻ ശ്രമിക്കുകയായിരുന്നു. അതിസാഹസികമായി ഇയാൾ ഇവരുടെ പക്കൽ നിന്നും രക്ഷപ്പെട്ടു. വീട് അക്രമികൾ കൊള്ളയടിച്ചെന്നാണ് വയോധികന്റെ മൊഴി.
Discussion about this post
