Author: Anu Nair

തിരുവനന്തപുരം: ചെങ്ങന്നൂർ ഭാസ്‌കര കാരണവർ കൊലക്കേസിലെ മുഖ്യപ്രതി ഷെറിനെ മോചിപ്പിക്കാനുള്ള ഉത്തരവ് സർക്കാർ അംഗീകരിച്ചു. ഷെറിൻ ഉൾപ്പെടെ 11 തടവുകാർക്ക് ജാമ്യം അനുവദിക്കാനുള്ള മന്ത്രിസഭയുടെ ശുപാർശ ഗവർണർ രാജേന്ദ്ര വിശ്വനാഥ് അർലേക്കർ അംഗീകരിച്ചതിനെ തുടർന്നാണ് ഷെറിന്റെ മോചനം. നേരത്തെ, ഷെറിന്റെ പതിവ് പരോളും ജയിലിൽ ആഡംബര ജീവിതശൈലിയും സംബന്ധിച്ച് വിവാദങ്ങൾ ഉണ്ടായിരുന്നു, മറ്റ് തടവുകാർക്ക് ഇത് അനുവദനീയമല്ലായിരുന്നു. സർക്കാർ തീരുമാനം പുനഃപരിശോധിക്കുന്നതായി റിപ്പോർട്ടുകളും ഉണ്ടായിരുന്നു. സഹതടവുകാരുമായുള്ള ഏറ്റുമുട്ടലുകളും ജയിലിലെ സംശയാസ്പദമായ പെരുമാറ്റവും ഉൾപ്പെടെ ഷെറിന്റെ കേസിൽ കൂടുതൽ വ്യക്തത ആവശ്യപ്പെട്ടിരുന്നു. 2009-ൽ ഭർതൃപിതാവ് ഭാസ്‌കര കാരണവറിനെ കൊലപ്പെടുത്തിയ കേസിലാണ് ഷെറിൻ ശിക്ഷിക്കപ്പെട്ടത്. ഷെറിന് പുറമേ, കേസിൽ ബാസിത് അലി, നിതിൻ എന്ന ഉണ്ണി, ഷാനു റഷീദ് എന്നിവരെയും കോടതി ജീവപര്യന്തം തടവിന് ശിക്ഷിച്ചിരുന്നു. ശിക്ഷാകാലത്ത് ഷെറിന് ആകെ 500 ദിവസത്തെ പരോൾ ലഭിച്ചു. കാരണവർ കൊലപാതക കേസിൽ കോടതി കുറ്റക്കാരിയാണെന്ന് കണ്ടെത്തിയതിനെത്തുടർന്ന് 2010 ജൂൺ 11 ന് ഷെറിനെ പൂജപ്പുര സെൻട്രൽ…

ന്യൂഡൽഹി : ഓൾ ഇന്ത്യ മജ്‌ലിസ്-ഇ-ഇത്തിഹാദുൽ മുസ്‌ലിമീന്റെ (എഐഎംഐഎം) രാഷ്ട്രീയ പാർട്ടിയെന്ന രജിസ്ട്രേഷൻ റദ്ദാക്കണമെന്ന് ആവശ്യപ്പെട്ട്  സമർപ്പിച്ച ഹർജി കേൾക്കാൻ വിസമ്മതിച്ച് സുപ്രീം കോടതി. എന്നാൽ എഐഎംഐഎമ്മിന്റെ സാധുത സംബന്ധിച്ച പ്രധാന പ്രശ്നങ്ങൾ ഉന്നയിച്ച് റിട്ട് ഹർജി ഫയൽ ചെയ്യാൻ ഹർജിക്കാരന് കോടതി അനുമതി നൽകി. ലൈവ് ലോയുടെ റിപ്പോർട്ട് പ്രകാരം, ജസ്റ്റിസ് സൂര്യകാന്ത്, ജസ്റ്റിസ് ജോയ്മല്യ ബാഗ്ചി എന്നിവരടങ്ങിയ ബെഞ്ചാണ് ഹർജി കേൾക്കാൻ വിസമ്മതിച്ചത് . ജനപ്രാതിനിധ്യ നിയമപ്രകാരം രാഷ്ട്രീയ പാർട്ടിയായി എ.ഐ.എം.ഐ.