ലൈക്കിനും , ഷെയറിനും വേണ്ടി എന്ത് സാഹസം കാട്ടാനും തയ്യാറായവരുണ്ട് . അതിപ്പോൾ വന്യമൃഗങ്ങളുടെ തോളിൽ കൈയ്യിട്ടിട്ടാണെങ്കിൽ അങ്ങനെ . അതിന് ഉദാഹരണമാണ് പാകിസ്താനിൽ നിന്നുള്ള ഈ ദൃശ്യങ്ങൾ . പാകിസ്താനിലെ ബ്ലോഗറായ നൂമാൻ ഹസൻ പങ്ക് വച്ചിരിക്കുന്ന ദൃശ്യങ്ങൾ കണ്ടാൽ ആരുമൊന്ന് ഞെട്ടും . കടുവയുടെ വായിൽ കൈ വച്ചിരിക്കുന്ന ദൃശ്യമാണ് നൂമാൻ സോഷ്യൽ മീഡിയയിൽ പങ്ക് വച്ചിരിക്കുന്നത്.
ദൃശ്യങ്ങൾ കാണുന്നവർ അത് വീണ്ടുമൊന്ന് നോക്കി പോകും . പട്ടിയോ, പൂച്ചയോ ആണെന്ന് കരുതി എന്നാൽ അത് ശരിക്കും കടുവ തന്നെയാണ്. റോക്കി എന്നാണ് കറ്റുവയുടെ പേരെന്നും , തന്റെ റോക്കി ഏറെ ഫ്രണ്ട്ലിയാണെന്നുമാണ് നൂമാൻ കുറിച്ചിരിക്കുന്നത് .
ചങ്ങലയിൽ ഇട്ടിരിക്കുന്ന കടുവയുടെ വായിൽ നൂമാൻ കൈ വച്ച് കൊടുക്കുന്നതും , കടുവ ഇയാളുമായി ഇഴുകി ചേരുന്നതും ദൃശ്യങ്ങളിൽ വ്യക്തമാണ്. നിരവധി പേരാണ് യുവാവിനെ അനുകൂലിച്ചും , വിമർശിച്ചും വീഡിയോയ്ക്ക് കമന്റ് ചെയ്തിരിക്കുന്നത് .
അതിസാഹസമാണ് യുവാവ് കാട്ടുന്നതെന്നും , മൃഗങ്ങൾ എപ്പോഴും ഇത്തരം ശാന്തമായ രീതിയിൽ പെരുമാറുമെന്ന് കരുതരുതെന്നുമാണ് ചില കമന്റുകൾ . ചിലരാകട്ടെ യുവാവിന്റെ ധീരതയെ പ്രശംസിക്കുന്നുണ്ട്.
https://www.instagram.com/reel/DBnoIrJCTLm/?utm_source=ig_embed&ig_rid=1feeb712-d985-4d03-b816-80a82b625af2
