വിക്ലോ: കൗണ്ടി വിക്ലോയിൽ ലഹരി കേസുമായി ബന്ധപ്പെട്ട് അഞ്ച് പേർ അറസ്റ്റിൽ. വിക്ലോയുടെ വിവിധ ഭാഗങ്ങളിൽ നടത്തിയ പരിശോധനയിലാണ് ഇവരെ പിടികൂടിയത്. ഇവരുടെ പക്കൽ നിന്നും ലഹരിവസ്തുക്കളും തോക്കുകളും പിടിച്ചെടുത്തിട്ടുണ്ട്.
ഡിക്റ്റെറ്റീവ് യൂണിറ്റ്, റോഡ്സ് പോലീസിംഗ് യൂണിറ്റ്, ഗാർഡ ആംഡ് സപ്പോർട്ട് യൂണിറ്റ്, എയർ സപ്പോർട്ട് യൂണിറ്റ് എന്നിവ ചേർന്നാണ് പരിശോധന നടത്തിയത്. വെള്ളിയാഴ്ച രാവിലെ മുതൽ 13 പ്രദേശങ്ങളിൽ ആയിരുന്നു പരിശോധന. ലഹരി പരിശോധനകൾ കൂടുതൽ ശക്തമാക്കുന്നതിന്റെ ഭാഗമായി 80 ഓളം ചെക്പോയിന്റുകൾ പോലീസ് സ്ഥാപിച്ചിട്ടുണ്ട്.
Discussion about this post
