തിരുവനന്തപുരം: എൽഡിഎഫ് പ്രകടന പത്രിക പുറത്തിറക്കിയതിന് പിന്നാലെ വലിയ വാഗ്ദാനങ്ങളുമായി യുഡിഎഫും പ്രകടന പത്രിക പുറത്തിറക്കി. രാവിലെ 10 മണിക്ക് കൊച്ചിയിൽ നടന്ന ചടങ്ങിൽ തെലങ്കാന മുഖ്യമന്ത്രി രേവന്ത് റെഡ്ഡിയാണ് പ്രകടന പത്രിക പുറത്തിറക്കിയത്. ‘കേരളം വിജയിക്കും, യുഡിഎഫ് നയിക്കും’ എന്നതാണ് യുഡിഎഫിന്റെ മുദ്രാവാക്യം. പ്രകടന പത്രികയിലെ പ്രധാന മുൻഗണന ഇന്ദിര ഗ്യാരന്റിയാണ്. പ്രകടനപത്രികയിലെ വാഗ്ദാനങ്ങൾ കൃത്യമായി നടപ്പിലാക്കുന്നുണ്ടോ എന്ന് പരിശോധിക്കാൻ പ്രത്യേക ശാക്തീകരണ സമിതി രൂപീകരിക്കുമെന്നും യുഡിഎഫ് നേതാക്കൾ പറഞ്ഞു.
സ്ത്രീകൾക്ക് കെഎസ്ആർടിസി ബസുകളിൽ സൗജന്യ യാത്ര, കോളേജ് വിദ്യാർത്ഥികൾക്ക് പ്രതിമാസ ധനസഹായം 1000 രൂപ , ക്ഷേമ പെൻഷനുകൾ 3000 രൂപയായി ഉയർത്തും , എല്ലാ കുടുംബങ്ങൾക്കും ഉമ്മൻ ചാണ്ടി സൗജന്യ ആരോഗ്യ ഇൻഷുറൻസ് 25 ലക്ഷം രൂപ വരെ , ബിസിനസ് ആരംഭിക്കാൻ യുവാക്കൾക്ക് 5 ലക്ഷം രൂപയുടെ പലിശരഹിത വായ്പ, മുതിർന്ന പൗരന്മാരുടെ ക്ഷേമത്തിനായുള്ള പ്രത്യേക വകുപ്പ് , മിഷൻ മാരിടൈം, വ്യോമയാന വികസനം, എംഎസ്എംഇ സംരംഭങ്ങൾ, ജോബ് വാച്ച് ടവർ, വയനാട് ട്രൈബൽ യൂണിവേഴ്സിറ്റി എന്നിവ സ്വപ്ന പദ്ധതികളാണെന്ന് പത്രികയിൽ പറയുന്നു.
ഇന്ത്യയിലും വിദേശത്തും പഠിക്കാൻ അർഹരായ കുട്ടികൾക്ക് കെആർ നാരായണൻ സ്കോളർഷിപ്പും വായ്പ സ്കോളർഷിപ്പും. അംഗൻവാടി കേന്ദ്രങ്ങളിലെ കുട്ടികൾക്ക് പാദവാർഷിക മെഡിക്കൽ പരിശോധന , ആശാ വർക്കർമാരുടെ മിനിമം ദിവസവേതനം 700 രൂപയായി ഉയർത്തും, ബിപിഎൽ രോഗികൾക്ക് സൗജന്യ ഡയാലിസിസ് ,
കുറഞ്ഞ നിരക്കിൽ ഡയാലിസിസ് രോഗികൾക്ക് തുടർ ചികിത്സ എൽപിജി തൊഴിലാളികൾക്കുള്ള ഓണറേറിയം വർദ്ധിപ്പിക്കും , കുടുംബശ്രീക്ക് സമാനമായി യുവാക്കൾക്ക് യുവശ്രീ, കമ്മ്യൂണിറ്റി അടുക്കള വികസിപ്പിക്കും , കേരളത്തെ ലോകോത്തര ആരോഗ്യ കേന്ദ്രമാക്കി മാറ്റും , എല്ലാ പഞ്ചായത്തുകളിലും അടിയന്തര ചികിത്സാ സൗകര്യങ്ങളുള്ള ആംബുലൻസ് , പൊതു ആരോഗ്യ കേഡർ പൂർത്തിയാക്കും, പോണ്ടിച്ചേരിയിലെ ജിപ്മെറിന്റെ മാതൃകയിൽ ബിൽ രഹിത ആശുപത്രികൾ, കേരളത്തിൽ മൊബൈൽ കീമോതെറാപ്പി യൂണിറ്റുകൾ , ദരിദ്ര കുടുംബങ്ങളിലെ സ്ത്രീകൾക്ക് സൗജന്യ മാമോഗ്രാം , ഓൺലൈൻ ടാക്സി കസ്റ്റമർ കെയർ , സർക്കാർ ആശുപത്രികളിലെ എല്ലാ രോഗികൾക്കും 24/7 കിടക്കകൾ എന്നിവയാണ് യുഡി എഫിന്റെ പ്രധാന വാഗ്ദാനങ്ങൾ.
