കോർക്ക്: കോർക്ക് കൗണ്ടിയിൽ വൻ ലഹരിവേട്ട. സംഭവത്തിൽ രണ്ട് പേരെ പോലീസ് അറസ്റ്റ് ചെയ്തു. 30 ഉം 40 ഉം വയസ്സ് പ്രായമുള്ളവരാണ് അറസ്റ്റിലായത്. ഇവരുടെ പക്കൽ നിന്നും വൻ കൊക്കെയ്ൻ ശേഖരം പോലീസ് പിടിച്ചെടുത്തു.
ഇന്ന് രാവിലെയോടെയായിരുന്നു സംഭവം. വാനിലായിരുന്നു ഇരുവരും ചേർന്ന് കൊക്കെയ്ൻ കടത്താൻ ശ്രമിച്ചത്. ഇവരെ വാഹനപരിശോധനയ്ക്കിടെ പോലീസിന്റെ ലഹരിവിരുദ്ധ വിഭാഗം തടയുകയായിരുന്നു. ഇവരുടെ പക്കൽ നിന്നും 35 മില്യൺ യൂറോയുടെ കൊക്കെയ്ൻ ആണ് പിടിച്ചെടുത്തത്. വാൻ പോലീസ് കസ്റ്റഡിയിൽ എടുത്തിട്ടുണ്ട്. സംഭവത്തിൽ കൂടുതൽ വിവരങ്ങൾ പോലീസ് പുറത്തുവിട്ടിട്ടില്ല.
Discussion about this post
