ഫെർമനാഗ്: കൗണ്ടി ഫെർമനാഗിൽ വൻ ലഹരി വേട്ട. 80,000 യൂറോ വിലവരുന്ന കൊക്കെയ്ൻ ശേഖരം പിടികൂടി. എന്നിസ്കെല്ലിനിലെ സികമോർ ഡ്രൈവ് മേഖലയിൽ നിന്നാണ് ലഹരി പിടികൂടിയത്.
വ്യാഴാഴ്ച രാത്രിയോടെയായിരുന്നു സംഭവം. വാഹനം തടഞ്ഞ് പോലീസ് നടത്തിയ പരിശോധനയിൽ ആയിരുന്നു കൊക്കെയ്ൻ കണ്ടെടുത്തത്. നോർതേൺ അയർലൻഡ് പോലീസിന്റെ ഓർഗനൈസ്ഡ് ക്രൈം ബ്രാഞ്ചിന്റെ നേതൃത്വത്തിൽ ആയിരുന്നു പരിശോധന.
സംഭവത്തിൽ മൂന്ന് പേരെ പോലീസ് അറസ്റ്റ് ചെയ്തിട്ടുണ്ട്. 24,34,64 വയസ്സുള്ളവരാണ് അറസ്റ്റിലായത്. ഇവരെ വിശദമായി ചോദ്യം ചെയ്തുവരികയാണെന്ന് പോലീസ് അറിയിച്ചു.
Discussion about this post
