കോർക്ക്: കൗണ്ടി കോർക്കിൽ വയോധിക ദമ്പതികൾക്ക് നേരെ ആക്രമണം. 60 വയസ്സുള്ള സ്ത്രീ കുത്തേറ്റ് മരിച്ചു. സാരമായി പരിക്കേറ്റ ഇവരുടെ ഭർത്താവ് ആശുപത്രിയിൽ ചികിത്സയിലാണ്. ഇന്നലെ രാത്രിയോടെയായിരുന്നു സംഭവം. 25 വയസ്സുള്ള യുവാവിനെ സംഭവവുമായി ബന്ധപ്പെട്ട് പോലീസ് അറസ്റ്റ് ചെയ്തിട്ടുണ്ട്.
ഷ്ര്യൂസ്ബറി ഡൗണിലെ വീട്ടിൽ ആയിരുന്നു സംഭവം. രാത്രി 9 മണിയോടെയാണ് ആക്രമണം സംബന്ധിച്ച വിവരം പോലീസിന് ലഭിച്ചത്. ഉടനെ പോലീസ് സ്ഥലത്ത് എത്തുകയായിരുന്നു. സാരമായി പരിക്കേറ്റ ഇരുവരെയും ഉടനെ ആശുപത്രിയിൽ എത്തിച്ചെങ്കിലും 60 കാരി മരിക്കുകയായിരുന്നു.
Discussion about this post
