ഡബ്ലിൻ: അയർലൻഡിൽ ഇന്ന് താപനിലയിൽ വർധനവ് ഉണ്ടാകും. 16 ഡിഗ്രി സെൽഷ്യസ് മുതൽ 20 ഡിഗ്രി സെൽഷ്യസ് വരെയായിരിക്കും ഇന്ന് താപനില രേഖപ്പെടുത്തുക. അതേസമയം ഇന്ന് പരക്കെ മഴയും ലഭിക്കുമെന്നും മെറ്റ് ഐറാൻ പ്രവചിക്കുന്നു.
മുൻസ്റ്റർ. ലെയ്ൻസ്റ്റർ, അൾസ്റ്റർ എന്നിവിടങ്ങളിൽ ഇന്ന് ശക്തമായ മഴ ലഭിക്കും. തെക്ക്, കിഴക്കൻ കൗണ്ടികളിൽ രാവിലെ മുതൽ മഴ ലഭിക്കും. പടിഞ്ഞാറ്, വടക്കൻ മേഖലകളിൽ പൊതുവെ വരണ്ട കാലാവസ്ഥയായിരിക്കും അനുഭവപ്പെടുക. 11 മുതൽ 16 ഡിഗ്രി സെൽഷ്യസ് വരെയായിരിക്കും ഈ പ്രദേശത്ത് താപനില അനുഭവപ്പെടുക. കിഴക്കൻ മേഖലയിൽ രാവിലെ മുതൽ ചാറ്റൽ മഴയുണ്ടാകും. മഞ്ഞ് മൂടിയ അന്തരീക്ഷം ആയിരിക്കും ഇവിടെ രാവിലെ അനുഭവപ്പെടുക.
Discussion about this post
