ഡബ്ലിൻ: ഡബ്ലിൻ നഗരത്തെ ഞെട്ടിച്ച് പോലീസിന്റെ വൻ ലഹരിവേട്ട. സംഭവത്തിൽ 30 വയസ്സുള്ള യുവാവിനെ പോലീസ് അറസ്റ്റ് ചെയ്തു. ഡബ്ലിൻ 1 ൽ ഇന്നലെ ആയിരുന്നു വൻ തോതിലുള്ള കഞ്ചാവ് ശേഖരം പോലീസ് പിടികൂടിയത്.
ഡബ്ലിൻ ക്രൈം റെസ്പോൺസ് ടീമിലെ പോലീസുകാർ ആയിരുന്നു ലഹരി പിടിച്ചെടുത്തത്. ലഹരി സംഘങ്ങളെ പ്രതിരോധിക്കുന്നതിനായുള്ള ദൗത്യത്തിന്റെ ഭാഗമായി സ്ഥലത്ത് പരിശോധന നടത്തിയിരുന്നു. ഇതിനിടെ ആയിരുന്നു കഞ്ചാവ് പിടിച്ചെടുത്തത്. പിടിച്ചെടുത്ത കഞ്ചാവിന് വിപണിയിൽ 1, 92,000 യൂറോ വിലവരുമെന്ന് പോലീസ് വ്യക്തമാക്കി. പ്രതിയെ പോലീസ് വിശദമായി ചോദ്യം ചെയ്തുവരികയാണ്.
Discussion about this post
