ബെൽഫാസ്റ്റ്: വടക്കൻ അയർലൻഡിൽ ഈ വാരം അസ്ഥിര കാലാവസ്ഥയായിരിക്കുമെന്ന് പ്രവചിച്ച് മെറ്റ് ഐറാൻ. ഇന്ന് പകൽ പൊതുവെ വരണ്ട തെളിഞ്ഞ കാലാവസ്ഥ ആയിരിക്കും അനുഭവപ്പെടുക. എന്നാൽ വൈകുന്നേരമാകുമ്പോഴേയ്ക്കും കാലാവസ്ഥയിൽ മാറ്റം ഉണ്ടാകും. നേരിയ മഴ ലഭിക്കാനാണ് സാധ്യതയെന്നും മെറ്റ് ഐറാൻ വ്യക്തമാക്കി. ഇന്ന് 18 ഡിഗ്രി സെൽഷ്യസ് ആയിരിക്കും ഏറ്റവും ഉയർന്ന താപനില.
നാളെ മുതൽ മഴ സജീവമാകും. നാളെ മുതൽ വ്യാഴാഴ്ചവരെ പകലും വൈകുന്നേരങ്ങളിലും ചാറ്റൽ മഴ അനുഭവപ്പെടും. ചില ഒറ്റപ്പെട്ടയിടങ്ങളിൽ മഴ ശക്തമാകും. അതേസമയം ഒറ്റപ്പെട്ടയിടങ്ങളിൽ വരണ്ട, തെളിഞ്ഞ കാലാവസ്ഥ തുടരും. ചില സമയങ്ങളിൽ കാറ്റിന് സാധ്യതയുണ്ട്.
Discussion about this post
