തിരുവനന്തപുരം: സംസ്ഥാനത്ത് ജൂണ് ഒന്പത് അര്ദ്ധരാത്രി മുതല് ജൂലൈ 31 അര്ദ്ധരാത്രി വരെയുള്ള 52 ദിവസം ട്രോളിംഗ് നിരോധനം ഏര്പ്പെടുത്തും. അതിന്റെ ഭാഗമായി എല്ലാ തീരദേശ ജില്ലകളിലും 24 മണിക്കൂറും പ്രവര്ത്തിക്കുന്ന കണ്ട്രോള് റൂമുകള് പ്രവര്ത്തനം ആരംഭിച്ചിട്ടുണ്ട്.
ട്രോളിംഗ് നിരോധന സമയത്ത് രക്ഷാപ്രവര്ത്തനങ്ങള്ക്കും പട്രോളിങ്ങിനുമായി 9 തീരദേശ ജില്ലകളിലായി 19 സ്വകാര്യ ബോട്ടുകള് വാടകയ്ക്ക് എടുക്കും. കൂടാതെ വിഴിഞ്ഞം വൈപ്പിന് ബേപ്പൂര് എന്നീ ഫിഷറീസ് സ്റ്റേഷനുകള് കേന്ദ്രീകരിച്ച് മൂന്ന് മറൈന് ആംബുലന്സുകളും പ്രവര്ത്തിക്കും. കഴിഞ്ഞവര്ഷം നിരോധനം നടപ്പാക്കാന് സ്വീകരിച്ച നടപടികള് കൂടുതല് കാര്യക്ഷമമായി ഈ വര്ഷവും നടപ്പിലാക്കും.
അതേസമയം, കേരളതീരത്ത് കപ്പൽ മുങ്ങിയതുമായി ബന്ധപ്പെട്ട് പ്രചരിക്കുന്ന വാർത്തകളിൽ ഏറെയും അടിസ്ഥാനരഹിതമാണെന്ന് ഫിഷറീസ്- സാംസ്കാരിക വകുപ്പ് മന്ത്രി സജി ചെറിയാൻ വ്യക്തമാക്കി. നിലവിൽ ആശങ്കപ്പെടേണ്ട സാഹചര്യമില്ല, ജാഗ്രത മതിയെന്നും മന്ത്രി പറഞ്ഞു
