ഡബ്ലിൻ: ആമി കൊടുങ്കാറ്റിന് പിന്നാലെ അയർലൻഡിലെ കാലാവസ്ഥ ശാന്തമാകുന്നു. ഈ വാരം പൊതുവെ വരണ്ട സ്ഥിരതയുള്ള കാലാവസ്ഥ ആയിരിക്കും അനുഭവപ്പെടുകയെന്നാണ് മെറ്റ് ഐറാൻ പ്രവചിക്കുന്നത്. അയർലൻഡിന് മുകളിലായി ഉയർന്ന മർദ്ദം രൂപപ്പെടാൻ സാധ്യതയുണ്ടെന്നും മെറ്റ് ഐറാൻ പ്രവചിക്കുന്നു.
നാളെ രാജ്യത്തിന്റെ വടക്കൻ മേഖലയിൽ പൊതുവെ കാർമേഘം മൂടിയ കാലാവസ്ഥയായിരിക്കും അനുഭവപ്പെടുക. നേരിയ തോതിൽ ചാറ്റൽ മഴ ലഭിക്കാം. എന്നാൽ ഉച്ചയോടെ സ്ഥിതി മാറും. നല്ല തെളിഞ്ഞ കാലാവസ്ഥയായിരിക്കും ഉച്ച സമയങ്ങളിൽ അനുഭവപ്പെടുക. 15 മുതൽ 18 ഡിഗ്രിവരെ ആയിരിക്കും അന്തരീക്ഷ താപനില അനുഭവപ്പെടുക.
Discussion about this post
