Author: Anu Nair

തിരുവനന്തപുരം : നെയ്യാറ്റിന്‍കരയിലെ ഗോപന്‍ സ്വാമിയുടെ സമാധി കല്ലറ പൊളിക്കാനുള്ള നീക്കത്തിനെതിരെ നിയമപരമായി നേരിടുമെന്ന് കുടുംബം. കല്ലറ പൊളിക്കാനുള്ള ജില്ലാ ഭരണകൂടത്തിന്റെ നോട്ടീസ് ലഭിച്ച ഉടന്‍ കുടുംബം ഹൈക്കോടതിയെ സമീപിക്കും. കുടുംബാംഗങ്ങളുടെ മൊഴിയില്‍ വൈരുധ്യങ്ങളുണ്ടെന്നാണ് പോലീസ് പറയുന്നത്. കല്ലറ പൊളിക്കാന്‍ കളക്ടര്‍ ഇറക്കിയ ഉത്തരവിന്റെ പകര്‍പ്പ് ബന്ധുകള്‍ക്ക് കൈമാറിയിട്ടുണ്ട് ഇന്നലെ കല്ലറ പൊളിക്കാനുള്ള നീക്കത്തിനെതിരെ എതിര്‍പ്പ് ഉയര്‍ന്നതോടെ പോലീസ് തല്‍ക്കാലം പിന്‍വാങ്ങുകയായിരുന്നു. ഗോപന്‍ സ്വാമിയുടെ മക്കളുടെ മൊഴി ഇന്നലെ പോലീസ് വീണ്ടും രേഖപ്പെടുത്തി. മൊഴിയില്‍ വൈരുധ്യമുള്ളതിനാല്‍ കല്ലറ പൊളിച്ച് പരിശോധന നടത്തണമെന്ന് സംഘടനകളുമായി ഇന്നലെ നടന്ന പ്രാഥമിക ചര്‍ച്ചയില്‍ സബ് കളക്ടറും പോലീസും വ്യക്തമാക്കി. ദുരൂഹ സമാധി രണ്ട് ദിവസം കഴിഞ്ഞ് പൊളിക്കാനാണ് തീരുമാനം. അതിനുമുമ്പ് ഹൈന്ദവ സംഘടനകളുമായി പോലീസ് ചര്‍ച്ച നടത്തും.എന്നാൽ പോലീസ് ഇതുവരെ നോട്ടീസ് നല്‍കിയിട്ടില്ലെന്നാണ് മകൻ സനന്ദന്‍ പറയുന്നത് .സമാധി പോസ്റ്റര്‍ അച്ചടിച്ചത് താനാണ്. വ്യാഴാഴ്ച ആലുംമൂടിലുള്ള സ്ഥലത്ത് നിന്നാണ് പ്രിന്റ് എടുത്തത്. പോലീസ് ഇന്നലെയും മൊഴി…

ഹൈദരാബാദ് : ബോർഡർ- ഗവാസ്ക്കർ ട്രോഫിയിൽ ഇന്ത്യയ്ക്ക് വേണ്ടി മികച്ച പ്രകടനം കാഴ്ച്ച വച്ച താരമാണ് നിതീഷ് കുമാർ റെഡ്ഡി. ബോക്സിങ് ഡേ ടെസ്റ്റ് മത്സരത്തിൽ സെഞ്ച്വറി നേടിയതിൽ വലിയ അംഗീകാരവും നിതീഷിനെ തേടിയെത്തി . ഓസ്ട്രേലിയയിലെ ദുഷ്കരമായ പിച്ചിൽ അരങ്ങേറ്റ പരമ്പരയിൽ തന്നെ 37.25 ശരാശരിയോടെ 298 റണ്‍സെടുക്കാന്‍ അദ്ദേഹത്തിനായി. ഓസ്‌ട്രേലിയയ്‌ക്കെതിരായ ബോർഡർ-ഗവാസ്‌കർ ടെസ്റ്റ് പരമ്പരയ്ക്ക് ശേഷം നിതീഷ് കുമാർ റെഡ്ഡി കുടുംബാംഗങ്ങൾക്കൊപ്പം