Author: Anu Nair

കൊച്ചി: 2015 നും 2024 നും ഇടയിൽ 18 വയസ്സിന് താഴെയുള്ള കുട്ടികൾക്കെതിരെ എംഡിഎംഎയും കഞ്ചാവും ഉപയോഗിച്ചതിന് 125 കേസുകൾ സംസ്ഥാനത്ത് രജിസ്റ്റർ ചെയ്തു. ഇതിൽ 56 കേസുകൾ എറണാകുളത്ത് നിന്നാണെന്ന് ആഭ്യന്തര വകുപ്പ് സമർപ്പിച്ച റിപ്പോർട്ടിൽ പറയുന്നു. കുട്ടികൾക്കിടയിലെ മയക്കുമരുന്ന് ഉപയോഗം എങ്ങനെ തടയാമെന്ന് വിശദീകരിക്കാൻ കൊച്ചി സിറ്റി പോലീസ് കമ്മീഷണർ നേരിട്ട് ഹാജരാകണമെന്ന് ചീഫ് ജസ്റ്റിസ് നിതിൻ ജാംദാർ, ജസ്റ്റിസ് സി. ജയചന്ദ്രൻ എന്നിവരടങ്ങിയ ബെഞ്ച് നിർദ്ദേശിച്ചു. എറണാകുളം ജില്ലയിൽ പ്രതിരോധ നടപടികൾ ആരംഭിക്കാൻ കോടതി തീരുമാനിച്ചു. അടുത്ത തവണ കേസ് പരിഗണിക്കുമ്പോൾ കമ്മീഷണർ ഹാജരാകണം. കുട്ടികൾക്കിടയിലെ മയക്കുമരുന്ന് ഉപയോഗം തടയാൻ നടപടി ആവശ്യപ്പെട്ടുള്ള പൊതുതാൽപ്പര്യ ഹർജി പരിഗണിക്കുകയായിരുന്നു കോടതി. . സംസ്ഥാന ക്രൈം റെക്കോർഡ്സ് ബ്യൂറോയുടെ കണക്കുകളും സർക്കാർ അവതരിപ്പിച്ചു. ജനമൈത്രി സുരക്ഷാ യോജനയുടെ ഭാഗമായി മയക്കുമരുന്നിന് അടിമകളായ 341 കുട്ടികൾക്ക് കൗൺസിലിംഗ് നൽകിയതായി റിപ്പോർട്ടിൽ പറയുന്നു. 112 കുട്ടികൾക്ക് മയക്കുമരുന്ന് രഹിത ചികിത്സയും 478 കുട്ടികൾക്ക്…

ന്യൂഡൽഹി: അനിൽ അംബാനി നോൺ-എക്‌സിക്യൂട്ടീവ് ചെയർമാനായി സേവനമനുഷ്ഠിച്ച റിലയൻസ് കമ്മ്യൂണിക്കേഷൻസിന്റെ (ആർകോം) അക്കൗണ്ട് തട്ടിപ്പായി തരംതിരിച്ച് റിസർവ് ബാങ്ക് ഓഫ് ഇന്ത്യയെ (ആർബിഐ) അറിയിക്കാൻ സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ) തീരുമാനിച്ചു.കമ്പനി വായ്പാ ഫണ്ട് മറ്റ് ആവശ്യങ്ങൾക്കായി വഴിതിരിച്ചുവിട്ടതായി കണ്ടെത്തിയതിനെ തുടർന്നാണ് ഈ നീക്കം. അനിൽ അംബാനിയുടെ പേരും റിപ്പോർട്ടിൽ ഉൾപ്പെടുത്തുമെന്ന് എസ്‌ബി‌ഐ അറിയിച്ചു. ആർ‌കോമിന് വായ്പ നൽകിയ മറ്റ് ബാങ്കുകളും സമാനമായ നടപടി സ്വീകരിച്ചേക്കുമെന്നാണ് സൂചന. അംബാനിയുടെ ഭാഗം കേൾക്കാതെ എസ്‌ബി‌ഐ ഏകപക്ഷീയമായി പ്രവർത്തിച്ചുവെന്നാണ് എന്നാൽ, അനിൽ അംബാനിയെ പ്രതിനിധീകരിക്കുന്ന അഗർവാൾ ലോ അസോസിയേറ്റ്സ്, ആരോപിച്ചത് . അനിൽ അംബാനി വെറും ഒരു നോൺ-എക്‌സിക്യൂട്ടീവ് ഡയറക്ടർ മാത്രമാണെന്നും കമ്പനിയുടെ ദൈനംദിന പ്രവർത്തനങ്ങളിലോ തീരുമാനമെടുക്കൽ പ്രക്രിയകളിലോ അവർക്ക് പങ്കില്ലെന്നും അഗർവാൾ ലോ അസോസിയേറ്റ്സ് വ്യക്തമാക്കി. വായ്പകൾ നിഷ്‌ക്രിയ ആസ്തികളായി (എൻ‌പി‌എ) മാറിയതിനാൽ, ആർ‌കോം നിലവിൽ ഇൻസോൾവൻസി ആൻഡ് ബാങ്ക്‌റപ്റ്റസി കോഡ് (ഐ‌ബി‌സി) പ്രകാരം പാപ്പരത്ത നടപടികൾ നേരിടുന്നു. കമ്പനി ഇപ്പോൾ…

മാലി : പശ്ചിമാഫ്രിക്കയിലെ മാലിയിൽ നടന്ന ഭീകരാക്രമണത്തിൽ മൂന്ന് ഇന്ത്യക്കാരെ അൽ-ഖ്വയ്ദ ഭീകരർ തട്ടിക്കൊണ്ടുപോയി . സംഭവത്തിൽ ഇന്ത്യ കടുത്ത ആശങ്ക പ്രകടിപ്പിക്കുകയും അവർക്ക് അടിയന്തര സംരക്ഷണം നൽകണമെന്ന് മാലി സർക്കാരിനോട് അഭ്യർത്ഥിക്കുകയും ചെയ്തു. വിദേശകാര്യ മന്ത്രാലയം (എംഇഎ) പുറത്തിറക്കിയ പ്രസ്താവന പ്രകാരം, ജൂലൈ 1 ന്, മാലിയിലെ കെയ്‌സിലുള്ള ഒരു ഡയമണ്ട് സിമന്റ് ഫാക്ടറിയിൽ ചില ആയുധധാരികളായ അക്രമികൾ ആക്രമണം നടത്തുകയും അവിടെ ജോലി ചെയ്യുന്ന മൂന്ന് ഇന്ത്യക്കാരെ തട്ടിക്കൊണ്ടുപോകുകയുമായിരുന്നു. അൽ-ഖ്വയ്ദയുമായി ബന്ധമുള്ള സംഘടനയായ ജമാഅത്ത് നുസ്രത്ത് അൽ-ഇസ്ലാം വാൾ മുസ്ലിമീൻ ആക്രമണത്തിന്റെ ഉത്തരവാദിത്തം ഏറ്റെടുത്തു. മാലിയുടെ തലസ്ഥാനമായ ബമാകോയിലെ ഇന്ത്യൻ എംബസി പ്രാദേശിക അധികാരികൾ, നിയമ നിർവ്വഹണ ഏജൻസികൾ, സിമന്റ് ഫാക്ടറി മാനേജ്മെന്റ് എന്നിവരുമായി നിരന്തരം ബന്ധപ്പെടുന്നുണ്ടെന്ന് വിദേശകാര്യ മന്ത്രാലയം അറിയിച്ചു. തട്ടിക്കൊണ്ടുപോയ ഇന്ത്യക്കാരുടെ കുടുംബങ്ങളെയും സ്ഥിതിഗതികൾ അറിയിച്ചുവരികയാണ്. സംഭവത്തെ ‘അങ്ങേയറ്റം അപലപനീയമായ അക്രമ പ്രവൃത്തി’ എന്ന് വിശേഷിപ്പിച്ച സർക്കാർ, ഇന്ത്യൻ പൗരന്മാരുടെ വേഗത്തിലും സുരക്ഷിതമായും തിരിച്ചുവരവ് ഉറപ്പാക്കാൻ…

