കോർക്ക്: കൗണ്ടി കോർക്കിൽ യുവാവിനെ മരിച്ച നിലയിൽ കണ്ടെത്തിയ സംഭവത്തിൽ അറസ്റ്റിലായ കൗമാരക്കാരനെതിരെ കുറ്റം ചുമത്തി കോടതി. കൊലക്കുറ്റമാണ് 16 കാരനെതിരെ ചുമത്തിയത്. അറസ്റ്റിന് പിന്നാലെ ഇന്നലെ രാവിലെ കുട്ടിയെ മിഡിൽട്ടൺ ജില്ലാ കോടതിയിൽ ഹാജരാക്കിയിരുന്നു.
ഡൊണറൈൽ സ്വദേശി ബെറി ഡെലിയുടെ കൊലപാതകത്തിലാണ് നടപടി. ഞായറാഴ്ചയാണ് ബെറിയെ വീടിന് പുറത്ത് മരിച്ച നിലയിൽ കണ്ടെത്തിയത്. സംഭവത്തിൽ ഒരു യുവാവും രണ്ട് കൗമാരക്കാരുമാണ് ഇതുവരെ അറസ്റ്റിലായത്. ഇവരെ വിശദമായി ചോദ്യം ചെയ്തുവരികയാണ്.
Discussion about this post
