കോഴിക്കോട് : ഗോവിന്ദപുരത്ത് ബസില് ലൈംഗിക അതിക്രമം നടത്തി എന്ന ആരോപണം നേരിട്ട ദീപക് ജീവനൊടുക്കിയ സംഭവത്തില് മാതാപിതാക്കളുടെ മൊഴി പൊലീസ് രേഖപ്പെടുത്തി.യുവതിക്കെതിരെ കൊലക്കുറ്റം ചുമത്തണമെന്ന് ബന്ധുക്കള് ആവശ്യപ്പെട്ടു. പരാതിയില് നടപടി സ്വീകരിക്കുമെന്ന് പൊലീസ് ഉറപ്പു നല്കിയതായും ബന്ധുക്കള് പറഞ്ഞു
വിഡിയോ പ്രചരിപ്പിച്ച യുവതി ശിക്ഷിക്കപ്പെടണമെന്നും മുഖ്യമന്ത്രിക്ക് പരാതി നല്കുമെന്നും ദീപകിന്റെ പിതാവ് ഉള്ളാട്ടുതൊടി ചോയി പറഞ്ഞു. ചെയ്യാത്ത കുറ്റത്തിനാണ് മകന് ജീവന് നഷ്ടമായതെന്ന് അമ്മ കനിഹ പറഞ്ഞു.
മകന് ഒരു ചീത്തപ്പേര് പറയിപ്പിച്ചിട്ടില്ല. മകന് ഇത് താങ്ങാന് കഴിഞ്ഞിട്ടില്ല . ഒരാള്ക്കും ഇങ്ങനെ സംഭവിക്കരുത്.ഒരമ്മയ്ക്കും ഈ അവസ്ഥയുണ്ടാകരുത്- ദീപകിന്റെ അമ്മ പറഞ്ഞു.
ഒരു മോശം സ്വഭാവവും ഇല്ലാത്തവന് ആണ് ദീപക്. ദൃശ്യം പ്രചരിച്ചതോടെ വലിയ വിഷമത്തില് ആയിരുന്നു.കര്ശന നടപടി ഉണ്ടാകണം. രണ്ടുദിവസമായി ഭക്ഷണം കഴിച്ചില്ല. രാവിലെ വിളിച്ചപ്പോള് വാതില് തുറന്നില്ല. തള്ളിത്തുറന്നപ്പോഴാണ് തൂങ്ങി മരിച്ച നിലയില് കണ്ടെത്തിയത്. ഏക മകനാണ് നഷ്ടമായത്-പിതാവ് പറഞ്ഞു.
സംഭവത്തില് യുവതിക്കെതിരെ ആത്മഹത്യാ പ്രേരണ കുറ്റം ചുമത്തണമെന്ന് ആവശ്യപ്പെട്ട് രാഹുല് ഈശ്വര് ഡിജിപിക്ക് പരാതി നല്കിയിട്ടുണ്ട്.
