Author: Anu Nair

തിരുവനന്തപുരം ; നിലമ്പൂർ എം എൽ എ പി വി അൻവർ നിയമസഭാംഗത്വം രാജിവച്ചു. തിങ്കളാഴ്ച്ച രാവിലെ സ്പീക്കർ എ എൻ ഷംസീറിനെ കണ്ടാണ് രാജിക്കത്ത് കൈമാറിയത് . തൃണമൂൽ കോൺഗ്രസിന്റെ സംസ്ഥാന കോർഡിനേറ്ററായി പ്രവർത്തിക്കാൻ തീരുമാനിച്ച അൻവർ കഴിഞ്ഞ ദിവസം കൊൽക്കത്തയിലെത്തി ബംഗാൾ മുഖ്യമന്ത്രി മമത ബാനർജിയെ കണ്ടിരുന്നു. എം എൽ എ ബോർഡ് നീക്കം ചെയ്ത കാറിലാണ് അന്‍വര്‍ സ്പീക്കറെ കാണാനെത്തിയത്. 1.5 വർഷത്തോളം കാലാവധി ബാക്കിയുള്ളപ്പോഴാണ് അൻവറിന്റെ രാജി. കഴിഞ്ഞ ദിവസമാണ് അൻവർ തൃണമൂൽ കോൺഗ്രസിൽ ചേർന്നത് . സ്വതന്ത്ര എം എൽ എ യായ അൻവർ മറ്റൊരു പാർട്ടിയിൽ ചേർന്നാൽ അയോഗ്യനാകും. കൂറുമാറ്റ നിരോധന നിയമപ്രകാരം അയോഗ്യത പ്രഖ്യാപിക്കും മുൻപുള്ള കരുതൽ നടപടിയിലാണ് അൻവർ. അത് മറികടാക്കാനും , നിലമ്പൂരിൽ വീണ്ടും മത്സരിച്ച് ശക്തി തെളിയിക്കാനുമാണ് നീക്കം. അതേസമയം മുഖ്യമന്ത്രിയ്ക്കും അദ്ദേഹത്തിന്റെ ഓഫീസിനും എതിരായ പരാതികളിൽ ഉറച്ച് നിൽക്കുന്നുവെന്നും , ഉന്നത നേതാക്കളിൽ നിന്ന് തനിക്ക്…

തൃശൂർ: പീച്ചി ഡാം റിസര്‍വോയറില്‍ കുളിക്കാനിറങ്ങിയ നാലു പെണ്‍കുട്ടികള്‍ അപകടത്തില്‍പ്പെട്ടു. നാട്ടുകാര്‍ ഉടന്‍തന്നെ എല്ലാവരേയും രക്ഷപ്പെടുത്തിയെങ്കിലും മൂന്ന്പേരുടെ നിലഗുരുതരമാണെന്നാണ് വിവരം. തൃശ്ശൂര്‍ സ്വകാര്യ ആശുപത്രിയില്‍ ചികിത്സയിലാണ് അപകടത്തില്‍പ്പെട്ട കുട്ടികള്‍. വൈകീട്ട് മൂന്നരയോടെയാണ് അപകടമുണ്ടായത്. പള്ളിപ്പെരുന്നാളിന്റെ ഭാഗമായി സുഹൃത്തിന്റെ വീട്ടിലെത്തിയ കുട്ടികളാണ് അപകടത്തില്‍പ്പെട്ടത്.