കൊച്ചി: ഡാർക്ക്നെറ്റ് ശൃംഖലയിലൂടെ അന്താരാഷ്ട്ര മയക്കുമരുന്ന് വിപണിയിൽ സജീവമായിരുന്ന ദമ്പതികളെ നാർക്കോട്ടിക് കൺട്രോൾ ബ്യൂറോ അറസ്റ്റ് ചെയ്തു. മൂവാറ്റുപുഴ സ്വദേശിയായ എഡിസന്റെ മയക്കുമരുന്ന് വ്യാപാരവുമായി ബന്ധപ്പെട്ട അന്വേഷണത്തിൽ നിന്ന് ലഭിച്ച സൂചനയെ തുടർന്നാണ് ഡിയോളും ഭാര്യ അഞ്ജുവും പിടിയിലായത്. ദമ്പതികൾക്ക് എഡിസണുമായി ബന്ധമില്ലെന്ന് സൂചന. തോട്ടം ഉടമകളായ ദമ്പതികളെ വാഗമണിൽ വെച്ചാണ് അറസ്റ്റ് ചെയ്തത്. പാഴ്സലായി ഇറക്കുമതി ചെയ്ത കെറ്റാമൈൻ എന്ന മരുന്നിന്റെ ചെറിയ ഭാഗങ്ങൾ അവർ ഓസ്ട്രേലിയയിലേക്ക് അയച്ചിരുന്നുവെന്നതാണ് പ്രാഥമിക വിവരം. രണ്ട് വർഷമായി ഇടപാട് നടന്നുവരികയായിരുന്നു. സൈബർ വിദഗ്ധർ അവരുടെ ലാപ്ടോപ്പുകൾ ഉൾപ്പെടെയുള്ള ഇലക്ട്രോണിക് ഉപകരണങ്ങൾ പരിശോധിച്ചുവരികയാണ്. അതേസമയം, എഡിസണും , സുഹൃത്ത് അരുൺ തോമസും എൻസിബി പിടികൂടിയ ‘കെറ്റാമെലോൺ’ കൂടാതെ മറ്റ് സംഘങ്ങളുമായി എന്തെങ്കിലും ബന്ധമുണ്ടോ എന്ന് അന്വേഷിച്ചുവരികയാണ്. എഡിസണിന് മറ്റൊരു അന്താരാഷ്ട്ര മയക്കുമരുന്ന് വ്യാപാര റാക്കറ്റുമായി ബന്ധമുണ്ടെന്ന് സൂചനയുണ്ട്. ലോകത്തിലെ ഏറ്റവും വലിയ കെമിക്കൽ മയക്കുമരുന്ന് മാഫിയകളുമായി കരാറില്ലാതെ വിപുലമായ വ്യാപാരം നടത്താൻ കഴിയില്ലെന്നാണ് അധികൃതർ…

ഇസ്ലാമാബാദ് : ലഷ്‌കർ-ഇ-തൊയ്ബ തലവൻ ഹാഫിസ് സയീദിന്റെ അടുത്ത അനുയായിയും ഭീകരനുമായ മുഫ്തി ഹബീബുള്ള ഹഖാനിയെ അജ്ഞാതർ വെടി വച്ചു കൊലപ്പെടുത്തി .പാകിസ്ഥാനിൽ ദിറിലാണ് സംഭവം. മുഫ്തി ഹബീബുള്ള ഹഖാനിയെ ദിറിൽ അജ്ഞാതരായ അക്രമികൾ ലക്ഷ്യം വച്ചതായി റിപ്പോർട്ടുകൾ പറയുന്നു. സംഭവവുമായി ബന്ധപ്പെട്ട സാഹചര്യങ്ങൾ ഇപ്പോഴും വ്യക്തമല്ല, ആക്രമണകാരികളുടെ ഉദ്ദേശ്യങ്ങളും ഐഡന്റിറ്റികളും കണ്ടെത്താൻ അന്വേഷണം നടക്കുന്നുണ്ട്. കുപ്രസിദ്ധ തീവ്രവാദിയും പാകിസ്ഥാൻ ആസ്ഥാനമായുള്ള ഭീകര സംഘടനയായ ലഷ്‌കർ-ഇ-തൊയ്ബയുടെ തലവനുമായ ഹാഫിസ് സയീദുമായി അടുത്ത ബന്ധമുള്ള മുഫ്തി ഹബീബുള്ള ഹഖാനിയുടെ മരണം ഭീകര സംഘടനയിലെ മറ്റ് ഭീകരരെ ഭയപ്പെടുത്തിയിട്ടുണ്ട്.

ന്യൂഡൽഹി : പ്രധാനമന്ത്രി നരേന്ദ്ര മോദി ഇപ്പോൾ അഞ്ച് രാജ്യങ്ങളിലായി വിദേശ പര്യടനത്തിലാണ്. അദ്ദേഹം ആദ്യം ദക്ഷിണാഫ്രിക്കൻ രാജ്യമായ ഘാനയിലാണ് എത്തിയത് . വ്യാഴാഴ്ച അദ്ദേഹം ഘാന പാർലമെന്റിനെ അഭിസംബോധന ചെയ്തു. ഇതിനിടയിൽ, ഘാന പാർലമെന്റിലെ ചില ദൃശ്യങ്ങൾ സോഷ്യൽ മീഡിയയിൽ വൈറലായി മാറി. പ്രധാനമന്ത്രി നരേന്ദ്രമോദിയെ സ്വാഗതം ചെയ്യാൻ, നിരവധി ഘാന എംപിമാർ ഇന്ത്യൻ വസ്ത്രം ധരിച്ച് പാർലമെന്റിലെത്തി. ചില എംപിമാർ ധോത്തി-കുർത്തയും സാരിയും ധരിച്ചാണ് എത്തിയത്. വനിതാ എംപിമാരും ഇതിൽ പിന്നിലല്ല. വൈറലാകുന്ന വീഡിയോയിൽ, ഒരു വനിതാ എംപി ലെഹങ്ക ധരിച്ച് എത്തിയതും കാണാം. ഇതിൽ, ഒരു എംപി മറ്റുള്ളവരിൽ നിന്ന് വ്യത്യസ്തനായി ഷെർവാനി, തലപ്പാവ് എന്നിവ ധരിച്ച് വരനെപ്പോലെയാണ് പാർലമെന്റിലെത്തിയത് . ഘാന പാർലമെന്റ് സ്പീക്കർ ആ എംപിയെ പരിചയപ്പെടുത്തിയപ്പോൾ, ബാക്കിയുള്ള എംപിമാർ ചിരിക്കുന്നതും വീഡിയോയിൽ കാണാം. ഈ എംപിയെ കണ്ടപ്പോൾ പ്രധാനമന്ത്രി മോദിക്ക് പോലും ചിരി നിർത്താൻ കഴിഞ്ഞില്ലെന്നതും ദൃശ്യങ്ങളിൽ കാണാം. ഇന്നലെ ഘാനയുടെ തലസ്ഥാനമായ…

കോട്ടയം: മെഡിക്കല്‍ കോളേജ് ആശുപത്രിയിലെ കെട്ടിടം തകര്‍ന്നുവീണതിന് പിന്നാലെ തെരച്ചില്‍ വൈകിയതിന്റെ ഉത്തരവാദിത്വം ഏറ്റെടുത്ത് ആശുപത്രി സൂപ്രണ്ട് ഡോ.ടി.കെ.ജയകുമാര്‍. കെട്ടിടാവശിഷ്ടങ്ങളുടെ അടിയില്‍ ആരുമില്ലെന്ന് മന്ത്രിമാരോട് പറഞ്ഞത് താനാണെന്നും അദ്ദേഹം പറഞ്ഞു. അപകടസ്ഥലത്ത് എത്തിയപ്പോള്‍ കിട്ടിയ പ്രാഥമിക വിവരമാണ് മന്ത്രിമാര്‍ക്ക് കൈമാറിയത്. ഈ കെട്ടിടത്തിലെ എല്ലാ സേവനങ്ങളും നിര്‍ത്തിവയ്ക്കാന്‍ കഴിയുമായിരുന്നില്ല.