ന്യൂഡൽഹി: പ്രതിപക്ഷ നേതാവ് രാഹുൽ ഗാന്ധിയുടെ “വോട്ട് ചോറി” ആരോപണങ്ങൾ അടിസ്ഥാനരഹിതമാണെന്ന് മുതിർന്ന ബിജെപി നേതാവ് അനുരാഗ് താക്കൂർ . ഡൽഹിയിലെ ബിജെപി ആസ്ഥാനത്ത് വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം .
“രാഹുൽ ഗാന്ധിയുടെ നേതൃത്വത്തിൽ കോൺഗ്രസ് ഏകദേശം 90 തിരഞ്ഞെടുപ്പുകളിൽ പരാജയപ്പെട്ടു. അദ്ദേഹത്തിന്റെ നിരാശ ദിനംപ്രതി വർദ്ധിച്ചുവരികയാണ്. ആരോപണങ്ങളുടെ രാഷ്ട്രീയം കോൺഗ്രസ് അലങ്കാരമാക്കിയിരിക്കുന്നു. തെറ്റായതും അടിസ്ഥാനരഹിതവുമായ ആരോപണങ്ങൾ ഉന്നയിക്കുന്നത് രാഹുൽ ഗാന്ധിയുടെ ശീലമായി മാറിയിരിക്കുന്നു” അനുരാഗ് താക്കൂർ പറഞ്ഞു.
രാഹുൽ ഒരു ഹൈഡ്രജൻ ബോംബ് ഇടാൻ ആഗ്രഹിച്ചു, പക്ഷേ ഒടുവിൽ കത്തിച്ചത് കമ്പിത്തിരിയാണ്, പക്ഷേ അത് പോലും പരാജയപ്പെട്ടു. കോടതിയുടെ ശാസനകൾ രാഹുൽ ഗാന്ധിക്ക് അപരിചിതമല്ല . ക്ഷമാപണം ചോദിക്കുന്നതും കോടതികളിൽ നിന്ന് ശാസന സ്വീകരിക്കുന്നതും രാഹുൽ ഗാന്ധിയുടെ പതിവായി മാറിയിരിക്കുന്നു.‘ എന്നും താക്കൂർ പറഞ്ഞു.
തിരഞ്ഞെടുപ്പിൽ കൃത്രിമം നടത്തിയെന്ന പ്രതിപക്ഷത്തിന്റെ ആരോപണങ്ങളെത്തുടർന്ന് രാഷ്ട്രീയ സംഘർഷങ്ങൾ രൂക്ഷമായ സാഹചര്യത്തിലാണ് അനുരാഗ് താക്കൂറിന്റെ പ്രസ്താവന . സോഫ്റ്റ്വെയർ ഉപയോഗിച്ച് ആറായിരത്തോളം പേരുടെ വോട്ടുകൾ ഇല്ലാതാക്കിയെന്നായിരുന്നു രാഹുലിന്റെ ആരോപണം.
സംസ്ഥാനത്തിന് പുറത്തുനിന്നുള്ള വ്യാജ ലോഗിനുകളും ഫോൺ നമ്പറുകളും ഉപയോഗിച്ചാണ് ഈ വോട്ടർ ഐഡികൾ ഇല്ലാതാക്കിയത് . വ്യക്തികളല്ല, മറിച്ച് സോഫ്റ്റ്വെയർ ഉപയോഗിച്ചാണ് ഈ വോട്ടർ ഐഡികൾ ഇല്ലാതാക്കിയത്. കർണാടകയിലെ ഒരു മണ്ഡലമാണ് ആലന്ദ്. ആരോ 6,018 വോട്ടുകൾ ഇല്ലാതാക്കാൻ ശ്രമിച്ചു. 2023 ലെ തിരഞ്ഞെടുപ്പിൽ ആലന്ദിൽ എത്ര വോട്ടുകൾ ഇല്ലാതാക്കിയെന്നും രാഹുൽ പറഞ്ഞിരുന്നു.