എമ്മിന്റെ രജിസ്ട്രേഷൻ റദ്ദാക്കണമെന്ന ആവശ്യം നേരത്തെ ഡൽഹി ഹൈക്കോടതിയും തള്ളിയിരുന്നു. തിരുപ്പതി നരസിംഹ മുരാരിയാണ് ഇത് സംബന്ധിച്ച ഹർജി സമർപ്പിച്ചത് . മുസ്ലീം സമൂഹത്തിന്റെ അവകാശങ്ങൾ സംരക്ഷിക്കുകയും അവർക്കുവേണ്ടി പ്രവർത്തിക്കുകയും ചെയ്യുക എന്നതാണ് എ.ഐ.എം.ഐ.എമ്മിന്റെ പ്രഖ്യാപിത ലക്ഷ്യം, അതിനാൽ മതേതരത്വത്തിന്റെ തത്വം ലംഘിക്കുന്നതിനാൽ അതിനെ ഒരു രാഷ്ട്രീയ പാർട്ടിയായി അംഗീകരിക്കരുതെന്ന് അദ്ദേഹം ഹർജിയിൽ പറയുന്നു. എ.ഐ.എം.ഐ.എമ്മിന്റെ പ്രകടന പത്രിക മതേതരത്വത്തിന്റെ തത്വങ്ങളെ ലംഘിക്കുന്നുണ്ടെന്നും അതിനാൽ പി.ആർ. ആക്ടിലെ…

മുംബൈ ; ഇന്ത്യൻ വിപണിയിലേക്കുള്ള ഔദ്യോഗിക പ്രവേശനം പ്രഖ്യാപിച്ച് ഇലക്ട്രിക് വാഹന (ഇവി) ഭീമനായ ടെസ്‌ല . മുംബൈയിലെ ബാന്ദ്ര-കുർള കോംപ്ലക്സിലെ (ബികെസി) മേക്കർ മാക്സിറ്റി മാളിൽ കമ്പനി തങ്ങളുടെ ആദ്യ ഷോറൂം ഉദ്ഘാടനം ചെയ്തു. “ഇന്ന് മുംബൈയിൽ നിന്ന് ടെസ്‌ല ഇന്ത്യയിലെ യാത്ര ആരംഭിച്ചത് നമുക്കെല്ലാവർക്കും വളരെയധികം സന്തോഷകരമായ കാര്യമാണ് ” എന്നാണ് ടെസ്‌ല ഇന്ത്യയിൽ ആദ്യ ചുവടുവെപ്പ് നടത്തിയതിനെക്കുറിച്ച് മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്‌നാവിസ് പ്രതികരിച്ചത് . ടെസ്‌ലയുടെ എക്‌സ്പീരിയൻസ് സെന്റർ, ഡെലിവറി നെറ്റ്‌വർക്ക്, ലോജിസ്റ്റിക്‌സ്, സർവീസിംഗ് സൗകര്യങ്ങൾ എന്നിവ മഹാരാഷ്ട്രയിൽ ഒരേസമയം ആരംഭിക്കുന്നുണ്ടെന്നും ദേവേന്ദ്ര ഫഡ്‌നാവിസ് പറഞ്ഞു. “ടെസ്‌ല മഹാരാഷ്ട്രയെയും മുംബൈയെയും അതിന്റെ പ്രവേശനത്തിനായി തിരഞ്ഞെടുത്തതിൽ ഞാൻ അഭിമാനിക്കുന്നു. ഇന്ന് മഹാരാഷ്ട്ര ഇലക്ട്രിക് വാഹന മേഖലയിൽ ഒരു നേതാവായി മാറിയിരിക്കുന്നു, വരും ദിവസങ്ങളിൽ ടെസ്‌ലയുടെ മുഴുവൻ പരിസ്ഥിതി വ്യവസ്ഥയും മഹാരാഷ്ട്രയിൽ വികസിക്കുമെന്ന് എനിക്ക് ഉറപ്പുണ്ട്,” അദ്ദേഹം പറഞ്ഞു. നേരത്തെ ടെസ്ല തങ്ങളുടെ ഇന്ത്യാ പ്രവേശനത്തെ കുറിച്ച് സോഷ്യൽ…