ദുബായ് : ‘മുസ്ലീം ബ്രദർഹുഡുമായി ബന്ധമുള്ള 8 സംഘടനകളെ കരിമ്പട്ടികയിൽ പെടുത്തി യുഎഇ. കേംബ്രിഡ്ജ് എഡ്യൂക്കേഷൻ ആൻഡ് ട്രെയിനിംഗ് സെന്റർ ലിമിറ്റഡ്, IMA6INE ലിമിറ്റഡ്, വെംബ്ലി ട്രീ ലിമിറ്റഡ്, വാസ്ലഫോറൽ, ഫ്യൂച്ചർ ഗ്രാജുവേറ്റ്സ് ലിമിറ്റഡ്, യാസ് ഫോർ ഇൻവെസ്റ്റ്മെന്റ് ആൻഡ് റിയൽ എസ്റ്റേറ്റ്, ഹോൾഡ്കോ യുകെ പ്രോപ്പർട്ടീസ് ലിമിറ്റഡ്, നാഫൽ ക്യാപിറ്റൽ എന്നീ സംഘടനകളെയാണ് കരിമ്പട്ടികയിൽ പെടുത്തിയത്. റിപ്പോർട്ടുകൾ പ്രകാരം, ഈ സംഘടനകളുമായി പ്രവർത്തിക്കുന്നവർക്ക് യാത്രാ വിലക്കുണ്ടാകും . അവരുടെ ആസ്തികളും മരവിപ്പിക്കും . യുഎഇ ആസ്ഥാനമായുള്ള വ്യക്തികളെയും സ്ഥാപനങ്ങളെയും ഈ കരിമ്പട്ടികയിൽ പെടുത്തിയ സംഘടനകളുമായി ചേർന്ന് പ്രവർത്തിക്കാൻ അനുവദിക്കില്ല. സംഘടനകൾക്ക് പുറമേ, തീവ്രവാദത്തെ പിന്തുണയ്ക്കുന്ന 11 പേരെ കൂടി കരിമ്പട്ടികയിൽ ഉൾപ്പെടുത്തിയിട്ടുണ്ട്. 1928 ൽ ഈജിപ്തിൽ ഹസ്സൻ അൽ-ബന്ന സ്ഥാപിച്ച സംഘടനയാണ് മുസ്ലീം ബ്രദർഹുഡ്. ഈജിപ്ത്, സൗദി അറേബ്യ, യുണൈറ്റഡ് അറബ് എമിറേറ്റ്സ് തുടങ്ങിയ രാജ്യങ്ങളിൽ ഈ സംഘടന നിരോധിച്ചിട്ടുണ്ട്.

കോട്ടയം: വൈദികനെ പെണ്‍കെണിയില്‍ കുടുക്കി 41.52 ലക്ഷം രൂപ തട്ടിയ യുവതിയെയും യുവാവിനെയും പൊലീസ് അറസ്റ്റ് ചെയ്തു. ബാംഗ്ലൂര്‍ സ്വദേശികളായ നേഹ, സാരഥി എന്നിവരാണ് പിടിയിലായത്. വീഡിയോ കോളിലൂടെ സ്വകാര്യ ദൃശ്യങ്ങള്‍ കൈവശപ്പെടുത്തിയാണ് ഇരുവരും വൈദികനെ ഭീഷണിപ്പെടുത്തിയത്. 2023 ഏപ്രില്‍ മുതല്‍ പലതവണകളായാണ് വൈദികനില്‍ നിന്ന് പണം തട്ടിയത്. കൂടുതല്‍ പണം ആവശ്യപ്പെട്ടതോടെ നില്‍ക്കളളിയില്ലാതെയാണ് വൈദികന്‍ പൊലീസില്‍ പരാതി നല്കിയത്. പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു. സ്വകാര്യ സ്ഥാപനത്തില്‍ പ്രിന്‍സിപ്പലാണ് വൈദികന്‍. ജോലി ഒഴിവുണ്ടോയെന്ന് അന്വേഷിച്ചാണ് യുവതി വൈദികനുമായി ഫോണിലൂടെ സൗഹൃദം സ്ഥാപിച്ചത്. പിന്നീട് ഇടയ്ക്കിടെയുള്ള വീഡിയോ കോളുകളിലൂടെ സ്വകാര്യ ദൃശ്യങ്ങള്‍ കൈവശപ്പെടുത്തുകയായിരുന്നു.

