ഡബ്ലിൻ: അയർലൻഡിൽ വരും ദിവസങ്ങളിൽ ശക്തമായ മഴ ലഭിക്കുമെന്ന മുന്നറിയിപ്പുമായി മെറ്റ് ഐറാൻ. പുലർച്ചെ സമയങ്ങളിലും വൈകുന്നേരങ്ങളിലുമായിരിക്കും മഴ ലഭിയ്ക്കുക. മഴയ്ക്കൊപ്പം ശക്തമായ കാറ്റും ഇടിമിന്നലും ഉണ്ടാകാം.
ഇന്ന് രാവിലെ രാജ്യത്തിന്റെ കിഴക്ക് ഭാഗത്ത് തെളിഞ്ഞ കാലാവസ്ഥയായിരിക്കും അനുഭവപ്പെടുക. അതേസമയം പടിഞ്ഞാറ് ഭാഗത്ത് ചാറ്റൽ മഴ ഉണ്ടാകും. രാവിലെയും ഉച്ചയ്ക്ക് ശേഷവും ഇടവിട്ട് മഴ ലഭിക്കും. ചിലയിടങ്ങളിൽ മഴ ശക്തമാകും. 15 ഡിഗ്രി സെൽഷ്യസിനും 19 ഡിഗ്രി സെൽഷ്യസിനും ഇടയിൽ ആകും താപനില രേഖപ്പെടുത്തുക. തെക്ക്-പടിഞ്ഞാറ് ഭാഗത്ത് നല്ല തണുത്ത കാറ്റിനും സാധ്യതയുണ്ട്.
Discussion about this post
