ന്യൂഡൽഹി ; ‘ ഓപ്പറേഷൻ സിന്ദൂർ’ രാജ്യത്തെ പെൺകുട്ടികൾക്ക് സമർപ്പിച്ച് പ്രധാനമന്ത്രി നരേന്ദ്രമോദി .
‘ ഇന്ത്യ ധീരതയും സംയമനവും കണ്ടിട്ടുണ്ട്. ബുദ്ധിശക്തിക്കും, ധീരരായ സൈനികർക്കും, ശാസ്ത്രജ്ഞർക്കും അഭിവാദ്യം. ധീര സൈന്യത്തിന് എന്റെ സല്യൂട്ട്. ‘ഓപ്പറേഷൻ സിന്ദൂർ’ രാജ്യത്തെ പെൺകുട്ടികൾക്കായി സമർപ്പിച്ചിരിക്കുന്നു. പഹൽഗാം ആക്രമണം ക്രൂരവും കിരാതവുമായിരുന്നു. വിനോദസഞ്ചാരികളെ അവരുടെ കുടുംബങ്ങളുടെ മുന്നിൽ വെച്ച് കൊലപ്പെടുത്തി. പെൺകുട്ടികളുടെ സിന്ദൂരം തുടച്ചുമാറ്റിയ ഭീകരർ ഇപ്പോൾ അറിയപ്പെടുന്നു. നീതിയോടുള്ള അചഞ്ചലമായ പ്രതിബദ്ധതയാണ് ഓപ്പറേഷൻ സിന്ദൂർ ‘- അദ്ദേഹം പറഞ്ഞു.
ഇന്ത്യൻ പെൺകുട്ടികളുടെ മുഖത്ത് നിന്ന് സിന്ദൂരം നീക്കം ചെയ്യുന്നതിന്റെ അനന്തരഫലങ്ങൾ എന്താണെന്ന് എല്ലാ തീവ്രവാദ സംഘടനകൾക്കും അറിയാം. ഓപ്പറേഷൻ സിന്ദൂർ ഇത്ര കഠിനമായിരിക്കുമെന്ന് ശത്രുക്കൾ ഒരിക്കലും കരുതിയിരുന്നില്ല. രാജ്യം ഒന്നിച്ചു നിൽക്കുമ്പോഴാണ് ഇത്തരം കർശന നടപടികൾ സ്വീകരിക്കാൻ കഴിയുക.
രാജ്യത്തെ ജനങ്ങൾക്കും അമ്മമാർക്കും വേണ്ടി ഞാൻ ഓപ്പറേഷൻ സിന്ദൂർ സമർപ്പിക്കുന്നു. അവധിക്കാലത്ത് പഹൽഗാമിൽ ആളുകൾ കുടുംബത്തോടൊപ്പം സമയം ചെലവഴിക്കുകയായിരുന്നു. ഇവിടെ വന്ന തീവ്രവാദികൾ, മതത്തെക്കുറിച്ച് ചോദിച്ചു, കുടുംബങ്ങളുടെ മുന്നിൽ വെച്ച് അവരെ കൊന്നു. ഭാര്യയുടെയും കുട്ടികളുടെയും മുന്നിൽ വെച്ചാണ് അവർ ക്രൂരമായി കൊല്ലപ്പെട്ടത്. ഇതിലൂടെ രാജ്യത്തിന്റെ ഐക്യം തകർക്കാൻ ശ്രമിച്ചു. അതിനുശേഷം, രാജ്യത്തെ മുഴുവൻ ജനങ്ങളും ഭീകരാക്രമണത്തിന് പ്രതികാരം ചെയ്യണമെന്ന് ഒറ്റക്കെട്ടായി ആവശ്യപ്പെട്ടു. ഭീകരതയെ വേരോടെ പിഴുതെറിയുമെന്ന് ഞങ്ങൾ രാജ്യത്തെ ജനങ്ങൾക്ക് വാഗ്ദാനം ചെയ്തിട്ടുണ്ട്. നമ്മുടെ രാജ്യത്തെ സ്ത്രീകളുടെ സിന്ദൂരം നീക്കം ചെയ്താൽ എന്ത് സംഭവിക്കുമെന്ന ചോദ്യത്തിന് ഓപ്പറേഷൻ സിന്ദൂരിലൂടെ ഉത്തരം ലഭിച്ചിരിക്കുന്നു.- മോദി പറഞ്ഞു .
