ഗാൽവെ: കൗണ്ടി ഗാൽവെയിൽ വാഹനാപകടത്തിൽ യുവാവ് മരിച്ചു. ഇന്നലെ രാവിലെ മിൽടൗണിലെ എൻ 17 ൽ ആയിരുന്നു സംഭവം. 20 വയസ്സുള്ള യുവാവാണ് മരിച്ചത്. സംഭവത്തിൽ പോലീസ് അന്വേഷണം ആരംഭിച്ചു.
കാറും വാനും കൂട്ടിയിടിച്ച് ആയിരുന്നു അപകടം. യുവാവ് ആയിരുന്നു കാറോടിച്ചിരുന്നത്. അപകടത്തിൽ പരിക്കേറ്റ 20 കാരൻ സംഭവ സ്ഥലത്ത് തന്നെ മരിക്കുകയായിരുന്നു. രാവിലെ എട്ട് മണിയോടെയാണ് പോലീസിന് അപകടം സംബന്ധിച്ച വിവരം ലഭിച്ചത്. പോലീസ് എത്തി മൃതദേഹം ആശുപത്രിയിലേക്ക് മാറ്റി. യൂണിവേഴ്സിറ്റി ഹോസ്പിറ്റൽ ഗാൽവെയിൽ ആണ് യുവാവിന്റെ മൃതദേഹം ഉള്ളത്. പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് കൈമാറും.
Discussion about this post