ശ്രീനഗർ : ജമ്മു കശ്മീരിലെ ദോഡ ജില്ലയിൽ ടെമ്പോ ട്രാവലർ കൊക്കയിലേക്ക് മറിഞ്ഞ് 5 പേർ മരിച്ചു . 17 പേർക്ക് പരിക്ക് . മുഹമ്മദ് അഷ്‌റഫ് (35), മങ്കട വാനി (51), ആട്ട മുഹമ്മദ് (33), താലിബ് ഹുസൈൻ (35), റഫീക്ക ബീഗം (60) എന്നിവരാണ് മരിച്ചത്. പോണ്ടയ്ക്കടുത്തുള്ള ദോഡ-ഭർത്ത് റോഡിലെ വളവിലാണ് അപകടമുണ്ടായത്. ഡ്രൈവർക്ക് വാഹനത്തിന്റെ നിയന്ത്രണം നഷ്ടപ്പെട്ടതാണ് അപകടത്തിന് കാരണമെന്ന് പൊലീസ് പറഞ്ഞു. പരിക്കേറ്റവരെ ആശുപത്രിയിൽ പ്രവേശിപ്പിച്ചു. പരിക്കേറ്റവരിൽ മൂന്ന് പേരുടെ നില ഗുരുതരമാണ്. ഗുരുതരമായി പരിക്കേറ്റവരിൽ അഞ്ച് വയസ്സുകാരി ഉസ്മ ജാൻ എന്ന പെൺകുട്ടിയെ ജമ്മുവിലേക്ക് മാറ്റിയതായി അധികൃതർ അറിയിച്ചു. ‘ വാഹനം പൂർണ്ണമായും ലോഡായിരുന്നു. ടെമ്പോയ്ക്ക് എന്ത് സംഭവിച്ചുവെന്ന് എനിക്കറിയില്ല. വലിയ ശബ്ദമുണ്ടായിരുന്നു. അപകടത്തിന് ശേഷം ഞങ്ങൾ ബോധരഹിതരായി. ആളുകളാണ് ഞങ്ങളെ ആശുപത്രിയിലെത്തിച്ചത്.‘ – അപകടത്തിൽ പരിക്കേറ്റ പർവേസ് പറഞ്ഞു. അപകടം നടന്നയുടൻ നാട്ടുകാർ ഓടി രക്ഷാപ്രവർത്തനം ആരംഭിച്ചു . പിന്നീടാണ് പോലീസും മറ്റ്…

ന്യൂഡൽഹി : മതമൗലികവാദികൾ കൊലപ്പെടുത്തിയ കനയ്യലാലിന്റെ കഥ പറയുന്ന ‘ഉദയ്പൂർ ഫയൽസ്’ എന്ന സിനിമയുടെ പ്രദർശനം തടയണമെന്ന് ആവശ്യപ്പെട്ട് ജാമിയത്ത് ഉലമ-ഇ-ഹിന്ദ് പ്രസിഡന്റ് മൗലാന അർഷാദ് മദനി വാർത്താ വിതരണ പ്രക്ഷേപണ മന്ത്രാലയത്തിന് പരാതി നൽകി .ഡൽഹി ഹൈക്കോടതിയുടെ നിർദ്ദേശപ്രകാരമാണ് മൗലാന അർഷാദ് മദനി വാർത്താ വിതരണ പ്രക്ഷേപണ മന്ത്രാലയത്തിന് പരാതി നൽകിയത് . ഒരാഴ്ചയ്ക്കുള്ളിൽ പരാതിയിൽ തീരുമാനമെടുക്കണമെന്നാണ് കോടതി നിർദേശം. ‘ഉദയ്പൂർ ഫയൽസ്’ പോലുള്ള സിനിമകൾ സമൂഹത്തിൽ വിദ്വേഷവും ഭിന്നതയും വളർത്തുന്നുവെന്നും അവയുടെ പ്രചാരണം അന്താരാഷ്ട്ര തലത്തിൽ ഇന്ത്യയുടെ പ്രതിച്ഛായയെ കളങ്കപ്പെടുത്തുമെന്നുമാണ് മൗലാന മദനി ഇൻഫർമേഷൻ ആൻഡ് ബ്രോഡ്കാസ്റ്റിംഗ് മന്ത്രാലയത്തിൽ സമർപ്പിച്ച പരാതിയിൽ പറയുന്നത്. നൂറ്റാണ്ടുകളായി നമ്മുടെ രാജ്യം ഗംഗാ-യമുനി തെഹ്സീബിന്റെ പ്രതീകമാണെന്നും ഹിന്ദുക്കളും മുസ്ലീങ്ങളും ഒരുമിച്ച് ജീവിച്ചുവരുന്നുവെന്നും ഹർജിയിൽ പറയുന്നു. ഇത്തരം സിനിമകൾ രാജ്യത്തിന്റെ സാമുദായിക ഐക്യത്തിന് ഗുരുതരമായ ഭീഷണി ഉയർത്തുമെന്നും ഹർജിയിൽ പറയുന്നു. ഈ സിനിമ പൂർണ്ണമായും വിദ്വേഷത്തിൽ അധിഷ്ഠിതമാണെന്നും ഇതിന്റെ പ്രദർശനം രാജ്യത്തെ സമാധാനത്തെ ബാധിക്കുമെന്നും…