ന്യൂഡൽഹി : ആപ്പിൾ സഹസ്ഥാപകനായ സ്റ്റീവ് ജോബ്‌സിന്റെ ഭാര്യ ലോറീൻ പവൽ ജോബ്‌സ്, മഹാ കുംഭമേളയിൽ പങ്കെടുക്കാനായി ഇന്ത്യയിലെത്തി. പ്രയാഗ്‌രാജിലേക്ക് പോകുന്നതിന് മുമ്പ് വാരണാസിയിലെ കാശി വിശ്വനാഥ ക്ഷേത്രത്തിലും ലോറീൻ ദർശനം നടത്തി. നിരഞ്ജനി അഖാരയിലെ സ്വാമി കൈലാസാനന്ദ് ഗിരി ജി മഹാരാജിനൊപ്പമാണ് ലോറീൻ ക്ഷേത്രത്തിലെത്തിയത്. ഇന്ത്യൻ വസ്ത്രം ധരിച്ച് എത്തിയ ലോറീൻ കാശി വിശ്വനാഥ ക്ഷേത്രത്തിന്റെ ശ്രീകോവിലിന് പുറത്ത് നിന്ന് പ്രാർത്ഥന നടത്തി. “ക്ഷേത്രത്തിന്റെ പാരമ്പര്യങ്ങൾ അവർ പിന്തുടർന്നു… നമ്മുടെ ഇന്ത്യൻ പാരമ്പര്യമനുസരിച്ചാണ്, കാശി വിശ്വനാഥിൽ അവർ ശിവലിംഗദർശനം നടത്തിയത് ,” കൈലാസാനന്ദ് ഗിരി പറഞ്ഞു.കുംഭമേള തടസ്സങ്ങളില്ലാതെ പൂർത്തിയാകണമെന്ന് മഹാദേവനോട് പ്രാർത്ഥിക്കാനാണ് ഞങ്ങൾ കാശിയിൽ വന്നതെന്നും അദ്ദേഹം പറഞ്ഞു.കമല എന്ന ദീക്ഷാനാമം സ്വീകരിച്ച ലോറീൻ പവൽ ജോബ്സ് ജനുവരി 29 വരെ 15 ദിവസത്തെ കൽപ്പവാസ് ആചരിക്കും. അതുമായി ബന്ധപ്പെട്ട എല്ലാ ആചാരങ്ങളിലും പങ്കെടുക്കുകയും പ്രയാഗിലെ സംഗമത്തിൽ വിശുദ്ധ സ്നാനങ്ങൾ നടത്തുകയും ചെയ്യും. ഒപ്പം ഹിന്ദുമതത്തിലെ ആചാരങ്ങൾ പഠിക്കുകയും ചെയ്യും

ന്യൂഡൽഹി : ജനുവരി 20ന് അമേരിക്കയുടെ 47-ാമത് പ്രസിഡൻ്റായി ഡൊണാൾഡ് ട്രംപ് സത്യപ്രതിജ്ഞ ചെയ്യും. വാഷിംഗ്ടൺ ഡിസിയിൽ നടക്കുന്ന സത്യപ്രതിജ്ഞാ ചടങ്ങിൽ പല ലോകനേതാക്കളും പങ്കെടുക്കുന്നുണ്ട് . ഇന്ത്യയെ പ്രതിനിധീകരിച്ച് വിദേശകാര്യ മന്ത്രി എസ് ജയശങ്കർ സത്യപ്രതിജ്ഞാ ചടങ്ങിൽ പങ്കെടുക്കും. ഡൊണാൾഡ് ട്രംപിൻ്റെ സത്യപ്രതിജ്ഞയ്ക്ക് ട്രംപ്-വാൻസ് കമ്മിറ്റിയുടെ ക്ഷണപ്രകാരം വിദേശകാര്യ മന്ത്രി ഡോ. എസ് ജയശങ്കർ ഇന്ത്യൻ സർക്കാരിനെ പ്രതിനിധീകരിക്കുമെന്ന് വിദേശകാര്യമന്ത്രാലയ പ്രസ്താവനയിൽ പറയുന്നു. ഈ അവസരത്തിൽ വരുന്ന മറ്റ് ചില നേതാക്കളുമായും വിദേശകാര്യ മന്ത്രി കൂടിക്കാഴ്ച നടത്തുമെന്നും സൂചനകളുണ്ട്. തുടർച്ചയായി രണ്ടാം തവണയും വൈറ്റ് ഹൗസിൽ തിരിച്ചെത്തുന്ന ആദ്യ പ്രസിഡൻ്റാണ് ട്രംപ്. സത്യപ്രതിജ്ഞയ്ക്ക് ശേഷം ഡൊണാൾഡ് ട്രംപ് വാഷിംഗ്ടണിലെ തെരുവുകളിലൂടെ പരേഡ് ചെയ്യുകയും പൊതുജനങ്ങളിൽ നിന്ന് ആശംസകൾ സ്വീകരിക്കുകയും ചെയ്യും.

