ഡബ്ലിൻ: പോലീസ് സ്റ്റേഷനിൽ തെളിവായി സൂക്ഷിച്ച കഞ്ചാവ് കാണാതായ സംഭവത്തിൽ കൂടുതൽ അറസ്റ്റ്. അഞ്ച് പേരെയാണ് സംഭവവുമായി ബന്ധപ്പെട്ട് അറസ്റ്റ് ചെയ്തത്. നേരത്തെ പോലീസ് ഉദ്യോഗസ്ഥനെ സംഭവവുമായി ബന്ധപ്പെട്ട് അറസ്റ്റ് ചെയ്തിരുന്നു.
സ്ത്രീകൾ ഉൾപ്പെടെ അറസ്റ്റിലായവരിൽ ഉൾപ്പെടുന്നു. 30 വയസ്സുള്ള യുവാവും 40 വയസ്സുള്ള ഒരു സ്ത്രീയും രണ്ട് പുരുഷന്മാരും 50 വയസ്സുള്ള പുരുഷനുമാണ് അറസ്റ്റിലായിട്ടുള്ളത്. ഇവരെ വിശദമായി ചോദ്യം ചെയ്തുവരികയാണ്. ലഹരി വിരുദ്ധ പ്രവർത്തനങ്ങളുടെ ഭാഗമായി പിടിച്ചെടുത്ത ലഹരിയാണ് സ്റ്റേഷനിൽ നിന്നും കാണാതെ പോയത്.
Discussion about this post
