ന്യൂഡൽഹി: ജോർജിയയിലെ മൗണ്ടൻ റിസോർട്ടിൽ ഇന്ത്യക്കാരായ 12 പേരെ മരിച്ച നിലയിൽ കണ്ടെത്തി. ഗുഡൗരി റെസ്റ്റോറൻ്റിൻ്റെ രണ്ടാം നിലയിലെ കിടപ്പുമുറിയിലാണ് 12 മൃതദേഹങ്ങൾ കണ്ടെത്തിയത് . മരിച്ചവരെല്ലാം ഒരേ ഇന്ത്യൻ റസ്റ്റോറൻ്റിലെ ജീവനക്കാരാണ്. കാർബൺ മോണോക്സൈഡ് വിഷബാധയേറ്റാണ് ഇവർ മരിച്ചതെന്നാണ് സൂചന.
ഇവരുടെ ശരീരത്തിൽ മറ്റു മുറിവുകളോ പരുക്കുകളോ ഇല്ല. മരണകാരണം കൃത്യമായി കണ്ടെത്തുന്നതിനുള്ള ഫൊറൻസിക് പരിശോധനകൾ നടന്നു വരികയാണ്.വെള്ളിയാഴ്ച രാത്രി വൈദ്യുതി മുടങ്ങിയതിനെ തുടർന്ന് ജനറേറ്റർ ഓണാക്കിയതായി പ്രാഥമിക അന്വേഷണത്തിൽ പറയുന്നു.അടച്ചിട്ട മുറിയിൽ പ്രവർത്തിച്ച ജനറേറ്ററിൽ നിന്നുയർന്ന പുക ശ്വസിച്ചായിരിക്കാം ഇവർ മരിച്ചതെന്നാണ് നിഗമനം
സംഭവത്തിൽ അഗാധമായ അനുശോചനം അറിയിക്കുന്നതായി ടിബിലിസിയിലെ ഇന്ത്യൻ എംബസി അറിയിച്ചു.
Discussion about this post