എത്തിയത് തിരുമല തിരുപ്പതി വെങ്കിടേശ്വര ക്ഷേത്രത്തിലേയ്ക്കാണ് . കാൽമുട്ടുകുത്തി പടികൾ കയറിയാണ് നിതീഷ് ഭഗവാനെ ദർശിക്കാൻ എത്തിയത്. ചില ഭക്തർ തങ്ങളുടെ ആഗ്രഹ സാഫല്യത്തിന് നന്ദി പറയാനായി ഇത്തരത്തിൽ കാൽമുട്ടുകുത്തി പടികൾ കയറി തിരുമല ദർശനത്തിനെത്താറുണ്ട്. നിതീഷിന്റെ തിരുപ്പതി ദർശനത്തിന്റെ വീഡിയോയും പുറത്ത് വന്നിട്ടുണ്ട്. https://twitter.com/i/status/1878865442791632911

പത്തനംതിട്ട: ശബരിമലയിൽ ഇന്ന് മകരവിളക്ക്. അയ്യപ്പനു ചാര്‍ത്താനുള്ള തിരുവാഭരണങ്ങളുമേന്തിയ ഘോഷയാത്ര ഇന്നു സന്നിധാനത്തെത്തും. ഒന്നര ലക്ഷത്തോളം ഭക്തരെയാണ് ഇന്ന് സന്നിധാനത്ത് പ്രതീക്ഷിക്കുന്നത്. ഇന്നലെ പുലര്‍ച്ചെ അയിരൂര്‍ പുതിയകാവ് ക്ഷേത്രത്തില്‍ നിന്ന് ആരംഭിച്ച ഘോഷയാത്ര പെരുന്നാട് വഴി വിവിധ സ്ഥലങ്ങളിലെ സ്വീകരണത്തിനു ശേഷം രാത്രി വനംവകുപ്പിന്റെ ളാഹ സത്രത്തില്‍ വിശ്രമിച്ചു. ഇന്നു രാവിലെ ഇവിടെ നിന്നു പുറപ്പെട്ട് ഉച്ചയോടെ വലിയാനവട്ടത്തെത്തും. അവിടെ ദേവസ്വം അധികൃതര്‍ സ്വീകരിക്കും. ചെറിയാനവട്ടം നീലിമല അപ്പാച്ചിമേട് വഴി മരക്കൂട്ടത്തെത്തുന്ന ഘോഷയാത്രയെ ദേവസ്വം ബോര്‍ഡിന്റെയും അയ്യപ്പസേവാ സംഘത്തിന്റെയും നേതൃത്വത്തില്‍ സന്നിധാനത്തേക്കു സ്വീകരിക്കും. സന്ധ്യയോടെ പതിനെട്ടാംപടി കയറി കൊടിമരച്ചുവട്ടിലെത്തുന്ന തങ്കഅങ്കി പേടകത്തെ ദേവസ്വം ബോര്‍ഡ് പ്രസിഡന്റ് പി.എസ്. പ്രശാന്തിന്റെയും അംഗങ്ങളുടെയും നേതൃത്വത്തില്‍ സ്വീകരിക്കും. തുടര്‍ന്ന് തന്ത്രി കണ്ഠര് രാജീവര്, മേല്‍ശാന്തി അരുണ്‍കുമാര്‍ നമ്പൂതിരി എന്നിവര്‍ ചേര്‍ന്ന് ശ്രീകോവിലിലേക്ക് ആനയിക്കും. പൂജകള്‍ക്കു ശേഷം തിരുവാഭരണങ്ങള്‍ അയ്യപ്പവിഗ്രഹത്തില്‍ ചാര്‍ത്തി ദീപാരാധന നടക്കും. ഈ സമയം പൊന്നമ്പലമേട്ടില്‍ മകര ജ്യോതിയും ആകാശത്തു മകര നക്ഷത്രവും തെളിയും.…

