ലിമെറിക്ക്: അയർലൻഡിൽ രണ്ടിടങ്ങളിലായി ലഹരി വേട്ട. മൂന്ന് ലക്ഷത്തിലധികം യൂറോ വിലമതിയ്ക്കുന്ന ലഹരി വസ്തുക്കൾ പിടികൂടി. സംഭവത്തിൽ രണ്ട് പേരെ പോലീസ് അറസ്റ്റ് ചെയ്തിട്ടുണ്ട്.
ലിമെറിക്കിലെ ബ്രൂറിയിലുള്ള വീട്ടിലും കോർക്കിലെ ചാർലെവില്ലെയിലുള്ള വീട്ടിലും ആയിരുന്നു പരിശോധന. ബ്രൂറിയിലുള്ള വീട്ടിൽ നിന്നും കഞ്ചാവ്, കൊക്കെയ്ൻ, സനാക്സ് ഗുളികകൾ, ആംഫെറ്റാമൈനുകൾ എന്നിവ പിടിച്ചെടുത്തു. ചാർലെവില്ലെയിലുള്ള വീട്ടിൽ നടത്തിയ തുടർ പരിശോധനയിൽ കൊക്കെയ്ൻ, കഞ്ചാവ്, തൂക്ക തുലാസുകൾ, മയക്കുമരുന്ന് സാമഗ്രികൾ എന്നിവയാണ് പിടിച്ചെടുത്തത്. 30 വയസ്സുള്ള സ്ത്രീയും 40 വയസ്സുള്ള പുരുഷനുമാണ് സംഭവത്തിൽ അറസ്റ്റിലായിരിക്കുന്നത് എന്നാണ് പോലീസ് പറയുന്നത്.
Discussion about this post
