ഇടുക്കി: മകന്റെ ശാരീരിക പീഡനത്തെ തുടർന്ന് ചികിത്സയിലായിരുന്ന മുതിർന്ന സിപിഎം നേതാവ് ആണ്ടവർ (84) മരിച്ചു. കജനപ്പാറ സ്വദേശിയും രാജകുമാരി പഞ്ചായത്ത് മുൻ വൈസ് പ്രസിഡന്റുമായിരുന്നു ആണ്ടവർ. സംഭവത്തിൽ മകൻ മണികണ്ഠനെ പോലീസ് അറസ്റ്റ് ചെയ്തു. ദീർഘകാലമായി സിപിഎം രാജാക്കാട് ഏരിയ കമ്മിറ്റി അംഗമായിരുന്നു ആണ്ടവർ . 24 ന് രാത്രി 11 മണിയോടെയാണ് മകൻ ആണ്ടവരെ മർദ്ദിച്ചത്.
തർക്കത്തെത്തുടർന്ന്, മണികണ്ഠൻ ആണ്ടവറുടെ തലയിലും മുഖത്തും ടേബിൾ ഫാനും ഫ്ലാസ്കും ഉപയോഗിച്ച് അടിച്ചു. സംഭവസമയത്ത് വീട്ടിൽ ആരും ഉണ്ടായിരുന്നില്ല. ഗുരുതരമായി പരിക്കേറ്റ ആണ്ടവറെ ആദ്യം തേനി മെഡിക്കൽ കോളേജിലും പിന്നീട് മധുര മെഡിക്കൽ കോളേജിലും പ്രവേശിപ്പിച്ചു. മധുര മെഡിക്കൽ കോളേജിൽ തീവ്രപരിചരണ വിഭാഗത്തിൽ ചികിത്സയിലായിരുന്നു. പോസ്റ്റ്മോർട്ടത്തിന് ശേഷം മൃതദേഹം കുടുംബത്തിന് കൈമാറും.
Discussion about this post