ദുബായ്: ദുബായില്‍ നടന്ന കാര്‍ റേസില്‍ നടന്‍ അജിത് കുമാറിന്‍റെ ടീമിന് മൂന്നാം സ്ഥാനം. 991 കാറ്റഗറിയിൽ ആണ് മൂന്നാം സ്ഥാനം . 24 മണിക്കൂർ നീണ്ടതായിരുന്നു മത്സരം . എല്ലാവര്‍ഷവും നടക്കുന്നതാണ് ദുബായ് 24 എച്ച് എന്ന കാറോട്ട മത്സരം. അജിത് നായകനായ ഏറ്റവും പുതിയ സിനിമയായ വിടാമുയര്‍ച്ചി റിലീസാകാന്‍ ഇരിക്കെയാണ് കാറോട്ട മത്സരത്തിലെ ഈ അസാധാരണ വിജയം. 53 വയസ്സുകാരനായ അജിതിനൊപ്പം ടീമംഗങ്ങളായ മറ്റ് മൂന്ന് പേരും വിദേശികളാണ്. അജിതിന്‍റെ ഈ അസാധാരണ നേട്ടത്തില്‍ അദ്ദേഹത്തെ അഭിനന്ദിക്കാന്‍ നടനായ മാധവന്‍ എത്തിയിരുന്നു. അജിതും മാധവനും കെട്ടിപ്പിടിച്ചു നില്‍ക്കുന്ന ചിത്രം വൈറലാണ്. സാമന്ത റൂത്ത് പ്രഭു, കമല്‍ ഹാസന്‍, നാഗചൈതന്യ തുടങ്ങി സിനിമാ മേഖലയിലെ ഒട്ടേറെപ്പേര്‍ അദ്ദേഹത്തെ അഭിനന്ദിച്ചു കൊണ്ട് രംഗത്തെത്തി. അടുത്തിടെ പരിശീലനത്തിനിടെ അജിത്തിന്റെ കാർ അപകടത്തിൽപ്പെട്ടിരുന്നു. വാഹനത്തിനുണ്ടായ കേടുപാടുകൾ ഒഴിച്ചാൽ അദ്ദേഹത്തിന് കുഴപ്പങ്ങൾ ഒന്നും ഉണ്ടായില്ല.

കർണാവതി: പാകിസ്ഥാനിൽ നിന്ന് ഗുജറാത്തിലെ കച്ച് വഴി അനധികൃതമായി ഇന്ത്യയിലേക്ക് കടന്ന പാകിസ്ഥാൻ പൗരൻ അറസ്റ്റിൽ. ബിഎസ്എഫാണ് അറസ്റ്റ് ഇയാളെ പിടികൂടിയത്.പാകിസ്ഥാനിലെ സിന്ധ് പ്രവിശ്യയിലെ സുജാവൽ ജില്ലയിലെ കരോ ഘുൻഗ്രൂ ഗ്രാമവാസിയായ ബാബു അലിയാണ് അറസ്റ്റിലായത് . ഗുജറാത്തിലെ കച്ച് ജില്ലയിലെ ഹരാമി നാല പ്രദേശത്തിന് വടക്കുള്ള ഇന്ത്യൻ പ്രദേശത്തേക്ക് അന്താരാഷ്ട്ര അതിർത്തി കടന്ന് പ്രവേശിക്കുന്നതിനിടെയാണ് അലിയെ പിടികൂടിയത്. ഇയാളെ ബിഎസ്എഫ് ചോദ്യം ചെയ്യാൻ തുടങ്ങിയിട്ടുണ്ട്. ഗുജറാത്തിലെ കച്ച് അതിർത്തിയിൽ നിന്ന് ദിവസവും നുഴഞ്ഞുകയറ്റ ശ്രമങ്ങൾ നടക്കുന്നുണ്ട് . മിക്കപ്പോഴും ബിഎസ്എഫ് ജവാന്മാർ നുഴഞ്ഞുകയറ്റക്കാരെ പിടികൂടുന്നുണ്ട്.

