വയനാട്: മേപ്പാടിക്കടുത്ത് കല്ലടി തുരങ്ക പാതയിലുണ്ടായ മണ്ണിടിച്ചിലിൽ ഒരാളുടെ മൃതദേഹം കൂടി കണ്ടെടുത്തു. ഇതോടെ ദുരന്തത്തിൽ മരിച്ചവരുടെ എണ്ണം ഏഴായി .രാവിലെ നടത്തിയ തിരച്ചിലിൽ മണ്ണിടിച്ചിലുണ്ടായ സ്ഥലത്ത് നദിക്ക് സമീപത്ത് നിന്നാണ് മൃതദേഹം കണ്ടെത്തിയത്. മരിച്ചയാളെ തിരിച്ചറിഞ്ഞിട്ടില്ല.
പരിക്കേറ്റ അഞ്ച് പേർ ചികിത്സയിൽ തുടരുകയാണ്. വയനാട് ഉൾപ്പെടെ അഞ്ച് ജില്ലകളിൽ ഇന്ന് യെല്ലോ അലേർട്ടാണ് . അപകടവുമായി ബന്ധപ്പെട്ട വസ്തുതാന്വേഷണ റിപ്പോർട്ട് സർക്കാർ ഇന്ന് ഹൈക്കോടതിയിൽ സമർപ്പിക്കും . എൻ ഡി ആർ എഫിന്റെയും, ഫയർഫോഴ്സിന്റെയും 30 അംഗ സംഘം ഇന്ന് പുഴയിൽ തെരച്ചിൽ നടത്തുമെന്ന് മന്ത്രി എ പി അനിൽ കുമാർ പറഞ്ഞു. ചൂരല്മലയില് രക്ഷാപ്രവര്ത്തനം നടത്തിയ തുര്ക്കി ജീവന് രക്ഷാസമിതി കൂടി തിരച്ചിലിനായി എത്തും.
ഭാരമേറിയ യന്ത്രങ്ങൾ ഉപയോഗിച്ച് വൻതോതിൽ അവശിഷ്ടങ്ങൾ നീക്കം ചെയ്യുന്നതിലാണ് ഇപ്പോൾ ശ്രദ്ധ കേന്ദ്രീകരിക്കുന്നതെന്ന് അദ്ദേഹം പറഞ്ഞു . റോഡിന് ഇരുവശവും കൂടിക്കിടക്കുന്ന മണ്ണ് ചൂരൽ മലയിലേയ്ക്ക് മാറ്റും. മണ്ണ് മാറ്റാൻ ആകില്ലെന്നാണ് കൊങ്കൺ റെയിൽ വേയുടെ നിലപാട്. വിദഗ്ധാഭിപ്രായം ആരാഞ്ഞ ശേഷമാകും സർക്കാർ ഇക്കാര്യത്തിൽ തീരുമാനമെടുക്കുക.