കെട്ടിടത്തിലെ ശൗചാലയം ആളുകള്‍ ഉപയോഗിച്ചിരുന്നു.ഇടയ്ക്ക് പൂട്ടിയിട്ടെങ്കിലും രോഗികളുടെ എണ്ണം വര്‍ധിച്ചതോടെ വീണ്ടും തുറന്നുകൊടുത്തു. കെട്ടിടത്തില്‍നിന്നും ആളുകളെ പൂര്‍ണമായും മാറ്റാനുള്ള നടപടികള്‍ പുരോഗമിക്കുകയായിരുന്നെന്നും സൂപ്രണ്ട് പറഞ്ഞു.കെട്ടിടത്തിന്റെ ബലക്ഷയം ശ്രദ്ധയില്‍പ്പെട്ടിരുന്നു. കെട്ടിടാവശിഷ്ടങ്ങളുടെ അടിയില്‍ ആരുമില്ലെന്ന് സ്ഥലത്തെത്തിയ മന്ത്രിമാരായ വീണ ജോര്‍ജും വാസവനും പറഞ്ഞതോടെയാണ് തെരച്ചില്‍ വൈകിയത്. പിന്നീട് അമ്മയെ കാണാനില്ലെന്ന് ചികിത്സയില്‍ കഴിയുന്ന മകള്‍ പറഞ്ഞതോടെയാണ് അവശിഷ്ടങ്ങള്‍ക്കുളളില്‍ തെരച്ചില്‍ സജീവമാക്കിയത്.

ഷിക്കാഗോയിലെ ഡൗണ്ടൗണിലെ നിശാക്ലബ്ബിന് പുറത്ത് നടന്ന വെടിവയ്പ്പിൽ നാല് പേർ കൊല്ലപ്പെട്ടു . 14 ഓളം പേർക്ക് പരിക്കേറ്റു. വെസ്റ്റ് ചിക്കാഗോ അവന്യൂവിലെ 300 ബ്ലോക്കിൽ ആർട്ടിസ് ലോഞ്ചിൽ നിന്ന് ജനക്കൂട്ടം പുറത്തേക്ക് പോകുമ്പോഴാണ് സംഭവം . റാപ്പർ മെല്ലോ ബക്‌സിന്റെ ആൽബം റിലീസ് പാർട്ടിയ്ക്ക് എത്തിയതാണ് ജനക്കൂട്ടം . നാല് പേർ കൊല്ലപ്പെട്ടതായും, 14 പേരെ ആശുപത്രിയിൽ പ്രവേശിപ്പിച്ചതായും ഷിക്കാഗോ പോലീസ് സ്ഥിരീകരിച്ചു. മൂന്ന് പേരുടെ നില ഗുരുതരമാണ്. 2022 നവംബറിൽ ഹഷ് ലോഞ്ച് എന്ന പേരിൽ വേദി പ്രവർത്തിച്ചിരുന്ന അതേ സ്ഥലത്ത് മറ്റൊരു കൂട്ട വെടിവയ്പ്പും നടന്നിരുന്നു. ക്ലബ്ബിൽ നിന്ന് പുറത്താക്കപ്പെട്ട ഒരു സംഘം പുറത്ത് ഏറ്റുമുട്ടിയതിനെത്തുടർന്ന് ഒരാൾ മരിക്കുകയും മൂന്ന് പേർക്ക് പരിക്കേൽക്കുകയും ചെയ്തിരുന്നു. പിന്നീട് ഹഷ് അടച്ചുപൂട്ടി, അതേ സ്ഥലത്ത് ആർട്ടിസ് ലോഞ്ച് തുറക്കുകയായിരുന്നു.