ലക്നൗ : ഒരു വ്യാഴവട്ടക്കാലം നീണ്ട കാത്തിരിപ്പൊനൊടുവിലാണ് പ്രയാഗ് രാജിൽ മഹാകുംഭമേളയ്ക്ക് തുടക്കമായത് . ദശലക്ഷക്കണക്കിന് ഭക്തർ ഗംഗാ നദിയിൽ പുണ്യസ്‌നാനം നടത്തി. ലോകമെമ്പാടുമുള്ള പ്രമുഖ വ്യക്തികൾ, സന്യാസിമാർ, ആത്മീയ നേതാക്കൾ എന്നിവർ കുംഭമേളയിൽ പങ്കെടുക്കാൻ പ്രയാഗ്‌രാജിൽ എത്തും. മഹാകുംഭമേളയ്ക്കെത്തിയവരിൽ ഹർഷ റിച്ചാരിയ എന്നറിയപ്പെടുന്ന സാധ്വിയുടെ വീഡിയോ സോഷ്യൽ മീഡിയയിൽ വൈറലായിരിക്കുകയാണ് . സുന്ദരിയായ സാധ്വി എന്നാണ് ഹർഷ റിച്ചാരിയ ഇപ്പോൾ അറിയപ്പെടുന്നത് . ഇതിനിടെ ഇപ്പോഴിതാ തന്റെ പൂർവ്വാശ്രമ ജീവിതത്തെ പറ്റി ഹർഷ റിച്ചാരിയ പറയുന്ന കാര്യങ്ങളാണ് ശ്രദ്ധ നേടുന്നത്. ഇൻസ്റ്റാഗ്രാമിൽ 690,000-ത്തിലധികം ഫോളോവേഴ്‌സ് ഉള്ള താരമായിരുന്നു ഹർഷ .അവതാരകയും ബ്ലോഗറും ഫിറ്റ്നസ് പരിശീലകയുമായി ജീവിതം ആഘോഷിച്ച വ്യക്തിയുമാണ് ഹർഷ . ഇത്ര സുന്ദരിയായിട്ടും എന്തുകൊണ്ടാണ് സാധ്വിയാകാൻ തീരുമാനിച്ചതെന്നായിരുന്നു യൂട്യൂബറുടെ ചോദ്യം. അതിനു വളരെ മനോഹരമായാണ് സാധ്വി മറുപടി നൽകുന്നത് . ‘ ഞാൻ ഉത്തരാഖണ്ഡിൽ നിന്നുള്ളവളാണ്, ആചാര്യ മഹാമണ്ഡലേശ്വരന്റെ ശിഷ്യയാണ്. എനിക്ക് ആവശ്യമുള്ളത് ഉപേക്ഷിച്ച് ഈ പാത സ്വീകരിച്ചു.…

ബെംഗളൂരു ; ബെംഗളൂരുവിൽ ആറുവയസുകാരിയെ ബലാത്സംഗം ചെയ്ത് കൊലപ്പെടുത്തി . രാമമൂർത്തിനഗറിലാണ് സംഭവം. സംഭവത്തിൽ ബിഹാർ സ്വദേശി അഭിഷേക് കുമാർ (25) അറസ്റ്റിലായി. തിങ്കളാഴ്ച രാത്രി ഏഴരയോടെയാണ് സംഭവം. ജോലിക്ക് പോയ മാതാപിതാക്കൾ വീട്ടിൽ തിരിച്ചെത്തിയിരുന്നില്ല. . വീട്ടിലെത്തിയ അഭിഷേക് പെൺകുട്ടിയെ മർദിച്ച് അവശയാക്കി പീഡനത്തിനിരയാക്കുകയായിരുന്നു. അവശനിലയിലായ കുട്ടിയെ ഉപേക്ഷിച്ച് അഭിഷേക് രക്ഷപെടുകയും ചെയ്തു. പെൺകുട്ടി അധികം വൈകാതെ മരണപ്പെടുകയായിരുന്നു. തുടർന്ന് നടന്ന അന്വേഷണത്തിലാണ് അഭിഷേക് പിടിയിലായത്.

