കോഴിക്കോട് : കുന്ദമംഗലത്ത് യുവതിയുടെ മൊബൈൽ ഫോൺ പൊട്ടിത്തെറിച്ചു . ചാർജ് ചെയ്യാൻ ഇട്ടിരുന്ന ഫോണാണ് പൊട്ടിത്തെറിച്ചത്.
പയ്യാമ്പ്ര പുറ്റുമണ്ണിൽ താഴത്തിനടുത്ത് മണിയഞ്ചേരി പൊയിലിൽ സുനിൽകുമാറിന്റെ ഭാര്യ അനൂജയുടെ ഫോണാണ് പൊട്ടിത്തെറിച്ചത്. ഇന്നലെ രാത്രി 7 മണിയോടെയായിരുന്നു അപകടം ഉണ്ടായത് . അപകടത്തിൽ ആർക്കും പരിക്കില്ല.
പതിനാലായിരത്തോളം രൂപ വിലയുള്ള സ്മാർട്ട്ഫോൺ ആണ് പൊട്ടിത്തെറിച്ചത്.
ഫോണിനു സമീപം വച്ചിരുന്ന 500 രൂപയുടെ രണ്ട് നോട്ടുകളും ഭാഗികമായി കത്തിനശിച്ചു.
കുടുംബശ്രീയിൽ അടയ്ക്കാനായി വച്ചിരുന്ന പണമാണ് കത്തി നശിച്ചതെന്നും അനൂജ പറഞ്ഞു.
Discussion about this post