യെമനിൽ ജയിലിൽ കഴിയുന്ന നഴ്‌സായ നിമിഷ പ്രിയയുടെ വധശിക്ഷ നീട്ടി വച്ചതായി റിപ്പോർട്ട് . അതേസമയം കൊല്ലപ്പെട്ട തലാലിന്റെ കുടുംബം ഇതുവരെ മാപ്പ് നൽകാനോ ബ്ലഡ് മണി സ്വീകരിക്കാനോ സമ്മതിച്ചിട്ടില്ലെന്ന് സേവ് നിമിഷ പ്രിയ ഇന്റർനാഷണൽ ആക്ഷൻ കൗൺസിൽ അംഗം സാമുവൽ ജെറോം ബാസ്കരൻ പറഞ്ഞു. വധശിക്ഷ നടപ്പാക്കാൻ മണിക്കൂറുകൾ മാത്രം ബാക്കിനിൽക്കേയാണ് ആശ്വാസ വാർത്ത . ജൂലൈ 16-ന് വധശിക്ഷ നടപ്പാക്കാൻ തീരുമാനിച്ചതോടെ, വിദേശകാര്യമന്ത്രാലയം ഉന്നതതല ഇടപെടൽ നടത്തിയിരുന്നു. “നിമിഷ പ്രിയയുടെ കാര്യത്തിൽ, യെമനിലെ തദ്ദേശ സ്വയംഭരണ സ്ഥാപനങ്ങൾ 2025 ജൂലൈ 16 ന് നടത്താൻ നിശ്ചയിച്ചിരുന്ന വധശിക്ഷ മാറ്റിവച്ചതായി അറിയാൻ കഴിഞ്ഞു. കേസിന്റെ തുടക്കം മുതൽ ഈ വിഷയത്തിൽ സാധ്യമായ എല്ലാ സഹായവും നൽകുന്ന ഇന്ത്യാ ഗവൺമെന്റ്, നിമിഷ പ്രിയയുടെ കുടുംബത്തിന് എതിർ കക്ഷിയുമായി പരസ്പര സമ്മതത്തോടെയുള്ള ഒരു പരിഹാരത്തിലെത്താൻ കൂടുതൽ സമയം തേടുന്നതിന് സമീപ ദിവസങ്ങളിൽ യോജിച്ച ശ്രമങ്ങൾ നടത്തിയിട്ടുണ്ട്. ഇന്ത്യൻ ഉദ്യോഗസ്ഥർ പ്രാദേശിക ജയിൽ അധികൃതരുമായും…

തിരുവനന്തപുരം: മന്ത്രിമാരായ എ.കെ. ശശീന്ദ്രനും തോമസ് കെ. തോമസും എംഎൽഎ സ്ഥാനങ്ങളിൽ നിന്ന് രാജിവയ്ക്കണമെന്ന് ആവശ്യപ്പെട്ട് എൻ.സി.പി ദേശീയ വർക്കിംഗ് പ്രസിഡന്റ് പ്രഫുൽ പട്ടേലിന്റെ കത്ത് . എൻ.സി.പി മേധാവി ശരദ് പവാറിനോടുള്ള കൂറ് തുടർന്നാൽ അച്ചടക്ക നടപടി നേരിടേണ്ടിവരുമെന്ന് പട്ടേൽ കത്തിൽ മുന്നറിയിപ്പ് നൽകി. അതേസമയം ശരദ് പവാർ വിഭാഗത്തിനുള്ള തന്റെ അചഞ്ചലമായ പിന്തുണ തുടരുമെന്ന് എം.എൽ.എ തോമസ് കെ. തോമസ് പ്രതികരിച്ചു. എന്നാൽ കത്ത് അവഗണിക്കുമെന്നും കേരളത്തിലെ എം.എൽ.എമാരെ അയോഗ്യരാക്കാൻ എൻ.സി.