ശബരിമല : മകരസംക്രമ സന്ധ്യയിൽ ശബരീശന് ചാർത്താനുള്ള തിരുവാഭരണങ്ങൾ പന്തളം വലിയ കോയിക്കൽ കൊട്ടാരത്തിൽ നിന്ന് പുറപ്പെട്ടു. പന്തളം കൊട്ടാര പ്രതിനിധി തൃക്കേട്ടനാൾ രാജരാജവർമ്മ ഘോഷയാത്രയെ പല്ലക്കിൽ അനുഗമിക്കും.ഘോഷയാത്ര കടന്നു പോകുന്ന 11 സ്ഥലങ്ങളിൽ ആഭരണപ്പെട്ടികൾ തുറന്ന് ദർശനമുണ്ടാകും. ഇന്ന് കുളനട ഭഗവതിക്ഷേത്രം, ഉള്ളന്നൂർ ദേവീക്ഷേത്രം, കുറിയാനപ്പള്ളി ദേവീക്ഷേത്രം, പാമ്പാടിമൺ അയ്യപ്പ ക്ഷേത്രം, അയിരൂർ പുതിയകാവ് ദേവീക്ഷേത്രം, തിരുവാഭരണപ്പാറ, ഇടക്കുളം അയ്യപ്പക്ഷേത്രം, വടശേരിക്കര ചെറുകാവ് ദേവീക്ഷേത്രം, പ്രയാർ മഹാവിഷ്ണു ക്ഷേത്രം, കൊട്ടാരത്തിൽ രാജരാജേശ്വരീ മണ്ഡപം, ളാഹ വനംവകുപ്പ് സത്രം എന്നിവിടങ്ങളിലാണ് ദർശനം. രാജപ്രതിനിധിയ്ക്ക് ഉടവാൾ കൈമാറിയ ശേഷം ഗുരുസ്വാമി കുളത്തിനാൽ ഗംഗാധരൻ പിള്ളയുടെ നേതൃത്വത്തിലുള്ള സംഘം ആഭരണപേടകങ്ങൾ ശിരസിലേറ്റി .തിരുമുഖം അടങ്ങുന്ന പ്രധാന പേടകം ഗുരുസ്വാമിയും, വെള്ളീയാഭരണങ്ങൾ അടങ്ങുന്ന കലശപ്പെട്ടി മരുതമന ശിവൻ പിളളയും, കൊടി​യും ജീവി​തയുമടങ്ങുന്ന കൊടി​പ്പെട്ടി​ കി​ഴക്കേത്തോട്ടത്തി​ൽ ബി​.പ്രതാപചന്ദ്രൻ നായരുമാണ് ശി​രസി​ലേറ്റുക.

