കൊല്ലം: നിരപരാധികൾ ശിക്ഷിക്കപ്പെടുന്നത് കാണാൻ താൻ ആഗ്രഹിക്കുന്നില്ലെന്ന് എം മുകേഷ് എംഎൽഎ . നടിയെ ആക്രമിച്ച കേസിലെ കോടതി വിധിയെക്കുറിച്ച് പ്രതികരിക്കുകയായിരുന്നു മുകേഷ് . വിധിയുടെ പകർപ്പ് ലഭിച്ചതിനുശേഷം മാത്രമേ ചോദ്യങ്ങളെക്കുറിച്ച് അഭിപ്രായം പറയൂ എന്നും മുകേഷ് പറഞ്ഞു. തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിന്റെ ആദ്യ ഘട്ട വോട്ടെടുപ്പിൽ കൊല്ലത്ത് വോട്ട് രേഖപ്പെടുത്തിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
കേസിൽ സർക്കാർ നിലപാട് വ്യക്തമാക്കിയതിനാൽ ദിലീപിനെ കുറ്റവിമുക്തനാക്കിയതിനെക്കുറിച്ച് അഭിപ്രായം പറയുന്നതിൽ തനിക്ക് പങ്കില്ലെന്നും മുകേഷ് പറഞ്ഞു. വിധിയില് നിരാശയുണ്ടോ എന്ന ചോദ്യത്തില് നിന്ന് തമാശയിലൂടെ ഒഴിഞ്ഞുമാറുകയായിരുന്നു മുകേഷ്. കേസിനെക്കുറിച്ച് സംസാരിക്കാൻ തന്നെ നിയോഗിച്ചിട്ടില്ല. കോടതി വിധിയെ ബഹുമാനിക്കാതിരിക്കാൻ കഴിയില്ല അപ്പീൽ നൽകാനുള്ള സർക്കാരിന്റെ തീരുമാനത്തിൽ ഉറച്ചുനിൽക്കുമെന്നും മുകേഷ് പറഞ്ഞു.