പി നേതാവിന് അധികാരമില്ലെന്നണ് ശശീന്ദ്രൻ പറയുന്നത്. വർക്കിംഗ് പ്രസിഡന്റ് എന്ന നിലയിലാണ് പ്രഫുൽ പട്ടേൽ കത്തയച്ചത് . എന്നാൽ പാർട്ടി ഭരണഘടന പ്രകാരം അങ്ങനെയൊരു പദവി ഇല്ല . മാത്രമല്ല എൻ സിപിയിലെ ഇരുവിഭാഗത്തിന്റെയും വാദങ്ങൾ നിലവിൽ സുപ്രീം കോടതിയുടെ പരിഗണനയിലാണ്.കേരളത്തിലെ നിലവിലെ സാഹചര്യം വച്ച് എം എൽ എ മാരെ അയോഗ്യരാക്കാൻ കഴിയില്ല. രണ്ട് എം എൽ എ മാരും ഒരേപക്ഷത്ത് ഉറച്ച് നിൽക്കുകയാണെന്നും എ…

കോഴിക്കോട് ; യെമനിൽ ജയിലിൽ കഴിയുന്ന മലയാളി നേഴ്സ് നിമിഷപ്രിയയുടെ മോചനത്തിനായി ശ്രമങ്ങൾ നടക്കുന്നതായി കാന്തപുരം എ പി അബൂബക്കർ മുസ്‌ലിയാർ . തന്റെ സുഹൃത്തും യെമനിലിഎ ആത്മീയാചാര്യമായ സൂഫി പണ്ഡിതന്റെ നേതൃത്വത്തിൽ അവിടെ ചർച്ചകൾ നടക്കുന്നതായും കാന്തപുരം പറഞ്ഞു . പ്രമുഖ പണ്ഡിതനും സൂഫി നേതാവുമായ ഷെയ്ഖ് ഹബീബ് ഉമർ ബിൻ ഹാഫിസിന്റെ പ്രതിനിധികളും കൊല്ലപ്പെട്ട യെമൻ പൗരനായ തലാൽ അബ്ദു മഹ്ദിയുടെ കുടുംബവും തമ്മിലുള്ള കൂടിക്കാഴ്ച ഇന്ന് ധാമറിൽ നടക്കും . കുടുംബാംഗങ്ങളുമായുള്ള കൂടിക്കാഴ്ച ചൊവ്വാഴ്ച യെമൻ പ്രാദേശിക സമയം രാവിലെ 10 മണിക്ക് നടക്കും. മരിച്ച തലാലിന്റെ അടുത്ത ബന്ധുവും ഹൊദൈദ സ്റ്റേറ്റ് കോടതി ചീഫ് ജസ്റ്റിസും യെമൻ ഷൂറ കൗൺസിൽ അംഗവുമായ ഒരാൾ ഷെയ്ഖ് ഹബീബ് ഉമറിന്റെ ഉപദേശപ്രകാരം ഇന്നത്തെ ചർച്ചകളിൽ പങ്കെടുക്കാൻ തലാലിന്റെ ജന്മനാടായ ധാമറിൽ എത്തിയിട്ടുണ്ട്. “ഷെയ്ഖ് ഹബീബ് ഉമറിന്റെ സൂഫി ആചാരത്തിന്റെ അനുയായിയും മറ്റൊരു പ്രമുഖ സൂഫി നേതാവിന്റെ മകനുമാണ് അദ്ദേഹം…

ഷാർജ ; അൽ നഹ്ദയിലെ ഫ്ലാറ്റിൽ ആത്മഹത്യ ചെയ്ത നിലയിൽ കണ്ടെത്തിയ കൊല്ലം സ്വദേശി വിപഞ്ചികയുടെയും, കുഞ്ഞിന്റെയും മൃതദേഹങ്ങൾ നാട്ടിലേയ്ക്ക് കൊണ്ടുപോകാൻ അനുവദിക്കണമെന്ന് ആവശ്യപ്പെട്ട് അമ്മ ഷൈലജ ഷാർജയിലെത്തി. ബന്ധുവിനൊപ്പമാണ് അവർ ഷാർജയിലെത്തിയത് . മകളുടെയും പേരക്കുട്ടിയുടെയും മൃതദേഹങ്ങൾ വീട്ടിലേക്ക് കൊണ്ടുപോകാൻ അനുമതി നൽകണമെന്ന് അവർ അധികൃതരോട് അഭ്യർത്ഥിക്കും. കാനഡയിലുള്ള വിപഞ്ചികയുടെ സഹോദരൻ വിനോദ് ഇന്ന് രാത്രി