ന്യൂഡൽഹി ; ഇന്ത്യയുടെ റിപ്പബ്ലിക് ദിനാഘോഷത്തിൽ മുഖ്യാതിഥിയായി ഇന്തോനേഷ്യൻ പ്രസിഡൻ്റ് പ്രബോവോ സുബിയാന്തോ പങ്കെടുക്കും. ഇന്ത്യ നടത്തിയ ചർച്ചകൾക്ക് ശേഷം ഇന്ത്യയിൽ നിന്ന് നേരിട്ട് പാകിസ്ഥാനിലേക്ക് പോകാനുള്ള പദ്ധതി അദ്ദേഹം മാറ്റിവച്ചു. ഇന്ത്യക്ക് ശേഷം പ്രബോവോ പാകിസ്ഥാൻ സന്ദർശിക്കുമെന്ന് നേരത്തെ റിപ്പോർട്ടുകളുണ്ടായിരുന്നു. ഇതിനെതിരെ ഇന്ത്യ എതിർപ്പ് പ്രകടിപ്പിച്ചിരുന്നു. എന്നാൽ, ഇപ്പോൾ പാക്കിസ്ഥാന് പകരം മലേഷ്യ സന്ദർശിക്കാനാണ് ഇന്തോനേഷ്യൻ പ്രസിഡന്റിന്റെ തീരുമാനം. ഇത് മൂന്നാം തവണയാണ് ഇന്ത്യ ഇന്തോനേഷ്യൻ പ്രസിഡൻ്റിനെ റിപ്പബ്ലിക് ദിനത്തിന് ക്ഷണിക്കുന്നത്.എല്ലാ വർഷവും റിപ്പബ്ലിക് ദിനാഘോഷത്തിൽ പങ്കെടുക്കാൻ ലോകനേതാക്കളെ ഇന്ത്യ ക്ഷണിക്കാറുണ്ട്. കഴിഞ്ഞ വർഷം ഫ്രഞ്ച് പ്രസിഡൻ്റ് ഇമ്മാനുവൽ മാക്രോൺ മുഖ്യാതിഥിയായി എത്തിയിരുന്നു. 2023ൽ ഈജിപ്ഷ്യൻ പ്രസിഡൻ്റ് അബ്ദുൽ ഫത്താഹ് അൽ സിസി ഇന്ത്യയിലെത്തി . ഇന്ത്യയുടെ ആദ്യ റിപ്പബ്ലിക് ദിന പരേഡിലെ ആദ്യ മുഖ്യാതിഥി ഇന്തോനേഷ്യൻ പ്രസിഡൻ്റ് സുകാർണോ ആയിരുന്നു. 2018ൽ അന്നത്തെ പ്രസിഡൻ്റ് വിഡോഡോയും അദ്ദേഹത്തോടൊപ്പം മറ്റ് 9 ആസിയാൻ അംഗരാജ്യങ്ങളുടെ നേതാക്കളും റിപ്പബ്ലിക് ദിനാഘോഷത്തിൽ പങ്കെടുത്തു.…

ന്യൂഡൽഹി; നിയമസഭാ തെരഞ്ഞെടുപ്പിൽ മത്സരിക്കാൻ ജനങ്ങളോട് ധനസഹായം ആവശ്യപ്പെട്ട് ഡൽഹി മുഖ്യമന്ത്രി അതിഷി . തിരഞ്ഞെടുപ്പിൽ മത്സരിക്കാൻ ക്രൗഡ് ഫണ്ടിംഗ് ആവശ്യമാണെന്നും അതിഷി പറഞ്ഞു. തിരഞ്ഞെടുപ്പിൽ മത്സരിക്കാൻ 40 ലക്ഷം രൂപ വേണം. 100 രൂപ മുതൽ 1000 രൂപ വരെ നൽകി ആളുകൾക്ക് ഞങ്ങളെ തെരഞ്ഞെടുപ്പിൽ മത്സരിക്കാൻ സഹായിക്കാനാകും. ഡൽഹിയിലെ ജനങ്ങൾ ആം ആദ്മി പാർട്ടിയെ പിന്തുണച്ചിട്ടുണ്ടെന്നും തിരഞ്ഞെടുപ്പിൽ മത്സരിക്കാൻ ഞങ്ങൾക്ക് സംഭാവനകൾ നൽകിയിട്ടുണ്ടെന്നും അതിഷി പറഞ്ഞു. ആളുകളുടെ ചെറിയ സംഭാവനകളാണ് തിരഞ്ഞെടുപ്പിൽ മത്സരിക്കാനും വിജയിക്കാനും ഞങ്ങളെ സഹായിച്ചത്. 