ഡബ്ലിൻ: ഡബ്ലിനിൽ തോക്കും ലഹരിയും പിടികൂടി. സംഭവുമായി ബന്ധപ്പെട്ട് 40 വയസ്സുള്ള യുവാവിനെ പോലീസ് അറസ്റ്റ് ചെയ്തു. ഡബ്ലിനിലെ ബാലിമണിൽ ആയിരുന്നു സംഭം.
ഇന്നലെ രാത്രി എട്ട് മണിയോടെയായിരുന്നു ആയുധവും ലഹരിയും പിടികൂടിയത്. ബാലിമൺ ഡ്രഗ്സ് യൂണിറ്റ് 40 കാരന്റെ വീട്ടിൽ പരിശോധന നടത്തുകയായിരുന്നു. രഹസ്യവിവരത്തിന്റെ അടിസ്ഥാനത്തിൽ ആയിരുന്നു പരിശോധന. 3 ഡി പ്രിന്റഡ് തോക്ക്, 300 യൂറോ വിലവരുന്ന ഡയാമോർഫീൻ, 1680 യൂറോ വിലവരുന്ന സോപിക്ലോൺ ടാബ്ലറ്റ്സ് എന്നിവയാണ് പിടിച്ചെടുത്തത്. സംഭവത്തിൽ പ്രതിയെ വിശദമായി ചോദ്യം ചെയ്തുവരികയാണ്.
Discussion about this post
