വിക്ലോ: കൗണ്ടി വിക്ലോയിൽ വൻ ലഹരി വേട്ട. 12.6 കിലോ ഹെർബൽ കഞ്ചാവ് പിടിച്ചെടുത്തു. സംഭവവുമായി ബന്ധപ്പെട്ട് ഒരു പുരുഷനും രണ്ട് സ്ത്രീകളും അറസ്റ്റിലായിട്ടുണ്ട്. വെള്ളിയാഴ്ചയായിരുന്നു സംഭവം.
20 വയസ്സ് പ്രായം തോന്നിക്കുന്ന സ്ത്രീയും പുരുഷനും 50 വയസ്സ് പ്രായമുള്ള സ്ത്രീയുമാണ് പിടിയിലായത്. നിലവിൽ ഇവർ വിക്ലോയിലെ പോലീസ് സ്റ്റേഷനിൽ കസ്റ്റഡിയിലാണ്. 1996 ലെ ക്രിമിനൽ ജസ്റ്റിസ് ആക്ടിലെ ( ഡ്രഗ് ട്രാഫിക്കിംഗ് ) രണ്ടാം വകുപ്പ് പ്രകാരം ആണ് ഇവർക്കെതിരെ കേസ് എടുത്തിരിക്കുന്നത്. പിടിച്ചെടുത്ത കഞ്ചാവിന് വിപണിയിൽ 2,52,000 യൂറോ വിലവരുമെന്ന് ഉദ്യോഗസ്ഥർ അറിയിച്ചു.
Discussion about this post