10 രൂപ മുതൽ 100 ​​രൂപ വരെയുള്ള ചെറിയ തുക നൽകിയാണ് ഡൽഹിയിലെ പാവപ്പെട്ട ജനങ്ങൾ ഞങ്ങളെ പിന്തുണച്ചത്. രാജ്യത്തിൻ്റെ വിവിധ ഭാഗങ്ങളിൽ നിന്നുള്ള ആളുകൾ ഞങ്ങൾക്ക് സംഭാവന നൽകിയിട്ടുണ്ട്. കോർപ്പറേറ്റുകളിൽ നിന്നോ മുതലാളിമാരിൽ നിന്നോ പണം ചോദിക്കാത്ത എഎപിയുടെ സത്യസന്ധമായ രാഷ്ട്രീയമാണിത്. മറ്റ് സ്ഥാനാർത്ഥികളും പാർട്ടികളും വൻകിട ഭീമന്മാരിൽ നിന്ന് ഫണ്ട് വാങ്ങുകയും പിന്നീട് അവർക്ക് വേണ്ടി പ്രവർത്തിക്കുകയും…

തിരുവനന്തപുരം: നെയ്യാറ്റിന്‍കരയില്‍ വയോധികന്‍ സമാധി ആയെന്ന വിവാദത്തില്‍ മൃതദേഹം പുറത്തെടുത്ത് പോസ്റ്റ്‌മോര്‍ട്ടം നടത്താൻ തീരുമാനം. സന്യാസിയായ പിതാവ് സമാധിയായെന്നാണ് മക്കള്‍ പറയുന്നത്.നാട്ടുകാരുടെ പരാതിയെ തുടർന്ന് സമാധി പൊളിച്ച് മൃതദേഹം പുറത്തെടുക്കാനുള്ള നീക്കത്തിലാണ് പോലീസ്. ആറാലുമൂട് ചന്തയ്ക്ക് എതിർവശം കാവുവിളാകം കൈലാസനാഥക്ഷേത്രം സ്ഥാപകൻ കാവുവിളാകം സിദ്ധൻ വീട്ടിൽ മണിയൻ എന്ന ഗോപൻസ്വാമി (69) യുടെ മരണത്തിലാണ് നാട്ടുകാര്‍ സംശയമുന്നയിക്കുന്നത്. ഗോപന്‍ സ്വാമി കുറച്ചുനാളുകളായി രോഗബാധിതനായി കിടപ്പിലായിരുന്നു. നെയ്യാറ്റിന്‍കര സ്വദേശി ഗോപന്‍ സമാധിയായെന്ന് അറിയിച്ചുളള പോസ്റ്റുകള്‍ പ്രദേശത്ത് കഴിഞ്ഞ ദിവസമാണ് മക്കള്‍ പതിച്ചത്. ഇതിന് മുമ്പ് രണ്ട് ആണ്‍ മക്കള്‍ ചേര്‍ന്ന് മൃതദേഹം സമാധിയിരുത്തി അടക്കം ചെയ്തിരുന്നുവെന്നും വീട്ടുകാര്‍ പറയുന്നു. പോസ്റ്റര്‍ കണ്ടതോടെ മരണം കൊലപാതകമെന്ന് ആരോപിച്ച് നാട്ടുകാര്‍ രംഗത്തെത്തി. ഈ സാഹചര്യത്തിലാണ് മൃതദേഹം പുറത്തെടുത്ത് പോസ്റ്റുമോര്‍ട്ടം നടത്താന്‍ പൊലീസ് ഒരുങ്ങുന്നത്.നിലവില്‍ ആളെ കാണാതായതിനാണ് കേസെടുത്തിട്ടുളളത്. എന്നാല്‍, അച്ഛന്‍ സമാധിയായശേഷം പൂജാദ്രവ്യങ്ങളെല്ലാം വാങ്ങികൊണ്ടുവന്നുവെന്ന് ഗോപന്റെ മകന്‍ പറഞ്ഞു. പകല്‍ സമയത്താണ് ഇതെല്ലാം ചെയ്തത്. സുഗന്ധ…