ഫെർമനാഗ്: കൗണ്ടി ഫെർമനാഗിൽ ഉണ്ടായ വാഹനാപകടത്തിൽ കൊല്ലപ്പെട്ടവരുടെ പേര് വിവരങ്ങൾ പുറത്ത്. 42 വയസ്സുള്ള മൈക്കിൾ ലിസെക്കി, 25 വയസ്സുള്ള ആദം ടെലസ് എന്നിവരാണ് കൊല്ലപ്പെട്ടത്. ഇരുവരും ഗാൽവെ സ്വദേശികളാണ്. കഴിഞ്ഞ മാസം 28 നാണ് ഫെർമനാഗിൽ കാറും ബസും കൂട്ടിയിടിച്ച് അപകടം ഉണ്ടായത്.
പിഎസ്എൻഐ ഉദ്യോഗസ്ഥരാണ് പേര് വിവരങ്ങൾ പുറത്തുവിട്ടത്. എനിസ്കില്ലെനിലെ ഡെറിലിൻ റോഡിൽ വെച്ചായിരുന്നു കൂട്ടിയിടി ഉണ്ടായത്. അപകടത്തിൽ സാരമായി പരിക്കേറ്റ ഇരുവരും സംഭവ സ്ഥലത്ത് തന്നെ മരിച്ചു. സംഭവത്തിൽ പോലീസ് അന്വേഷണം പുരോഗമിക്കുകയാണ്.
Discussion about this post