കൊച്ചി : ദ്വയാർത്ഥ പരാമർശങ്ങൾ നടത്തി തന്നെ ലൈംഗികമായി അധിക്ഷേപിച്ചെന്ന നടി ഹണിറോസിന്റെ പരാതിയിൽ വ്യവസായി ബോബി ചെമ്മണ്ണൂരിന് ജാമ്യം അനുവദിക്കാമെന്ന് ഹൈക്കോടതി. ഇത് സംബന്ധിച്ച ഉത്തരവ് 3.30 ഓടെ പുറത്ത് വരും . ജാമ്യാപേക്ഷയിൽ വിധി കേട്ട പി വി കുഞ്ഞിക്കൃഷ്ണൻ ബോബിയ്ക്ക് ജാമ്യം അനുവദിച്ചേക്കുമെന്ന് വാക്കാൽ സൂചിപ്പിച്ചിരുന്നു. ബോബിയെ രൂക്ഷമായ ഭാഷയിൽ വിമർശിച്ചെങ്കിലും ജാമ്യം അനുവദിക്കാമെന്ന നിലപാടാണ് കോടതി സ്വീകരിച്ചത്. ജാമ്യം നൽകുന്നതിനെ പ്രോസിക്യൂഷൻ എതിർത്തെങ്കിലും പൊലീസ് കസ്റ്റഡി അപേക്ഷ പോലും നൽകിയിട്ടില്ലെന്നും ഇനിയും എന്തിനാണ് റിമാൻഡിൽ പാർപ്പിക്കുന്നതെന്നും കോടതി ചോദിച്ചു. ജാമ്യാപേക്ഷ പരിഗണിച്ചയുടൻ പ്രതിഭാഗം അഭിഭാഷകൻ ജാമ്യം അനുവദിക്കണമെന്ന് ആവശ്യപ്പെട്ടു. ആരോപിക്കപ്പെടുന്ന കുറ്റകൃത്യങ്ങൾ വാസ്തവവിരുദ്ധമാണ്. കയ്യിൽ പിടിച്ചു എന്നതും ലൈംഗികാധിക്ഷേപം നടത്തി എന്നതും ശരിയല്ല. ഇപ്പോൾ തന്നെ 6 ദിവസം ജയിലിൽ കഴിഞ്ഞു. പരമാവധി മൂന്ന് വർഷം വരെ തടവ് കിട്ടുന്ന വകുപ്പുകളാണ് ഉൾപ്പെടുത്തിയിട്ടുള്ളത്. ഇതിന് ഒരു ദിവസത്തെ റിമാൻഡ് പോലും ആവശ്യമില്ല തുടങ്ങിയ വാദങ്ങൾ പ്രതിഭാഗം…

ബംഗളൂരു : ചാമരാജ്‌പേട്ടയിലെ ഓൾഡ് പെൻഷൻ മൊഹല്ലയിലെ വിനായകനഗറിൽ പശുവിൻ്റെ അകിട് വെട്ടി മാറ്റി ക്രൂരമായി മർദിച്ച കേസിൽ പ്രതിയെ കോട്ടൺ പേട്ട് പോലീസ് അറസ്റ്റ് ചെയ്തു . സയ്യിദ് നസ്രു (30) ആണ് അറസ്റ്റിലായത്. ബിഹാറിലെ ചമ്പാരൻ സ്വദേശിയായ പ്രതി സയ്യിദ് നസ്രു കുറ്റകൃത്യം നടന്ന സ്ഥലത്തിന് 50 മീറ്റർ അകലെയുള്ള പ്ലാസ്റ്റിക്, തുണി തയ്യൽ കടയിൽ ജോലി ചെയ്തിരുന്നു. മദ്യലഹരിയിലാണ് കൃത്യം നടത്തിയതെന്ന് സയ്യിദ് നസ്രു പോലീസിനോട് പറഞ്ഞു. പ്രതിയെ ജനുവരി 24 വരെ ജുഡീഷ്യൽ കസ്റ്റഡിയിൽ വിട്ടു. ചാമരാജ്പേട്ടയിലെ ഓൾഡ് പെൻഷൻ മൊഹല്ലയിലെ വിനായകനഗർ സ്വദേശിയായ കർണൻ വർഷങ്ങളായി പശുക്കളെ വളർത്തിയാണ് ജീവിക്കുന്നത് .. ശനിയാഴ്ച രാത്രി വൈകിയാണ് പശുക്കളുടെ അകിട് മുറിക്കുകയും കാലിൽ വെട്ടുകത്തി ഉപയോഗിച്ച് മുറിവേൽപ്പിക്കുകയും ചെയ്തത്. അതേസമയം പ്രതി സയ്യിദ് നസ്രുവിന് കുറ്റം ചെയ്യുന്നതിന് മറ്റാരുടെയെങ്കിലും സഹായം ലഭിച്ചിരുന്നോ എന്നതും അന്വേഷിക്കണമെന്ന് കർണ്ണൻ ആവശ്യപ്പെട്ടിട്ടുണ്ട്.

ലക്നൗ : ലോകത്തിലെ ഏറ്റവും വലിയ സനാതന മേളയായ മഹാകുംഭമേളയ്ക്ക് പ്രയാഗ് രാജിൽ തുടക്കം . ലോകത്തിൻ്റെ വിവിധ ഭാഗങ്ങളിൽ നിന്നുമായി നിരവധി ഭക്തരാണ് ത്രിവേണിയിൽ മുങ്ങിക്കുളിക്കാനെത്തിയത്. 12 വർഷത്തിലൊരിക്കൽ നടക്കുന്ന കുംഭമേക്ക ഹരിദ്വാറിലെ ഗംഗ, നാസിക്കിലെ ഗോദാവരി, ഉജ്ജയിനിലെ ശിപ്ര, പ്രയാഗ്‌രാജിലെ ത്രിവേണി എന്നിവിടങ്ങളിൽ സംഘടിപ്പിക്കാറുണ്ട്. എങ്കിലും പ്രയാഗ്‌രാജിലെ കുംഭമേളയ്ക്കാണ് കൂടുതൽ പ്രാധാന്യം എന്ന് വിശ്വസിക്കപ്പെടുന്നു. 12 പൂർണ കുംഭങ്ങൾ പൂർത്തിയാകുമ്പോൾ മഹാ കുംഭം സംഘടിപ്പിക്കുക. നേരത്തെ, 2019-ൽ അർദ്ധ കുംഭമേളയും 2013-ൽ പൂർണ കുംഭമേളയും സംഘടിപ്പിച്ചിരുന്നു.10 കോടിയോളം പേർ കുംഭമേളയിൽ പങ്കെടുക്കാൻ എത്തുമെന്നാണ് നിഗമനം . പ്രത്യേക ഗതാഗത സൗകര്യങ്ങളും , താമസസൗകര്യങ്ങളും ഇതിനായി ഒരുക്കിയിട്ടുണ്ട്. 3000 ത്തോളം പ്രത്യേക ട്രെയിനുകളാണ് മഹാകുംഭമേള പ്രമാണിച്ച് സർവീസ് നടത്തുന്നത്.