കോർക്ക്: കോർക്കിൽ വീട്ടിലുണ്ടായ തീപിടിത്തത്തിൽ വയോധികന് ദാരുണാന്ത്യം. ഹോളിഹില്ലിലെ ആർഡ്കുല്ലൻ എസ്റ്റേറ്റിലായിരുന്നു സംഭവം. 60 വയസ്സുകാരനാണ് തീപിടിത്തത്തിൽ കൊല്ലപ്പെട്ടത്.
തിങ്കളാഴ്ച പുലർച്ചെ 12.45 ഓടെയായിരുന്നു സംഭവം. വീട്ടിൽ നിന്നും പുകയും തീയും ഉയരുന്നത് കണ്ട പ്രദേശവാസികൾ വിവരം ഫയർഫോഴ്സിനെ അറിയിക്കുകയായിരുന്നു. കോർക്ക് ഫയർ ബ്രിഗേഡിൽ നിന്നുള്ള അംഗങ്ങൾ എത്തി തീ അണച്ചെങ്കിലും വയോധികന്റെ ജീവൻ രക്ഷിക്കാൻ കഴിഞ്ഞില്ല.
സംഭവത്തിൽ 60 വയസ്സുള്ള സ്ത്രീയ്ക്ക് പരിക്കേറ്റിട്ടുണ്ട്. ഇവരെ ആശുപത്രിയിൽ പ്രവേശിപ്പിച്ചു. ഇവരുടെ പരിക്കുകൾ സാരമുള്ളതല്ല. സംഭവത്തിൽ പോലീസ് അന്വേഷണം ആരംഭിച്ചു.
Discussion about this post
