ലൗത്ത്: കൗണ്ടി ലൗത്തിൽ പൈപ്പ് ബോംബുകൾ പിടിച്ചെടുത്ത് പോലീസ്. ദ്രോഗെഡ സംഭവവുമായി ബന്ധപ്പെട്ട് നടത്തിയ അന്വേഷണത്തിലാണ് 20 പൈപ്പ് ബോംബുകൾ കണ്ടെത്തിയത്. സംഭവത്തിൽ പോലീസ് വിശദമായ അന്വേഷണം ആരംഭിച്ചു.
രഹസ്യവിവരത്തിന്റെ അടിസ്ഥാനത്തിൽ പോലീസിന്റെ ദ്രോഗെഡ ഡിവിഷണൽ ഡ്രഗ് വിഭാഗമാണ് അന്വേഷണം നടത്തിയത്. ആർഡിയിലെ ഒരു വീടിന് പുറകിലായുള്ള ഡിച്ചിൽ ഉപേക്ഷിക്കപ്പെട്ട നിലയിൽ ആയിരുന്നു ബോംബുകൾ.
അടുത്തിടെ ആർഡിയിൽ നിന്നും 1,90,000 യൂറോ വിലവരുന്ന കഞ്ചാവ് പിടിച്ചെടുത്തിരുന്നു. ഈ സംഭവവുമായി പൈപ്പ് ബോംബ് പിടിച്ചെടുത്ത സംഭവത്തിന് ബന്ധമുണ്ടെന്നാണ് പോലീസ് വ്യക്തമാക്കുന്നത്.
Discussion about this post
