ആയുർവേദത്തിലും ഹോമിയോപ്പതിയിലും കറ്റാർ വാഴ ഔഷധമായി ഉപയോഗിക്കുന്നുണ്ട് . ത്വക്ക് രോഗങ്ങൾക്കുള്ള നല്ല പ്രതിവിധിയാണ് ഇത് . മുടി വളരാന്‍ ബെസ്റ്റാണ് കറ്റാര്‍വാഴ എന്ന് എല്ലാവര്‍ക്കും അറിയാം. മാത്രമല്ല മുഖം തിളക്കം കൂട്ടാനും ദഹനത്തിനുമെല്ലാം കറ്റാര്‍വാഴ ഉപയോഗിച്ചു വരുന്നു. പുരാതന ചികിത്സാരീതികളില്‍ കറ്റാര്‍വാഴയുടെ നീര് പല ആരോഗ്യപ്രശ്നങ്ങള്‍ക്കുമുള്ള ഉത്തമ ഔഷധമായി പറയുന്നു.
എന്നാൽ അസംസ്കൃത കറ്റാർ വാഴ ജെൽ എല്ലാവർക്കും അനുയോജ്യമല്ല . ശരിയായ രീതിയിൽ അല്ലാതെ ഇത് മുഖത്ത് നേരിട്ട് പുരട്ടുന്നത് പാർശ്വഫലങ്ങൾക്ക് കാരണമാകും. ഓരോരുത്തരുടെയും ചർമ്മത്തിൻ്റെ രീതികൾ വ്യത്യസ്തമാണ്, മാത്രമല്ല പ്രകൃതിദത്തമായ എല്ലാം എല്ലാ ചർമ്മത്തിനും അനുയോജ്യമാകണമെന്നില്ല. കറ്റാർ വാഴ ജെല്ലിനും ഇത്തരത്തിൽ പാർശ്വഫലങ്ങൾ ഉണ്ട്, ഇത് നിങ്ങളുടെ ചർമ്മത്തിന് ദോഷം ചെയ്യും.
കറ്റാർ വാഴയിൽ അടങ്ങിയിരിക്കുന്ന ലാറ്റെക്സ് ചിലരുടെ ചർമ്മത്തിൽ അലർജിക്ക് കാരണമാകും. കറ്റാർ വാഴ ജെൽ പുരട്ടുന്നത് മുഖത്ത് ചൊറിച്ചിൽ, ചുവപ്പ് അല്ലെങ്കിൽ വീക്കം തുടങ്ങിയ പ്രശ്നങ്ങൾക്ക് കാരണമാകും. ഈ ലക്ഷണങ്ങൾ കണ്ടാൽ ഉടൻ തന്നെ ഇത് ഉപയോഗിക്കുന്നത് നിർത്തുക.
അസംസ്കൃത കറ്റാർ വാഴയിൽ ചില പ്രകൃതിദത്ത എൻസൈമുകൾ അടങ്ങിയിട്ടുണ്ട്, ഇത് സെൻസിറ്റീവ് ചർമ്മത്തിൽ നേരിട്ട് പുരട്ടുന്നത് ചർമ്മത്തിൽ നേരിയ പൊള്ളലോ അലർജിയോ ഉണ്ടാക്കും . അതിനാൽ, ഇത് പ്രയോഗിക്കുന്നതിന് മുമ്പ്, ഒരു പാച്ച് ടെസ്റ്റ് നടത്തുക.
കറ്റാർ വാഴ ജെൽ പുരട്ടിയ ശേഷം സൂര്യപ്രകാശമേറ്റാൽ അത് സൂര്യാഘാതത്തിനുള്ള സാധ്യത വർദ്ധിപ്പിക്കും.ചില ആളുകൾക്ക്, കറ്റാർ വാഴ ജെൽ ആവർത്തിച്ച് ചർമ്മത്തിൽ പുരട്ടുന്നത് ഈർപ്പം ഇല്ലാതാക്കുകയും ചർമ്മം വരണ്ടതും നിർജീവവുമാക്കുകയും ചെയ്യും. അതുകൊണ്ട് കറ്റാർവാഴ ജെൽ റോസ് വാട്ടർ, തക്കാളി നീര് അല്ലെങ്കിൽ ചെറുപയർ പൊടി എന്നിവയിൽ കലർത്തി പുരട്ടുക.
