കോഴിക്കോട്: അമീബിക് മെനിംഗോഎൻസെഫലൈറ്റിസ് ബാധിച്ച് കേരളത്തിൽ വീണ്ടും മരണം . കോഴിക്കോട് പുതിയങ്ങാടി സ്വദേശി സച്ചിദാനന്ദനാണ് മരിച്ചത്. ഛർദ്ദിയെ തുടർന്ന് ഒരാഴ്ചയായി സ്വകാര്യ ആശുപത്രിയിൽ ചികിത്സയിലായിരുന്നു.
എവിടെ നിന്നാണ് രോഗം ബാധിച്ചതെന്ന് വ്യക്തമല്ല. സച്ചിദാനന്ദന്റെ വീട്ടിലെ കിണർ വെള്ളത്തിന്റെ സാമ്പിൾ പരിശോധനയ്ക്ക് അയച്ചിട്ടുണ്ട്. നേരത്തെ, മലിനമായ കുളങ്ങളിലും മറ്റും കുളിച്ചവരിൽ മാത്രമേ രോഗം കണ്ടെത്തിയിരുന്നുള്ളൂ, എന്നാൽ പിന്നീട് കിണർ വെള്ളം ഉപയോഗിക്കുന്നവരിലും അണുബാധ കണ്ടെത്തി.
കഴിഞ്ഞ വർഷം മാത്രം അമീബിക് മെനിംഗോഎൻസെഫലൈറ്റിസ് ബാധിച്ചവരുടെ എണ്ണം 200-ആണ് . നാൽപ്പതിലധികം മരണങ്ങൾ റിപ്പോർട്ട് ചെയ്യപ്പെട്ടിട്ടുണ്ട്. സംസ്ഥാന ആരോഗ്യ വകുപ്പും ചെന്നൈയിലെ ഐസിഎംആർ നാഷണൽ ഇൻസ്റ്റിറ്റ്യൂട്ട് ഓഫ് എപ്പിഡെമിയോളജിയിലെ വിദഗ്ധരും ചേർന്ന് ഫീൽഡ് പഠനം ആരംഭിച്ചിട്ടുണ്ടെങ്കിലും അണുബാധയുടെ ഉറവിടം വ്യക്തമല്ല.