കോഴിക്കോട്: കേരളത്തിൽ വീണ്ടും നിപ്പ വൈറസ് സ്ഥിരീകരിച്ചു. മലപ്പുറം മങ്കടയിൽ മരിച്ച 17 കാരിയ്ക്കാണ് നിപ്പ സ്ഥിരീകരിച്ചത്. കോഴിക്കോട് മെഡിക്കൽ കോളേജിൽ നടത്തിയ പ്രാഥമിക നിപ്പ പരിശോധനാ ഫലം പോസിറ്റീവ് ആയി. രോഗം സ്ഥിരീകരിക്കുന്നതിനായി സാമ്പിളുകൾ പൂനെയിലെ വൈറോളജി ലാബിലേക്ക് അയച്ചു. കോട്ടക്കലിലെ ഒരു സ്വകാര്യ ആശുപത്രിയിൽ ചികിത്സയിലായിരുന്ന പെൺകുട്ടിയെ ജൂൺ 28 ന് ആരോഗ്യനില വഷളായതിനെ തുടർന്ന് കോഴിക്കോട് മെഡിക്കൽ കോളേജിലേക്ക് മാറ്റി. ജൂലൈ 1 ന് പെൺകുട്ടി മരിച്ചു. പെൺകുട്ടിയുടെ കുടുംബവും, ചികിത്സിച്ച ഡോക്ടർമാരും നിരീക്ഷണത്തിലാണ് . പെൺകുട്ടിക്ക് നേരത്തെ പനി ഉണ്ടായിരുന്നു. സംശയത്തിന്റെ പേരിൽ മെഡിക്കൽ കോളേജിലെ വൈറോളജി ലാബിൽ നിപ്പ പരിശോധന നടത്തുകയായിരുന്നു. ഈ ഫലം പോസിറ്റീവായിരുന്നു. അതേസമയം, പാലക്കാട് മണ്ണാർക്കാട് നാട്ടുകൽ സ്വദേശിയായ 38 കാരി നിപ ലക്ഷണങ്ങളോടെ പെരിന്തൽമണ്ണയിലെ സ്വകാര്യ ആശുപത്രിയിൽ ചികിത്സയിലാണ്. അവരുടെ നില ഗുരുതരമാണ്. കോഴിക്കോട് മെഡിക്കൽ കോളേജിൽ നടത്തിയ പ്രാഥമിക പരിശോധനയിൽ ഇവർക്ക് നിപ ബാധയുണ്ടെന്ന് കണ്ടെത്തി. സ്രവം…

കൊച്ചി : സംസ്ഥാനത്ത് ഇന്ന് കെ എസ് യുവിന്റെ വിദ്യാഭ്യാസ ബന്ദ് . കഴിഞ്ഞ ദിവസം സെക്രട്ടറിയേറ്റിലേയ്ക്കുള്ള കെ.എസ്‌.യു. മാർച്ചിലുണ്ടായ സംഘർഷത്തിന്റെ പശ്ചാത്തലത്തിലാണ് വിദ്യാഭ്യാസ ബന്ദ്. പൊലീസും, പ്രവർത്തകരും തമ്മിൽ ഇന്നലെ മാർച്ചിനിടെ ഏറ്റുമുട്ടിയിരുന്നു. പൊലീസ് ലാത്തിചാർജിൽ നിരവധി പ്രവർത്തകർക്ക് പരിക്കേറ്റു.ഇതിൽ പ്രതിഷേധിച്ചാണ് ഇന്ന് വിദ്യാഭ്യാസ ബന്ദ് എന്ന് കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യർ അറിയിച്ചു. കേരള സാങ്കേതിക സർവകലാശാല വിദ്യാർത്ഥി വിരുദ്ധമായി നടപ്പാക്കിയ ഇയർ ബാക്ക് സിസ്റ്റം പിൻ വലിക്കുക, മുടങ്ങിക്കിടക്കുന്ന എല്ലാ യൂണിവേഴ്സിറ്റികളുടെയും വി സി നിയമനം നിയമവിധേയമായി പൂർത്തിയാക്കുക, തുടങ്ങിയ വിഷയങ്ങൾ ഉന്നയിച്ചായിരുന്നു സമരം.