ഷാർജയിൽ എത്തും. ഭർത്താവ് നിധീഷിനെതിരെ ഷാർജയിൽ പരാതി നൽകാനും വിപഞ്ചികയുടെ കുടുംബത്തിന് പദ്ധതിയുണ്ട് . ബന്ധുക്കൾ ഇന്ത്യൻ കോൺസുലേറ്റ് അധികൃതരുമായും സംസാരിക്കും. അതേസമയം, കുണ്ടറ പോലീസ് നിധീഷിനും കുടുംബത്തിനുമെതിരെ കേസ് രജിസ്റ്റർ ചെയ്തു . അമ്മയുടെ പരാതിയിൽ ആത്മഹത്യാ പ്രേരണ, സ്ത്രീധന പീഡനം തുടങ്ങിയ വകുപ്പുകൾ ചുമത്തിയാണ് കേസെടുത്തത്. കേസിൽ വിപഞ്ചികയുടെ ഭർത്താവ് നിധീഷ്, സഹോദരി നീതു, അവരുടെ അച്ഛൻ മോഹനൻ എന്നിവരെ ഒന്നും രണ്ടും മൂന്നും പ്രതികളാക്കി ചേർത്തിട്ടുണ്ട്. ഷൈലജയുടെ മൊഴി രേഖപ്പെടുത്തിയ ശേഷം പോലീസ് എഫ്‌ഐആർ രജിസ്റ്റർ ചെയ്തു. വിപഞ്ചിക…

അനാരോഗ്യകരമായ ഭക്ഷണക്രമത്തെക്കുറിച്ച് അവബോധം വളർത്തുന്നതിനുള്ള നീക്കവുമായി കേന്ദ്രസർക്കാർ . ആദ്യഘട്ടത്തിൽ സമൂസ, ജിലേബി, പക്കോഡ, വട പാവ്, ചായ , ബിസ്‌ക്കറ്റ് തുടങ്ങിയ ജനപ്രിയ ലഘുഭക്ഷണങ്ങളിൽ സിഗരറ്റ് ശൈലിയിലുള്ള ആരോഗ്യ മുന്നറിയിപ്പുകൾ നൽകാനാണ് തീരുമാനം.ജീവിതശൈലി രോഗങ്ങളുമായി അടുത്ത ബന്ധമുള്ള ഈ ഭക്ഷണങ്ങളിലെ ഉയർന്ന അളവിലുള്ള എണ്ണ, പഞ്ചസാര, ട്രാൻസ് ഫാറ്റ് എന്നിവ ഈ മുന്നറിയിപ്പുകളിൽ രേഖപ്പെടുത്തും. കാമ്പസിലെ കഫറ്റീരിയകളിലും പൊതു ഭക്ഷണശാലകളിലും ഭക്ഷണ കൗണ്ടറുകൾക്ക് സമീപം മുന്നറിയിപ്പ് ബോർഡുകൾ പ്രദർശിപ്പിക്കും . അടുത്തിടെയായി ഇന്ത്യ അഭിമുഖീകരിക്കുന്ന പ്രധാന പ്രതിസന്ധികളിലൊന്ന് ആരോഗ്യപ്രശ്നങ്ങൾ തന്നെയാണ് . പൊണ്ണത്തടി, പ്രമേഹം, ഉയർന്ന രക്തസമ്മർദ്ദം, ഹൃദ്രോഗം എന്നിവ വർദ്ധിച്ചുവരുന്നതിനാൽ, ഇക്കാര്യത്തിൽ പലതരത്തിലുള്ള മുന്നറിയിപ്പുകളും വന്നിട്ടുണ്ട്. വറുത്തതും പഞ്ചസാര ചേർത്തതുമായ ലഘുഭക്ഷണങ്ങളുടെ പതിവ് ഉപഭോഗവും ഇത്തരം രോഗങ്ങൾക്ക് ഒരു പ്രധാന ഘടകമാണ്.2050 ആകുമ്പോഴേക്കും, ഏകദേശം 440 ദശലക്ഷം ഇന്ത്യക്കാർ അമിതഭാരമുള്ളവരോ പൊണ്ണത്തടിയുള്ളവരോ ആയിരിക്കുമെന്ന് ദി ലാൻസെറ്റ് ജേണലിൽ പ്രസിദ്ധീകരിച്ച ആഗോള വിശകലനം റിപ്പോർട്ടിൽ പറയുന്നു . പഞ്ചസാര, കൊഴുപ്പ്,…